Konte paralajmëron Ikardin se nuk do e bëjë pjesë të listës së lojtarëve për Serinë A dhe Champions League. Një kërcënim i qartë për ta bërë të largohet. Sulmuesi nuk e mendon aspak largimin. Ai kërcënon klubin se do i hedhë në gjyq nëpërmjet avokatëve të tij, në rast se materializohet ky kërcëmin i klubit.

Marota do synojë shitjen e menjëhershmë të Ikardit te Napoli. Qëllimi është mbledhja e fondeve për të siguruar para, në mënyrë që të ofrojnë një propozim më të madh se Paratiçi e Nedved për Lukakun. Për momentin bëhet fjalë për një propozim prej 50 milionë eurosh.

Klubi verdhekuq janë gati të japin 30 milionë euro plus kartonin e Xhekos për t’i mbushur mendjen Interit të lërë të lirë yllin e tyre. Sulmuesi boshnjak është një prej dëshirave të Kontes që në fillimin e kësaj merkatoje.

Kryeqytetasit e vlerësojnë Xhekon rreth 20 milionë euro, kështu oferta arrin shifrën e 50 milionë eurove. Juventusi së fundmi propozoi 40 milionë. Preferenca e Ikardit është akoma “Zonja e Vjetër”. Ndërkohë Roma i propozon 5 milionë euro në sezon.

Në një intervistë për “Corriere Dello Sport”, producenti i njohur shpjegon si qëndron situata me sulmuesin argjentinas, ndërsa zbulon dhe se ku kanë ngecur negociatat për transferimin e Hamez Rodrigez në Napoli.

“Muaro Ikardi është një lojtar shumë i mirë. Ne e vlerësojmë jashtëzakonisht shumë, kjo s’ka vend për diskutim, por ai kërkon të shkojë te Juventusi”.

“Hamez Rodrigez është lojtari më i njohur mediatikisht pas Nejmarit dhe Ronaldos. Ai kërkon të vijë në ekipin tonë, por Reali kërkon shumë për kartonin e tij. Ne s’mund t’i kalojmë limitet tona. Presim që të na ofrohet një çmim i arsyeshëm “.

Presidenti De Laurentis ka bërë gati ofertën për të. Klubi i kaltër ofron 60 milionë euro për 26-vjeçarin. Të kaltrit mendojnë se vlera e Ikardit ka rënë pas gjithë atyre polemikave dhe mosaktivizimit të lojtarit. Sipas burimeve të brendshme të klubit napolitan, Interi duhet të reflektoje dhe ta shesë sulmuesin para se të ulet edhe më shumë vlera.
Përtej interesit të Napolit, dëshira aktuale e Ikardit quhet Juventus. Bashkimi me një legjendë si Ronaldo dhe formimi i një dysheje të frikshme është ajo që e intrigon me tepër. Mediet vendase shkruajnë se mes Juves dhe Uanda Narës kanë nisur negociatat. Në rast të pakënaqësive pas kësaj nuk përjashtohet aspak mundësia e kalimit në Napoli.

Vendimi i tij është të qëndrojë te Interi. Kështu ka një kundërshti mes skuadrës dhe lojtarit. Drejtuesit kanë kërkuar një takim me Ikardin, por ky i fundit ka refuzuar. Marota i ka bërë të qartë gruas dhe menaxheres së 26-vjeçarit, Uanda Nara për të shqyrtuar ofertat që vijnë drejt tij.

Nëse situata nuk zgjidhet, trajneri Konte nuk do e bëjë pjesë të ekipit argjentinasin në turet verore të Kinës dhe Singaporit. Juventusi po e vëzhgon situatën. Kampionët kërkojnë një qendërsulumes dhe Ikardi është zgjedhja e parë e tyre.

JUVENTUS – Duke filluar me Juventusin, një marrëveshje shkëmbimi që do të shihte Paulo Dibalën të transferohet në Milano, është përfolur prej kohësh dhe shefi ekzekutiv i Interit, Xhuzepe Marota, shihet si njeriu i duhur për ta kryer këtë transferim.

NAPOLI – Presidenti Aurelio De Laurentis është një admirues i 26-vjeçarit argjentinas, por paga e lartë e Ikardit mund të jetë një pengesë për të kaltrit dhe është e vështirë të thuhet nëse ky transferim do të ndodhë.

ROMA – Verdhekuqtë gjithashtu kanë treguar interes për firmën e Ikardit. Kryeqytetasit nuk janë në Ligën e Kampionëve dhe po kërkojnë të ulin sa më shumë shpenzimet, kështu që një lëvizje për Ikardit nuk përputhet saktësisht me ambiciet e tyre.

ATLETIKO – Së fundi, është futur në garë dhe Atletiko Madrid. Skuadra e Diego Simeones është në kërkim të një sulmuesi dhe po e konsideron argjentinasin si lojtarin e duhur. Ikardi gjithmonë e ka dashur një të ardhme në Madrid, por jo me Atletikon, pasi ëndërron të luajë për Real Madridin. Ky faktor mund të jetë pengesë, por Atletiko nuk duket e dorëzuar.

“Ikardi është një lojtar i shkëlqyer dhe shoku ynë. Do të shohim se ç’do të ndodhë. Nëse qëndron do të gëzoheshim shumë. Spaleti është një person dhe trajner i mrekullueshëm, por klubi bëri zgjedhjet e veta. Tani është Konte, me të ka synime të reja. Duam të luftojmë për fitimin e titullit.”

