Të dy kanë firmosur marrëveshje 5-vjeçare, që i mban në “Molineux Stadium” deri në verën e vitit 2024. Marrëveshja është kryer për shumën e 20 milionë eurove për të dy talentet.

Jardao luan si mesfushor dhe është vetëm 20 vjeç. Pedro Neto është sulmues anësor. Dyshja më parë ishin të lidhur me një kalim te Benfika.

28-vjeç, shok skuadre te Serbia me Sergejn, kapiten i Kristial Palas, “ xhol” në mesfushë dhe sens goli. Kontrata me klubin e Premier Ligës i përfundon verën e ardhshme dhe as që ka ndërmend të rinovojë.

Kartoni i tij vlerësohet rreth 20 milionë euro, por fakti që kontrata i skadon verën e ardhshme mund t’i përgjysmojë çmimin. Milivojeviç shënoi 12 gola dhe dhuroi 2 asiste sezonin e kaluar me Kristal Palas.

Talenti ka lindur në Francë dhe aktualisht familja e tij jeton në Zvicër. Aktivizohej me të rinjtë e Levantes dhe më parë ka kaluar kohë në “La Masia” dhe në akademinë e Valencias. Pozicioni natyral i tij është sulmues i majtë, por nuk e ka aspak problem të spostohet në mesfushë, prapa sulmuesve.

Fier et heureux de vous annoncer la signature d’un contrat professionnel de 3ans avec @OfficialSSLazio ???, merci au club et au directeur Igli Tare pour la confiance#forzalazio???? pic.twitter.com/ocPLCTneLZ

— florent shehu (@ShehuFlorent) July 20, 2019

Junajtid ka vite që e ndjek 24-vjeçarin. PSG është rivali i klubit ishullor për lojtarin e Lacios. Megjithatë, kërkesa prej 80 milionë eurosh e Igli tares e ka bërë të tërhiqet klubin nga Franca. Junajtid do e paguante pa problem këtë shifër pas largimit të Pogba.

Francezi është me një këmbë jashtë, duke parë edhe deklaratat e Mino Raiolës, që u shpreh po punohet për transferimin e Pogba. Juventus ose Real Madrid janë në garë për yllin francez, me Junajtid që nuk e lëshon pa 150 milionë euro.

Siç edhe informon Aston Vila, talenti regjistron 125 ndeshje zyrtare dhe 38 gola. Sezoni i fundit ishte më produktivi, ku e dërgoi plot 13 herë topin në rrjetë. Aktiviziohet si sulmues dhe është shpallur Lojtari i Ri i vitit në Belgjikë. Gjithashtu, braziliani me skuadrën e tij është shpallur dy herë kampion Belgjike.

Uesli ishte një dëshirë e vjetër e Igli Tares. Talenti ndiqej që verën e kaluar nga drejtori lacial. Këto ditë vlonjati ishte në bisedime intensive me përfaqësuesit e lojtarit, po të luajturit në një kampionat si Premier Liga ishte ajo që e tundonte më shumë.

Wesley Factfile…

??Age 22
?? 125 career apps
?? 38 career goals
?? Two Belgian league titles
?? One Belgian Young Footballer of the Year#WelcomeWesley pic.twitter.com/TT4DJx9jhR

— Aston Villa (@AVFCOfficial) July 2, 2019

PSG është klubi më i interesuar për Milinkoviç-Saviç, ndërsa Igli Tare ka piketuar zëvendësuesin e tij. Sipas mediave afër klubit lacial, objektivi quhet Roberto Galjardini.

25-vjeçari ka një kontratë me Interin deri në vitin 2023, por aktivizimi i tij nuk është i sigurt me Antonio Konten në stol. Mesfushori i kombëtares italiane pëlqehet shumë nga Simone Inzagi dhe trajneri i Lacios i ka kërkuar Tares të mbyllë këtë tratativë.

Nëse Leonardo paraqet ofertën e duhur dhe Milinkoviç-Saviç niset drejt kryeqytetit francez, Igli Tare do të niste sulmin për lojtarin zikaltër.

Vlonjati i Lacios mori një ofertë nga Paolo Maldini për të punuar së bashku te Milani, por e refuzoi. Për hir të Klaudio Lotitos dhe Lacios së dashur.

Në një prononcim të fundit, Igli Tare nuk e fsheh kënaqësinë që një klub legjendar si Milani e kërkoi, por lidhja me Lacion është më e fortë se gjithçka, të paktën për momentin…

“Nuk mendoj se refuzimi i ofertës së tyre do të ketë pasojë në karrierën time. Fakti që zgjodha të qëndroj te Lacio është një akt dashurie, por sigurisht që jam ndjerë i nderuar nga interesimi i Milanit”, thekson biondi shqiptar.

Shqiptari i bardhekaltërve ka folur për “Le Parisien”, duke sqaruar të vërtetën e këtij interesimi nga kampionët e Francës.

“Nuk kam asgjë për të thënë, sepse nuk ekziston asnjë lloj tratative dhe të gjitha janë zëra merkatoje. Ne kemi kohë boll dhe nuk nxitohemi për ta shitur Sergejn. Oferta e PSG? Nuk ja kam idenë dhe nuk mund të flas për diçka jo reale dhe aspak konkrete”, përfundoi drejtori shqiptar i Lacios.

55 milionë euro përmban tentativa e parë e klubit nga Franca. Lacio nuk është e kënaqur me këtë shifër dhe synon të përfitojë më shumë. Parisi nuk do të heqë dorë dhe pritet ta ngrejë dorën në mundësinë e dytë që do i jepet. Ndërkohë vetë lojtari është dakordësuar me kalimin te kampionët e Francës.

Tare nuk dëshiron të kapet i papërgatitur dhe ka nisur kërkimet për zëvendësuesin e Milinkoviç. Vlonjati është ndalur në Argjentinë tek emri i Natan Nandez. Mesfushori uruguajan aktivizohet me Boka Zhuniors. Është 23-vjeç dhe luan një rol tepër të madh në sukseset e klubit latin.

Sipas medieve italiane Lacio është futur në negociata për sulmuesin e Genk, Mbuana Samata. Sulmuesi 26-vjeçar shënoi më shumë se kushdo në sezonin duke rezultuar kyç në shpalljen kampiont të Genk me 23 gola.

