Mbrojtësi shkodran nuk largoi siç duhej një top të harkuar në zonë, por reflekset e portierit italian mbajtën të pandryshuar rezultatin.

Meret u ble një më parë nga Napoli 22 milionë euro për të zëvendësuar një emër të madh si Pepe Reina. Megjithatë, një frakturë e dorës bëri që sezonin i italianit të niste me vonesë, por te Napoli besojnë ende tek ai dhe mesa duket Ançeloti do t’ia besojë atij “çelësat” e portës për sezonin e ardhshëm.

Nëse bëjmë një analizë të shkurtër mbi ato skuadra që janë përmendur në medie si të interesuara për lojtarin do vëmë re se pjesa më e madhe e tyre kanë transferuar një mbrojtës të djathtë. Ndoshta 25-vjeçarit do i duhet të bëjë një hap mbrapa që më pas të bëjë dy hapa para.

MANÇESTER JUNAJTID – “Gjigandët” gjermanë janë përmendur jo pak herë nga mediet italiane dhe angleze. Megjithatë, kjo pistë është mbyllur njëherë e përgjithmonë, pasi “djajtë e kuq”  ia besuan rolin e mbrojtësit të djathtë të riut anglez Eron Uan-Bisaka, i cili u transferua në Mançester për 50 milionë euro.

INTER – Skuadra nga Milano filloi të përmendej si një palë e interesuar për mbrojtësin shqiptar, por në fund drejtori Marota dhe trajneri Konte vendosën të investonin 20 milionë euro për të riun austriak Valentin Lazaro.

ATLETIKO MADRID – Gjatë ditëve të fundit dukej se interesi i spanjollëve ishte më konkreti. Situata ndryshoi krejtësisht ditën e djeshme, ku mediet angleze njoftuan se madrilenët kanë gjetur akordin për kartoni e mbrojtësit të Totenhem Kieran Tripër.

ÇELSI –  Largimi i Mauricio Sarrit drejt Londrës një vit më parë bëri që të përflitej për një kalim të Hysajt në Angli. Një vitë më vonë situata ka ndryshuar, Sarri ndodhet në Torini te Juventusi, ndërsa sikur të mos mjaftonte kjo merkato e Çelsit është pezulluar nga FIFA

Tërheqja a Atletiko Madrid nga gara për shkodranin a sjellë një reaksion domino në Itali. Klubi i radhës që ka shfaqur interes për kartonin e mbrojtësit është Roma. Sipas “Sky Sport”, përfaqësues të skuadrës verdhekuqe kanë filluar kontaktet e para me Napolin.

Interesi i Romës për Hysajn është një lajm që ka habitur shumë vetë, pasi kryeqytetasit kanë lojtarë si Florenci, Karsdorp dhe Santon, por mesa duket një ose dy prej këtyre emrave mund të largohen nga verdhekuqtë gjatë këtyre javëve.

Lajmet që flasin për të ardhmen e 25-vjeçarit janë të shumta, por një fenomen i veçantë është ai  i uljes së çimimit të tij me kalimin e muajve. Në fillim të muajit qershor pati lajme që flisnin për transferim bombastik të mbrojtësit për një shumë që kapte 50 milionë eurot, por me kalimin e kohës zërat mediatik kanë vendosur këmbët në tokë. Tani po përflitet se Napoli nuk kërkon më shumë se 20 milionë euro për të lënë të lirë futbollistin shqiptar.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

Atletiko nuk pranon të paguajë 20 milionë euro për kartonin e Hysajt, ndërsa Napoli nuk ka ndërmend ta lëshojë shqiptarin për më pak. Palët priten të ulen sërish ne negociata, me Atletikon që do të japë një propozim final për lojtarin.

Në rast se oferta e radhës nuk pranohet, atëherë skuadra nga kryeqyteti spanjoll do të heqë dorë përfundimisht nga gara për mbrojtësin shkodran.

