Disa ditë më parë, ka pasur një takim mes agjentit të Ikardit dhe Fabio Paratiçit në Ibiza, aty ku janë njohur me detajet e kontratës dhe kanë diskutuar për kushtet e saj. Juventusi e di se Ikardi dëshiron vetëm “Zonjën e Vjetër” dhe është gati të përfitojë, duke bërë një ofertë të ulët.

Siç raportojnë mediat italiane, një ofertë e parë zyrtare është bërë, prej 40 milionë eurosh. Një ofertë 3-fish më e ulët se vlera që pati Ikardi vlerën e shkuar, që kapte 120 milionë euro. Mbetet për t’u parë si do t’i përgjigjet Interi kësaj ofertë, por në rast se nuk ka një ofertë të dytë të përmirësuar, vështirë se zikaltërit mund të pranojnë vetëm 40 milionë euro.

Në një intervistë për “Corriere Dello Sport”, producenti i njohur shpjegon si qëndron situata me sulmuesin argjentinas, ndërsa zbulon dhe se ku kanë ngecur negociatat për transferimin e Hamez Rodrigez në Napoli.

“Muaro Ikardi është një lojtar shumë i mirë. Ne e vlerësojmë jashtëzakonisht shumë, kjo s’ka vend për diskutim, por ai kërkon të shkojë te Juventusi”.

“Hamez Rodrigez është lojtari më i njohur mediatikisht pas Nejmarit dhe Ronaldos. Ai kërkon të vijë në ekipin tonë, por Reali kërkon shumë për kartonin e tij. Ne s’mund t’i kalojmë limitet tona. Presim që të na ofrohet një çmim i arsyeshëm “.

ZGJEDHJA E KONTES – “E kemi ndjerë së bashku me pjesën tjetër të shoqërisë, që në këtë moment historik kishim nevojë për një trajner si Antonio Konte. Nuk kishim asnjë dyshim, ishte zgjedhja e parë dhe e vetme. Është një trajner fitues dhe një nga më të mirët në botë. E njohim mirë. Kam punuar me të më parë dhe kjo na i lehtësoi tratativat. Kemi një projekt ambicioz dhe duam ta rikthejmë Interin fitues”.

REBELËT – “Kemi të drejtën t’i zgjedhim protagonistët e këtij projekti dhe vlerat e tij. Na duhet impenjim, respekt, kulturë pune dhe mentalitet fitues, vetëm kështu mund të arrihen objektivat. Kemi vendosur së bashku me drejtuesit klubit dhe trajnerin që Naingolan dhe Ikardi nuk shkojnë me idetë dhe projektin tonë. Bëmë një zgjedhje kurajoze, të sigurt se po vendosim për të mirën e klubit, pa treguar mungesë respekti ndaj dy profesionistëve”.

“Ikardi? Nëse do të qëndrojë me ne, në fund të merkatos do të flasim drejtpërdrejt me të. Jemi optimistë që mund të gjejmë zgjidhjen më të mirë për të gjithë. Juventusi? E përjashtoj, pasi nuk janë kushtet. Vullneti i lojtarit bën diferencën, por nga sot te Juventusi nuk i shohin as hijen. Shkëmbimi me Dibala është një utopi. I di cilësitë e Paulos dhe më duket e vështirë që diçka e tillë mund të ndodhë. Gjithsesi merkato është e hapur”.

MERKATO – “Barela? Çdo klub ka të drejtë t’i vendosë çmimin lojtarëve të vet. Blerësi më pas ka të drejtë të mbrojë veten. Xheko? Ai është një objektiv, madje ka shprehur edhe vlerësimin e tij për Interin. E njëjta gjë ka ndodhur edhe me Barelën”.

“Lukaku? Po punojmë, por nuk duhet të harrojmë që kemi edhe bilanc për të respektuar. Idetë i kemi të qarta dhe duam ta kompletojmë ekipin që tani, por nuk kemi pse nxitohemi”, është shprehur mes të tjerash Marota gjatë konferencës për shtyp.

Zyrtari i Juventusit, sikurse raporton Gianluca Di Marzio në Itali, i ka kërkuar agjentes së Ikardit, njëkohësisht edhe bashkëshortja e tij, që të frenojë për pak kohë shitjen e sulmuesit te Napoli. Këta të fundit kanë gati 60 milionë euro plus bonuse.

Paratiçi ka garantuar se për pak javë do të bëjnë një ofertë tek Interi, por fillimisht duhet pritur të shesin Gonzalo Higuain dhe Mario Manxhukiç. Narës i është bërë e qartë se Juventusi e dëshiron me ngulm Ikardin në ekip. Edhe vetë sulmuesi e do këtë lëvizje.

Gjithsesi kjo situatë e krijuar nuk i shkon për shtat Interit, që nga ana tjetër duhet të gjejë pasuesin e argjentinasit. Romelo Lukaku është dëshira e merkatos, por Mançestër Junajtid pret milionat dhe pa shitur Ikardin Interi nuk mund të bëjë një ofertë. Koha është në disfavor, pasi në Angli merkato mbyllet me 8 gusht dhe “Djajtë e kuq” nuk mund të heqin dorë prej belgut në ditët e fundit të merkatos.