Sulmuesi nga Tanzania ka dhe dy vite kontratë me Genk, por vetë ai e ka bërë të ditur që dëshiron largimit pas nga kampionati belg. Lacio është e gatshme të plotësojë kërkesat e Genk, por vetë lojtari po tundohet nga oferta nga skuadra të ndryshme nga kampionati kinez.

https://www.youtube.com/watch?v=ADwzliGN8G8

Sipas “Sky Sports”, Tare ka refuzuar ofertën e Milanit. Drejtori Sportiv do t’i mbetet besnik skuadrës ku punon në këtë post prej më shumë se 10 vitesh.

Pavarësisht skepticizmit që e shoqëroi në vitet e para, Tare ka treguar se është një ndër më të mirët në rolin e tij në Itali duke ngritur gradualisht nivelin e Lacios, që vitet e fundit është bërë një ekip që i është afruar pjesëmarrjes në Champions League.

Holandezi Roben e ka shprehur disa herë se dëshiron të luajë edhe një vit në një kampionat elitar, para se të përfundojë karrierën në një kampionat si “MLS” në Amerikë ose Superliga kineze. 34-vjeçari s’ka luajtur kurrë në Serie A dhe në Romë do mirëprisnin krahëhapur. Megjithatë, kërkesat financiare të lojtarit nuk do të jenë diçka e thjeshtë për t’u përballuar nga financat e Lacios.

Spanjolli Moreno ka kaluar dy vite shumë të vështira në Angli, por mëngjarashi është vetëm 26 vjeç dhe te Lacio shpresojnë se mund të rigjejnë lojtarin që shkëlqeu me Sevijën vite më parë. Mosha e madhe e Senad Luliç nuk jep garanci për të ardhmen, ndërsa Durmishi dhe Xhordan Lukaku nuk e kanë justifikuar besimin e ekipit kryeqytetas, ndoshta Moreno do të jetë zgjidhja përfundimtare për këtë pozicion problematik.

Vlonjati nuk dëshiron ta humbasë këtë rast dhe është gati të punojë përkrah një legjende si ish-kapiteni i “Djallit”.

Lotito e ka të vështirë që ta lejojë Iglin të largohet, por ka filluar të kërkojë për zëvendësuesin e tij. Sipas raportimeve të “Corriere della Sera”, kreu i klubit bardhekaltër po mendon hipotezën Mauro Biankezi, i cili njihet për punën e mirë me lojtarët e rinj dhe zbulimin e talenteve të reja.

Ky i fundit punon prej dy vitesh me Lacion dhe mban rolin e përgjegjësit të sektorit sportiv dhe atë të krye-skautit lacial. Nëse Igli Tare vendos të largohet dhe të vishet kuqezi, Lotito do ta zëvendësonte me Biankezin.

ZËRAT PËR MILANIN – “Kjo është pjesë e profesionit tonë, duhet ruajtur një ekuilibër. Janë gjera pozitive deri në një aspekt të dytë. Duhet të dish t’i menaxhosh mirë. Ajo çfarë është kryesorja është se unë jam në një klub të madh dhe në një ambient shumë familjar, e rëndësishme për të patur rezultate pozitive. Përsa i përket të nesërmes nuk mund ta parashikoj, sepse unë e quaj Lazion, një klub shumë të madh. Por duke qenë se jam një profesionist, gjithçka mund të ndodhë në botën tonë.”.

TRAJNERI I KOMBËTARES – “Besoj se është njeriu i duhur, në vendin e duhur dhe në momentin e duhur. Zgjedhja që ka bërë kombëtarja shqiptare besoj se është e duhura. Por çdo gjë është e lidhur me rezultatet, duhet të jenë ato që duhet të japin edhe atij mbështetjen për ta konfirmuar atë çfarë unë thashë. Eksperienca e tij do të jetë ndoshta e çelësi i suksesit për dy vitet e ardhshme”.

“Biseda me Rejën? Kam folur gjatë me të dhe i kam shpjeguar skuadrën, ose i kam dhënë mendimet e mia për individët e kësaj skuadre dhe për perspektivën që ka kjo kombëtare. Jam i bindur se eksperienca e madhe që ai ka do të bëjë diferencën”.

MOSHA E REJËS – “Ka pasur trajnerë në botë që në moshë edhe më të madhe se Reja kanë pasur sukses shumë të madh. Mosha është thjesht një numër, unë e njoh shumë mirë. Ai është një 73-vjeçar që bën jetën e një 40-vjeçari, kështu që ka shumë energji. Është një njeri që i pëlqejnë sfidat, por mbi të gjitha ka një eksperiencë që mund ta ndihmojë këtë skuadër”.

“Zgjedhja për të firmosur një kontratë disa mujorëshe i jep një avantazh FSHF-së që të mos jetë e lidhur financiarisht me një trajner, e nga ana tjetër i jep mundësinë që të studiojë metodologjinë e Rejas në këto 6 ndeshje që ai ka si provë. Nëse do ketë një përmirësim të rezultatit nga fillimi deri në fund të kësaj kontrate, besoj se janë edhe bazat për të bërë diçka edhe për një periudhë 2-vjeçare tjetër”.

EPOKA PANUÇI – “Nuk mund të quhet një trajner i ri, apo i vjetër. Ajo që është më e rëndësishme është se çfarë fryme sjell një trajner në një skuadër. Ndoshta fryma që solli Panuçi në kombëtare nuk ishte ajo e duhura për të ndezur atë shkëndijë të duhur pas një Evropiani të suksesshëm. Fakti që trashëgoi një skuadër pas një suksesi historik dhe tranzicioni nga një skuadër në një tjetër duhet të ishte i shoqëruar edhe nëpërmjet disa rezultateve pozitive”.

“Ai nuk i pati dhe kjo e bën akoma edhe më tragjike qëndrimin e tij në kombëtaren shqiptare. Besoj se zgjedhja e bërë për ta larguar nga skuadra ishte e duhura dhe duhet t’i jepet kohë skuadrës për të gjetur ato ekuilibra të duhur. Besoj se ato kualitete që janë, janë të mjaftueshme për një skuadër, për të luftuar të paktën për vendin e dytë ose të tretë”.