Megjithëse për shkodranin nuk pasur asnjë koment e kundërta ka ndodhur për Xhovani Di Lorencon. Mbrojtësi 25-vjeçar u ble për 8 milionë euro nga Empoli dhe shikohet si zëvendësuesi i ideal i Hysajt. Ançeloti ka thënë se pret shumë prej dhe ne Napoli mund të jetë trampolina që mund ta dërgojë atë drejt kombëtares italiane.

DI LORENCO – “Është eksperienca e tij e parë në një klub me një presion kaq të fort. Megjithatë, ka bërë një hap gjigant për karrierën e tij. Është një djalë serioz e shumë profesionist. Ka cilësi të mira dhe sigurisht që do të na bëhet i dobishëm. Shpresoj që ta shohë në kombëtare, kjo do më gëzonte shumë.

RIVALËT – “Juve mbetet skuadra për t’u mundur, por Interi ka filluar të bëhet shumë konkurrues në vitet e fundit dhe mund të synojnë për të fituar kampionatin. Përsa i përket Sarrit. Askush nuk e priste që shkonte te Juventusi. I kuptoj pakënaqësitë e tifozëve, por i tillë është profesionalizmi”.

MANOLAS – “Na ka ardhur një ndër lojtarët më të mirë në atë pozicion. Është një lojtar i madh dhe me Kulibalinë formon një çift të përkryer që do ta na lejojë të luajmë në mënyrë agresive duke mbajtur një linjë më të lartë në mbrojtje”.

Armando Duka, Odishe Rosi, Andi Lila, Bekim Balaj, Armando Sadiku, Ervin Bulku, Sokol Cikalleshi dhe Ilir Shulku ishin vetëm disa nga të pranishmit në ceremoninë e Hysajt, ndërsa për muzikën, u kujdes këngëtarët e mirënjohur, Sabri e Ermal Fejzullahu.

Një ceremoni shumë e bukur e zhvilluar nga familjarët e Hysajt dhe duket se e ardhmja profesionale e mbrojtësit kuqezi kaloi një plan të dytë, të paktën për një natë…

Për më shumë se dy sezone tashmë, duket se anësori kuqezi është një nga lojtarët më të kërkuar në merkato, por në ditët e fundit, një kalim i tij te Atletiko Madrid duket më shumë se një thashethem. Sipas asaj që rapotohet nga Alfredo Pedula, Hysaj do të jetë një lojtar i Atletikos, skuadër e cila ka paguar 20 milionë euro për shërbimet e tij.

Huanfran u nda me “Colchoneros” pas 9 sezonesh, ndërsa mbrojtësi tjetër i djathtë, Arias, nuk ka bindur dhe pritet të largohet. Simeone ka mbetur pa mbrojtës të djathtë dhe si pasojë, ka vendosur të shpenzojë plot 20 milionë euro për mbrojtësin shqiptar.

NDESHJA – “Moldavia u rreshtua mirë në mbrojtje, nuk na lanë shumë hapësira. Megjithatë, ne ia dolëm dhe po më pëlqen loja që bëmë sot. Po mbajmë ritme të larta dhe po bëjmë një lojë të mirë.

ROLI I RI – “Po gjendem shumë mirë te roli i ri, po i afrohem sa më shumë portës”.

LOJA – “Edhe sot kemi bërë shumë lojë të mirë, kemi fituar dhe kemi shënuar, prandaj është gëzim dyfish. Kemi treguar se dimë të luajmë futboll. Trajneri i ri ka bërë punë të mirë”.

E ARDHMJA – “Skuadra ime është “pushimi”. Këtë muaj, do bëj pushime. Kam dhe dy vite kontratë me Napolin, do diskutoj me klubin dhe do të flasim. Pushimet? Do të jenë aktive”, u shpreh Hysaj.

Spekulimet kanë qenë të shumta për sa i përket shkodranit, por mediat italiane së fundmi zbulojnë destinacionin më të mundshëm për Hysajn. Ka qenë “Calcio Mercato” që ka raportuar se Atletiko Madrid mund të jetë ekipi i ardhshëm i 25-vjeçarit.

