DITËT E PARA TE TIRANA – “Të them të drejtën u ambientova shumë shpejt. Më duket sikur kam kohë te ky ekip. Disa prej çunave i kam dhe shokë jashtë fushe. I falënderoj të gjithë për mbështetjen që më kanë dhënë”, thotë fillimisht mesfushori.

MERKATO –  “Mendoj se të gjitha blerjet janë të goditura. Janë blerjet më të mira të mundshme përsa i përket kampionatit shqiptar. Kam shumë besim te lojtarët që kanë ardhur. Të gjithë duhet të japim maksimumin për të çuar Tiranën atje ku e meriton. Shpresojmë t’ia arrijmë”.

Keni festuar në derbi kur ishin pjesë e Partizanit, po nëse shënoni me Tiranën do festoni?

“Ma kanë bërë dhe një herë tjetër këtë pyetje. Të jem i sinqertë nga këtu, mund të mendoj shumë gjëra, por në fushë të tjera gjëra i ndjen, sepse janë emocionet ato që të shtyjnë shumë gjëra që nuk i ke menduar. Gjithsesi unë shpresoj të shënojmë njëherë, më pas për të festuar e zgjedhim vetë”.

RAPORTI ME TIFOZËT –“Që të më duan tifozët, unë e kam shumë të thjeshtë, pasi më duhet të jap maksimumin për fanellën e Tiranës.  – Druajtje për derbin? Jo nuk druhem aspak. Unë njihem si karakter që mezi i pres këto ndeshje.

Puthja e stemës së “demave të kuq”, brohoritjet “kush s’kërce është mi bashkie, si dhe një deklaratë e Bathës, i cili thekson se Partizanin e ka në zemër, nuk mund të harrohen nga tifozët e kuq.

“Është e vështirë të luash kundër një skuadre që e ke në zemër dhe ke shumë vite që luan atje”, janë fjalët e mesfushorit gjirokastrit, në një video të shpërndarë nga tifozët e kuq në rrjetet sociale. Batha e ka thënë edhe vetë, që i kupton tifozët e Tiranës që nuk e kanë pritur mirë këtë levizje, ashtu sikurse edhe e di mirë që tani ka bërë armiq tifozët e kuq.

Ndoshta për inat të tyre në kampin bardheblu do nisin ta duan, por do të duhet një fitore në derbi që lojtarët e Tiranës të marrin dashuri nga tifozët e tyre.

https://www.facebook.com/FKPARTIZONIALBANIA/videos/399833810880462/

“Sigurisht është kënaqësi e veçantë të veshësh fanellën e një klubi me traditë dhe me emër si Tirana. Normalisht dëshira është për ta parë veten dhe skuadrën sa më lart, por duhet t’i marrim gjërat me radhë, hap pas hapi dhe le të shpresojmë që të shkojmë atje ku të gjithë duan, edhe Tirana, edhe unë së bashku me të”, shprehet Batha për Supersport.

DERBI – “E thashë që do t’i marrim gjërat avash-avash. Pastaj, kur të vijë derbi, të na buzëqeshë fati neve kësaj radhe. Festë po shënuat? Janë gjëra që ndodhin spontanisht, janë gjëra që të vijnë dhe janë emocionale. Këtu mund të them shumë gjëra dhe në fushë mund të bëj gjëra të tjera. Më mirë t’ia lëmë fushës të shikojmë”, tha Batha.

RAPORTI ME MEMËN – “Me profesorin kam një marrëdhënie shumë të mirë dhe sa kam kuptuar, me këdo që ka punuar, ai ka marrëdhënie shumë të mira. Ashtu tipi është ai. Shpresoj, që edhe për të mirën e punës, të vazhdojmë kështu”.

KONTESTIMET E TIFOZËVE – “Për mua është shumë normale. Nuk është as hera e parë dhe as e fundit që tifozët të kenë kundërshtime për një lojtar që ka veshur më parë fanellën e rivalit. Shpresoj që avash-avash të jemi të gjithë në një krah, përderisa mbrojmë të njëjtat ngjyra. Mendoj se një ditë do të bëhemi bashkë”.

Edhe pse ka firmosur dhe është prezantuar prej disa ditësh, Batha ende nuk kishte reaguar në rrjetet sociale. Ditën e sotme, mesfushori bardheblu ka postuar për herë të parë me fanellën e Tiranës, ku edhe ka shkruar se mezi pret që të nisë aventurën e tij të re.

 

Voir cette publication sur Instagram

 

Miqt e mi, gjej rastin t’ju informoj të gjithëve që këtë vit do të jem pjesë e ekipit të tiranës , 1 aventurë qe mezi pres qe ta filloj ? por dua të falenderoj cdo njeri në qytetin e vlorës, sepse pavarsisht problemeve qe kalova aty, kurrë skam për tu penduar që zgjodha vlorën, sepse njoha shokë te mrekullueshëm dhe kush më njeh e di që për mua shokët janë më të rëndësishëm se paratë , faleminderit tifozëve vlonjat që më mbështetën me zemer , faleminderit drejtusëve te klubit , faleminderit të gjithëve.. pooor sfida ime më e madhe fillon tani , me zotin para kam besim tek vetja dhe tek klubi që zgjodha për të shkuar në majën e futbollit shqiptar . Respekte te gjithëve. I.B ???