SUPERIORJA – “Fitimi i kampionatit nga Partizani është një gjë shumë e mirë për futbollin, sepse është skuadra më e dashur në Shqipëri. Jam rritur në atë klub, ky fakt me ka gëzuar edhe mua shumë. Gega ka qenë edhe një ish-kolegu im në skuadër. Puna e bërë prej tij ka qenë me të vërtetë për t’u admiruar. Por, mbi të gjitha diferencën e ka bërë mirë-organizimi i strukturës së klubit, me figurat e duhura, sepse Olsi Rama është një drejtor i ri, ka një karakter që është shumë i domosdoshëm për futbollin shqiptar, sepse është njeri i qetë. Ne jemi një vend i vogël, por që kemi shumë talente dhe e vetmja gjë që ka munguar këto vite ka qenë mundësia për të dhënë një vazhdimësi. Deri tani kanë qenë individë, por tani duhet një formë konkrete”, është shprehur Tare në intervistën e dhënë për Top Channel.

Sipas raportimeve të “Sky Sport”, trajneri do të takohet sonte në mbrëmje me presidentin Lotito dhe Igli Taren, drejtorin sportiv të bardhekaltërve.

Palët kanë gjetur në parim akordin për të firmosur, ndërsa ka mbetur për t’u përcaktuar vetëm aspekti financiar. Dakordësia për këtë aspekt do të ndodhë gjatë takimit trepalësh dhe me shumë gjasa Inzagi do të vazhdojë të ulet në stolin e Lacios.

Igli Tare ka folur në lidhje me këtë çështje. Drejtori sportiv i Lacios konfirmon faktin që Inzagi ka edhe një vit kontratë. Ai dhe presidenti Lotito kanë një dëshirë të përbashkët, që është qëndrimi i trajnerit në kryeqytet.

“Takimet bëhen për të kuptuar shumë gjëra. Inzagit nuk i përfundon kontrata tani. Ai ka edhe një vit me ne. Më duket e ekzagjeruar kjo vëmendje që po krijohet. Ka folur presidenti, po e përsëris edhe unë. Sigurisht që duam të qëndrojë, nuk ekziston asnjë dyshim për diçka të tillë”, përfundon biondi shqiptar.

Sipas raportimeve nga mediat italiane, Lacio duket se është shumë pranë sulmuesit të Arsenalit, Dani Uellbek. Këtij të fundit i përfundon kontrata me “Topçinjtë” e Londrës tashmë dhe do të jetë lojtar i lirë.

Nga ky fakt kërkon të përfitojë Igli Tare, i cili është i shquar për goditje të tilla. Për 28-vjeçarin janë të interesuar edhe Everton e Uest Hem, por me sa duket Uellbek tërhiqet nga ideja për të provuar një kampionat tjetër jashtë Anglisë.

“Nuk ka asnjë bisedim me Inzagin, por në ditët e ardhshme do të ulemi së bashku për të bërë një hap të madh përpara.  Janë momente reflektimi për të gjitha palët. Kemi drekuar një ditë më parë dhe jemi ndjerë të gjithë mirë, edhe presidenti. Ishim të qartë, si unë ashtu edhe presidenti. Mendoj se edhe Inzagi dëshiron të njëjtën gjë. Në ditën në vazhdim do të takohemi”, tha Tare.

I ngacmuar rreth interesimit të Juventusit për Inzagin, vlonjatin shton: “Nuk mund të përgjigjem unë, nuk i kam bërë kurrë gjërat më nëse apo sikur. Nuk e kam pyetur veten ndonjëherë nëse Juventusi e do apo jo. Po këmbëngulim për të njëjtën gjë, ndoshta ju dëshironi që të largohet, por për ne duhet të qëndrojë, sepse është lacial kokë e këmbë”.

Ekipi nga jugu i Italisë është prej disa vitesh në pronësi të pronarit të Lacios Klaudio Lotito dhe drejtori i sportiv Igli Tare luan një rol kryesor edhe në vendimmarrjet e këtij klubi.

Sipas asaj që shkruajnë mediet italiane, Tare po negocion për ndërprerjen konsensuale të kontratës së trajnerit të tanishëm Anxhelo Greguçi. Në listën e trajnerëve që synohen për sezonin tjetër janë dhe emra si Alesandro Nesta ose ish-trajneri i Xhenoas, Ivan Juriç.

Ishte viti 2008. Vlonjati mori licencën dhe filloi një vit më vonë zyrtarisht detyrën që mban edhe sot. Të gjithë iu turrën Lotitos atëherë, ndërsa kritikët kanë zgjedhur heshtjen sot. Më saktë, nuk kanë se çfarë thonë, pasi flet vetë puna fantastike e drejtorit shqiptar.

Presidenti tregon edhe një detaj në lidhje me trajnerin Inzagi, ndërsa zbulon të vërtetën në lidhje me Marselo Bielsën. Akordi me trajnerin e famshëm argjentinas ishte arritur, por ai nuk i shijoi kurrë emocionet e futbollit italian.

TARE – “Shumë persona nuk e pranuan këtë zgjedhje, por ishte një zgjedhje e madhe. E kishim lënë për t’u takuar dhe për të rinovuar kontratën. Igli erdhi bashkë me agjentin e tij dhe i thashë: ‘Shiko, nuk do ta rinovoj kontratën’. ‘Si ka mundësi, ju më dhatë fjalën, nuk është korrekte dhe as serioze‘, u përgjigj ai. I thashë që kisha qëllim ta bëja drejtor sportiv të Lacios. ‘Si i bëhet, unë nuk kam as licencë’, ma ktheu Igli. I thashë që të mos merakosej për atë gjë dhe se kishte 30 minuta kohë për t’u menduar. U kthye pas gjysmë ore dhe më tha se e pranonte propozimin tim.”