In estate sarà separazione tra Elseid #Hysaj e il #Napoli: a oggi l’interessamento più caldo è quello dell’#AtleticoMadrid, alla ricerca di un laterale destro di difesa. Sponsor del terzino albanese il Cholo #Simeone. #calciomercato

— Nicolò Schira (@NicoSchira) May 30, 2019

Hysaj duket se është një preferencë e Diego Simeones, me këtë të fundit që e pëlqen shumë stilin e lojës së mbrojtësit të Kombëtares tonë. Në ditët në vijim pritet të mësohet më shumë rreth kontakteve që mund të ketë mes drejtuesve madrilenë dhe atyre të Napolit.

Siç është raportuar disa ditë më parë nga mediat britanike, Napoli është interesuar për mbrojtësin e djathtë të Totenhemi, Kieran Tripier. “Gjelat” e Londrës janë gati ta shesin anglezin, por vetëm nëse Hysaj përfshihet në ofertën e Napolit. “The Sun” shkroi pak ditë më parë se bashkëshortja e Tripier është interesuar për disa shkolla në Napoli, gjë që tregon se mbrojtësi anglez me shumë gjasa do të veshë fanellën napolitane.

Vetë Hysaj është pro një kalimi në Premier League dhe në rast se ribashkimi me Sarrin te Çelsi nuk është i mundur, kalimi te skuadra tjetër londineze e Totenhemit shihet si një alternativë shumë e mirë për mbrojtësin e kombëtares.

Bëhet fjalë për lojtarin e Atalantës, Timoti Kastanj. Futbollisti belg luan prej dy sezonesh me ekipin Bergamesk, ku spikatur me lojën e tij, ku përveç detyrave mbrojtësve ka kryer një punë të mirë dhe në aspektin sulmues duke shënuar katër  gola këtë sezon.

Sipas “Sky Sports”, klubi napolitan ka gjetur një akord personal me lojtarin. 23-vjeçari ka pranuar të firmosë një kontratë 5-vjeçare me një pagë vjetore prej 1.5 milionë eurosh në sezon.

Lojtari i skuadrës nga Ferrara ka shkëlqyer në dy sezonet e fundit në Serie A dhe është gati për hapin e madh të karrierës, ndërkohë që ka fituar besimin e trajnerit të përfaqësueses axurre, Roberto Mançini.

Megjithatë, lajmet mbi interesimin e Napolit për Lazarin nuk janë pritur mirë nga mbrojtësi shqiptar. Krahas lajmit mbi interesin për lojtarin, “Gazzeta dello Sport”, raporton gjithashtu se Hysaj nuk pranon që të qëndrojë në stol edhe për një sezon tjetër, pra nëse bisedimet për Lazarin finalizohet do t’i hapet rruga largimit të shkodranit.

Sipas sajtit “calcionapoli24”, Xhufredi, i  cili ka në menaxhim dhe portugezin Mario Rui, i ka bërë të ditur drejtuesve të klubit se të dy lojtarët e tij nuk kërkojnë që të vazhdojnë të jenë pjesë e Napolit për sezonin tjetër.

Muajt e verës do të jenë shumë të zënë për Hysajn dhe agjentin e tij. E ardhmja e shkodranit mund të jetë në Angli, ku mund ribashkohet me Mauricio Sarrin te Çelsi, ndërsa interes ka dhe brenda Italisë, më së shumti nga Interi që vuan prej vitesh për të gjetur një mbrojtës të djathtë që jep garanci.

Gjatë verës së shkuar Napoli u mundua të rinovonte kontratën e mbrojtësit, por klubi nuk arriti të kënaqte kërkesat e lojtarit.

Së fundmi mediet italiane kanë zbuluar se drejtuesit e klubit zikaltër kanë arritur akordin personal me brazilianin e Mançester Sitit, Danilo, por negociatat me klubin në pronësi të sheikëve nga Emiratet e Bashkuara Arabe janë ende pezull.