Une publication partagée par I.B10 ?? (@idi_batha10) le 24 Juin 2019 à 4 :21 PDT

Miqtë e mi, gjej rastin t’ju informoj të gjithëve që këtë vit do të jem pjesë e ekipit të Tiranës , 1 aventurë qe mezi pres qe ta filloj ? por dua të falenderoj cdo njeri në qytetin e Vlorës, sepse pavarsisht problemeve qe kalova aty, kurrë skam për t’u penduar që zgjodha Vlorën, sepse njoha shokë te mrekullueshëm dhe kush më njeh e di që për mua shokët janë më të rëndësishëm se paratë , faleminderit tifozëve vlonjat që më mbështetën me zemer , faleminderit drejtuesve te klubit , faleminderit të gjithëve.. pooor sfida ime më e madhe fillon tani , me zotin para kam besim tek vetja dhe tek klubi që zgjodha për të shkuar në majën e futbollit shqiptar . Respekte te gjithëve. I.B

MERKATO – “Me emra duket mirë për momentin, por disa lojtarë nuk më duken të vlefshëm për Tiranën. Nga lojtarët që janë marrë, më duken si afrime për plotësuar rreshtat, vetëm Batha ma ka mbushur mendjen”.

BATHA NË AKADEMI – “Ka qenë lojtar shumë i mirë në akademi. I ka humbur disa nga vlerat e dikurshme, shënonte shumë gola dhe luante si organizator. Më pas kur filloi të luante te Besa, Teuta dhe Partizan, ai ka luajtur në role të tjera dhe ka ndryshuar si lojtar”.

PADREJTËSI – “Duhet të ishte me kohë te Tirana. U bë një padrejtësi me dhe të. Kur ishte trajner Rubio, ai e pëlqente shumë, por më pas disa pseudo-trajner që erdhën te Tirana nuk e vlerësuan siç duhet”.

“Nuk ka pse t’u vijë keq tifozëve. Batha ka qenë për dy vite pjesë e Tiranës. S’duhet të harrojmë se futbolli tani është kthyer në një profesion”.

PËRFORCIMET –“Mbrojtja nuk më pëlqen, duhen dy ose tre mbrojtës. Edhe në mesfushë duhen ndërhyrje. Në Sulm do jetë mirë po të jetë Ngo, por ai i vetëm nuk e plotëson dot të gjithë repartin”.

Batha kërkohej nga disa klube, me Kukësin në krye. E ka tentuar edhe Laçi, por kurbinasit nuk ishin të gatshëm të paguanin shifrat që mesfushori kërkonte. Verilindorët e financuar nga Safet Gjici e kishin bindur Bathën, teksa ishte arritur akordi për shumën totale që do të përfitonte.

Kukësi është stepur te pagesa “cash” që kërkonte mesfushori. 10 mijë euro parapagim, ky ishte kushti për të firmosur. Aty ngeci gjithçka, ndërkohë që Tirana u tregua e gatshme të jepte edhe më shumë në dorë, rreth 20 mijë euro. Batha pranoi marrëveshjen dhe tanimë pret të nisë një aventurë të re.

KITANOVSKI – Mbrojtësi i djathtë, i cili është larguar nga Sabail në Azerbajxhan, pritej ditën e djeshme te Kukësi. Maqedonasi Tome Kitanovski nuk është dukur, por ka njoftuar që ditën e sotme do të jetë në kryeqytet për të diskutuar për detajet e marrëveshjes dhe për të nënshkruar. Parimisht ka një akord.

Veç Kitanoviskit, te Kukësi sot pritet edhe Bruno Lulaj. Mbrojtësi, i cili luan edhe si mesfushor, ka pranuar ofertën e klubit verilindor dhe sot me shumë mundësi do të vihet nën urdhrat e trajnerit Ernest Gjoka. Sa i takon sulmuesit Ismael Dunga, momentalisht bisedimet kanë ngecur për shkak të kërkesave financiare të sulmuesit.

Sigurisht tifozët e Partizanit nuk do ta presin mirë këtë lëvizje, pasi do të veshë fanellën e Tiranës. Batha edhe në të shkuarën ka qenë pjesë e bardhebluve, me moshat. Gjithsesi vite më vonë ai u kthye në një idhull për të kuqtë dhe tashmë mbetet për t’u parë reagimi i tyre. Derbi i jep të gjitha përgjigjet.

GARA ME KUKËSIN – Veç Tiranës, për shërbimet e Idriz Bathës interesohej edhe Kukësi. Verilindorët i kishin bërë një ofertë të mirë në aspektin financiar dhe kishte një farë akordi. Gjithsesi Tirana është treguar më e shpejtë dhe burime të SportEkspres.com bëjnë me dije se presidenti Refik Halili e ka bindur Bathën të pranojë ofertën e bardhebluve.

Mesfushori është “joshur” nga shuma e parave që 24 herë kampionët e vendit i kanë ofruar në dorë. Kukësi i kishte ofruar të njëjtën pagesë, por të ndarë në rroga gjatë vitit. Te Tirana Batha do të marrë rreth 40% të kontratës në dorë dhe pjesën tjetër të shpërndarë në rroga gjatë vitit.