Në fillim u përfol se 33-vjeçari do t’i bashkohej skuadrës nga Milani për një shumë që nuk i kalon 12 milionë eurot. Megjithatë, “Sky Sports” raporton se në tryezë është dhe Mauro Ikardi.

Presidenti i Romës, Xhejms Palota, po mendon të ndërmarrë një risk të madh financiar duke afruar në kryeqytet sulmuesin argjentinas. Vlera e Ikardit ka rënë ndjeshëm gjatë muajve të fundit çka bën të shpresojë kampin. Për momentin nuk bëhet ende e ditur shuma që Roma ka ofruar krahas kartonit të Xhekos.

Tani, duket sikur Interi e ka humbur toruan me Ikardin dhe sulmuesi është në listën e transferimeve. Edhe pse Ikardi ka thënë shpeshherë se do të qëndrojë te Interi dhe do të luftojë për skuadrën, kapitulli i tij te zikaltërit duket i mbyllur.

Argjentinasi ka luajtur 23 herë në kampionat këtë sezon, duke shënuar 10 gola dhe duke asistuar 4 herë. Bomberi deri para pak kohësh, ishte idhull te Interi, por tashmë gjërat kanë ndryshuar. Real Madridi dhe Juventusi shihen si destinacionet e mundshme të ish-kapitenit zikaltër.

Një pagë vjetore neto prej 8.5 milionë eurosh dhe 3.5 milionë euro të tjera në formë bonusesh të bazuara në paraqitjet dhe arritjet e klubit. Kohëzgjatja e kontratës do të jetë për 5 sezone.

Interes për Ikardin ka shfaqur së fundmi edhe Mançester Junajtid. Në Angli kanë filluar të qarkullojnë lajme për një ndërrim Lukaku-Ikardi, por situata pritet të qartësohet në muajt në vazhdim.

Së fundmi, tekniku italian bëri disa komente mbi raportin që ekziston midis Luçiano Spaletit dhe Mauro Ikardit, ndër të tjera Panuçi diskutoi dhe mbi opsionet e së ardhmes të ketyra dy figurave të rëndësishme të klubit të Interit.

“Ne nuk mund të futemi në çështje brenda familjes, por kapiteni duhet të jetë dikush që të tregojë vlerat e tij kur futet në dhomën e zhveshjes. Personalisht besoj se nëse Spaleti vazhdon të jetë trajneri i Interit, do të jetë e vështirë që Ikardi të qëndrojë”.

“Kam punuar me Luçianon kur kam qenë lojtarë. Është një ndër më të mirët. Këtë sezon mund të qortohet vetëm për eliminimin në fazën e grupeve të Champions-it. Një njeri si Spaleti fillon të ndryshojë vetëm nëse fillon të ketë probleme me dhomën e zhveshje. Nëse do të vijë Konte, ai do të ketë bërë gati një listë shpenzimesh. Të mos harrojmë refuzoi Real Madridin”.

“Nëse ai ikën në Torino, kush do të largohet. Duhet një emër. Dibala për shembull. Por Juventusi në këto momente ka në nevojë mbi të gjitha për një mbrojtës. Ikardi është një lojtar i madh, që gjithmonë ka lënë shenjë në fushë”.

Kjo është edhe arsyeja që drejtuesit nga Milano, do të kërkojnë, pse jo edhe kryerjen e një shkëmbimi. Një mundësi ishte ajo e shkëmbimit me Edinson Kavanin, por së fundmi është eksperti i merkatos, Xhanluka Di Marcio, i cili lëshon bombën.

“I vetmi opsion i mundshëm për shkëmbim është Ikardi-Lukaku.” Pra, thënë ndryshe, Mauro Ikardi do të drejtohet për në Mançester për të veshur fanellën e Junajtid, ndërsa Romelo Lukaku do të zbarkojë në Milano, për t’u veshur zikaltër.
Aktualisht është vetëm një spekulim i prag-merkatos, por kur e thotë një si Xhanluka Di Marcio, diçka mund të fshihet pas…

Ish-kapiteni i Interit ka kohë që e ka humbur statusin e vet brenda ekipit dhe po ashtu dashurinë e tifozerisë, ndaj divorci është zgjidhja e vetme.

Kohë më parë flitej për Realin e shumë klube me emër, por telashet që shkaktojnë Ikardi dhe Uanda kanë trembur të gjithë.

Megjithatë, në Itali e japin të sigurt se Atletiko e Madridit do të hidhet në sulm në verë, pasi kërkon pasuesin e Diego Kostës. Ndërkaq, sot Gazzetta dello Sport del me lajmin se është PSG klubi që ka kaluar në avantazh në garën për argjentinasin.

Në Paris kërkojnë pasuesin e Edinson Kavanit, i cili hyn në vitin e fundit të kontratës dhe PSG nuk ka ndërmend të rinovojë, duke parë moshën, pagën dhe formën fizike të uruguajanit.

Me 70 milionë euro, Interi mund të bindet ta shesë yllin e vet, ndërsa PSG mendon të shesë Kavani dhe disa të rinj, për të gjetur fondet e nevojshme.

Sulmuesi do të mungojë disa javë, për shkak se ofendoi rëndë arbitrin, ndërsa Atletiko bën llogaritë dhe e ka kuptuar se sezoni i ardhshëm nuk mund të bazohet te braziliano-spanjolli.