Sipas televizionit “Sportitalia”, plani B  në rast se transferimi i Danilos dështon është Elseid Hysaj. Mbrojtësi shqiptar nuk është më një lojtar i padiskutueshëm në formacionin e Napolit dhe është e sigurt se në muajt e verës ai do të jetë një ndër lojtarët më të lakuar në lajmet e merkatos.

Sipas “Sky Sports”, objektivi më i ri i ekipit italian është mbrojtësi i Totenhemit, Kieran Tripiër. Mbrojtësi 28-vjeçar ka pësuar një përmirësim të jashtëzakonshëm gjatë viteve të fundit dhe është kthyer në një titullar në formacionin e kombëtares së “Tri Luanëve”.

Transferimet e futbollistëve anglezë jashtë kampionatit vendas janë të rralla, por te Napoli besojnë se mund të bëjnë një ofertë që bindë njëkohësisht klubin dhe lojtarin.

Flitej se do të ishte kapiteni kuqezi ai që do të largohej nga Napoli, por situata ka ndryshuar. Skuadra e Arsenalit në Premier Ligë kërkon me doemos shërbimet e Malkuit dhe flitet se ekipi londinez është shumë pranë firmës me francezin, çka do të bënte që Hysaj të qëndronte në “Sao Paolo”, pasi Ançeloti nuk ka ndërmend t’i lejojë të dy të largohen.

Merkatoja e verës do të vendosë shumë gjëra sa i takon së ardhmes së dy futbollistëve dhe mesa duket, ata nuk janë në garë me njëri-tjetrin vetëm për një vend në formacion, por dhe se kush arrin të largohet i pari për një vend titullari.

Megjithatë, viti 2019 ka ndryshuar krejtësisht raportin mes lojtarit dhe trajnerit. Hysaj është kthyer në të luajë si titullar te Napoli, duke fituar plotësisht besimin e trajnerit të njohur.

Me rregullimin e raportit mes të dyve hapi i radhës është rinovimi i kontratës. Marrëveshja aktuale midis Hysajt dhe klubit italian mbaron në vitin 2021, por sipas “Corriere dello Sport”, te Napoli kanë filluar negociatat e para për rinovimin e kontratës.

Kjo lëvizje vjen me miratimin e vetë trajnerit Karlo Ançeloti. Në javën në vazhdim drejtuesit e Napolit do të ulen në tavolinë me agjentin e lojtarit shqiptar për të parashtruar ofertën e tyre dhe për të dëgjuar kërkesat e futbollistit.

“Të gjithë lojtarët do të donin të ishin kapiteni i kombëtares së futbollit. Është një gëzim shumë i madh për mua aq më tepër që ndeshja luhet në qytetin tim. Besoj se do të jetë një natë fantastike për mua”.

“Besoj se është një kundërshtar shumë i fortë. Do luftojmë për të marrë pikë. Po punojmë fort që të nxjerrim një rezultat të mirë. Klima në ekip është shumë e mirë. Është një grup i mirë, kemi shumë lojtarë që po marrin minutazh të plotë. Shpresoj që të marrim 6 pikë në të dyja ndeshjet, fusha do e tregojë”, përfundoi Hysaj.

Sulmi i Turqisë, a i friket Shqipëria?

PANUÇI – “Sulmi i Turqisë është shumë e fortë, por mbrojtësit tanë janë shumë cilësorë. Luajnë në ekipe shumë të forta dhe të njohura, prandaj do të jetë një përballje që mund ta fitojmë. Më kënaq dhe një 1-0”.

HYSAJ – “Ne luajmë të gjithë në Serie A dhe në çdo ndeshje kemi të bëjmë me sulmues të tillë si të Turqisë. Jemi stërvitur për çdo detaj dhe nuk do të kemi shumë rreziqe në prapavijë”.

Kush është pika më e fortë e Turqisë?

PANUÇI – “Është e vërtetë që Turqia është skuadër shumë e fortë, por nëse lojtarët futen në fushë për të dhënë maksimumin, jam i bindur që do të marrim rezultatin e duhur”.

A ndryshon Turqia nga skuadra e një viti më parë?

