Iceland

Gunarson kundër turqve: E njëjta gjë na ndodhi neve në vitin 2015!

Sport Ekspres — Mon, 10 Jun 2019 12:24:42 +0000

Polemikat përpara ndeshjes Island-Turqi duket se nuk kanë të mbaruar. Përfaqësuesja turke mbërriti një natë më parë në Islandë dhe përveç vonesave të shumta në aeroport, kapitenit Emre iu drejtua një furçë në vend të mikrofonit.

Kjo gjë i ka irrituar së tepërmi turqit, të cilët reaguan menjëherë. Gjithsesi, islandezët i janë kundërpërgjigjur. Ka qenë kapiteni Gunarson, i cili aktivizohet me Kardif në Angli që ka kundërshtuar turqit.

Sipas mesfushorit, e njëjta gjë i ka ndodhur në vitin 2015 Islandës, kohë kur përballej me Turqinë për kualifikueset e Euro 2016. “Nuk e kuptoj. E njëjta gjë na ka ndodhur neve në aeroport në Turqi, kur udhëtuam për të luajtur për kualifikueset e Euro 2016“.

“Islanda të kërkojë falje për trajtimin primitiv”, shpërthen Turqia!

Sport Ekspres — Mon, 10 Jun 2019 10:37:46 +0000

Në Turqi janë ndjerë keq nga tallja që slandezët i kanë bërë mesfushorit Emre Belozoglu. Një nga gazetarët e pranishëm në aeroport i nxori një furçë në vend të mikrofonit 38-vjeçarit.

Jo vetëm kaq. Kombëtarja turke është vonuar rreth tre orë në aeroportin e Keflavikut nga kontrollet e rrepta të vendasve, duke sjellë acarim dhe mërzitje të stafit teknik dhe lojtarëve.

Shteti turk lëshoi një notë diplomatike kundrejt vendit skandinav, ndërsa ambasadori turk në Norvegji, Fazli Korman, u nis menjëherë drejt Islandës pas ngjarjeve të fundit.

Turqia kërkon që Islanda të kërkojë falje për episodet, të cilët i cilëson si primitive. “Ajo çfarë u ndodhi lojtarëve tanë ishte një akt dhune. Autoritetet islandeze duhet të kërkojnë falje për këtë trajtim primitiv”, shkroi në Twitter zëdhënësi i partisë së qeverisë, Omer Çelik.

VIDEO | Islanda tërbon Turqinë, furçë në vend të mikrofonit!

Sport Ekspres — Mon, 10 Jun 2019 09:20:19 +0000

Mbrëmjen e nesërme Kombëtarja e Islandës do të presë në Rejkjavik Turqinë, në një përballje direkte për sa i përket kualifikimit në Euro 2020. Turqit kanë mbërritur në keyeqytetin islandez një natë më parë.

Pikërisht në momentin e mbërritjes së Turqisë në Rejkjavik, gazetarët e pranishëm kanë nxituar të marrin prononcimet e para të lojtarëve dhe ai që ka folur ka qenë Emre Belozoglu.

Gjithsesi, në momentin që Emre fliste ka ndodhur një episod shumë komik, me një person që ka shkuar pranë Emres dhe i ka afruar një furçë në vend të mikrofonit. Ajo që e bën edhe më komike është fakti që kapiteni i turqve nuk e ka vënë re diçka të tillë.

View this post on Instagram

WTF? ?? ? ? @fatihdogan38 @futbolarena

A post shared by 433 (@433) on Jun 10, 2019 at 1:14am PDT

VIDEO | Franca poker Moldavisë, Islanda kalon pa probleme Andorrën

Sport Ekspres — Fri, 22 Mar 2019 21:36:26 +0000

Në grupin H të eleminatoreve të Euro 2020, së bashku me kombëtaren tonë dhe Turqinë, bëjnë pjesë gjithashtu edhe Franca, Islanda, Moldavia dhe Andorra. Pikërisht, kampionët e Botës e nisën në mënyrën më të mirë rrugëtimin e tyre, teksa shkatërruan Moldavinë në transfertë me shifrat 1-4.

Antuan Grizman ishte ai që hapi serinë e golave, ku në minutën e 24-të kombinoi në mënyrë perfekte me Pol Pogba, duke çuar në avantazh kombëtaren e tij.

Tre minuta më vonë, pas një goditje nga këndi, Rafael Varan dyfishoi shifrat, pasi kërceu mbi të gjithë dhe goditi saktë me kokë.

Në minutën e 36-të pati vend edhe për një gol të Oliver Zhiru, gol që mbylli pjesën e parë me shifrat 0-3.

Në fraksionin e dytë, Franca gjeti dhe golin e katërt në minutën e 87-të me anë të Kilian Mbape. Dy minuta më vonë pati festë edhe për vendasit, të cilët shënuan me anë të Ambros. Ndërkohë, nga ana tjetër, kundërshtari ynë i radhës, Andorra, u mposht 0-2 nga Islanda. Bjarnason dhe Kjartanson ishin autorët e golavë për islandezët.

Moldavi 1-4 Francë
Shënues: Ambros 89′ / Grizman 24’, Varane 27’, Zhiru 36’, Mbape 87′

Andorrë 0-2 Islandë
Shënues: Bjarnason 22’, Kjartanson 80’

Franca vuan, pastaj futet Mbape dhe… magji!

Sport Ekspres — Thu, 11 Oct 2018 21:14:03 +0000

Franca kampione bote vuajti shumë për të evituar humbjen në Guingamp kundër Islandës, duke barazuar 2-2 në fundin e një takimi ku humbja dukej e sigurt.

Në fakt, Islanda ka disa muaj që po luan keq e pëson humbje rregullisht, por në miqësoren e sotme rigjeti shkëlqimin e viteve të fundit dhe Bjarnason në minutën e 30-të e Arnason në të 59-tën hodhën “knock down” Francën.

Gjithsesi, Didjë Deshamp është një person fatlum, sepse në dispozicion ka një djalë 19 vjeç, që quhet Kilian Mbape.

Në minutën e 60-të sulmuesi i PSG-së u fut në vend të Griezmann dhe në minutën e 86-të krijoi golin e parë, sepse një gjuajtje e tij u devijua në portën e vet nga mbrojtësi islandez Ejolfson.

Më pas, në minutën e fundit të kohës së rregullt Franca fitoi 11-metërsh dhe Mbape shënoi penalltinë e parë në karrierë, në 68 gola që ka shënuar për kombëtaren e klubet!