Futbollist i fuqishëm, por me probleme të mëdha në sjellje, Diego Kosta ka luajtur vetëm 30% të minutave këtë sezon dhe kontributi i tij ka qenë modest.

Diego Simeone ka konfirmuar për sezonin e ardhshëm Alvaro Moratën, ndërkohë që klubi këmbëngul se Antuan Grizman nuk do largohet. Për të zëvendësuar Diego Kostën emri i preferuar është ai i Mauro Ikardit. I ri, me mesatare të shkëlqyer goli dhe “i uritur” për trofe, argjentinasi ka probleme me Interin dhe Atletiko mund të paguajë klauzolën e prishjes së kontratës së tij.

Në rast se Ikardi preferon alternativa të tjera, Atletiko ka piketuar sulmuesin serb Jovic, i cili po mahnit me Aintrahtin e Frankfurtit.

Disa fansa e pritën krahëhapur, duke shpalosur një banderolë me mbishkrimin “Mirëse u ktheve kapiten”. Megjithatë, polemikat e muajve të fundit kanë ndarë në dy kampe tifozerinë zikaltër dhe kjo u bë e qartë me kalimin  e minutave në takimin ndaj Atalantës.

Gjatë momentit të leximit të emrit të Ikardit nga folësi i stadiumit nuk munguan vërshëllimat nga mijëra tifozë, ndërsa më pas situata e përkeqësua, teksa një pjesë e ultrasve filloi të bërtiste në kor: Mercenar! Ky kor solli reagimin e disa tifozëve të tjerë në tribunën “Curva Nord”, që filluan të vërshëllenin korin ofendues.

Njeriu i mbrëmjes ishte padyshim Mauro Ikardi, i cili u rikthye të luante titullar pas 2 muajsh. Ish-kapiteni shënoi golin e dytë dhe asistoi për të tretin. Gjithashtu, paraqitje të mirë bëri edhe Roberto Galjardini, i cili shënoi golin e parë dhe të katërt, ndërsa vend për festë pati dhe për Perishiç në golin e tretë.

Roma nuk ka shkuar më shumë se një barazim 2-2 ndaj Fiorentinës, në një sfidë që vjollcët kaluan dy herë në avantazh, por që verdhekuqtë ditën të reagonin. Surpriza më e madhe erdhi nga Spali, ku vendasit tronditën Lacion, duke e mposhtur me shifrat 1-0 dhe duke i bërë një dhuratë të jashtëzakonshme Milanit.

Pas ndeshjes trajneri i Interit Luçiano Spaleti foli për Sky Sport, ku natyrisht nuk e fshehu zhgënjimin: “Humbje e rëndë, ndaj një rivali direkt. Një ndeshje që e luajtëm mirë për periudha të gjata, por nuk patëm fat sepse pësuam gol që në fillim dhe më pas Lacio doli në lojën që donte”.

Natyrisht, mediat e kanë mendjen te çështja Ikardi: “Juve ju zbavit kjo histori, por mua nuk ma heq fare qetësinë. Duhet të luajnë të tjerët, për mënyrën si është sjellur, pastaj ju bëni filma, puna juaj. Ngjarjet janë të qarta, është e drejtë të luajnë të tjerët në këtë moment,e dhe pse Ikardi mund të luante 45 minuta për mua. Megjithatë, duhet besueshmëri në dhomat e zhveshjes, të kesh besimin e grupit. Unë kam patur besimin e çdo grupi ku kam punuar, për 22 vite, janë lojtarët me të cilët kam punuar ata që e tregojnë historinë time, jo ju, që kërkoni dhe publikoni çfarë ju teket.

“Interi nuk shkonte në Champions prej 6 vitesh, apo gabohem? Dhe Ikardi aty ishte. Sa ndeshje kemi humbur me Ikardin në fushë? Të ndërhysh që Ikardi të luajë është diçka poshtëruese, për gjithë interistët. Çdo të thotë të bisedosh, të bësh tratativa për të grumbulluar dikë? Çfarë të bëj, të dërgoj 20 e-maile për të thënë nëse grumbullohet dikush apo jo? Tratativat i shihni ju, shkoni e thojani një tifozi interist që një lojtar duhet lutur që të luajë. Unë kam nevojë që të luajnë të tjerët, pastaj ai do kthehet në grup dhe nëse vazhdon të sillet si ka bërë deri tani….

“Messi e Kristiano bëjnë diferencën, ndoshgta edhe pak të tjerë. Është disiplina forca e vërtetë e skuadrës, kundrejt vetes dhe ambientit ku punon. Pastaj tensionin Interit ia rritin gjithnjë, sepse i hidhen sipër dhe i bëjnë gjëra që ky klub nuk i meriton”.

Ikardi ishte në tribunë, duke u kthyer në San Siro pas disa javësh ku nuk paraqitej fare, ndërkohë që në krah të tij nuk mungonte bashkëshortja-agjente Uanda Nara.

Para ndeshjes për çështjen Ikardi foli sërish administratori i deleguar Bepe Marota, i cili i ktheu përgjigje edhe avokatit të Ikardit Paolo Nikoleti, i cili dje tha se Interi nuk e kishte njoftuar që argjentinasi nuk do grumbullohej.

