Kukësi, Kastrioti dhe Vllaznia kanë qenë skuadrat me të cilat ai ka tentuar të luajë. Pas eksperiencës me Burrelin, ku luajti pjesën e dytë të sezonit, në Ballsh janë bindur t’i japin një mundësi Kasapis. Ballshiotët gjatë kësaj periudhe nuk kanë qenë aktivë në merkato, por duket se kanë nisur të lëvizin.

Trajneri Veljko Dovedan e ka thënë hapur se bazën e ekipit e ka, por sigurisht që është e nevojshme të bëhen edhe 3-4 ndërhyrje. Drejtuesit e dinë mirë se skuadra ka nevojë edhe për ndonjë element cilësor, me eksperiencë, që të ndihmojë skuadrën të marrë rezultatet dhe të rinjtë të rriten.

Fillimi i muajit korrik pritet të sjellë zhvillime dhe presidenti Besnik Kapllanaj është nga ata që nuk kursehet, ndërkohë që duhet thënë se edhe me prurjet nga jashtë shpesh ka qëlluar. Mbetet për t’u parë se si do të operojë këtë herë në merkato.

Tashmë në Shkodër ka mbërritur një tjetër mbrojtës dhe ai është Ilia Kasapi. Nuk është një emër i panjohur, pasi pa u mbyllur kampionati ai tentoi t’i bashkohej skuadrës së Kukësit. Për disa ditë ish-trajneri Peter Pakult e vëzhgoi nga afër, por nuk u bind nga cilësitë e mbrojtësit.

Me një të shkuar në Greqi, Kasapi provoi më pas të tregonte vlerat e tij te Kastrioti. Trajneri Elvis Plori, veçse në stërvitje e pa edhe në miqësore. Në fund nuk iu ofrua një kontratë. Tanimë mbrojtësi qendror do të vëzhgohet edhe nga Hasan Lika, që do të vendosë nëse vlen apo jo për ta mbajtur te Vllaznia.