Batha më pas dëgjoi propozime të tjera dhe zgjodhi t’i bashkohej Flamurtarit. Një sezon i mirë në aspektin personal, teksa ka rritur të shënojë katër gola. Mesfushori e ka mbyllur sezonin me Flamurtarin, pasi me Laçin mori kartonin e 12-të të verdhë (rekord për Bathën) dhe nuk mund të luajë kundër Tiranës.

Batha tani mendon për të ardhmen. Fillimisht duhet të marrë atë që i takon nga Flamurtari. Janë miliona lekë paga të prapambetura, që shpresohet të merren pa dashur të shkohet në gjyq. Nga ana tjetër mesfushori pret të vendosë edhe të ardhmen.

Vazhdimi i bashkëpunimit me Flamurtarin duket i pamundur, ndërkohë që janë disa ekipet që kanë shprehur interesim për Bathën. Tirana është një nga klubet e lakuara, por duhet pritur përfundimi i sezonit për të parë se ku do të transferohet gjirokastriti.

TITULLI I PARTIZANIT DHE LARGIMI – “Nuk është se kam ndonjë pendesë. Futbolli është i tillë. Sikur do të më kishte pëlqyer të dilja kampion kur isha pjesë e Partizanit, por nuk kam pishman asnjë gjë. Partizani e meritoi dhe unë i uroj të gjithë atyre që janë pjesë e klubit të Partizanit, sidomos tifozëve, pasi ata e kanë merituar më shumë, ata kanë vuajtur më shumë me Partizanin në këto vite. Ishte një punë e gjatë, që nuk do vononte edhe kaq shkoi shumë. Partizani i kishte ngritur themelet dhe titullin e meritoi”.

TIRANA – “Unë mendoj që duhet të luhej me tifozë. Akoma më bukur kur ndeshje është me presion, nëse nuk ka presion ndeshje brenda është e kotë që e luan. Diferencat janë shumë të vogla, të gjitha ekipet janë aty aty. Përderisa Tirana është në atë pozicion, tregon se diçka nuk ka funksionuar dhe e meriton atë vend. Unë mendoj se grupin e kanë. Aty brenda ka shumë lojtarë që mund të bëjnë diferencën. Thjesht mendoj se aty duhet të çohet dikush, dy ose tre lojtarë ata që e ndjejnë më shumë, që ta shkundin ekipin, pasi është një gjendje që nuk e meriton një ekip si Tirana. Pa ja ulur vlerat Kastriotit që ka treguar se është një nga ekipet më të mira të momentit, Tirana mbetet Tirana dhe duhet ta fitonte këtë ndeshje me çdo mënyrë”.

FITORJA NDAJ LAÇIT DHE GOLI – “Nuk më bie shumë rasti që të kërcej në zonë e të bëj golat në kokë, por dyluftimet ajrore në mesfushë i kam një ndër pikat e mia të forta. Ç’është e vërteta prisja një ndeshje shumë të vështirë me Laçin, me atë që pamë në fushën e lojës, nuk ishte një ndeshje e vështirësisë shumë të lartë. Laçi mbetet një ekip shumë i vështirë për t’u mundur, kanë një trajner si Starova që është shumë i vështirë për t’u thyer”, përfundoi Batha.

“Normalisht është ndeshje e vështirë. Laçi gjithë këto vitet e fundit ka treguar që është një ekip me vlera dhe që ka ditur ta kapë zonën e Europës. Edhe ne e kemi treguar këtë sezon që dimë të fitojmë dhe të zhvillojmë ndeshje të mira. Normalisht është e vështirë, e kam shprehur edhe më parë që nuk ka ekipe të lehta këtë sezon. Me pak përqendrim mund ta kalojmë me sukses këtë ndeshje” u shpreh Batha.

Në lidhje me objektivin Europë, mesfushori i Flamurtarit shton: “Në rast se fitoreje me Laçin jemi ne më të favorizuar të shkojmë më tej. Kemi edhe një trepikësh në tavolinë me Kamzën. Na e bëhet edhe më e lehtë për ta kaluar Laçin”.

Batha në fund u ngacmua edhe në lidhje me fjalët që e çojnë atë te Tirana, “armiku” i përbetuar Partizanit. “Nuk është se kam pasur ofertë nga Tirana. Ç’është e vërteta më kanë ardhur fjalë nga shumë ekipe të Superiores, por që asgjë konkrete. Për momentin jam i përqendruar të mbyll kampionatin  në mënyrën më të mirë të mundshme”, u shpreh Batha.

Kur kanë kaluar dy javë, ende nuk ka një qëndrim të Disiplinës. Ky Komision është mbledhur dy herë të tjera dhe nuk ka informacion në lidhje me hetimin e nisur. Ndoshta klubet dhe lojtarët janë njoftuar për pushimin e çështjes, por zyrtarisht gjithçka është në ajër sa kohë askush nuk bën një njoftim.

Mund të ndodhë që para një ndeshjeve vendimtare Batha dhe Radas të pezullohen dhe normalisht planet e Shehit dhe të Dajës të hidhen në erë me dënimin e dy titullarëve të rëndësishëm. Normalisht Disiplina duhet të kishte sqaruar gjithçka dhe situata të qartësohej për të gjithë.