PANUÇI – “Turqia ka ndryshuar totalisht, kanë një ekip të ri dhe me shumë kualitet. Është i ndryshëm edhe qëllimi i sfidës, pasi nesër luhet për kampionatin europian. Ne duhet të jemi më të mirët në fushë, në mënyrë që të fitojmë”.

Pritshmëritë konkrete dhe rezultati që synohet kundër Turqisë?

PANUÇI – “Pritshmëritë janë shumë të mëdha, duam rezultat pozitiv. Kemi kualitete, skuadra është e përgatitur. Edhe Turqia ka kualitet, por unë jam i bindur që do të arrijmë fitoren. Gjithçka mbetet për t’u parë nesër, por skuadra ime mund të marrë fitoren nëse jep maksimumin”.

Vendimi i Lenjanit, a ka shanse që ai të rikthehet siç ishte rasti i Xhakës?

PANUÇI – “Lenjani është thirrur gjashtë herë. Dy javë para grumbullimit, e kemi njoftuar, por ai tregoi mungesë respekti, jo ndaj meje, por ndaj Shqipërisë. Nuk mendoj se ka rëndësi të flitet për një letër me anë të Instagramit. Djemtë që janë gati janë të mobilizuar, të përgatitur për lojë. Nuk ka si të krahasohet me rastin e Xhakës. Taulanti është treguar super profesionist. E vetmja gjë që trajneri nuk do, është të ketë probleme me lojtarët e vet. Këto që jemi këtu, jemi shumë të komunikueshëm dhe askush nuk hap probleme”.

Janë shumë lojtarë që luajnë në skuadra të rëndësishme. Ku mendoni se ka potencial më shumë Shqipëria?

PANUÇI – “Skuadra ka shumë potencial. Ne duhet vetëm të fokusohemi kundër Turqisë dhe Islandës, Francën ta lejmë në punë të vetë. Ekipi ka lojtarë të mirë, por duhet ende shumë rrugë për të bërë.

Je një nga lojtarët që ke qenë edhe në “Euro2016”, por je dhe kapiten i kombëtares. Megjithatë, Sadiku tha që mungon diçka. Çfarë mungon sipas jush?

HYSAJ – “Nuk na mungon gjë, pasi kemi puanuar mirë dhe kemi marrrë leksionet e duhura nga ndeshja e kaluar. Do të bëjmë më të mirën tonë dhe të arrijmë edhe njëherë në atë pikë ku ishim para tri vitesh”.

Si kapiten, keni folur me Strakoshën dhe a është mërzitur ai apo jo?

HYSAJ – “Nuk është se vendosim ne se çfarë do të ndodhë. Çdokush që gabon, duhet ta paguajë gabimin. Thjesht i kam thënë të jetë i qetë dhe të marrë mësim nga kjo gjë. Është një lojtar i rëndësishëm për ne dhe shpresoj të rikthehet më i fortë”.

Çfarë ndjesie ke që je kapiten dhe a është i gatshëm Hysaj që të sakrifikohet në krahun e majtë të mbrojtjes?

HYSAJ – “Ndjesia është shumë i mirë që do të jem kapiten në vendlinjen time. Do të sakrifikoj, do të luaj dhe në krahun e majtë, pasi e kam provuar si rol edhe në ekipet ku kam luajtur në Itali. Nuk do të jetë problem”.

Duke e njohur mirë skuadrën e Romës, ju gëzon fakti që Xhengiz Ynder nuk do të luajë? Çfarë mendimi keni për futbollin turk?

PANUÇI – “Futbolli turk është si në të gjithë botën, ka rënien dhe rritjen e vetë. Sengiz Ynder nuk do të jetë nesër, një lojtar shumë cilësor dhe ndër më të mirë të Roma. Megjithatë, kanë lojtarë të tjeë shumë të mirë dhe që e ndjejnë shumë fanellën e Turqisë, që nga fillimi i takimit te himni, deri në sekondën e fundit”, përfundoi Panuçi.

