“Shikoj që ka pak lojtarë. Është ky grup, kjo 11-she që në fillimet e kampionatit, në takimet e kupës, në miqësore. Këta janë lojtarë shumë të rinj dhe janë të ngarkuar nga ana psikologjike dhe fizike. Pritej në momente të veçanta që të kishin një ndeshje të tillë”.

“Kishte 2-3 minuta lojë dhe ishin 5-6 lojtarë të Tiranës në stol. Duke qenë kundërshtari me 10 lojtarë , në atë moment morën atë gol dhe humbja në Kupë e në Vlorë sjellin debate të tjera. Trajneri Mema duhet të ishte shumë i kujdesshëm në disa deklarata.  Drejtuesit, presidenti, trajneri dhe drejtori teknik duhet të përçojnë tek skuadra atë imazhin që ne duhet të përballemi vetëm me fushën e blertë”.

“Po të bisedoja me drejtuesit e Tiranës, ose me sportdashësit e Tiranës para 3 javësh, do të thonin se ne jemi për Evropë. Sot çohen në një ditë të bukur dhe mendojnë se ne më duket po shkojmë si një vit më parë”.

“Janë tre ekipe që duan mbijetesën në Superiore dhe 4-5 ekipe që duan Europën. Më duken shanset e vogla për të patur aleanca, por nuk e mohoj që mund të bëhen këto aleanca. Për shembull Partizani e ka zgjidhur problemin e daljes kampion”.

“Takimi Vllaznia-Dinamo do sjellë në kujtesë historinë e madhe të tyre, por në një realitet tjetër”, thotë shkurtimisht Dedja për “SportEkspres.com”, ndërkohë që flet për garën dhe mendon se në javën e 20-të sytë do të jenë të drejtuara nga ekipet që luftojnë për qëndrimin në Kategorinë e Parë.

“Faza e tretë e ka specifikën e saj, që për mendimin tim favorizon më shumë skuadrat që kryesojnë në të dy grupet. Them se do të një javë të “nxehtë” për të katër ndeshjet e zonës Play-out, pasi matematikisht mbijetesa është vënë në diskutim thuajse nga të gjitha skuadrat që kërkojnë ta realizojnë këtë objektiv”, përfundon shkodrani.

AGRON KAJA

“Në drejtimin e Vllaznisë kanë qenë e janë njerëz të paaftë, të cilët kanë ndikuar në zbritjen e skuadrës nga Kategoria Superiore në Kategorinë e Parë. Vllaznia është vjedhur prej tyre, pasi janë shpenzuar shuma të konsiderueshme, të cilat e kanë rënduar taksapaguesin shkodran. Janë blerë lojtarë të shtrenjtë me kontrata të majme, por të dobët në cilësinë e tyre në fushë”, kështu theksoi sot Hysen Dedja, i cili këtë e shikon në dëm të lojtarëve cilësorë, dhe për interesa të veçanta.

“Janë anashkaluar futbollistë shkodranë shumë cilësorë, të cilët e kanë treguar talentin e tyre në skuadra të Kategorisë Superiore, por edhe në Kategorinë e Parë. Kjo është një lojë që bëhet për interesa të veçanta dhe duhet të marrë fund. Vllaznia duhet të respektojë tregun, por bazën ta ketë tek talentet e saj që janë të shumtë. Drejtuesit e paaftë duhet të hapin krahun, ndryshe Vllaznia do të vuajë nga politikat e tyre abuzive”.

AGRON KAJA

INTERVISTOI: AGRON KAJA

Jemi një javë para rinisjes së Kampionatit të Kategorisë së Parë, si e përshkruani ritmikën përgatitore të skuadrave?
-Të gjitha skuadrat duken të impenjuara në këtë minifazë përgatiore që po zhvillojnë. Seicila sipas buxheteve e mundësive, por më shumë kanë sfiduar kushtet atmosferike, Ndërsa Lushnja i harxhoi kot ato pare në Ulqin, më mirë të kishte marrë 2-3 lojtarë të rinj.

Në treguesit e përgatitjes, merkatos e miqësoreve, clat skuadra kanë bërë diferencën në këtë periudhë?
-Diferencën e kanë bërë stërvitjet në salla të mbyllura e kalçeto, ndërkohë që Besa dhe Bylisi u treguan shumë aktivë në miqësore, Madje edhe në merkato këto janë skuadrat më aktive. Skuadrat e tjera janë treguar të zakonshme në këtë periudhë.

Si e parashikoni rivalitetin në kreun e renditjes në të dy grupet e Kategorisë së Parë?
-Në të dy grupet do të ketë rivalitet për vendet e kreut, por në Grupin B mendoj se do të jetë më i fortë mes Bylisit e Besës, por ballshiotët duken më afër. Në Grupin A, Vllaznia duket e sigurtë për kreun, ndërsa erzeni me Dinamon nuk përbëjnë ndonjë kërcënim për të.

Po në fundin e renditjes, çfarë ndryshime parashikoni se mund të ndodhin?
-Në të dy grupet skuadrat janë shumë pranë njera-tjetrës dhe rivaliteti besoj se do të jetë i madh. Duhet që të kemi një fazë të tretë serioze mes tyre, jo si ka ndodhur në sezonet e kaluara. Përgjysmimi i pikëve e bën shumë të fortë luftën për mbijetsë për ato skuadra që do të jenë në grupin e pesë skuadrave të fundit në renditje.

Si ish-futbollist e trajner i Vllaznisë, çfarë po tregon kjo skuadër në këtë sezon të Kategorisë së Parë?
-Nuk më vjen mirë ku flas për Vllazninë në Kategorinë e Parë, por deri në fund i duhet që ta respektojë me seriozitet kampionatin. Gjatë kësaj periudhe më shumë do ti duhet ta konsolidojë skuadrën për sezonin e ardhshëm në Kategorinë Superiore.