Nuk do habitej askush sikur të jetë harruar që është hapur një hetim, Disiplina është kujdesur shpesh të na dhurojë çudi nga më të ndryshmet. Me afatet dihet që ata nuk i kanë marrëdhëniet e mira dhe me këto ritme ndoshta një ditë të bukur vere do të na dalë edhe ndonjë vendim për Bathën dhe Radasin. Ne këtu jemi, presim…

Komisioni i Disiplinës është mbledhur dhe nuk ka dalë me një vendim në lidhje me Marko Radas dhe Idriz Bathën. Për ta është hapur një proces hetimor nga Disiplina dhe nuk dihet nëse ata do dënohen pas përplasjes në ndeshjen Skënderbeu-Flamurtari.

Këtë fundjavë ata mund të luajnë dhe Shehi buzëqesh, pasi për arsye kartonësh nuk mund të luajë Kaba Sambou dhe rikthimi i Radas është një lajm i mirë për të. Së bashku me Jorgo Pëllumbin do plotësojnë dyshen e qendrës së prapavijës. Gëzon edhe trajneri Daja i Flamurtarit, i cili pa Bathën do të ishte edhe më shumë i kushtëzuar në zgjedhjet e tij.

Dy lojtarët kanë pasur një konflikt në fund të ndeshjes Skënderbeu-Flamurtari dhe tanimë pritet të shihet se çfarë do të vendosë Komisioni i Disiplinës. Sot është komunikuar nisje e hetimit dhe pasi të shqyrtohen faktet, por edhe palët të japin versionin e tyre, do të merret edhe vendimi.

Batha këtë sezon është bërë shembull pas ndeshjes me Teutën, teksa u dënua në bazë të pamjeve filmike. Mesfushori është i vetmi lojtar i dënuar në këtë mënyrë këtë sezon, ndërkohë që tani mund të marrë një tjetër pezullim. Sigurisht, nëse është e vërtetë që e ka goditur kundërshtarin, atëherë do e pësojë rëndë.

Pretendimi i Bathës është se Radas e ka ofenduar të nga familja. “Është ekzagjeruar në media, nuk ndodhi gjë. Radas më ofendoi nga familja. Nuk ndodhi ajo që u përfol pas ndeshjes. Nuk jemi nga ata që ikim me vrap apo që gjuajmë nga prapa shpine”, është shprehur një ditë më parë Batha për RTSH.

“Nuk mendonim asnjë nga ne se do i fitonim të gjitha ndeshjet. Nuk ka diferenca mes skuadrave në kampionat. Në këtë situatë na dëmton shumë qoftë edhe një mungesë. Ndodhi me Veliun diçka e tillë, pasi rotacioni ndikoi për keq. Nuk bëmë një ndeshje shumë të keqe, por nuk na eci”, shprehet fillimisht mesfushori.

Në Korçë ka pasur një përplasje mes tij dhe kroatit Marko Radas dhe për atë që ndodhi Batha shton: “Është ekzagjeruar në media, nuk ndodhi gjë. Radas më ofendoi nga familja. Nuk ndodhi ajo që u përfol pas ndeshjes. Nuk jemi nga ata që ikim me vrap apo që gjuajmë nga prapa shpine”.

Ndeshja e radhës me Partizanin është e veçantë për Bathën,  i cili në formë batute thotë që shpreson që të kuqtë të mos jenë shumë të impenjuar mes tyre. “Meqë e ka siguruar titullin, shpresoj të fitojmë ne dhe ata të mos jenë shumë të motivuar. Kjo ishte një shaka. Ne duhet ta fitojmë këtë ndeshje, na duhet më shumë se ata”, u shpreh Batha në mbyllje.

Mesfushori, përmes llogarisë së tij në Instagram, përcjell një mesazh të qartë: “Hape krahun tani”. Ashtu ndodhi, pasi ai gol vulosi fitoren dhe Flamurtari e parakaloi Teutën në renditje.

Elton Kale është lojtari tjetër që dhuron “show” në rrjetet sociale. Mesazh i qartë për administratorin Sinan Idrizi, për gjendjen financiare të lojtarëve, të cilët nuk paguhen prej muajsh.

Futbollisti i skuadrës vlonjate u shpreh i kënaqur me fitoren e sotme, ndërsa shpjegoi dhe arsyen e formës së mirë që po kalon gjatë javëve të fundit.

“Është një kampionat me shumë pak diferenca. Jam shumë i kënaqur për fitoren, por jo për lojën. Gjithsesi, Tirana është një skuadër e mirë”.

MOTIVIM EKSTRA NDAJ TIRANËS? – “Nuk ka lidhje se luaj kundër Tiranës. Të them të drejtën po stërvitem mirë në Vlorë. Ambienti është shumë i qetë dhe trajneri po bën një punë të mirë. Fanella e kundërshtarit të motivon që ta mundësh, sidomos kur është një fanellë e rëndë”.

VUAJTJET NË PJESËN E DYTË – “Minutat e fundit po na plaste zemra, pasi e vuajtëm. Nuk jemi në kampionat anglez që të vuajmë kaq shumë. Me pak eksperiencë e menaxhon situatën.