“Sezoni im te Inter? Gjithmonë mund të bëjmë më mirë. Jemi të kënaqur që arritëm të kualifikoheshim në Champions League. Rezultatet e fundit nuk ishin ato që dëshironim, por fatmirëshisht ja arritëm qëllimit. Godin do të na përmirësojë? Gjëja më e rëndësishme është të krijojmë një skuadër kompetitive”, u shpreh Skriniar.

Në fillim u përfol se 33-vjeçari do t’i bashkohej skuadrës nga Milani për një shumë që nuk i kalon 12 milionë eurot. Megjithatë, “Sky Sports” raporton se në tryezë është dhe Mauro Ikardi.

Presidenti i Romës, Xhejms Palota, po mendon të ndërmarrë një risk të madh financiar duke afruar në kryeqytet sulmuesin argjentinas. Vlera e Ikardit ka rënë ndjeshëm gjatë muajve të fundit çka bën të shpresojë kampin. Për momentin nuk bëhet ende e ditur shuma që Roma ka ofruar krahas kartonit të Xhekos.

Paraqitja e fundit me Argjentinën për yllin e Interit daton me 21 nëntor të vitit të shkuar, në një ndeshje kundër Meksikës. Me Ikardin jashtë, Skaloni i ka besuar Agueros, Lautaro Martinezit, Mesit, Dibalës dhe Suarezit të River Plejt. Lista e plotë e “Abiçelestëve”:

Portierë: Armani (River Plejt), Andrada (Boka Zhuniors), Markesin (Klub Amerika).

Mbrojtës: Akunja (Sporting), Kasko (River Plejt), Foith (Totenhem), Funes Mori (Vijareal), Otamendi (Man. Siti), Pezela (Fiorentina), Saravia (Rasing), Taljafiko (Ajaks).

Mesfushorë: De Paul (Udineze), Di Maria (PSG), Lo Celso (Betis), Palasios (River Plejt), Paredes (PSG), Pereira (Uatford), Rodrigez (Klub Amerika).

Sulmues: Aguero (Man. Siti), Dibala (Juventus), Lautaro Martinez (Inter), Mesi (Barcelona), Suarez (River Plejt).

Ai ka dashur të qetësojë tifozët zikaltër, duke zbuluar se i ka përsëritur disa herë drejtuesve të klubit dëshirën për të qëndruar. Interin e cilëson si familjen e tij. Koha do të tregojë gjithçka dhe atëherë do të binden edhe ata që sot nuk besojnë më tek Ikardi.

“Meqë shtypi ka nxjerrë lajme që nuk kanë lidhje me atë çfarë mendoj unë, dua t’u bëj të ditur tifozëve që i kam përsëritur disa herë drejtuesve të Interit dëshirën për të qëndruar. Nuk dua të ketë më keqkuptime. I kuptoj interesat e medieve për të shitur lajme false, por nuk mund të bëj më shumë sesa të sqaroj gjithçka personalisht. E përsëris: ia kam shprehur klubit dëshirën për të qëndruar, sepse Interi është familja ime. Koha do të tregojë se kush ka të drejtë. Forca Inter, përgjithmonë”, përfundon Mauro Ikardi.

Ngjyra bardhezi e fotografive lidhet me transferimin e sulmuesit te Juventusi dhe ultrasit zikaltër janë të bindur për diçka të tillë. Agjentja e argjentinasit sqaron të vërtetën, ndërsa ka një koment edhe për barazimin pa gola kundër Udinezes.

“Fotot me Mauron janë vetëm për punë, asgjë tjetër. Vendosëm t’i bënim bardhezi, por mesazhi nuk ka asnjë referencë. Unë punoj me rrjetet sociale, jetoj me këto poza dhe nuk është aspak problem për Mauron. Nuk ishte momenti i duhur? Nuk e zgjedhim ne shkrepjen e pozave, por janë edhe dy foto që nuk janë publikuar akoma. Një set fotografik nuk hedh poshtë 130 gola dhe Ikardi nuk ka harruar të luajë futboll. Në ndeshjen kundër Udinezes mungon një penallti. Mauro e ka këmbën e nxirë, nuk e kuptoj se si nuk e përdorën VAR-in“, përfundon Uanda Nara.

Një pagë vjetore neto prej 8.5 milionë eurosh dhe 3.5 milionë euro të tjera në formë bonusesh të bazuara në paraqitjet dhe arritjet e klubit. Kohëzgjatja e kontratës do të jetë për 5 sezone.

Interes për Ikardin ka shfaqur së fundmi edhe Mançester Junajtid. Në Angli kanë filluar të qarkullojnë lajme për një ndërrim Lukaku-Ikardi, por situata pritet të qartësohet në muajt në vazhdim.

Interi nga ana e tij është i qartë për dëshirat e veta. Klubi nga Milano është gati të nisë sulmin për Moize Ken. 19-vjeçarit i përfundon kontrata me Juven në fund të sezoni të ardhshëm, ndërsa rinovimi nuk ka ardhur ende.

Marota dhe Auzilio janë takuar me Milano Rajolën. Marrëdhëniet me agjentin e sulmuesit janë përmirësuar dhe Ken shihet si përforcimi i duhur për repartin ofensiv. Juventusi do tentojë rinovimin, pasi nuk mund të humbasë me parametra zero një futbollist me potencialin e tij.

Megjithatë, “zonja e vjetër” mund të përfshijë sulmuesin me origjinë nga Bregu i Fildishtë në tratativën për të dërguar mbrojtësin sllovak në Torino, ndërsa Interi mund të kënaqet duke përforcuar sulmin me një lojtar të ri, potent, të uritur dhe mbi të gjitha që shënon gola.

