Klubi nga periferia e kryeqytetit ka njoftuar se ka ndërprerë bashkëpunimin me mbrojtësin Igor Çukoviç, me të cilin ishte njoftuar zgjatja e kontratës. “Klubi njofton mbylljen e marrëveshjes me mbrojtësin Igor Çukoviç. Duke e falënderuar për kontributin, i urojme suksese në vazhdim të karrierës së tij”, njofton Kamza.

Çukoviç ishte një nga afrimet e janarit te Kamza dhe me qëndrimin e tij mbrojtja dukej e rregulluar, por tashmë trajneri Bledar Devolli duhet t’i bëjë llogaritë pa të. Të premten nis faza përgatitore, por sikurse kemi raportuar më parë, mund të ketë edhe largime të tjera, pasi lojtarët nuk kanë marrë këstet e para të kontratës.

Sikurse mëson “SportEkspres.com”, testi është kaluar me sukses dhe palët kanë diskutuar edhe mbi marrëveshjen kontraktuale, por gjithçka më pas është frenuar nga një tjetër operacion merkatoje. Shitja e sulmuesi Daniele Lanzfame te Ferencvarosh i ka prishur llogaritë.

Por ç’lidhje ka kjo? Në marrëveshjen e bërë mes klubeve për sulmuesin italian, është përfshirë edhe një mbrojtës qendre, i cili ka ndjekur rrugën e kundërt me 31-vjeçarin. Kalimi i Bence Batik te Honved ka bërë që Çukoviç të mos transferohet në Hungari.