SUKAJ DHE NDËRHYRJA “KUNG FU” – “Unë nuk bëj ndërhyrje ‘Kung Fu’, asnjëri nga ne. Me Sukajn folëm pak dhe tha që rrëshqiti. Ai tha se donte të shkonte te topi, por kishte humbur ekuilibrin dhe nuk e ka kuptuar pse ndërhyri ashtu.

PAGAT? – “Për situatën e pagave më mirë të pyesni presidentin”, përfundoi Batha duke qeshur.

“Ekipi është përgatitur shumë mirë dhe është shumë i përqendruar, me aq sa shoh në stërvitje. Të them të drejtën më mirë të ishim në kushtet e Tiranës, të kishim luajtur para tre ditësh, se sa të kishim një pushim kaq të gjatë dhe të futeshim në një ndeshje të tillë. Gjithsesi jemi të freskët dhe besoj se do ta kalojmë me sukses”, u shpreh Batha para mediave.

Më pas ai shtoi: “Të rrish tre javë pa luajtur, futesh në atë qetësinë dhe nuk e ke ritmin e duhur për të përballuar një ndeshje kampionati. Kampionati ynë s’ka diferenca të mëdha dhe mendoj se nuk do të ndikojë shumë. Të gjitha ekipet janë aty-aty dhe Tirana ka lojtarët e vet cilësor”.

FRANC VELIU – Flamurtari është përballuar deri më tani katër here me Tiranën, në Kupë e kampionat. “Pak a shumë të gjithë ekipet njihen. Tirana ka ekip relativisht të mirë, ka elementë shumë cilësorë. Edhe ne kemi elementë shumë cilësorë, pavarësisht largimeve, duke u ndërthurur me elementët e rinj dhe premtues të Flamurtarit. Besoj do jetë një ndeshje që do i kënaqë të gjithë dhe e ftuar. Mbi të gjithë të urojmë të fitojë më i miri”.

“Absolutisht, ne futemi në fushë për tre pikët në çdo ndeshje. E rëndësishme është të luajmë mirë, të kënaqim gjithë tifozët që do jenë të pranishëm në stadium. Madje u bëj thirrje të jenë në stadium. Besoj do bëjmë më të mirën për të arritur objektivin tonë që janë tre pikët”.

“Matematikisht në garë për Europën, do e arrini? Matematikisht ne jemi në garë edhe për titullin. Futbolli i është i çuditshëm, duhen marrë ndeshjet një e nga një. Kemi bërë edhe ndeshje false. E rëndësishme është të shikojmë ndeshjen e radhës, pastaj të shikojmë Europën”.

Trajneri Ilir Daja për sfidën me bardheblutë do të ketë të gatshëm edhe mesfushorin Idriz Batha, i cili në ndeshjen me Laçin ishte i pezulluar me kartonë. Kjo periudhë i shërben edhe Xhevahir Sukajt. Sulmuesi shkodran u bashkua vonë me vlonjatët dhe ende nuk ka kapur formën e duhur fizike.

KALE – Sulmuesi brazilian, që pas ndeshjes me Laçin ngacmoi në lidhje me situatën financiare që po kalojnë. Në një foto të postuar në “Instagram”, ai shkruante: “Edhe një ditë pune më shumë si vullnetar”. Më pas ai e ka fshirë foton, por qartazi tregohet se ende te Flamurtari nuk janë shlyer.

Kjo situatë bëri që disa prej lojtarëve të largoheshin në janar, ndërkohë që edhe të tjerë e menduan diçka të tillë. Drejtuesit kishin premtuar se në fillim të shkurtit do t’u kalonin pagat, por ende nuk ka një zgjidhje. Të gjithë presin që të shlyhen, ndërkohë që në verë me shumë mundësi largimet do të jetë të shumta.

Ndërkohë për sfidën e radhës një rikthim i rëndësishëm është ai i sulmuesit Andi Ribaj, i cili i pat shënuar Skënderbeut dhe Partizanit. Kartoni i kuq i marrë ndaj skuadrës kryeqytetase e penalizoi në sfidën me krutanët dhe tashmë ai është gati për stafin teknik.

Gjithsesi ka edhe një mungesë shumë të rëndësishme për këtë javë. Mesfushori Idriz Batha ka plotësuar numrin e kartonëve të verdhë (8 në total deri tani në kampionat) dhe në Laç nuk do të udhëtojë me skuadrën. Daja duhet të gjejë një zgjidhje për qendrën e mesfushës dhe në fakt alternativat  janë të pakta.

MOTIVIMI – “Mbi të gjitha është pasioni për futbollin. Të gjithë njerëzit edhe në një kalçeto të thjeshtë kanë dëshirë të fitojnë. Të gjithë jemi me shpresën se gjërat do të bëhen më mirë. Të gjithë duhet të japim maksimumin. Është e vërtetë që më mungon ajo ndjesia e të qenit pretendent, gjithsesi ta them me plot bindje që erdha të punoj me këta çuna që kam këtu. Janë djem e shokë të mrekullueshëm”

E ARDHMJA – “Kjo duhet parë, nëse ekipi do të formatohet dhe nëse presidenti ka dëshirë të krijojë një ekip pretendent”.