Ai sugjeron që Interi duhet të largojë nga ekipi dyshen Ikardi-Perishiç, madje nuk duhet të ketë asnjë dyshim për diçka të tillë. Më pas një replikë me Uanda Narën, gruan dhe agjenten e Mauro Ikardit, si dhe një koment për golin e Raxha Naingolan kundër Juventusit.

“Interi duhet të bëjë vetëm diçka në qershor: duhet t’i nisë për shtëpi Ikardin dhe Perishiç. Është një problem i thjeshtë. Rrëmujën e bëri i pari Perishiç dhe më pas  ti (i drejtohet Uanda Narës, e cila i përgjigjet se po flet miku i Spaletit). Miqtë e mi ndodhen në Bari. Nuk kam miq në botën e futbollit. Goli i Naingolan? Çfarë gafe e Shezinit…”, përfundon Antonio Kasano.

Së fundmi, tekniku italian bëri disa komente mbi raportin që ekziston midis Luçiano Spaletit dhe Mauro Ikardit, ndër të tjera Panuçi diskutoi dhe mbi opsionet e së ardhmes të ketyra dy figurave të rëndësishme të klubit të Interit.

“Ne nuk mund të futemi në çështje brenda familjes, por kapiteni duhet të jetë dikush që të tregojë vlerat e tij kur futet në dhomën e zhveshjes. Personalisht besoj se nëse Spaleti vazhdon të jetë trajneri i Interit, do të jetë e vështirë që Ikardi të qëndrojë”.

“Kam punuar me Luçianon kur kam qenë lojtarë. Është një ndër më të mirët. Këtë sezon mund të qortohet vetëm për eliminimin në fazën e grupeve të Champions-it. Një njeri si Spaleti fillon të ndryshojë vetëm nëse fillon të ketë probleme me dhomën e zhveshje. Nëse do të vijë Konte, ai do të ketë bërë gati një listë shpenzimesh. Të mos harrojmë refuzoi Real Madridin”.

“Nëse ai ikën në Torino, kush do të largohet. Duhet një emër. Dibala për shembull. Por Juventusi në këto momente ka në nevojë mbi të gjitha për një mbrojtës. Ikardi është një lojtar i madh, që gjithmonë ka lënë shenjë në fushë”.

Tek Interi nuk duan të mbesin të papërgatitur dhe kanë nisur punën për gjetjen e një bomberi. Tre janë alternativat dhe dëshirat: Edin Xheko, Romeo Lukaku dhe Duvan Zapata.

Boshnjaku i Romës pëlqehet shumë nga dyshja Marota-Auzilio dhe ai shihet si partneri i duhur për rritjen e Martinez, Negociatat me lojtarin kanë nisur prej kohësh. Xheko është dakord për t’u transferuar tek Interi, që ofron 10-15 milionë euro, ndërsa Roma kërkon 25-30 milionë euro për 33-vjeçarin. Akordi mund të arrihet edhe me përfshirjen e ndonjë lojtari në tratativa.

Romeo Lukaku është i preferuari i madh i Antonio Kontes. Ai ka shënuar 12 gola sivjet me “Djajtë e Kuq”. Dëshira e sulmuesit belg është për t’u larguar, ndërsa Serie A e tundon prej kohësh. Problem mbetet kartoni i lartë prej 70-80 milionë eurosh dhe rroga prej 10 milionë eurosh në sezon.

Në fund kolumbiani i Atalantës. Zapata dhe shokët e tij po shijojnë një super sezon. Sulmuesi gjeti golin e 26-të për këtë sezon kundër Napolit. Ai është i huazuar deri në vitin 2020 tek Atalanta, ndërsa për t’ia “vjedhur” nga duart ekipit bergamask nevojiten të paktën 45 milionë euro.

E ardhmja e tij- “Kam folur me drejtuesit. Nuk do të ketë asnjë keqardhje në fund. Çdo gjë do të vendoset nga arritja e objektivave. Ka harmoni në grup dhe do të bëjmë maksimumin për të arritur qëllimet tona.”

Postimi në Instagram- “Shkruajta për t’i dhënë rëndësi punës dhe profesionalizmit të lojtarëve. Të qëndrojnë me këmbë në tokë dhe të mendojnë vetëm për të tashmen.”

Lajmet për zëvëndësimin e tij- “Nuk do të komentoj asgjë rreth asaj që është shkruar për stolin e Interit. Mediat shkruajnë shumë gjëra, që mund të jenë edhe gënjeshtra.”

Lautaro dhe Ikardi- “Lautaro është rikuperuar nga dëmtimi dhe është gati për të luajtur. Ai dhe Mauro kanë karakteristika të ndryshme. Mauro është më i mirë në zonën e rreptësisë. Martinez e luan më mirë topin dhe vjen e merr atë edhe mbrapa.”

Një episod i këndshëm ka ndodhur në konferencat për shtyp të trajnerëve pas përfundimit të ndeshjes. Luçiano Spaleti ka qenë duke u përgjigjur pyetjeve, ndërsa Xhan Piero Gasperini ka qenë duke pritur në radhë për të dalë përpara gazetarëve.

Trajneri i Interit ka përfituar për të bërë pak gallatë dhe për t’iu shmangur pyetjeve për Ikardin. Spaleti ftoi kolegun e tij të ulej dhe sapo Gasperini mori vendin e tij, trajneri i Interit pyeti në mënyrë ironike: “Ikardi? Ju përgjigjet ky”, duke iu drejtuar trajnerit të Atalantës.