INZAGI – “Kur u bëra president, fillova të thërras lojtarët për rinovimin e kontratave. I ra radha Simones dhe erdhi bashkë me agjentin e tij. Ju ofrova 5.3 milionë euro për 5 sezone. Agjenti u kënaq. ‘U morëm vesh, do ju jap 5.3 milionë për 5 vite?’, pyeta. ‘Në vit?’, tha Simone. ‘Jo, në total’, iu përgjigja unë… Pastaj ndodhi më e bukura. Ai më kërkoi që të flisnim vetëm për vetëm. Çfarë dëshiron që të bësh më vonë e pyeta dhe ai mu përgjigj se dëshironte të bëhej trajner! ‘Do të të bëj trajner të Lacios’, i thashë… ”

BIELSA – “Marselon e largova unë. Kur isha në Francë, Tare më telefononte dhe më thoshte se kishte blerë lojtarët që i pëlqejnë Bielsës, por trajneri ndërronte mendje pas tre minutash. U ktheva në Formelo dhe e morëm në telefon. Tare i fliste dhe ai përgjigjej sikur të ishte ndonjë shkencëtar. Nuk durova më dhe i mora telefonin nga dora Iglit. ‘Dëgjo mister, mori fund, ju duhet të largoheni’. Iglit nuk i mbeti pikë gjaku në fytyrë…”

Rigore #MilinkovicSavic–#Rodriguez?
1. Precedentemente c’è la spinta netta di #SMS sul difensore del #Milan: fallo.
2. #Rodriguez tocca il pallone togliendolo dalla disponibilità del biancoceleste… successivamente c’è il contatto.

Non è rigore. #MilanLazio #SerieATIM pic.twitter.com/cSExKyJwuv

— Tomaso Palli (@tomaso_palli) April 13, 2019

“Penalltia për Milinkoviç-Saviç? Mbi të gjitha dua të përmend shpejtësinë me të cilën Roki i dha penalltinë e parë Milanit. Ne mund ta shohim nga mijëra metra që nuk ishte penallti. Te penalltia e dytë Musakio rrëzohet sikur të kishin qëlluar me armë mbi të. Pastaj mungon penalltia për ne. Kundër Milinkoviç u bë një faull i dukshëm. Nuk ka vlerë të bësh garë për të thënë ishte apo jo penallti, kush ka luajtur futboll e di që të paktën një dyshim të lind, kur e sheh përsëri” , shtoi Tare.

Në fund vlonjate tha: “Arbitrat janë në borxh me ne, kjo që nga viti i shkuar. Nuk më pëlqen të bëj viktimën, por nuk e meritojmë këtë që po na ndodh. Le ta pranojmë , shohim përpara, sfida e kampionatit u mbyll dhe le të kërkojmë hakmarrje në Kupën e Italisë”.

32-vjeçarit i përfundonte kontrata me klubin kryeqytetas në vitin 2020, por ai do të qëndrojë edhe dy sezone më shumë te Lacio. Mesfushori do të përfitojë një rrogë prej 2.2 milionë eurosh në sezon (aktualja shkonte në 2 milionë) dhe do të luajë me bardhekaltrit deri në moshën 35 vjeçare.

Leiva, i cili numëron dhe 22 ndeshje me kombëtaren braziliane, la Liverpulin në vitin 2017 për t’u transferuar te Lacio, aty ku është kthyer në një nga pikat më të forta të ekipit të Simone Inzagit.

Akordi është arritur dhe, përveç përcaktimit të komisioneve midis klubit dhe menaxherit të lojtarit, pritet vetëm zyrtarizimi i Lacios për rinovimin e Lukas Leivës.

Tashmë, kur na ndajnë edhe disa muaj nga fundi i sezonit, Tare ka nisur të mendojë për sezonin e ri dhe për merkaton e verës. Sipas mediave angleze, Lacio dhe ish-sumuesi i kombëtares sonë, duket se e kanë bërë goditjen e parë, edhe pse merkato nuk është hapur ende zyrtarisht.

Bëhet fjalë pikërisht për Alberto Morenon, mbrojtësin e majtë të Liverpulit. Spanjolli është në vitin e fundit të kontratës dhe nuk është i kënaqur në “Anfield”, pasi minutat e aktivizimit janë me pikatore për të.

26-vjeçari do të ishte një përforcim mjaft i rëndësishëm për Lacion, duke parë dhe eksperiencën që Moreno ka. Gjithashtu edhe fakti që mbrojtësi do të transferohet me parametra zero në kryeqytetin italian, e bën një goditje të bujshme për Lacion.

Në listën e të dëmtuarve bënë pjesë dhe dy lojtarët shqiptarë Riza Durmishi dhe Valon Berisha. Mungesa më të rëndësishme janë ato në repartin e mesfushës, Parolos Lukas Leiva dhe Milinkoviç-Saviç do ta shohin ndeshjen nga ekrani i televizorëve.

Hallet për Inzagin nuk mbarojnë këtu, pasi dhe sulmuesi kryesor i skuadrës Çiro Imobile nuk është në 100% të formës, por do të sakrifikojë duke luajtur në fushë nga minuta e parë.

 Drejtori sportiv i Lacios, Igli Tare ka mbetur i zhgënjyer me tifozërinë në sfidën e mbrëmshme. Vetëm 22 mijë të pranishëm në “Olimpico” dhe shqiptarit nuk i ka pëlqyer kjo situatë e krijuar. Ekipi ka nevojë për pasionin e tifozëve, por kësaj radhe shkoi dhe më keq se në ndeshjen e grupit kundër gjermanëve të Ajntrahtit të Frankfurtit.

 “Mendoja se kisha parë diçka shumë të keqe përballë Ajntrahtit të Frankfurtit, kur në stadiumin tonë ishim në minorancë si tifozëri. Por kësaj radhe ishte akoma më keq. Roma është një pjacë e nxehtë dhe tifozët janë shumë të rëndësishëm për ne. Kjo skuadër meriton një prezencë më të madhe të tifozëve në stadium. Dua t’i falënderoj ata që ishin të pranishëm, por kisha pritur një tifozëri të aftë që të luante rolin e lojtarit të 12-të për Lacion”, përfundon Igli Tare.

23-vjeçari është i lumtur për kualifikimin dhe mezi po pret duelet me Milanin në gjysmëfinale. Strakosha ka besim se kjo Lacio do të arrijë të kualifikohet në Champions, ndërsa jep një koment dhe për Romulon, blerjen e fundit të bardhekaltërve.

KUALIFIKIMI – “E dëshironim shumë këtë kualifikim dhe jemi të gjithë shumë të kënaqur. Gjysmëfinalja në një “Olimpico” të mbushur plot do të jetë diçka shumë e bukur. E merituam kualifikim dhe në penalltinë e fundit u gëzova që më në fund gjithçka mbaroi.”

CHAMPIONS – “Ne besojmë se mund të renditemi në një nga katër vendet e para në kampionat. Ekipi është në formë shumë të mirë, por mund të përmirësohemi akoma. Kemi vuajtur në fillim për shkak të përqendrimit, por tani e kemi marrë veten dhe duhet të vazhdojmë kështu.”