ECURIA E PARTIZANIT – “Më besoni që jam shumë i kënaqur që Partizani është në vend të parë. Në fakt do të doja të ishte Flamurtari në vend të parë, sigurisht. Gjithsesi nuk është hera e parë që Partizani është në vend të parë, ka qenë dhe kur kam luajtur unë, por jo kaq gjatë dhe me këtë diferencë”.

PROBLEMET – “Ne shpresojmë që çdo gjë të rregullohet. Në momentin që ne zgjedhim që të luajmë duhet të japim 100%-shin tonë”

RRAPAJ – “Rrapaj është një ndër talentet më të mëdhenj që ka Shqipëria në grupmoshën e tij. Unë jam një fans i çmendur i aktivizimit të lojtarëve të mirë. Ai po mëson dita ditës duke luajtur me ne”, përfundoi Batha.

Edhe lojtarët nuk kanë qëndruar pasivë. Kapiteni Artim Pollozhani ka postuar foton e dhëmbit të thyer, kurse së fundmi është mesfushori Idriz Batha që ka postuar një foto me mesfushorin Valon Ethemi.

Ky i fundit, autor i goli të parë të takimit, shfaqet duke iu varur në kurriz mesfushorit të Flamurtarit. Batha e sfidon atë, teksa shkruan: “Problemet hidhi mbi shpinë dhe vazhdo përpara”. Nga fusha i gëzuar doli Ethemi…

“Mendoja se ekipi nuk do shfaqej ashtu, por ekipi tregoi se ka në stol lojtarët po aq të mirë se titullarët. Kamza meriton respekt. Duhet t’i marrim ndeshjet një e nga një e pastaj të shohim”, është shprehur mesfushori Batha shkurtimisht.

Për takimin me Kamzën rikthehet edhe Muhamet Useini, i cili gjithashtu ishte i pezulluar për shkak kartonësh. Ndërkohë mungesë e sigurt është ajo e Fjoralb Deliajt, i cili e ka mbyllur vitin për shkak dëmtimi. Lajme të mira vijnë nga Agustin Torasa, i rikuperuar pas problemeve që shfaqi në ndeshjen me Kastriotin.

Daja mund t’i bëjë llogaritë me ta në sfidën e radhës, që zhvillohet në shtëpi kundër Kamzës. Rikthehet në Vlorë si kundërshtar ish-trajneri Ernest Gjoka, por edhe lojtarë si Hektor Idrizaj dhe Sebino Plaku.

Te Flamurtari e kanë të qartë: ndaj Kamzës objektivi i vetëm është fitorja. Kuqezinjtë duan ta mbyllin sa më mirë vitin dhe të shtunën do tentojnë të marrin fitoren e dytë radhazi. Me Useinin dhe Bathën vlonjatët janë edhe më të fortë, ndërkohë që pritet edhe Torasa të rikuperohet plotësisht.

REAGIMI – E paprecedentë! Idriz Batha dënohet me pamje filmike, nga Komisioni i Disiplinës, për një faull në favor të skuadrës tonë. Vendimi i Komisionit të Disiplinës : “Lojtari i Flamurtari FC, Idriz Batha, për lojë të rëndë ndaj kundërshtarit, në bazë të nenit 48/1/b te KDS, dënohet me një ndeshje pezullim nga aktiviteti”.

https://www.facebook.com/FlamurtariFaqjaZyrtare/videos/267279557173170/?notif_id=1541021876787897&notif_t=notify_me_page

RASTI GRECA – Në ndeshjen Flamurtari-Tirana, sulmuesi anësor Bedri Greca bëri një veprim të pamatur duke tentuar goditjen e mbrojtësit Goran Siljanovski. Edhe pse gjyqtari i katërt ishte vetëm pak metra më tutje, nuk pati as faull as karton të verdhë.

Në Vlorë reagimin e bëri sulmuesi Danilo Alvesh, i cili postoi videon dhe shkruante: “Më e keqja, as faull nuk ishte”.  Edhe pse rasti u reklamua në media, Komisioni i Disiplinës as e ka shqyrtuar atë rast. Pas ndeshjes me Flamurtarin Greca ishte titullar kunër Kamzës, ndryshe nga se do të ndodhë me Idriz Bathën.

STANDART I DYFISHTË – Veprimi i mesfushorit të Flamurtarit është i dënueshëm dhe në Vlorë duhet ta kuptojnë diçka të tillë, por edhe në Komisionin e Disiplinës duhet ta kuptojnë se ndikojnë në garë duke mbyllur sytë dhe duke mos përdorur të njëjtin standard për të gjithë. Normalisht që në Vlorë nuk do të ndihem mirë kur shohin se veç ndaj tyre zbatohen rregulloret.

Edhe reagime do të ketë, por sa vlerë kanë kur Flamurtari në shumicën e rasteve përfundon në rolin e viktimës?! Ndoshta edhe në Komisionin e Disiplinës duhet t’i thërrasin mendjes, pasi nuk mund të luhet me investimin e asnjë presidenti që mban gjallë këtë futboll që kemi, me të mirat dhe të këqijat e tij.

Nuk janë kursyer as Tirana me Flamurtarin, që janë gjobitur nga Disiplina. Një tjetër dënim i dhënë është ai për mesfushorin Idriz Batha. Ky i fundit, në bazë të pamjeve filmike, e ka pësuar dhe do të mungojë në ndeshjen me Kukësin.