Ky i fundit e mbajti lojën dhe u përgjigj: “T’i tregoj çfarë më ka thënë?”. Në sallë shpërthyen të qeshurat, ndërsa Spaleti u largua mes buzëqeshjeve dhe i la vendin Gasperinit.

Një nga pengjet më të mëdha të futbollit italian analizon mendimin e tij në prononcimin e dhënë për “Tiki Taka”. Kasano e cilëson ish-kapitenin një lojtar goli dhe aspak lojtar skuadre. Ai vlerëson cilësitë e Martinezit, ndërsa tregon dhe dëshirat e Luçiano Spaletit, trajnerit zikaltër.

“Interi luan me skemën 4-2-3-1, pra me një sulmues në majë. Ikardi dhe Martinez nuk mund të luajnë së bashku. Nëse do të varej nga Spaleti, do të luante Martinez, sepse ai preferon sulmues që luajnë për skuadrën. Lautaro po paraqitet mirë, është 20 vjeç dhe duhet të luajë titullar, pasi është më i fortë se Ikardi.

Mauro shënon dhe kaq. Trajnerit i pëlqejnë sulmues si: Xheko, Benzema dhe Levandovski. Ikardi është si Inzagi. Mendoj se Spaleti preferon më shumë një sulmues si Martinez, të cilin do e aktivizonte dhe para Piatekut. Ka lojtarë që shënojnë gola, ka edhe nga ata që shënojnë dhe luajnë për skuadrën.”

Disa fansa e pritën krahëhapur, duke shpalosur një banderolë me mbishkrimin “Mirëse u ktheve kapiten”. Megjithatë, polemikat e muajve të fundit kanë ndarë në dy kampe tifozerinë zikaltër dhe kjo u bë e qartë me kalimin  e minutave në takimin ndaj Atalantës.

Gjatë momentit të leximit të emrit të Ikardit nga folësi i stadiumit nuk munguan vërshëllimat nga mijëra tifozë, ndërsa më pas situata e përkeqësua, teksa një pjesë e ultrasve filloi të bërtiste në kor: Mercenar! Ky kor solli reagimin e disa tifozëve të tjerë në tribunën “Curva Nord”, që filluan të vërshëllenin korin ofendues.

Ultrasit e Interit, të njohur si “Curva Nord”, kanë dalë me një komunikatë. Ata konfirmojnë faktin që nuk do të tërhiqen: Ikardi për ta nuk është e ardhmja dhe as e tashmja.

REAGIMI I ULTRASVE ZIKALTËR

“Në pritje të ndeshjes së nesërme, ne përsërisim pozicionin tonë dhe të anëtarëve tanë. Mendimi i grupimit është në sintezë me mendimin e anëtarëve tanë. Pikë. Zhvillimi i tifozllëkut gjatë ndeshjeve nuk është shprehje dhe as pasojë. Nuk jemi ne ata që duhet të thonë se çfarë duhet të bëjnë tifozët e tjerë në stadium. Nuk na interesojnë fare krahasimet se kush është më tifoz, e kush është më interist se tjetri.

Ne nuk bëjmë hapa pas sa i përket Ikardit. Ai nuk mund të jetë e ardhmja e Interit. Ai ia hapi vetë gropën vetes, duke refuzuar disa herë të veshë fanellën tonë me justifikime qesharake.

Për ne ka marrë fund koha e “dua, por nuk mundem”. Ne e shfaqem mendimin tonë në stadium kundër Xhenoas. Ne jemi tifozë. Shkojmë në stadium për të mbështetur Interin dhe për të dërguar ekipin drejt fitores. Jo për t’i dhënë më shumë rëndësi se duhet një figure për të cilin, e kemi shkruar prej kohësh fjalën FUND.“

“Ikardi? Si bashkëkombas është shumë i rëndësishëm për mua. Shpresoj që gjithçka të zgjidhet mes tij dhe klubit. Si brenda, ashtu dhe jashtë fushave, unë shkoj shumë mirë me të. Mauros i pëlqen shumë skuadra e Racing. I shohim bashkë disa herë ndeshjet, tani thjesht si tifozë.

Argjentina? Unë vetë dua të jap gjithmonë më të mirën, sidomos kur gjërat nuk po ecin ashtu siç duhet. Sfidat më motivojnë dhe kur kam një mundësi para meje, mundohem ta shfrytëzoj sa më shumë. Kështu është dhe te kombëtarja e Argjentinës. Kur jam në fushë, jap gjithmonë maksimumin, ndërsa në stërvitje vetëm mësoj, nga emra si Leo Mesi e shumë të tjetër, që i shoh me admirim”, përfundoi Martinez.

Argjentinasi u tregua i saktë nga pika e penalltisë dhe shënoi për herë të dhjetë dhjetë në kampionat. Ndërkohë që po festonte me shokët e ekipit, në sektorin e ultrasve zikaltër pllakosi heshtja.

Këta të fundit nuk ia kanë falur akoma atë sjellje dhe situatë të krijuar Ikardit. Në fillim nuk përtuan ta ofendonin atë, madje edhe gruan e tij, ndërsa te goli i shënuar tifozët vepruan ndryshe.

Një nga drejtuesit e grupimit jep urdhrin që të mos festojë askush dhe kështu ndodhi. Ish-kapiteni ka arritur të sigurojë paqen me drejtuesit, trajnerin dhe shokët e ekipit, ndërsa tani ka detyrën më të vështirë: i duhet të rifitojë zemrat e tifozëve.

