Qaka debuton me fitore bindëse: Këtu ndihem si në shtëpi

Sport Ekspres — Mon, 03 Sep 2018 20:32:14 +0000

Kamer Qaka u prezantua ditën e djeshme te skuadra Iashit, por kjo nuk e penguar që ta fillojë direkt si titullar ndeshjen e tij të parë. Qaka luajti 90 minuta të plota në fitoren 3-0 të Iashit ndaj Konkordias.

Rikthimi në ekipin ku spikati në kampionatin rumun, duket se e ka gëzuar jashtë mase mesfushorin e kombëtares tonë, që përjetoi disa javë tejet të sikletshme te Steaua e Bukureshtit. Në intervistën pas ndeshjes Qaka deklaroi.

“Jam shumë i lumtur që jam rikthyer te Iashi, këtu ndihem si në shtëpi. Çfarë ndodhi, ndodhi. Rëndësi ka që tani jam këtu dhe asgjë s’ka ndryshuar. Nuk kam asgjë për të thënë për situatën time te Steaua me presidentin Xhixhi Bekali”…

Video | Papa gjen golin e parë “rumun”, Qaka prezantohet te klubi i ri

Sport Ekspres — Sun, 02 Sep 2018 20:56:21 +0000

Enriko Papa ka qenë një ndër heronjtë e skuadrës së Botoshanit në barazimin e pabesueshëm në transfertën ndaj Steauas. Vendasit shkuan shum shpejt nën avantazhin e dy golave, por në minutën e 41’, djaloshi i lindur në Kuçovë çoi drejt rrjetës një top të harkuar në zonë dhe ngushtoi diferencën, ndërsa më pas Botoshani barazoi shifrat në fund takimit duke e çuar rezulatin përfundimtar të ndeshjes në 2-2.

Javët e fundit kanë qenë disi surreale për shqiptarin tjetër të kampionatit rumun, Kamer Qakën. Mesfushori i kombëtares shqiptare, fillimisht mori elozhet e presidentit të Steaus, Xhixhi Bekali, por më pas situtata mori një kthesë 180 gradë, me presidentin në fjalë që e caktoi si të pavlerë.

Fatmirësisht, situata ka marrë një zgjidhje. 23-vjeçari është rikthyer në huazim aty ku spikati, te skuadra e Poli Iashit. Një zgjidhje perfekte, pasi kthehet në një ambient që e njeh, larg presionit që karakterizon një klub i madhësisë së Steauas.