VENDIMET E DISIPLINËS
-KF “Partizani”,për sjellje të gabuar të spektatorëve duke hedhur sendeve të forta brenda rrethimit të fushës se lojës dhe për paraqitje të parullave fyese dhe raciste, në bazë të nenit 66/3/a të KDS, dënohet me zhvillimin e 2(dy) ndeshjeve pa spektatorë në fushën përkatëse.

-KF “Skënderbeu”, për sjellje të gabuar të spektatorëve,në bazë të Nenit 66/2 të KDS, dënohet me gjobë në masën 50.000 (pesëdhjetë mijë) Lek.

– KF “Tirana”, për sjellje të gabuar të spektatorëve ,në bazë të Nenit 66/2 KDS, dënohet me gjobë në masën 50.000 (pesëdhjetë mijë) Lek.

– “Flamurtari FC”, për sjellje të gabuar të spektatorëve ,në bazë të Nenit 66/2 KDS, dënohet me gjobë në masën 50.000 (pesëdhjetë mijë) Lek.

-Lojtari i Flamurtari FC, Idriz Batha, për lojë të rëndë ndaj kundërshtarit, në bazë të nenit 48/1/b te KDS, dënohet me një ndeshje pezullim nga aktiviteti.

OBJEKTIVI – “Në këtë kampionat që po luajmë, skuadrat nuk kanë shumë diferenca. Edhe Kastrioti ka treguar se ka shpirt gare dhe dëshirë për të qëndruar në elitë. Normalisht që presioni është më i madh tek ne, pasi Kastrioti nuk ka çfarë të humbasë. Ne duhet të bëjmë lojën tonë dhe ta marrim në zotërim që nga fillimi ,që në fund të marrim fitoren.”

NDESHJA – “Nuk mund të them se kemi presion të madh. Kastrioti do të vijë të marrë barazimin. Ne duhet ta vlerësojmë çdo kundërshtar si gjithë të tjerët, pasi ka treguar se di të luajë futboll, por besoj se do të arrijmë tek suksesi.”

Pjesë e konferencës për shtyp ka qenë dhe Klaudio Hyseni, i cili është rikthyer pas dëmtimit të pësuar në ndeshjen me Skënderbeun. Ai është gati për sfidën me Kastriotin dhe zbulon objektivin e vetëm të Flamurtarit, që është fitimi i kësaj ndeshje.

“Kam pasur një dëmtim dhe kam qenë për një javë jashtë dhe nuk ishte një dëmtim shumë i rëndë fatmirësisht. Janë gjëra që ndodhin. Kaba më kërkoi falje me mesazh dhe tani do të shohim ndeshjen e nesërme. Fitorja në këtë sfidë është shumë e rëndësishme“, komenton lojtari vlonjat.

Trajneri Gega e përdor kudo në fushë, por për të nuk është aspak problem: “Për mua është me rëndësi është që të jem në fushë. Unë luaj aty vendos profesori dhe unë mundohem të jap më të mirën”.

Mala nuk është nga ata që u shmanget përgjegjësive: “Normalisht kur luan ke përgjegjësi, nuk ka rëndësi mosha. Çdo lëvizje që e bën duhet ta bësh me përgjegjësi dhe vlerësim maksimal. Respektoj çdo minutë që më jepet dhe mundohem të jap më të mirë”.

Më tej mesfushori thekson se mbështetja e tifozëve do të jetë një plus për ta. “Rikthimi i tifozëve nuk na vendos aspak në presion. Është një motiv shumë për ne, pasi gjithmonë kanë qenë pranë nesh dhe vazhdojnë të jenë”, shtoi mesfushori, i cili kërkon tre pikur ndaj Flamurtarit.

“Ky Partizan ka një grup të mirë, të gjithë djemtë janë të bashkuar. Ka harmoni. Në çdo ndeshje futemi për tre pikët, ky është objektivi ynë çdo ndeshje”, thotë Mala, i cili është gati të mbulojë Bathën nëse ia kërkon trajneri.

“Mbulimi i ish-kapitenit? Normalisht që po, do të pranoja. Detyrat janë detyra, sidomos kur jepen nga profesori”, përfundoi Esat Mala.

“Pikë së pari, ti më dërgove një mesazh të keq dhe unë t’u përgjigja. I vetmi që ka gabuar, që bëri të dështonte kjo marrëveshje, jeni ju. Kjo sepse na thatë se lojtari ka shumë oferta, për shembull nga Astra (Rumani). Pastaj kërkuat që rroga e tij të ishte 8000 euro në muaj dhe na thatë se ai fiton 6000 euro tek klubi i tij. Ne mësuam se ai merr 4000 euro në muaj. Veç kësaj, arsyeja kryesore që u anulua kjo marrëveshje është se pamë në internet një foto të lojtarit që bënte me dorë simbolin e Shqipërisë së Madhe. Kjo është diçka shumë e keqe, sepse ne kemi shumë lojtarë serbë në ekip dhe gjithashtu Shqipëria e Madhe përfshin vende brenda vende të Maqedonisë dhe të Greqisë gjithashtu. Tifozët do të mbetnin të zhgënjyer. Jua shpjegova në telefon dhe tani edhe po u shkruaj. Nuk dua ta bëj publik këtë mesazh sepse ende kam respekt për ju. Vasilis Vanis, drejtori sportiv i AEL”, shkruhet në mesazhin e drejtorit sportiv Vasil Vanis, drejtuar menaxherit të Bathës.