Cena curiosa, Icardi bate o pênalti e faz o gol, alguns torcedores pensam em comemorar mas um dos puxadores da Curva Nord fala para a torcida não comemorar. pic.twitter.com/of4pnIEgoB

— Inter de Milão BRASIL (@interdemilaoBRA) April 3, 2019

Sulmuesi nuk luan prej muajsh, trajneri vlerëson punën e Bepe Marotës dhe analizon çështjen. Të gjithë kanë humbur, por për të mirën e Interit të gjithë duhet t’ia nisin nga zero. Fjalët nuk kanë rëndësi, nevojitet vetëm punë, stërvitje, djersë dhe një fitore kundër Xhenoas.

SITUATA – “Humbjet krijojnë gjithmonë mundësi për t’u rritur, pasi shtohet vëmendja. Mbetet hidhërimi i humbjes me Lacion, por kemi mundësi për të studiuar dhe për të punuar më mirë për ndeshjen me Xhenoan. Pres një lojë të ashpër nga ana e ekipit të Prandelit. Do të na duhet ta interpretojmë perfekt ndeshjen. Duhet të jemi gati fizikisht dhe pastaj të shfrytëzojmë teknikën tonë. Kemi kualitetet për ta fituar këtë ndeshje. Do të ketë disa ndryshime. Ata që nuk luajtën kundër Lacios janë stërvitur mirë.”

EKIPI – “Ndihemi më mirë, kemi rikuperuar futbollistë dhe kemi mundësi të ndryshme që na bëjnë të fortë. Dëmtimet e pësuar në ndeshjet e kombëtareve mbeten të vështira për t’u kapërdirë. Nuk është asnjëherë e thjeshtë të zëvendësosh Lautaro Martinezin dhe De Vrij. Duhet të jem i kujdesshëm nga sinjalet që më japin futbollistët.”

XHENOA – “Ata janë një skuadër e stërvitur mirë dhe kanë bërë gjëra të mira në ndeshjet e fundit. Të gjitha ndeshjet deri në fund të kampionatit janë të rëndësishme. Renditja është ngushtuar dhe na duhet rezultat pozitiv. Prandeli po nxjerr në pah cilësitë e tij dhe të ekipit që drejton. Do të jetë një betejë plot duele kundër Xhenoas. Duhet të kemi temperament dhe përgatitje fizike.”

IKARDI – “Mauro është grumbulluar për këtë ndeshje. Marota ka bërë një punë vendimtare. Ai bëri që palët të arrinin në një konfrontim real dhe jo virtual. Kjo gjë i jep mundësinë Ikardit që të ndihmojë skuadrën. Skuadra, tifozëria dhe trajneri janë tre komponentë, të cilët kanë zemër, sy dhe veshë. Ikardi vlen shumë për ne, më shumë se Mesi me Ronaldon bashkë, por me paktin që të përfshihet brenda skuadrës dhe të djersijë.

Nga kjo histori kemi dalë të gjithë humbur, askush nuk ka fituar. Le të rinisemi nga vendi i tretë dhe të arrijmë objektivin Champions me ndihmën e tifozëve tanë të jashtëzakonshëm. Do hasim vështirësi, por të bashkuar mund t’ia dalim. Ikardi nuk është në gjendje të ndihmojë ekipin nga jashtë, por ta karikojë nga brenda.”

KONTESTIMI I ULTRASVE – “Mauro është impenjuar në stërvitjet e fundit dhe mund të rifitojë besimin e tifozëve. Ai u stërvit të dielën, ndërsa të hënën luftoi fort në stërvitje bashkë me shokët. Ka djersitur dhe tifozët i kuptojnë sinjalet korrektë. Të gjithë duhet të punojmë për të mirën e Interit. Ne profesionistët që paguhemi nga klubi duhet të rreshtohemi në anën e klubit, skuadrës dhe tifozëve dhe jo një lojtari të vetëm.”

IKARDI TITULLAR? – “Nuk vlen shumë forma fizike, vlen koka. Mauro ka bërë reagimin e duhur. Kemi nevojë për një sulmues, jemi më të fortë me të. Ai do të luajë në formacion, të shohim më pas kur do e heqim nga loja, nëse do e zëvendësojmë.”

Fillimisht, Simoni tha se nuk kishte dëgjuar apo parë asnjëherë diçka të tillë gjatë gjithë karrierës së tij: “Rinovimi nuk duhet diskutuar në publik, por në zyrat e klubit. Ai dhe bashkëshortja e tij duhet ta kishin zgjidhur me kohë këtë problem, jo ta promovojnë në të gjithë mediat. Diçka që mua nuk më ka ndodhur kurrë dhe as nuk kam dëgjuar. Kjo çështje duhet të zgjdihet sa më parë!”

Ndërsa drejtori Gandini ishte më i ashpër në fjalët e tij: “Mua më duket sikur agjenti është më i rëndësishëm se ngjyrat e klubit. Interi është një skuadër e madhe dhe çështje të tilla janë të papranueshme. Mauro duhet të marrë një vendim vetë dhe të konsiderojë historinë e këtij klubi të madh, jo të lërë gruan e tij të bëjë çfarë të dojë me kontratat”.

Lajmi bëhet i ditur nga media e njohur italiane “Mediaset Sport”. Në rast se gjithçka shkon mirë Ikardi do të ketë mundësinë për të gjetur formën e duhur për të qenë gati për sfidën delikate të 31 marsit, ku Interi pret në “San Siro” Lacion.