ROMULO – “Ai do të na ndihmojë në mbrojtje. E rëndësishme është që ai të japë maksimumin dhe ne do ta ndihmojmë që të integrohet sa më shpejt në ekipin tonë.”

Për sigurimin e shërbimeve të 31-vjeçarit italo-brazilian ka folur dhe Igli Tare. Drejtori sportiv i Lacios shpjegon këtë lëvizje dhe ka shumë besim se mesfushori, i cili bën mirë dhe rolin e mbrojtësit dhe mesfushorit të djathtë, do përshtatet shpejt dhe do t’i japë një dorë ekipit në përmbushjen e objektivave.

“Kemi siguruar shërbimet e Romulos. Kjo goditje nuk pritej, por në dhjetë ditët e fundit kemi patur dëmtime të Patriç dhe Marusiç, të cilët nuk na kanë dhënë sigurinë për të vazhduar me qetësi pjesën e mbetur të sezonit. Kjo është arsyeja pse vendosëm të përfshijmë në ekip një lojtar, i cili mund të na japë një ndihmë të madhe. Mendoj se kam bërë një zgjedhje të drejtë, Romulo e njeh kampionatin dhe do të përshtatet lehtësisht me Lacion”, përfundon Igli Tare.

Siç raporton “Corriere dello Sport”, Tare po punon për të siguruar në verë shërbimet e talentit të përfaqësueses së Kosovës. 19-vjeçari i Genkut cilësohet si “Mesi i Kosovës”, ndërsa ai po monitorohet dhe nga Barcelona e Milan.

Samir Ujkani, portieri i Rizesporit është një nga personat që po e sponsorizojnë Zhegrovën te klubet italiane. “E sponsorizoj pa asnjë dyshim. Edoni është i ri, i talentuar, ka cilësi të jashtëzakonshme, të cilat i kam parë vetëm te Paulo Dibala”, shprehet gardiani 30-vjeçar me një të kaluar në Itali.

Vetë lojtari i Genkut ka folur për situatën e tij, duke pranuar se ka disa oferta. “Do të ishte një nder të luaja me një klub si Barcelona ose Milani, por unë kam disa oferta të tjera dhe po negocioj me klubet e interesuara. Do të zgjedh opsionin më të mirë për mua”, sqaron Zhegrova.

Lacio nuk e mohon interesimin për shqiptarin. Ai është pjesë e Genkut, klub me të cilin Tare ka marrëdhënie të mira. Aty u ble Sergej Milinkoviç-Saviç, i cili është një nga pikat më të forta të ekipit të Inzagit, ndërsa shpresohet që të ndodhë e njëjta gjë me Edon Zhegrovën.

Përveç lojtarit ofensiv, Tare po ndjek me kujdes dhe Eljif Elmas të Fenerbahçes, Adolfo Gaiç të San Lorenzos, Junus Agkun të Gallatasarajit dhe Pedro De La Vega të Lanus.

Zapakosta u largua nga kampionati italian në verën e 2017-ës, pasi Çelsi e bleu për 25 milionë euro nga Torini. Gjatë këtyre dy sezoneve në Angli, hapësirat për italianin kanë qenë të pakta dhe “divorci” është zgjidhja më e mirë për të dyja palët.

Gjithsesi, Igli Tare e ka një plan B. Në rast se në ditët në vazhdim nuk arrin të bindë drejtuesit e klubit londinez, vëmendja do të kalojë te mbrojtësi i SPAL-it, Manuel Lazari, i cili së fundmi është bërë një pjesë e rregullit e kombëtares italiane.

Për të interesohet prej kohësh ekipi kinez i Guanzhu Evergrande, ndërsa garës për shërbimet e lojtarit ofensiv i është bashkuar dhe Lacio. Katalanasja “Sport” raporton se Igli Tare, drejtori sportiv i bardhekaltërve, ka nisur negociatat me klubin spanjoll për të siguruar shërbimet e Malkom.

Shqiptari ka marrë mandat nga presidenti Lotito dhe po tenton të transferojë brazilianin në kryeqytetin italian, por kësaj radhë në pjesën me ngjyra bardhekaltër. Lacio nuk e ka problem aspak të paguajë rrogën e lojtarit, ndërsa po punohet për formulën e huazimit deri në fund të sezonit me të drejtë blerje nga ana e Lacios.

Malkom nuk dëshiron të largohet nga Barcelona, por ai e ka bërë të qartë që preferon të luajë në Europë, nëse një gjë e tillë ndodh. Nga ana tjetër, Tare është gati të arrijë marrëveshjen për të, për t’i dhuruar një element cilësor trajnerit Inzagi dhe për të dëshpëruar për herë të dytë “armiqtë” e Romës, të cilëve u iku nga duart Malkom gjatë merkatos së verës.

 Shqiptari ka folur për “Sky” nga Dubai, duke vlerësuar kalimin e Kristiano Ronaldos tek ekipi i Juventusit. Portugezi ka rritur vëmendjen ndaj kampionatit italian të futbollit. Tare ndalet dhe te arbitrat dhe teknologjia VAR. Lacio e tij e ka pësuar nga vendimet e VAR-it, ndërsa drejtori sportiv kërkon respekt.

Objektivi i ekipit është kualifikimi në Champions dhe arbitrat nuk duhet të bëhen palë në garën e fortë për një vend në kompeticionin e më të mirëve.

 “Ardhja e Kristiano Ronaldos në Serie A ishte e rëndësishme dhe për çështjen e imazhit. Vëmendja ndaj kampionatit është rritur, ashtu si dhe niveli i kampionatit. Lacio? Duam të arrijmë objektivat tona, që janë shumë të rëndësishme për rritjen tonë si ekip. Kur flas për objektivat i referohem Champions Ligës. Po i sillemi rreth prej vitesh, ky mund të jetë sezoni i duhur, por gjithçka varet dhe nga faktorë të tjerë. Shpresoj që VAR-i dhe arbitrat mund të sjellin më shumë qetësi. Duhen respektuar rregullat dhe kjo vlen për të gjithë, pasi ka objektiva të mëdha në lojë. Duam të tregojmë respekt, por dhe të respektohemi. Merkato? Këto ditë kam takuar shumë kolegë dhe njerëz të rëndësishëm për situatën tonë. Do të bëjmë më shumë merkato në dalje, sesa në hyrje”, përfundon drejtori sportiv i Lacios.