Të hënën mesfushori ka qenë në qytetin e Thesalisë të hënën për të kryer vizitat mjekësore, por sipas “sport24.gr” Larisa ka anuluar transferimin dhe në këtë mënyrë Batha nuk do të mbrojë ngjyrat e klubit grek.

Klubi i Partizanit më në fund zyrtarizoi largimin e Idriz Bathës, kjo dhe për faktin se kontrata e tij me klubin e kuq mbaron sot. Në të njëjtën linjë me Bathën është dhe mbrojtësi i krahut të djathtë, Arbnor Fejzullahi. Ai del nesër si futbollist i lirë, pasi nuk ka pranuar rinovimin. I vetmi i mbijetuar nga futbollistët që i mbaronte kontrata është Renaldo Kalari. Mbrojtësi i krahut të majtë po zhvillon fazën përgatitore në Ohër.

Postimi i Partizanit

U transferuat te Larisa në kampionatin grek, a ishte ky objektivi yt madhor dhe si ndiheni?
Dua të sqaroj se akoma nuk është mbyllur çdo gjë. Kam për të bërë vizitat mjekësore dhe pastaj prezantimin. Kisha dëshirë të provoja një eksperiencë jashtë vendit. Shpresoj të më shkojë mbarë dhe të përfaqësoj veten dhe shqiptarët denjësisht. Isha unë që vendosa për kalimin në Greqi, pasi nuk kisha kontratë. Nuk më kanë munguar ofertat as vitet e tjera, por jam ende në kohë për të dhënë dhe mësuar më shumë. Jam 26 vjeç, mendoj se jam  në moshën ideale për të luajtur futboll në nivele dhe më të larta.

Larisën do e përdorësh si trampolinë për të kapur ndonjë ekip më të mirë?
Si fillim dua të provoj veten jashtë Shqipërie. Të paraqitem sa më mirë dhe pse jo ta shoh dhe si trampolinë. Të gjithë futbollistët synojnë për më lart, asnjëherë nuk janë të kënaqur aty ku janë.

Çfarë pret nga aventura me ekipin grek?
Të them të drejtën akoma nuk jam ulur me drejtuesit e klubit të flasim për objektiva. Nuk e di as përbërjen e grupit dhe nivelin e skuadrës. Në këtë prizëm, nuk mund të flas se si do të shkojë mbarëvajtja e ekipit.

Për sa vite keni nënshkruar me Larisën?

Kontrata ime do të jetë 2 ose 3 vite. Nuk përbën asnjë problem për mua, për sa kohë që luan në një kampionat më të fortë dhe cilësor se kampionati shqiptar, pavarësisht se nuk dua të fyej futbollin tonë se kam luajtur vetë. Futbolli grek është më lart, plus unë kam futur një klauzolë në kontratë që nëse më vjen një mundësi më e mirë nuk do të kem probleme për t’u larguar.

A mund të futemi dhe në shifrat konkrete të pagesës?

Për të qenë i sinqertë nuk ishte primare pagesa apo sa do të fitoja, por më shumë për të gjetur një ekip që luan në nivele të larta dhe që është në vëmendjen e menaxherëve. Për t’i qëndruar pyetjes tuaj mund të them se është dyfishi i pagasës që përfitoja te Partizani.

Ikja e Bathës nga “demat” ishte e imponuar, pasi nuk arriti të gjente gjuhën e përbashkët për të rinovuar kontratën. Drejtuesit e kuq donin t’i ulnin rrogën, ndërsa 26-vjeçari kishte pretendime krejtësisht të tjera. Gjirokastriti zgjodhi që të largohej dhe të mos rinovonte me kryeqytetasit. Tratativa me Shkëndijën e Tetovës nuk shkoi si duhet kështu që në sfond i doli kampionati grek.

AE Larisa nuk është një ndër ekipet më të mira në Greqi. Informacionet që vijnë nga shteti fqinj bëjnë me dije se drejtuesit nuk janë aspak të rregullt me rrogat, ndërsa pretendimet e tyre nuk janë të larta. Mjafton të qëndrojnë në Superligën greke. Nga një ekip që e konsideron dështim pjesëmarrjen në Europë, siç është Partizani, te një skuadër që lufton për mesin e artë, nuk duket një zgjedhje e mirë. Në skuadër Batha do të gjejë dhe shqiptarin tjetër Fatjon Andonin.

“Vitin e shkuar kam shënuar 8 gola. Jam i lumtur që fituam, por dhe që shënova. E kishim vlerësuar Lushnjen, pasi kishte zhvilluar ndeshje shumë të mira dhe nuk e meriton atë vend në klasifikim. Nuk e diskutuam fitoren, bëmë një lojë të mirë dhe më bëhet qejfi që skuadra ka nisur të reagojë”.

Europa dhe ndryshimi? Është e arritshme, pasi mundësitë i kemi. Ndoshta trajneri që ka ardhur e njeh më mirë skuadrën dhe di t’i marrë më të mirën lojtarëve që ka në dispozicion. Kjo besoj ka ndryshuar te Partizani”.