Duke parë raportin e përkeqësuar me trajnerin Spaleti është shumë e vështirë që 26-vjeçari të rikthehet titullar në një kohë kaq të shkurtër, gjithsesi gjëja më e rëndësishme për Interin dhe lojtarin është që situata po shkon drejt normalitetit.

Këtë gjë e konfirmoi dhe vetë presidenti i klubit, Zhang, i cili foli për mediat italiane. Presidenti tha se Ikardi duhet të kthehet sa më shpejt në fushat e blerta dhe që të jetë pjesë e grupit. Po ashtu, numri një i zikaltërve dha dhe një datë se kur Ikardi do të jetë së bashku me ekipin: Jo më larg se të premten.

Edhe trajneri i Interit, Luçiano Spaleti pranoi se Ikardi e meriton të jetë pjesë e skuadrës: Mauro e meriton rikthimin. Ai është zikaltër dhe ne po presim me padurim rikthimin e tij. Jam gati për çdo detaj që mund ta zgjidhë këtë situatë. Duam të gjithë lojtarët të jenë të gatshëm për ekipin dhe Mauro nuk përbën përjashtim”, përfundoi Spaleti.

ELIMINIMI – “Kjo humbje nuk sjell me vete ndonjë alibi, as mungesën e lojtarëve, edhe pse në realitet mungojnë 9 dhe nuk është pak për një ekip me 23 futbollistë. Megjithatë, ishte një humbje nga e cila duhet të nxjerrim një mësim”.

OBJEKTIVAT E MBETURA – “Unë e konsideroj Interin ende në një fazë të rritjes së kompanisë, me siguri qëllimi i këtij sezoni mund të jetë vetëm vendi i katërt. Nuk është e lehtë për ta arritur atë, sepse ka konkurrentë të nivelit të lartë”.

DERBI – “Një ndeshje e rëndësishme, por jo vendimtare! Duhet të tregojmë cilësitë tona. Spaleti nuk ka përgjegjësi për rezultatet, por janë shumë faktorë që ndikojnë. Presim ndryshime të mëdha”.

IKARDI – “Nuk ka lajme dhe ky është gjithashtu një fakt që duhet të regjistrohet! Ne dimë gjithçka për këtë rast dhe nuk kam për të shtuar asgjë tjetër, por për të ardhmen e tij, unë jam gjithmonë optimist”,- u shpreh Marota.

“Tiki-Taka? Nuk bën për mua”, tha fillimisht Marota referuar emisionit të Uanda Narës. “Tani është shumë vonë të flasim për Ikardin. Ne ngrihemi në orën 7 të mëngjesit për punë dhe nuk kam nerva për këto pyetje. Kështu që boll më”, përfundoi Marota.

Interi dhe Ikardi duket se nuk do të bashkohen sërish, pavarësisht se ka pasur një takim miqësor mes përfaqësuesve të klubit zikaltër dhe gruas-agjente të Ikardit, Uanda Nara.

“Treguam sa cilësi kemi. Këtë paraqitje duhet të bëjmë gjithmonë. E treguam këtë gjë edhe në ndeshjen kundër Frankfurtit. Në fillim na kapën pak emocionet, por është diçka që ndodh. Gjithsesi duhet të tregohem i kujdesshëm me fjalët, nuk po them se ekipi u frikësua thjeshtë po tregoheshim më të kujdesshëm se ç’duhej. Jemi Interi dhe gjithmonë përpiqemi të fitojmë”.

“Ishte një ndeshje delikate, por goli i ndryshoi fytyrën ekipit. Për shembull, pas golit Galjardini, Dalbert dhe Zhoao Mario u shndërruan në lojtarë krejtësisht të ndryshëm. Të gjithë treguan se çfarë janë të aftë të bëjnë, nuk mund të lë pa përmendur dhe paraqitjen e mirë të Lautaro Martinez”.

Ikardi: “Nuk do të flas për të, pasi çdo gjë që unë them interpretohet keq. Duhet të jemi të bashkuar, vetëm kjo ka rëndësi”, përfundoi Spaleti.

“Luajtëm një ndeshje u treguam karakter dhe autoritet. Duhet të mendojmë më shumë për lojën se sa për rezultatin, pasi është një përballje me dy takime dhe rezultati ka rëndësi vetëm në fund. Pjesën e parë e menaxhuam mirë, ndërsa më pas kundërshtari na hapi punë. Janë një skuadër shumë fizike dhe në duelet për top hasëm vështirësi”.

PERISIÇ – “Ai ndjeu pak lodhje dhe kishte një shqetësim muskulor. Gjithsesi asgjë për t’u shqetësuar ai është si një kalë dhe dëmtime të tilla i kalon shpejt”.

PENALLTIA – “Brozoviç kërkoi ta gjuante penalltinë. Ai është i aftë të gjuajë penallitë si shumë lojtarë të tjerë të skuadrës, por secili nga ne mund të bëjë gabime.

IKARDI – “Kjo është një pyetje për Marotën, ai po flet me të. Unë fokusohem te lojtarët që kam në dispozicion. Kemi dhe shumë mungesa të tjera, por ju (mediave) nuk interesoheni kurrë për ata”.

Trajneri Spaleti tha para një jave se sulmuesi do të rikthehej të hënën ose të martën në stërvitje, por kjo gjë nuk ka ndodhur. “Sky Sports” raporton se sulmuesi nuk do të dalë në stërvitje as ditën e sotme.