Fillimi ishte i vështirë, por biondi punoi fort, krijoi sistemin dhe ekipin e tij të punës dhe filloi t’i surprizonte të gjithë. Inteligjencë e madhe në zbulimin e talenteve dhe aftësi unike për të vepruar shpejt dhe mbyllur marrëveshje të rëndësishme.

Klose, Hernanes, Felipe Anderson, Litshtajner, Lukas Bilja, Keita Balde, De Vrij, Strakosha, Luis Alberto, Çiro Imobile dhe Sergej Milinkoviç-Saviç janë disa nga emrat e sjellë nga Tare te Lacio. Blerja të lira dhe shitje të shtrenjta, puna e Tares bëhej çdo ditë e më mirë, ndërsa sezonin e kaluar u shpall drejtori më i mirë sportiv në Itali.

Tare ka dhënë një prononcim të gjatë për Xhanluka Di Marzion, duke nisur nga braktisja e Shqipërisë dhe udhëtimi ilegal drejt Gjermanisë. Vuajtjet e fillimit, propozimi i çmendur i Lotitos, aventura te Lacio, kërcënimet e tifozëve, ofertat e shumta nga klube të mëdha dhe zgjedhja me zemër për të vazhduar me Lotiton dhe Lacion.

STILI I PUNËS – “Zakonisht dërgoj ish-futbollistë me të cilët kam luajtur për të ndjekur lojtarë të ndryshëm. Kam besim tek ata, sepse e dinë shumë mirë se çfarë është e rëndësishme dhe çfarë kërkoj te një futbollist. Fiziku, teknika dhe gjuha e trupit janë thelbësore në fushë dhe të bëjnë të kuptosh karakterin e një futbollisti. Ka shumë detaje të vogla që bëjnë diferencën.”

LARGIMI NGA SHQIPËRIA – “Është e vërtetë që u largova nga Shqipëria dhe shkova në Gjermani pa dokumente. Nuk më vjen turp për një gjë të tillë. Pas gjithë kësaj aventure kisha një ëndërr për të realizuar dhe jam shumë krenar për rrugën që kam përshkruar. Mendoj se jam një shembull për shumë të rinj, të cilët mund të bëjnë të njëjtën gjë, siç bëra unë në atë periudhë.”

UDHËTIMI DREJT GJERMANISË – “Ishte një udhëtim midis frikës, vështirësive dhe pyetjeve që më kalonin në kokë. Isha i vetëm dhe kisha vetëm një pikë referimi, që do të më ndihmonte nëse arrija të futesha në Gjermani. Tani duket si një skenë filmi dhe në atë periudhë ishte shumë e rrezikshme. Duhet t’i besoja trafikantëve, të cilët bënin kalimin nga Çekia për në Gjermani. Vendosa të nisesha dhe asgjë nuk më trembte.”

GJERMANIA – “Sapo mbërrita fillova t’i kërkoja skuadrave për të kryer një provë. Një ditë më erdhi ftesa e Luduigshafen, ekipi me të cilin luaja. Ata më propozuan të stërvitesha me ekipin e parë. Duke mos qenë një ekip me situatë të mirë financiare më ofruan këtë punë. Një ditë një shok i skuadrës po punonte me motorsharrë. Nuk e kishte mendjen dhe më goditi në këmbë. Ishte një moment i tmerrshëm, por isha me shumë fat, sepse prerja ishte vetëm 3 mm larg dëmtimit të kockës.”

LOTITO – “Kur Lotito më ofroi detyrën e drejtorit sportiv dhe më kërkoi të pranoja aventurën mendova: ‘ky është i çmendur’. Unë dëshiroja të vazhdoja si lojtar dhe kisha një akord në parim për të rinovuar për dy vite (1+1).”

BASHKËPUNIMI – “Në fillim të udhëtimit tim ishim gjithmonë bashkë. Vit pas viti fillova të kuptoj aftësitë e mia, duke filluar të merrem vetëm me zgjedhjen e lojtarëve dhe tratativat me ta. Kur ka vështirësi në aspektin ekonomik, ndërhyrja e Lotitos është thelbësore për zgjidhjen e problemeve.”

LARGIMI NGA LACIO? – “Sinqerisht që po, e kam menduar një gjë të tillë. Ka patur momente kur e kam marrë parasysh këtë opsion, sidomos për shkak të familjes. Nëse do të ishte për mua, nuk do të kisha patur probleme për të vazhduar përpara, por problemi është që kemi marrë kërcënime me vdekje. Janë kërcënuar familjarët e mi, gruaja, fëmijët, gjëra që, me të vërtetë, nuk mund të tregohen. Kanë qenë momente kur kam menduar gjatë nëse duhet të vazhdoja, apo të dorëzohesha. Por, brenda meje, gjithmonë kam thënë që nuk duhet të lejoja asnjë të ‘fitonte’, sepse kam punuar gjithmonë me zemër për klubin dhe isha i bindur që pas njëfarë kohe do të dilte në pah vlera e kësaj pune. Falë zotit kështu ka ndodhur, por ka patur momente që kam ndjerë frikë për familjen time.”

RIKTHIMI NË SHQIPËRI – “Jo nuk e kam menduar për veten time, por për familjen dhe fëmijët, sepse vitet kalojnë dhe ata po rriten. Në veçanti e mendova në periudhën kur shitëm Hernanesin. Ishte një moment i keq, që unë e mbaj brenda vetes time si një eksperiencë shumë e keqe. Pas atij momenti, një pjesë e imja vdiq sa i përket mënyrës së përjetimit të futbollit. Aty preka pjesën më të vështirë të futbollit.”

JANARI – “Kemi një numër të madh lojtarësh, kështu që mund të bëjmë merkato vetëm në dalje, duke larguar ndonjë lojtar.”

ÇFARË NUK KANË KUPTUAR TIFOZËT AKOMA NGA TARE? – “Nuk e di, nuk e di se çfarë nuk mund të kenë kuptuar. Në vitet e fundit, kudo që shkoj në qytet më njohin, por futbolli është një punë ku llogaritet shumë e tashmja. Unë përpiqem ta përjetoj në këtë mënyrë, jetoj momentin dhe tentoj të përfshihem shumë me klubin. Zgjedhja për të rinovuar kontratën për katër vite me Lacion, pavarësisht kërkesave tunduese që kisha nga skuadra të rëndësishme, edhe në nivel botëror, më ka bërë të kuptoj që ky klub përfaqëson diçka shumë të rëndësishme për mua.”