“Nuk besoj se rezultati i ndeshjes së parë na shpërqendron. E dimë që Salcburgu është një skuadër e mirë me lojtarë cilësorë. Do tregohemi të qetë në fushë, por natyrisht me dëshirën për të marrë një rezultat pozitiv”.

MUNGESA E KULIBALI DHE MAKSIMOVIÇ – “Ata janë dy lojtarë të rëndësishëm për ne, por ata që do t’i zëvendsojnë do japin maksimumin e tyre. Jemi një grup i bashkuar”.

GOLI I PARË ME NAPOLIN ? – “Do të jepja gjithçka për ta shënuar, por nuk po vjen”.

EKSPERIENCA ME ANÇELOTIN – “Për mua ishte një ndryshim i rëndësishëm pasi kisha pasur të njëjtin trajner për 6 vite rresht. Ndonjëherë është mirë që të provosh ndryshime. Mendoj se përmirësohem nga ndeshja në ndeshje”, përfundoi Hysaj.

Sikur të mos mjaftonte mungesat e dy qendërmbrojtësve, spanjolli Raul Albion është gjithashtu i dëmtuar dhe Ançeloti do i duhet të hedhë sytë nga stoli. Në daljen për shtyp në përfundim të takimit, njëri prej gazetarëve e pyeti trajnerin italian nëse ekzistonte mundësia e zhvendosjes së Elseid Hysajt në qendër të mbrojtjes. Pyetje kjo që mori një përgjigje të prerë nga Ançeloti.

HYSAJ QENDËRMBROJTËS ? – “Nuk kam ndërmend të bëj shpike. Qendërmbrojtësit që kemi janë Çiriçes dhe Luperto.

INSINJE NË STOL ? – “Arsyeja është e thjeshtë. Isinje luajti 90 minuta kundër Juventusit dhe ishte më i lodhur se sa Milik dhe Mertens”.

NDESHJA – “Është një rezultat i mirë, por kemi dhe një ndeshje tjetër për të luajtur. Nuk  na lejohet të bëjmë llogari në këto momente. I lejuam të na kapni disa herë në kundërsulm edhe pse rezultati ishte 3 – 0 dhe mund të ishim treguar më të kujdesshëm”

“Ata janë një skuadër me lojtarë të shpejtë dhe me mushkri, sot e treguan këtë gjë. Do të na duhet të shënojmë të paktën një gol në ndeshjen e kthimit, përndryshe mund të rrezikojmë. Sot skuadra pati ekuilibër, por në fazën mbrojtëse bëmë një hap pas. Jemi me fat që kemi një porteri si Meret”.

Fillimisht ishte Piotr Zielinski, i cili çoi në avantazh ekipin e tij, pas një pasimi të lojtarit të kombëtares tonë, Elseid Hysaj. Në minutën e 36-të, ishte Milik, i cili dyfishoi shifrat, duke çuar ekipin e tij të qetë në pushimin mes pjesëve.

Në fraksionin e dytë, ishte përsëri Milik në minutën e 73-të që shënoi golin e dytë personal dhe të tretin e sfidës. Nëntë minuta më vonë, ishte Adam Unas, i cili shënoi golin e katërt dhe të fundit për këtë takim.

Parma – Napoli 0-4
Shënues: Zielinski 19’, Milik 36’, 73’, Unas 82’

E si pasojë, takimi u mbyll i bardhë 0-0, me të dyja skuadrat që marrin nga një pikë dhe largohen me rrjeta të paprekura. Hysaj luajti 90 minuta në krahun e djathtë të mbrojtjes dhe bëri një ndeshje relativisht të mirë.

Napoli e kërkoi më tepër golin dhe mbajti më shumë se Fiorentina qarkullimin e topit, por ishte skuadra vjollcë që krijoi rastet më të pastra. Megjithatë, gola nuk pati dhe ekipet ndanë nga një pikë, që nuk i bën punë asnjërës skuadër.

Serie A, java 23

Fiorentina – Napoli  0-0

Mbyllja e parakohshme e sezonit e kroatit Shime Vërsajlko detyroi zikaltrit të merrnin në huazim portugezin Sedrik. Mbrojtësi luzitan i është bashkuar italianëve me një opsion blerjeje për 12 milionë euro, por drejtuesit zikaltër nuk janë ende të bindur nga ai.