Mungesa e Ikardit ka ndikuar në rezultatet e skuadrës zikaltër. Që prej vendimit për t’i hequr shiritin e kapitenit, skuadra e Interit ka arritur vetëm një fitore në tri takime të Serie A.

NDESHJA – “Mesa po shoh, jemi një ekip me shumë koklavitje. Nuk jemi të njëjta nga ndeshje në ndeshje ose gjatë periudhave të caktuara. Na ndodh që të bëjmë lojëra të një niveli shumë të lartë, ndërsa ndeshjen tjetër zhytemi krejtësisht. Nuk po arrijmë të jemi konstant me futbollin që duam të luajmë”.

ARBITRAT – “Po ka pasur disa probleme si ato që ndodhën në ndeshjen me Fiorentinën. Këto gjëra mund të ulin besimn te lojtarët, por nëse vesh këtë fanellë duhet të dish të përballosh situata të tilla”.

IKARDI – “E kam thënë gjithmonë se mënyra më e mirë për të treguar se e dashuron Interin është që të futesh në fushë. E përsëris, po presim që gjërat të qartësohen. Atij i duhet dhe një javë që të mbarojë planin e riaftësimit, që pritet t’i japë fund dhimbjes që ai po ndjen në gju. Pasi të mbarojë trajtimi ai dhe i dëmtuari tjetër Keita do të rikthehen në fushë”.

Më pas Spaleti u pyet nga paneli i “Sky Sports” se përse Ikardi nuk shtrëngon dot dhëmbët dhe të luajë me dhimbje siç kishte deklaruar në një letër të pak ditëve më parë. Kjo pyetje e acaroi teknikun toskan, i cili u përgjigj: Përse më pyesni ndryshe për Ikardin dhe ndryshe për Keitan. Përse nuk pyesni kur do të rikthehet Keita. Ju po sugjeroni se ka diçka që nuk shkon në sjelljen e tij, prandaj bëni këto lloj pyetjesh. Nëse nuk jeni të bindur, ky është problemi juaj”.

RANOKIA SULMUES – “Ai zëvendësim kishte të bënte me lojën që po zhvillonte Kaljari në pesë minutat e fundit. Në ato lloj rrethanash ishte e kotë të fusja një lojtar të shpejtë. Na duhej një lojtar i gjatë që shfrytëzonte me kokë harkimet e tona”, përfundoi trajneri i Interit.

Mesa duket “lufta” midis klubit dhe lojtarit do të vazhdojë, pasi asnjëra palë nuk po pranon “të hapë rrugë”. Në letrën e tij Ikardi bën apel që të merret një vendim për ta zgjidhur këtë situatë për të mirën e Interit.

LETRA E IKARDIT

“Është në kohët më të vështira ku dashuria e vërtetë tregohet. Në ato momente vendosa që të qëndroj tek Interi me Interin. Kur mendova se me objektivat e mi mund ta forcoja Interin. “

“Pavarësisht të gjithë vështirësve vendosa të qëndroj. Për dashurinë që kam për këto ngjyra kam refuzuar oferta që lojtarë të tjetë do ta kishin shumë të vështirë t’i thoshin jo”.

“Kam luajtur me dhimbje që më kanë bërë të lotoj në fund të ndeshjes dhe për ditë me radhë më pas, por përherë jam përpjekur të harroj çdo dhimbje për objektivin e vetëm për të dhënë gjithçka për këto ngjyra, për dashurinë që kam për ngjyrën zikaltër, pasi për mua ekziston vetëm Interi”.

“U kam mësuar fëmijëve të mi se gjithmonë duhet të shpresojnë. U kam mësuar se është e vështirë të fitosh, por ta bësh këtë me Interin ka një kuptim të veçantë, që vetëm një interist i vërtetë mund ta kuptojë dhe ndjejë. Sytë e fëmijëve të mi nuk gënjejnë”.

“Realizova ëndrrën time, realizova ëndrrën e  të gjithë ne interistëve, rikthimin në Champions League duke qenë kapiten i skuadrës. Gjithmonë kam qenë kundër atyre që kanë tentuar të ikin nga skuadra në rastin e parë që iu është dhënë. Kam respektuar tifozët, shokët e skuadrës, klubin dhe të gjithë trajnerët që kanë ardhur e ikur gjatë kohës sime këtu”.

“Kam bashkëpunuar me klubin, brenda dhe jashtë fushës. Kurdoherë që ka ardhur një lojtar i ri, u kam treguar se vetëm me pasion mund të arrijmë objektivat tanë”.

“Çdo sakrificë që kam bërë ka qenë për shkak të dashurisë për këto ngjyra dhe gjatë të gjithë kohës kam treguar respekt. Nuk e di, nëse kësaj radhe ka dashuri dhe respekt ndaj Interit dhe meje nga ana e atyre që marrin vendimet. Nuk e di a ka dëshirë nga dikush që të veprojë dhe t’i rregullojë gjërat vetëm e vetëm për hir të Interit”.

“Shumë gjëra mund të ndodhin në një familje, qofshin të këqija ose të mira. Në emër të dashurisë njeriut i duhet të bëjë shumë gjëra, por respekti s’duhet të mungojë. Këto janë vlerat e mira për të cilat kam luftuar gjithmonë gjatë historisë sime tek Interi”.

Përballë ish-futbollistit ishte gruaja e Ikardit, Uanda Nara, e cila nuk e priti aspak mirë këshilën e Kasanos.