Një kampionat me tre faza dhe me përgjysmim pikësh, është forma më e mirë për këtë kategori?
-Për deri sa të gjitha skuadrat e kanë pranuar këtë formulë dhe kanë hyrë në garë, kjo duket optimale për të gjitha. Rëndësi ka që të skuadrat të zhvillojnë një garë të bukur, të ndershme dhe më shumë fair-play.

Cili është parashikimi juaj për verdiktet e këtij sezoni në të dy kahjet e renditjeve në Grupet A dhe B?
-Vllaznia duket më e sigurtë në kreun e Grupit A, ndërsa në Grupin B do të ketë shumë rivalitet mes Bylisit e Besës, dhe gjithçka mund të ndodhë. Ndërsa në skuadrat e mbijetesës unë them se të gjitha janë të rezikuara ato që do të luftojnë për qëndrim në kategori.

Hysen Dedja ka luajtur me skuadrën shkodrane për 17 vite (1978-1995), e në këtë periudhë edhe me Kombëtaren U21. Si trajner, Dedja ka provuar bankinat e 8 skuadrave në periudha të ndryshme, ndërkohë që në sezonin e kaluar, për disa muaj ishte në stolin e Lushnjes në Kategorinë Superiore.

INTERVISTOI: AGRON KAJA

Sa interes ka për ju Vllaznia në Kategorinë e Parë, e ndoqët në ndeshjen me Dinamo?
-Interesi për skuadrën mëmë është i madh, kudo që ajo të luajë. E ndoqa me shumë pasion këtë përballje dhe ja vlejti, sepse Vllaznia përpos fitores, tregoi se ka shumë diferenca me rivalët, në këtë rast Dinamon.

Mendoni se Vllaznia e meritoi fitoren minimale 1-0, apo mund të kishte ndonjë rezultat tjetër?
-Rezultat tjetër ndoshta po, dhe më i thellë për Vllazninë. Dinamo pretendoi për një penallti të mohuar, por unë në gjykimin tim asnjëherë nuk i kontestoj arbitrat në vendimmarrjet e tyre në fushën e lojës. Kjo ishte një fitore e rëndësishme me një nga rivalët direkt për kreun e Grupit A.

Në 12 javë Vllaznia ka arritur 10 fitore, 1 barazim dhe 1 humbje, është kjo Vllaznia që bind për më shumë?
-Natyrisht që po, sepse nuk janë pak 10 fitoret në 12 ndeshje. Unë Vllazninë dua ta shoh më ndryshe, më të përgatitur për Superioren, që mos të ndodhë si me Tiranën, që pas ngjitjes në Superiore këtë sezon, në 16 javë nuk ka arritur të tregojë vlerat e saj, edhe pse ka një përbërje shumë të mirë.

Kategoria e Parë luhet në dy grupe, sipas jush, cili është më i fortë, A-ja apo B-ja?
–Unë them se Grupi A është më i fortë, jo se aty është Vllaznia, por duket se ka më shumë konkurrencë. Ndërsa në Grupin B ka disa skuadra që kanë luajtur edhe në Superiore, por konkurrenca nuk duket e niveleve të Vllaznisë. Gjithsesi, ka ende për të parë në të dy grupet.

Të shtunën u luajtën të gjitha ndeshjet e tjera të javës së 12-të, ju si i lexoni teknikisht rezultatet?
-Teknikisht them se humbja e Erzenit e shkëput më shumë Vllazninë në kreun e Grupit A, ndërsa në Grupin B, Bylisi duket më kërkues për kreun, por do t’i ketë rivalë si Besën, Lushnjen, apo edhe Apoloninë. Për t’u përgëzuar fitorja e Elbasanit me Turbinën, që e ndau nga fundi i renditjes.

Që të mbyllet faza e dytë duhen edhe 6 javë, mund të presim ndryshime në këtë pjesë?
–Natyrisht që po, por unë them se ndryshimet në skuadra do të vijnë pas merkatos së dimrit. Cila do të jetë më konkrete me blerjet që mund të bëjë, mendoj se do të jetë më pozitive në rezultate dhe më pranë synimeve. Ndryshime mund të ketë më shumë për kreun e fundin e Grupit B.

Ky sezon e ka nisur sigurinë në stadium me stjuartë, është koha e duhur për stadiumet shqiptare?
-Për temperamentin që kemi ne si shqiptarë, kjo ishte pak e shpejtë. Sepse ne jemi mësuar që, edhe me 20 vetë në stadium, të prodhojmë shfaqje nga më të ndryshmet në shkallët e stadiumit, që edhe policia e shtetit i ka të vështira t’i përballojë, jo më stjuartët.

“Është një gjendje e rëndë psikologjike. Kemi prodhuar lojë në ndeshjet e fundit, por mungojnë rezultatet. Unë të them të drejtën ndoshta jam dhe tensionuar dhe i nervozuar, do ta flas me drejtuesit dhe do të shoh se si mund të dalim nga kjo situatë. Pesha kryesore i shkon trajnerit. Kushtet ndoshta këtë javë nuk kanë qenë të mirë, por kjo ndeshje është e pafalshme . Kontigjenti nuk është i plotë. Kemi pasur disa lojtarë të dëmtuar. Isha i detyruar dhe për zëvendësimet, duhej të rifreskoja skuadrën. Ndoshta shkoi dhe më keq”.

“Nuk e kemi pasur objektiv Kupën dhe nuk i aktivizova disa lojtarë. Gjithsesi, sot pamë shumë defekte të mëdha”.