“Spaleti merr vendime në mënyrë të pavarur, nuk mund t’i thueht asgjë, sepse ka vepruar për të mirën e ekipit. Kthimi i Ikardit do të bëhet gradualisht, ka nisur tashmë, për të tjerat vendos Spaleti“, tha Marota, i cili i drejtoi një mesazh avokatit të sulmuesit: “E vlerësoj si profesionist, por nuk mund ta dijë ai listën e të grumbulluarve para të tjerëve, nuk jemi në fantafutboll këtu. Ka rregulla, nuk mund të bëjë kërkesa të tilla, pa asnjë logjikë“.

Lajmi bëhet i ditur nga media e njohur italiane “Mediaset Sport”. Në rast se gjithçka shkon mirë Ikardi do të ketë mundësinë për të gjetur formën e duhur për të qenë gati për sfidën delikate të 31 marsit, ku Interi pret në “San Siro” Lacion.

Duke parë raportin e përkeqësuar me trajnerin Spaleti është shumë e vështirë që 26-vjeçari të rikthehet titullar në një kohë kaq të shkurtër, gjithsesi gjëja më e rëndësishme për Interin dhe lojtarin është që situata po shkon drejt normalitetit.

Përveç eleminimit dhe momentit jo të mirë, Spaletin e shqetësojnë edhe mungesat, të cilat janë të rëndësishme dhe me peshë. Ditën e sotme është zyrtarizuar lista e të grumbulluarve për ndeshjen dhe bie në sy që Mauro Ikardi nuk është përsëri pjesë e grupit.

Gjithashtu, ish-kapitenit i bashkangjiten edhe Raxha Naingolan, i cili nuk është rikuperuar ende nga dëmtimi, si dhe Zhoao Mario. Lajmi i vetëm i mirë është Marselo Brozoviç, i cili me shumë mundësi do të jetë në dispozicion të trajnerit. Gjithsesi, mungesa e tre lojtarëve të përmendur më lart, është diçka që e shqetëson jo pak trajnerin dhe Interin…

Juventusi shihet si skuadra e duhur për sulmuesin argjentinas, duke qenë se e njeh mirë kampionatin italian. Po ashtu, Mario Mandzukiç është në vitet e fundit të karrierës dhe Ikardi shihet si lojtari i duhur për të mbushur hapësirat në majën e sulmit.

Ndërsa Reali i Madridit është futur në një fazë rindërtimi dhe trajneri Zidan ka bërë gati listën e dëshirave. Mësohet se Ikardi është në krye të kësaj liste dhe presidenti Perez mund të paguajë shumë e kërkuar nga Interi për kartonin e argjentiansit.

Në këtë mënyrë, situata është kaotike dhe duket se nuk po prodhojnë asgjë takimet mes administratorit të deleguar Bepe Marota dhe përfaqësuesve të sulmuesit argjentinas.

Të enjten Interi do të presë Aintrahtin e Frankfurtit në Europa League dhe në sulm është në vështirësi të mëdha, por Ikardi nuk kthehet më në stërvitje, me sa duket. Fitorja e sotme sigurisht ka vlera, por situata e krijuar me argjentinasin është e paprecedentë.

“Treguam sa cilësi kemi. Këtë paraqitje duhet të bëjmë gjithmonë. E treguam këtë gjë edhe në ndeshjen kundër Frankfurtit. Në fillim na kapën pak emocionet, por është diçka që ndodh. Gjithsesi duhet të tregohem i kujdesshëm me fjalët, nuk po them se ekipi u frikësua thjeshtë po tregoheshim më të kujdesshëm se ç’duhej. Jemi Interi dhe gjithmonë përpiqemi të fitojmë”.

“Ishte një ndeshje delikate, por goli i ndryshoi fytyrën ekipit. Për shembull, pas golit Galjardini, Dalbert dhe Zhoao Mario u shndërruan në lojtarë krejtësisht të ndryshëm. Të gjithë treguan se çfarë janë të aftë të bëjnë, nuk mund të lë pa përmendur dhe paraqitjen e mirë të Lautaro Martinez”.

Ikardi: “Nuk do të flas për të, pasi çdo gjë që unë them interpretohet keq. Duhet të jemi të bashkuar, vetëm kjo ka rëndësi”, përfundoi Spaleti.

IKARDI – “Ikardi kapiten? Për mua, Mançini bëri zgjedhjen e duhur kur ishte trajner. Ai është një kampion, si brenda fushës, ashtu dhe jashtë saj. Ai është djaloshi i artë. I vetmi gabim që Ikardi ka bërë është që i ka besuar si agjente gruas së tij”.

GATUZO – “Askush nuk e mendonte se Gatuzo do të qëndrojë kaq shumë në krye të Milanit. Ka marrë rezultate shumë të mira. Kur ishte presidenca kineze, Rino kishte shumë presion. Por unë insistova që të jetë ai trajneri i yni dhe kjo zgjedhje duket se na është paguar. Gatuzo është i zgjuar dhe e rrethon veten me njerëz që e ndihmojë shumë”.

BLERJET E TIJ – “Nuk mund të them se kam bërë merkato të shkëlyqer, por jam krenar për atë periudhë që ndihmova Milanin. Kemi bërë disa investime të mira, me Çalhanoglun, Konti, Kesi, Rodrigez dhe Musakio, prandaj jam krenar me ato që kemi bërë”.