Kasano: “I jap një këshillë Ikardit dhe ia thotë dikush që ka bërë plot idiotllëqe. Duhet të shkojë në dhomat e zhveshjes, të sqarohet me shokët, ose me trajnerin. Ai ka probleme me Spaletin dhe me disa lojtarë, kjo është e qartë tashmë. Duhet të sqarohet dhe të mbyllë gjithçka aty, sepse ai i duhet Interit dhe Interi i duhet atij. Nëse nuk ka pajtim, nuk ka më kthim pas”.

Uanda iu përgjigj ashpër: “Këto janë gjepura, si të shkojë në dhomat e zhveshjes, ai shkon përditë aty. Ku ka gabuar Ikardi, për çfarë të kërkojë falje dhe çfarë duhet të sqarojë?”.

Kasano ka një përgjigje origjinale kur pyetet se çfarë do të ndjente, nëse do të ishte në vend të argjentinasit dhe do i hiqnin shiritin e kapitenit. “Ashtu siç jam ndërtuar unë, do shkatërroja gjithçka, por duhet gjetur zgjidhja, pasi Ikardi nuk mund të qëndrojë pa luajtur deri në verë”, përgjigjet barezi i famshëm.

Wanda Nara and Icardi getting lessons in diplomacy and morals from Antonio Cassano.
“Tell your husband to apologise to his team-mates and sort this situation out before it’s too late!”

This is getting beyond ridiculous now ??https://t.co/RSeQk8UFtU

— Uncle $harma ?? (@RSharmzz) February 25, 2019

“Disa njerëz thonë se shiriti i kapitenti i pakuptimtë, por për Mauron (Ikardin) ishte s’i të hiqnin njërën këmbë se sa thjesht krahun. Ai vesh fanellën me kaq shumë krenari dhe nëse do të nevoja në të shkuarën për të zgjedhur midis parave dhe fanellës ai do të zgjidhte gjithmonë fanellën”

“Nuk më dhanë asnjë paralajmërim. Jam gjithmonë në kontakt me klubin, por e mora vesh lajmin për heqjen e shiritit të kapitenit nga një postim i klubit në rrjetet sociale. Kam pasur pak më parë një takim që zgjati tre orë për drejtuesit, por s’ma përmendën kurrë këtë”

“Mauro ka shënuar 120 gola me këtë fanellë dhe kur askush nuk ishte më besim, ai ishte i pari që merrte topin dhe çonte skuadrën përpara, pasi ai beson te kjo skuadër. Mbetemi jë familje interistësh, s’ka rëndësi nëse ai është në fushë ose jo”.

“Interi është familja ime, dhe kështu kur ndodhi incidenti kur më goditën makinën me gur, të parët që mora në telefon ishin njerëzit e klubit. Ikardi në atë momente ndodhej në gjumë, pasi ishte stërvitur pasdite. Nuk kemi në plane të largohemi pa asnjë dyshim”, tha Nara.

GOLI I  DIBALËS – “Jam shumë i lumtur. Paolo po e kërkonte prej kohësh. Sulmuesin jetojnë për të shënuar. Na duhet nj lojtarë i aftë të luajë mes linjave të kundërshtarët. Atë punë ai e bën shumë mirë. E kam thënë dhe më parë, ndoshta kjo vendosje e limiton në aspektin e golave, por i ndihmon shumë sulmuesit që ka përpara”.

ATLETIKO – “Në Madrid do të na duhet të shënojmë. Do të jetë një ndeshje ndryshe, ku do të na duhet shumë përqendrim dhe mprehtësi”.

IKARDI  – “Nuk di gjë nga merkato. Në verë jam me pushime, më vijnë dhe lojtar dhe i stërvit. Lojtar i madh? Di gjë di të bëjë gola. Për pjesën tjetër pyesni Spaletin. Që ta njohësh mirë një lojtar duhet ta stërvitësh”, përfundoi Alegri.

Me anë të një postimi në Instagram, Ikardi ka lëshuar një mesazh enigmatik duke postuar një foto të vetën shoqëruar me thënie të shkrimtarit amerikan Mark Tuejn: “Më mirë të heshtësh dhe të dukesh si budalla, sesa të flasësh dhe të largosh çdo dyshim”.

https://www.instagram.com/p/Bt4HKVeH-iN/?utm_source=ig_web_copy_link

Heqja e shiritit të kapitenit, nuk u prit aspak mirë nga argjenatinasi që refuzoi të udhëtonte me skuadrën për transfertën kundër Rapidit të Vienës. Në ditët në vijim pritet që të zbardhet e vërteta e krisjes së tij me kupolën drejtuese të klubit zikaltër.

Tekniku tha se ai e kishte kishte grumbulluar argjentinasit, por ky i fundit refuzoi të vinte në Vjenë.

HEQJA E SHIRIT TË KAPITENIT – “Ishte një vendim i dhimbshëm për të mirën e Interit. Përsa sa i takon ndeshjes së nesërme, ishte Ikardi që nuk pranoi të vinte në Vienë ne thërritëm. Tani kemi një ndeshje të rëndësishme përpara, më pas do të jetë momenti i përshtatshëm për të sqaruar situatën me klubin”.

“Nuk e mori mirë. U zhgënjye shumë. Ishte diçka e vështirë për t’u komunikuar nga ana jonë. Mua nuk më interesojnë gjendja e kontratave, mendoj vetëm për raportin me lojtarët e mi. Në këtë moment jemi në atë situatën që ndodh në familje, ku personat që të duan t’i thonë gjërat siç janë”, përfundoi Spaleti.