OFERTAT – “Po, kam marrë oferta të rëndësishme, edhe nga klube të mëdha italiane. Qëndrova dhe ishte një zgjedhje besimi. Kur vijnë këto momente kupton realisht se çfarë do të thotë e tashmja dhe ku je. Zgjodha me zemër dhe zemra më tha të qëndroja te Lacio. Çdo zgjedhje që kam bërë në karrierën time e kam bërë duke dëgjuar zemrën. Nuk më intereson pjesa ekonomike dhe jam krenar për zgjedhjen e bërë.”

Igli Tare i është rikthyer për “Sky Sport”, edhe njëherë momentit kur në garë për 23-vjeçarin ishte dhe ekipi viola. Serbi i kishte dhënë fjalën Tares se do të zgjidhtë Lacion, por takoi dhe Fiorentinën, duke dëgjuar ofertën e tyre.

Në fund ai e mbajti fjalën e dhënë dhe kaloi në kryeqytet, ndërsa drejtori sportiv shqiptar do i jetë gjithmonë mirënjohës për një gjë të tillë.

“Në ato minuta isha i sigurt se Milinkoviç-Saviç nuk do të shkonte te Fiorentina, por do të vinte te Lacio. Një natë përpara më mori në telefon dhe më tregoi se do të zgjidhte Lacion, duke më thënë që të qëndroja i qetë. Do t’i jem gjithmonë mirënjohës, sepse ka pak futbollistë që bëjnë diçka të tillë“, thekson Igli Tare.

Andrea Beloti kaloi ekipin granata në avantazh në minutat shtesë të pjesës së parë me anë të një penalltie të dyshimtë, ndërsa Milinkoviç-Saviç barazoi shifrat në pjesën e dytë me anë të “predhe”.

Fundi i takimit pati tension, ndërsa Marusiç la Lacion me dhjetë lojtarë dhe Meite u ndëshkua me të kuq për Torinon. Lacio protestoi shumë në fundin e ndeshjes për rastet e dyshimta, ku përmendet dhe falja e Izos, i cili nuk u ndëshkua më kartonin e dytë të verdhë, pavarësisht se e meritonte.

Igli Tare nuk ishte i pranishëm në stadium për të ndjekur ndeshjen, por drejtori sportiv i Lacios ka mbetur i zhgënjyer me arbitrimin e ndeshjes. “Jam totalisht i hutuar”, është shprehur shqiptari, duke lënë të nënkuptohet mërzitjen e madhe për gjykimin e kësaj ndeshje, që nuk i dha mundësinë bardhekaltërve të siguronin fitoren.

Sulmuesi i krahut është ndjekur nga skautë të klubit lacial gjatë kohëve të fundit dhe Tare po përgatit ofertën për lojtarin. Trezege ka një kontratë deri në verën e vitit 2021 me ekipin turk dhe ai do e mirëpriste një transferim në Serie A.

Tares i duhet të gjejë marrëveshjen me drejtuesit e Kasimpashës, ndërsa Trezege, i cili zhvilloi paraqitje të mira me Egjiptin në Botërorin e Rusisë, ka shënuar 5 gola në kampionat këtë sezon

ECURIA E DOBËT DHE “FIKSIMI” CHAMPIONS – “Champions nuk ka përse të na bëhet një fiksim. Skuadra dhe klubi kanë pësuar një rritje graduale, kështu që është normale të kemi objektiva akoma më të mëdhenj sesa në të shkuarën. Por, duhet të jemi të vetëdijshëm, se do të kemi dhe momente kur gjërat nuk ecin sipas planit. Në shumë sfida të rëndësishme nuk i jemi afruar ndeshjeve në mënyrën e duhur. Skuadra ka cilësi, problemet i kemi në aspekte të tjera”.

KRITIKAT PËR GRUMBULLIMIN (Prej katër ditësh skuadra është e grumbulluar në hotel) – “Ishte një vendim i mirëmenduar. E bëmë për të stabilizuar gjendjen e skuadrës, pasi nuk kemi marrë rezultatet të cilat dëshironim. Shtypi na ka “baltosur” shumë për këtë vendim. Ka pasur dhe nga ata që kanë në vënë në dyshim pozitat e Inzagit. Po u a bëj të qartë se ai ka besimin tonë të plotë. Kemi përpara një rrugë të gjatë e të mundimesh, por jam i sigurt se do ta shijojë”, përfundoi Tare.

Mediat në Itali kanë bërë me dije se organizata kriminale ishte e shtrirë në shtete të ndryshme, ku mes tyre përfshihej edhe Shqipëria. Në një dokument të publikuar nga “Shqiptarja.com”, dalin edhe emrat e Igli Tares dhe të vëllait të tij, Gentit. Lidhja bëhet përmes kompanisë “Top Bast”, që është e regjistruar me pronar Ermal Bajramin. Ky i fundit ka 100% të aksioneve, por thuhet se pas tyre fshihen Igli dhe vëllai i tij Genti Tare.

VËLLEZËRIT TARE – Në dokumentin e publikuar thuhet se Franccesko Martiradona (i arrestuar), pjesë e klanit mafioz, kishte planifikuar të takonte Genti Taren në Bari në janar të vitit 2015. Kontaktet e para mes palëve u bënë përmes avokatit Mirko Daidone. Këtij të fundit thuhet se Fabricio Gerolla (i arrestuar) i ka kërkuar informacion mbi “Top Bast”, që interesohet të përhapej me emrin BET 1128 (Martiradona është pronari).

Gjithçka zbulohet përmes një e-maili që Gerolla i ka dërguar Martiradonës, teksa në të thuhet është kontaktuar nga Genti Tare dhe duhet të takohej me të. Pronari i BET 1128 do të blinte 50% të “Top Bast” dhe do të regjistrohej në Shqipëri. Gjithsesi ky takim nuk u zhvillua kurrë, pasi nuk u pa e arsyeshme nga italianët që të bënin një marrëveshje, duke qenë se në Shqipëri tatimet për bastet janë shumë të larta.