ÇALHANOGLU – “Gatuzo ka shumë respekt për të. E kupton potencialin që Hakan ka dhe e aktivizon në çdo ndeshje. E blemë Çalhanoglun si lojtari më i mirë në Bundeliga, që kishte asistuar më shumë se të gjithë. Kur morëm zyrtarisht kartonin e tij, shumë rivalë tanë u frikësuan”,- përfundoi Mirabeli.

“Luajtëm një ndeshje u treguam karakter dhe autoritet. Duhet të mendojmë më shumë për lojën se sa për rezultatin, pasi është një përballje me dy takime dhe rezultati ka rëndësi vetëm në fund. Pjesën e parë e menaxhuam mirë, ndërsa më pas kundërshtari na hapi punë. Janë një skuadër shumë fizike dhe në duelet për top hasëm vështirësi”.

PERISIÇ – “Ai ndjeu pak lodhje dhe kishte një shqetësim muskulor. Gjithsesi asgjë për t’u shqetësuar ai është si një kalë dhe dëmtime të tilla i kalon shpejt”.

PENALLTIA – “Brozoviç kërkoi ta gjuante penalltinë. Ai është i aftë të gjuajë penallitë si shumë lojtarë të tjerë të skuadrës, por secili nga ne mund të bëjë gabime.

IKARDI – “Kjo është një pyetje për Marotën, ai po flet me të. Unë fokusohem te lojtarët që kam në dispozicion. Kemi dhe shumë mungesa të tjera, por ju (mediave) nuk interesoheni kurrë për ata”.

Është rikthyer Leo Mesi në kombëtare, me kapitenin që mungonte në miqësoret e fundit, ndërsa në sulm është konfirmuar përsëri Lautaro Martinez. Mauro Ikardi mbetet jashtë grumbullimit, kjo dhe për shkak të ngjarjeve të fundit mes tij dhe klubit të Interit.

Ndërkohë, në sulm gjithashtu janë pjesë edhe Benedeto, Gonzalo Martinez, apo Suarez i  River Plejt. Ndërkohë, nga ana tjetër, Serxho Aguero dhe Gonzalo Higuain janë konfirmuar sërish jashtë grumbullimit.

Trajneri Spaleti tha para një jave se sulmuesi do të rikthehej të hënën ose të martën në stërvitje, por kjo gjë nuk ka ndodhur. “Sky Sports” raporton se sulmuesi nuk do të dalë në stërvitje as ditën e sotme.

Mungesa e Ikardit ka ndikuar në rezultatet e skuadrës zikaltër. Që prej vendimit për t’i hequr shiritin e kapitenit, skuadra e Interit ka arritur vetëm një fitore në tri takime të Serie A.

Zikaltrit duhet të zgjidhin çështjen “Ikardi”, me sulmuesin argjentinas që me shumë gjasa do të largohet në verë. Duke parë një largim të mundshëm të ish-kapitenit të tyre, Lukaku shihet si emri ideal për të përforcuar sulmin. Spaleti nuk e ka mohuar interesimin për Lukakun, por belgu do të jetë një transferim i shtrenjtë.

Megjithatë, duke parë që Lukaku nuk bën pjesë në planet e Solskjaer, bordi drejtues i Mançester Junajtid është i gatshëm të hapë negociatat, në mënyrë që të arrihet të një shifër e kënaqshme për të dyja klubet.

NDESHJA – “Mesa po shoh, jemi një ekip me shumë koklavitje. Nuk jemi të njëjta nga ndeshje në ndeshje ose gjatë periudhave të caktuara. Na ndodh që të bëjmë lojëra të një niveli shumë të lartë, ndërsa ndeshjen tjetër zhytemi krejtësisht. Nuk po arrijmë të jemi konstant me futbollin që duam të luajmë”.

ARBITRAT – “Po ka pasur disa probleme si ato që ndodhën në ndeshjen me Fiorentinën. Këto gjëra mund të ulin besimn te lojtarët, por nëse vesh këtë fanellë duhet të dish të përballosh situata të tilla”.

IKARDI – “E kam thënë gjithmonë se mënyra më e mirë për të treguar se e dashuron Interin është që të futesh në fushë. E përsëris, po presim që gjërat të qartësohen. Atij i duhet dhe një javë që të mbarojë planin e riaftësimit, që pritet t’i japë fund dhimbjes që ai po ndjen në gju. Pasi të mbarojë trajtimi ai dhe i dëmtuari tjetër Keita do të rikthehen në fushë”.

Më pas Spaleti u pyet nga paneli i “Sky Sports” se përse Ikardi nuk shtrëngon dot dhëmbët dhe të luajë me dhimbje siç kishte deklaruar në një letër të pak ditëve më parë. Kjo pyetje e acaroi teknikun toskan, i cili u përgjigj: Përse më pyesni ndryshe për Ikardin dhe ndryshe për Keitan. Përse nuk pyesni kur do të rikthehet Keita. Ju po sugjeroni se ka diçka që nuk shkon në sjelljen e tij, prandaj bëni këto lloj pyetjesh. Nëse nuk jeni të bindur, ky është problemi juaj”.

RANOKIA SULMUES – “Ai zëvendësim kishte të bënte me lojën që po zhvillonte Kaljari në pesë minutat e fundit. Në ato lloj rrethanash ishte e kotë të fusja një lojtar të shpejtë. Na duhej një lojtar i gjatë që shfrytëzonte me kokë harkimet e tona”, përfundoi trajneri i Interit.

