Kështu, pasi prezantoi qendërmbrojtësin kroat Renato Gojkoviç, Partizani ka prezantuar edhe dy afrime të tjera, që në fakt ishin bërë prej ditësh.

Nga Vllaznia vjen mbrojtësi 19-vjeçar Senad Hysenaj, i cili ka firmosur një kontratë 3-vjeçare, ndërsa pret të debutojë në Superiore, sepse te Vllaznia luante me ekipin B në Kategorinë e Parë.

Ndërkaq, është prezantuar edhe Emran Ramadani. 25-vjeçari, i cili ka qenë pjesë e Renovës, ka nënshkruar për 2 vite e gjysmë me Partizanin. Ramadani luan më së shumti në krahun e djathtë të mesfushës, por mund të aktivizohet dhe si sulmues krahu. Më herët 25-vjeçari ka qenë pjesë e Shkëndijës, por dhe e Hajduk Kulas në Serbi. Për të do të jetë eksperienca e parë në Shqipëri.

Në stërvitjen e sotme natyrisht mungonte Lorenc Trashi, tashmë i dënuar nga klubi të stërvitet me Partizanin B pa afat.

Ndërkaq, janë shtuar dy fytyra të reja dhe një prej tyre ka qenë surprizë.

I pari është Emran Ramadani, anësori ofensiv i marrë nga Renova, i cili nuk është prezantuar nga klubi, por ndërkohë ka rrëfyer për Sport Ekspres se ka firmosur, pas bisedës me drejtorin e përgjithshëm Olsi Rama.

Duket se projekti i këtij të fundit, me një ekip të ri dhe me të ardhme, që mundësisht do të shesë lojtarë, ka nisur të vihet në jetë.

Kjo për faktin se në stërvitje ka dalë edhe mbrojtësit Senad Hysenaj, 18-vjeçar nga Shkodra, i cili këtë sezon është graduar nga Vllaznia U-19 te Vllaznia B dhe ka luajtur tre ndeshje titullar në Kategorinë e Parë.

Duket se Partizani e ka pikasur, sepse në fakt e ndjek prej kohësh dhe tashmë ka arritur ta bëjë të vetin, edhe pse është e qartë që Hysenaj do ta ketë të vështirë të gjejë hapësirë për momentin te të kuqtë dhe me shumë gjasa do të aktivizohet me partizanin B dhe të rinjtë.