Burimi: Shqiptarja.com (http://shqiptarja.com/lajm/dosja-e-antimafias-igli-tare-dhe-vellai-genti-dyshohen-se-fshihen-pas-kompanise-top-bast-ne-shqiperi)

“Duhet të rregullojmë disa detaje të fundit, por rinovimi deri në vitin 2022 është kryer”, thekson shkurtimisht Tare, i cili është një ndër më të mirët në rolin e tij dhe ka arritur të formojë një Lacio konkurruese dhe plot lojtarë të talentuar.

Tare e nisi punën e tij si drejtor sportiv i Lacios në vitin 2008 dhe do të mbajë këtë post, të paktën dhe për katër vitet e ardhshme.

Shënjestra e ardhshme e Tares është sulmuesi algjerian i Portos, Jasin Brahimi. 28-vjeçari luan prej pesë sezonesh në Portugali, ku sezonin e kaluar u shpall lojtari më i mirë i kampionatit portugez, duke luajtur rol kyç në fitimin e titullit kampion.

Aspekti më interesant i këtij transferimi është se gjithçka mund të kryhet me kosto 0, pasi kontrata e algjerianit me “gjigantin” portugez mbaron në fund të këtij sezoni, por kjo do të thotë se lojtari do të kërkojë një pagë vjetore prej të pakën katër milionë eurosh në sezon, që do të ishte një rekord  te Lacio.

Edhe ky transferim po hetohet nga autoritet belge. Menaxheri i lojtarit të Lacios, Mateja Kezhman, është “shënjestruar” shkruan “Kurir”. E përditshmja serbe hedh dyshime mbi përfitimet e shumta të ish-futbollistit. Gjithashtu edhe klauzolat e shumta shtojnë dyshimet.

Në Belgjikë janë të shumtë menaxherët që po hetohen, për shkak të lidhjeve të ngushta me klubet. Milinkoviç-Saviç është ftuar të merret në pyetje, ndërkohë që ka pasur edhe arrestime. Mes tyre edhe një ortak i Kezhman, i cili është “zhdukur” për momentin.

Jo vetëm kaq, por “Kurir” shkruan se Kezhman në këtë histori ka përshirë edhe mikun e tij Igli Tare. Vlonjati, sikurse dihet, ka bërë shumë transferime nga Belgjika në Itali. Gjithsesi bëhet fjalë për aludime dhe mbetet për t’u parë se çfarë do të zbulohet nga skandali “Duar të pastra”.

MILINKOVIÇ-SAVIÇ – “Për Milinkoviç bëhet fjalë kryesisht për gjendjen e tij fizike. U kthye vonë nga Botërori dhe i mungon baza e përgatitjes atletike, një gjë e thelbësore për një lojtar ‘të rëndë’ si ai. Mund të ketë influencuar dhe ‘do të largohem, ose do të qëndroj’ gjatë merkatos së verës. Në fund qëndroi dhe tashmë i duhet thjeshtë të rikthehet në formën e tij.”

LUIS ALBERTO – “Për mua është një çështje koke. Ai ka nevojë të ndihet i paprekshëm, por në një klub ambicioz si Lacio nuk është e mundur të gabosh disa ndeshje rresht dhe të mbetesh titullar. I duhet ta rifitojë vendin e tij në formacion, si burrat, dhe të rikthehet të bëjë diferencën. Ai është një lojtar për Real Madrid dhe e ka treguar kualitetin që zotëron. Tani i duhet të bëjë hapin e madh. Ka nevojë të përmirësojë gjendjen fizike dhe të rrisë vetëbesimin.”

RROTACIONI – “Modeli për t’u ndjekur është Juventus: kush luan, edhe pse ndeshjen paraardhëse mund të ketë qëndruar në pankinë, jep gjithçka. Gjithmonë. Prioriteti ynë mbetet kampionati, me objektiv kualifikimin në Champions. Do e kemi të vështirë, sepse Serie A këtë vit është e balancuar. Ka vetëm katër pikë diferencë midis vendit të 3-të dhe të 12-të. Ne na mungon një pikë, sepse kundër Napolit barazimi do të ishte rezultati më i drejtë.”

KORREA – “Korrea është një lojtar ëndrrash. Me pak më shumë fat mund të kishte shënuar 3-4 gola. Nevojitet durim dhe besim, por do të shpërthejë. Ai, Imobile, Luis Alberto dhe Kaisedo janë forca jonë në sulm dhe të katërt mund të formojnë një dyshe me njëri-tjetrin. Korrea nuk do të shënojë kurrë golat e Imobiles, por puna e tij është e rëndësishme për skuadrën.”

MBROJTJA – “Lojtarët më ekspertë në këtë repart po vuajnë: Uollas, Bastos dhe Kaseres. Gabimi i Kaseres në derbi ishte i pafalshëm, sepse kishte gjithë kohën e duhur për të larguar topin me këmbën e tij të preferuar. Por nuk jam dakord, kur thonë që mbrojtja është pika jonë më e dobët. Sezonin e kaluar ishim sulmi më i mirë në kampionat dhe kjo gjë sjell hapësira mbrapa.”

BADELJ – “Ai është një kapiten, një lider. Vuan kur është në pankinë, por ia kisha bërë të qartë, e dinte që nuk do ta kishte vendin e sigurtë në formacion dhe e pranoi këtë sfidë. Si Berisha, një tjetër që i pëlqen të karikojë skuadrën dhe ta marrë ekipin në shpatullat e tij. Të dy do të jenë të rëndësishëm në vijim. Më vjen keq për dëmtimin e Durmishit, ishte në formë dhe nuk duhej ky dëmtim.”

INZAGI – “Simone është gjithmonë e më shumë një trajner i pjekur. E di që mund të mbështetet te stafi i tij, skuadra dhe klubi në momente të vështira. Kam dëgjuar fjalë për shkarkimin e tij dhe të raporteve minimale me skuadrën, por janë të gjitha shpifje.”

TIFOZËT – “E vlerësova shumë mbështetjen e tifozëve në ndeshjen kundër Fiorentinës. Shtyrja që na jep “Olimpico” është thelbësore. Idealja do të ishte të kalonim nga 30 mijë tifozë të pranishëm në 40 mijë. Më emocionon ndjenja e rinisjes që ekziston në Gjermani. Hamburg luan në kategorinë e dytë dhe ka 55 mijë tifozë në stadium, ndërsa Kaizerslautern në kategorinë e tretë ka 45 mijë tifozë në stadium.”