Sipas medieve italiane klubi oferta maksimale e klubit ka qenë 7.5 milionë euro në sezon, pagë kjo që do ta rendiste atë të dytin në renditjen e lojtarëve më të paguar në kampionatin italian, pas Kristiano Ronaldos.

“Eurosport” ka bërë një renditje të lojtarëve më të paguar të në Serie dhe me pagën aktuale, Ikardi renditet në vendin e pestë. Fakt tjetër interesant i kësaj liste është  në shtatë vendet e para Juventuesi ka një supremaci të frikshme me gjashtë lojtarë.

Lojtari  |  Paga vjetore (pas taksimit)

1.Kristiano Ronaldo – 31 milionë €
2.Paolo Dibala – 7 milionë €
3.Miralem Pjaniç – 6.5 milionë €
4.Xhanluixhi Donaruma – 6 milionë €
5.Duglas Kosta – 6 milionë €
6.Leonardo Bonuçi – 5.5 milionë €
7.Emre Çan – 5 milionë €
8.Lorenco Insinje – 4.6 milionë €
9.Mauro Ikardi – 4.5 milionë €

Mesa duket “lufta” midis klubit dhe lojtarit do të vazhdojë, pasi asnjëra palë nuk po pranon “të hapë rrugë”. Në letrën e tij Ikardi bën apel që të merret një vendim për ta zgjidhur këtë situatë për të mirën e Interit.

LETRA E IKARDIT

“Është në kohët më të vështira ku dashuria e vërtetë tregohet. Në ato momente vendosa që të qëndroj tek Interi me Interin. Kur mendova se me objektivat e mi mund ta forcoja Interin. “

“Pavarësisht të gjithë vështirësve vendosa të qëndroj. Për dashurinë që kam për këto ngjyra kam refuzuar oferta që lojtarë të tjetë do ta kishin shumë të vështirë t’i thoshin jo”.

“Kam luajtur me dhimbje që më kanë bërë të lotoj në fund të ndeshjes dhe për ditë me radhë më pas, por përherë jam përpjekur të harroj çdo dhimbje për objektivin e vetëm për të dhënë gjithçka për këto ngjyra, për dashurinë që kam për ngjyrën zikaltër, pasi për mua ekziston vetëm Interi”.

“U kam mësuar fëmijëve të mi se gjithmonë duhet të shpresojnë. U kam mësuar se është e vështirë të fitosh, por ta bësh këtë me Interin ka një kuptim të veçantë, që vetëm një interist i vërtetë mund ta kuptojë dhe ndjejë. Sytë e fëmijëve të mi nuk gënjejnë”.

“Realizova ëndrrën time, realizova ëndrrën e  të gjithë ne interistëve, rikthimin në Champions League duke qenë kapiten i skuadrës. Gjithmonë kam qenë kundër atyre që kanë tentuar të ikin nga skuadra në rastin e parë që iu është dhënë. Kam respektuar tifozët, shokët e skuadrës, klubin dhe të gjithë trajnerët që kanë ardhur e ikur gjatë kohës sime këtu”.

“Kam bashkëpunuar me klubin, brenda dhe jashtë fushës. Kurdoherë që ka ardhur një lojtar i ri, u kam treguar se vetëm me pasion mund të arrijmë objektivat tanë”.

“Çdo sakrificë që kam bërë ka qenë për shkak të dashurisë për këto ngjyra dhe gjatë të gjithë kohës kam treguar respekt. Nuk e di, nëse kësaj radhe ka dashuri dhe respekt ndaj Interit dhe meje nga ana e atyre që marrin vendimet. Nuk e di a ka dëshirë nga dikush që të veprojë dhe t’i rregullojë gjërat vetëm e vetëm për hir të Interit”.

“Shumë gjëra mund të ndodhin në një familje, qofshin të këqija ose të mira. Në emër të dashurisë njeriut i duhet të bëjë shumë gjëra, por respekti s’duhet të mungojë. Këto janë vlerat e mira për të cilat kam luftuar gjithmonë gjatë historisë sime tek Interi”.

Sulmuesi zikaltër nuk luan me Interin që prej datës 9 shkurt dhe pritet që mungesa e tij të vazhdojë edhe për disa javë. Gjithsesi Argjentina e ka luksin ta lërë jashtë Ikardin, pasi sulmuesit cilësorë janë me bollëk për kombëtaren amerikano-latine.

Në mars mund të kthehet edhe Linoel Mesi, ndaj mungesa e Ikardit as që të ndihet. Gjithsesi për sulmuesin me rëndësi është të mësohet realisht shkalla e dëmtimit, pasi mediat italiane kanë raportuar edhe për nevojën e një ndërhyrjeje në gju, që do e linte jashtë fushave të blerta për rreth dy muaj.

Nga njëra janë “aleatët” e Ikardit, i cili përbëhet nga treshja spanjisht-folëse Lautaro Martinez, Borha Valero dhe Matia Vesino, ndërsa këtij grupi i bashkohet dhe italiani Mateo Politano.

Grupin opozitar “Corriere” e cilëson si “klani sllav”, pasi përbëhet nga Ivan Perisiç, Marcelo Brozoviç dhe Samir Handanoviç, ky i fundit mban tani shiritin e kapitenit.

Po të tregohesh i vëmendshëm mund të gjesh në rrjete sociale prova të ndasive mes Interit. Perisiç pati një konflikt të shkurtër me Politanon në ndeshjen me Fiorentinën, pasi ky i fundit kreu një festim të ngjashëm me Ikardin.

Ayer, después de su GOLAZO vs Fiorentina, Politano celebró haciendo el gesto de Icardi. Le extrañan, necesitan a su capitán.

A Perisic, en cambio, no le gustó tanto la dedicatoria.pic.twitter.com/dyqMlcylOZ

— diariopiez_hn (@Diariopiez_hn) February 25, 2019

Sikur të mos mjaftonte kjo, sulmuesi kroat ka pëlqyer dhe një foto në Instagram, ku sugjerohej që Interi të hidhej në sulm për t’i marrë Romës Edin Xhekos për të zëvendësuar Ikardin.

Përballë ish-futbollistit ishte gruaja e Ikardit, Uanda Nara, e cila nuk e priti aspak mirë këshilën e Kasanos.

Kasano: “I jap një këshillë Ikardit dhe ia thotë dikush që ka bërë plot idiotllëqe. Duhet të shkojë në dhomat e zhveshjes, të sqarohet me shokët, ose me trajnerin. Ai ka probleme me Spaletin dhe me disa lojtarë, kjo është e qartë tashmë. Duhet të sqarohet dhe të mbyllë gjithçka aty, sepse ai i duhet Interit dhe Interi i duhet atij. Nëse nuk ka pajtim, nuk ka më kthim pas”.

Uanda iu përgjigj ashpër: “Këto janë gjepura, si të shkojë në dhomat e zhveshjes, ai shkon përditë aty. Ku ka gabuar Ikardi, për çfarë të kërkojë falje dhe çfarë duhet të sqarojë?”.

Kasano ka një përgjigje origjinale kur pyetet se çfarë do të ndjente, nëse do të ishte në vend të argjentinasit dhe do i hiqnin shiritin e kapitenit. “Ashtu siç jam ndërtuar unë, do shkatërroja gjithçka, por duhet gjetur zgjidhja, pasi Ikardi nuk mund të qëndrojë pa luajtur deri në verë”, përgjigjet barezi i famshëm.

Wanda Nara and Icardi getting lessons in diplomacy and morals from Antonio Cassano.
“Tell your husband to apologise to his team-mates and sort this situation out before it’s too late!”

This is getting beyond ridiculous now ??https://t.co/RSeQk8UFtU

— Uncle $harma ?? (@RSharmzz) February 25, 2019

Drejtuesit e Interit nuk kanë ndërmend ta largojnë ish-kapitenin e tyre, por në rast se vjen oferta e duhur, do të privohen nga shërbimet e bomberit argjentinas. Si pasojë, stafi ka nisur punën për të gjetur pasuesin e tij.

Emri më i përfolur është ai i Romelu Lukakut, sulmuesit belg të Mançester Junajtid i cili nuk preferohet nga Solskjaer. Lukaku i kushtoi 75 milionë sterlina “Djajve të kuq” dy sezone më parë, por nuk arriti për asnjë moment të tregojë potencialin e plotë të tij.

Me shumë gjasa, edhe belgu do të largohet nga “Old Trafford”, me skuadrën e Interit si destinacioni më i mundshëm për të.

Menjëherë pas heqjes së shiritit, në prag të ndeshjes së vajtjes kundër Rapid Vjenës në Europa League, Ikardi kërkoi të mos grumbullohej, të paktën sipas trajnerit Spaleti, i cili nuk e ka pasur në dispozicion për tre ndeshjet e fundit.

Realisht Ikardi vuan nga një dëmtim në gju, por Interi nuk po arrin ta zbulojë ku është problemi. Një telenovelë e vërtetë, pasi askush nuk mund ta thotë kush gënjen realisht.

Megjithatë, sot Corriere dello Sport del me një lajm të bujshëm: ylli i sulmit të Interit ka luajtur me injeksione për një kohë të gjatë dhe tashmë situata është bërë e papërballueshme, ndaj po mendohet operacioni, për të pastruar zonën e dëmtuar dhe për të larguar dhimbjet dhe inflamacionin!

Vendimi nuk është marrë ende dhe mjekët që po kurojnë Ikardin po presin edhe pak ditë për të parë si do ndihet futbollisti, i cili nëse operohet, mbyll sezonin, sepse do t’i duhen të paktën 2 muaj pushim absolut.

Me 15 gola në të gjitha kompeticionet, Ikardi është shënuesi më i mirë i Interit dhe pa të do të ishte shumë e vështirë mbrojtja e vendit të tretë, kombinuar me ndeshjet në Europa League, ku Interi kërkon trofeun.

Sot, “TuttoMercato” ka bërë një sondazh me pyetjen nëse Interi ka bërë veprimin e duhur ku i hoqën shiritin e kapitenit argjentinas dhe mbi 9 mijë tifozë votuan. Mbi 87% e tifozëve ishin dakord me vendimin e klubit për t’i hequr shiritin sulmuesit, ndërsa 12% mendonin të kundërtën.

Duket qartë se dhe tifozët zikaltër i janë kthyer kundër sulmuesit, situata e të cilit është ende e paqartë.

“Disa njerëz thonë se shiriti i kapitenti i pakuptimtë, por për Mauron (Ikardin) ishte s’i të hiqnin njërën këmbë se sa thjesht krahun. Ai vesh fanellën me kaq shumë krenari dhe nëse do të nevoja në të shkuarën për të zgjedhur midis parave dhe fanellës ai do të zgjidhte gjithmonë fanellën”

“Nuk më dhanë asnjë paralajmërim. Jam gjithmonë në kontakt me klubin, por e mora vesh lajmin për heqjen e shiritit të kapitenit nga një postim i klubit në rrjetet sociale. Kam pasur pak më parë një takim që zgjati tre orë për drejtuesit, por s’ma përmendën kurrë këtë”

“Mauro ka shënuar 120 gola me këtë fanellë dhe kur askush nuk ishte më besim, ai ishte i pari që merrte topin dhe çonte skuadrën përpara, pasi ai beson te kjo skuadër. Mbetemi jë familje interistësh, s’ka rëndësi nëse ai është në fushë ose jo”.

“Interi është familja ime, dhe kështu kur ndodhi incidenti kur më goditën makinën me gur, të parët që mora në telefon ishin njerëzit e klubit. Ikardi në atë momente ndodhej në gjumë, pasi ishte stërvitur pasdite. Nuk kemi në plane të largohemi pa asnjë dyshim”, tha Nara.

Pavarësisht këtyre zërave, asgjë nuk është zyrtare dhe Mançester Junajtid kërkon të përfitojë nga kjo situatë. Sipas tabloideve angleze, “Djajtë e Kuq” kanë bërë gati një ofertë prej 100 milionë eurosh (87 milionë paundë).

Për shkak të  zhvillimeve të fundit, drejtuesit e Interit janë të gatshëm të shqyrtojnë ofertat për ish-kapitenin e tyre, që me shumë gjasa ka bërë gati valixhet dhe do të largohet nga “San Siro”.

GOLI I  DIBALËS – “Jam shumë i lumtur. Paolo po e kërkonte prej kohësh. Sulmuesin jetojnë për të shënuar. Na duhet nj lojtarë i aftë të luajë mes linjave të kundërshtarët. Atë punë ai e bën shumë mirë. E kam thënë dhe më parë, ndoshta kjo vendosje e limiton në aspektin e golave, por i ndihmon shumë sulmuesit që ka përpara”.

ATLETIKO – “Në Madrid do të na duhet të shënojmë. Do të jetë një ndeshje ndryshe, ku do të na duhet shumë përqendrim dhe mprehtësi”.

IKARDI  – “Nuk di gjë nga merkato. Në verë jam me pushime, më vijnë dhe lojtar dhe i stërvit. Lojtar i madh? Di gjë di të bëjë gola. Për pjesën tjetër pyesni Spaletin. Që ta njohësh mirë një lojtar duhet ta stërvitësh”, përfundoi Alegri.

Ikardi ka kaluar shumë ditë të trazuara te zikaltrit. Çështja e rinovimit është zgjatur shumë, me sulmuesin dhe drejtuesit e klubit që nuk kanë gjetur ende akordin. Për më tepër, Ikardit iu hoq dhe shiriti i kapitenit. Këto zhvillime të fundit, kanë bërë që e ardhmja e argjentinasit të vihet në dyshim.

Shumë zëra e çojnë ish-kapitenin e Interit te Juventusi, një lëvizje që mund të jetë më e bujshmja në verë. Bisedimet e para mes dy klubeve priten të nisin shumë shpejt dhe me Anjelin që është gati të paguajë, Interi thjesht duhet të vendosë së sa para mund të përfitojë.

“Lojtarët nuk mund të pranojnë që partnerja të bëjë disa deklarata dhe ti të mos flasësh fare, e pakta duhet të thuash diçka. Duhet të lëshosh një deklaratë ku përkrah ekipin, shokët e tu,

“Këtë gjë do duhej të bënte edhe Ikardi, menjëherë, por nuk e bëri. Për këtë arsye, as nuk guxoj ta imagjinoj çfarë ka ndodhur dhe si ka hyrë në dhomat e zhveshjes.

“Kapiteni nuk është vetëm për t’i shtrënguar dorën arbitrit dhe për të shkëmbyer stemën e klubit me kapitenin kundërshtar, në një kohë që kapitenin e vërtetë e ke në shtëpi“.

Deklaratë e fortë, që shigjeton bashkëshorten-agjente të Ikardit, Uanda Nara, e cila i ka krijuar gjithë këto probleme sulmuesit argjentinas, duke folur pa teklif në media.

Me anë të një postimi në Instagram, Ikardi ka lëshuar një mesazh enigmatik duke postuar një foto të vetën shoqëruar me thënie të shkrimtarit amerikan Mark Tuejn: “Më mirë të heshtësh dhe të dukesh si budalla, sesa të flasësh dhe të largosh çdo dyshim”.

https://www.instagram.com/p/Bt4HKVeH-iN/?utm_source=ig_web_copy_link

Heqja e shiritit të kapitenit, nuk u prit aspak mirë nga argjenatinasi që refuzoi të udhëtonte me skuadrën për transfertën kundër Rapidit të Vienës. Në ditët në vijim pritet që të zbardhet e vërteta e krisjes së tij me kupolën drejtuese të klubit zikaltër.