Këtu futet në lojë Hysaj. Një opsion shumë më i shtrenjtë, por një lojtari më i ri në moshë që nuk i mungon eksperienca në elitën e futbollit italian. Sipas sajtit të njohur “interneës.it”, drejtuesit e Interit kanë pasur ditën e sotme kontaktin e parë me agjentin e 25-vjeçarit, Mario Xhufredi. Klauzola e shkodranit është diku te 50 milionë euro, një shumë kjo e papërballueshme për financat e Interit, por përfaqësuesit e skuadrës nga Milano besojnë se presidenti i Napolit Aurelio De Laurentis do të bëj ulje të konsiderueshme.

Napoli nuk arriti të gjejë një zëvendësues për Hysajn gjatë muajit janar dhe si pasojë, nuk e lejoi 25-vjeçarin të largohet. Megjithatë, drejtuesit napolitanë nuk kanë ndërmend ta ndalojnë mbrojtësin shkodran të largohet gjatë muajve të verës, pasi deri atëherë, me shumë gjasa do të gjejnë zëvendësuesin e tij.

Sipas “TuttoMercato”, Napoli ka nisur të studiojë dy alternativa: Berezinski i Sampdorias dhe Lirola i Sasuolos. Të dy lojtarët po bëjnë një sezon të mirë në Serie A dhe shihen si alternativat e duhura për të zëvendësuar Hysajn në krahët e mbrojtjes.

Shkodrani festonte sot 25-vjetorin e lindjes, megjithatë në të tilla nivele nuk ka dhurata të këtij lloji. Milik, Isinje dhe Verdi ishin autorët e golave për të zotët e shtëpisë.

Napoletani i Sampdorias, Fabio Kualjarela nuk mund të gjente rrugën e rrjetës ndaj ekipit të zemrës. Sulmuesi 36-vjeçar shënonte prej 11 takimesh radhazi dhe kishte mundësinë të thyente rekordin e vendosur nga Batistuta 23 vite më parë, por siç duket e ndajnë këtë arritje do e ndajnë së bashku dhe për shumë vite.

Humbja e vendit në formacion bëri që agjenti i Hysajt ta çonte drejt Çelsit, por ky transferim po shtyhet dhe po mbahet ende pezull, për shkak se Blutë e Londrës nuk duan të paguajnë shifrën e kërkuar nga Napoli, që varion nga 45-50 milionë euro.

Si pasojë, Hysaj do të qëndrojë te Napoli dhe do të luftojë për një vend në formacion. Situata e mbrojtësit shkodran duket se do të përmirësohet, pasi Malkuit me shumë gjasa do të largohet drejt Premier Ligës. Skuadra e Arsenalit ka humbur shërbimet e Hektor Belerin deri në fund të sezonit dhe ka shfaqur interes për francezin e Napolit. “Topçinjtë” janë gati të paguajnë shumën e kërkuar nga Napoli për shërbimet e lojtarit dhe me shumë gjasa, do të arrijnë një akord me të.

Shtohen kështu shanset e Hysajt për një vend në formacionin startues, pasi në rast se Malkuit do të largohej, do të ishte alternativa e vetme për Ançelotin në krahun e djahtë të mbrojtjes.

Presidenti De Laurentis është gati ta shesë, por vetëm nëse vjen oferta që ai kërkon, që sipas mediave italiane, varion nga 35-50 milionë euro. Kjo shumë nuk do të paguhet nga “Blutë” e Londrës, të cilët kanë bërë sot ofertën e fundit, vetëm 23 milionë euro.

Me merkaton drejt fundit dhe me Ançelotin që nuk ka ndërmend ta aktivizojë titullar, De Laurentis mund të heqë dorë nga shërbimet e Hysajt për këtë shumë. Në rast se ky transferim do të kryhet, Zapakosta do të largohej drejt Lacios. Si pasojë, edhe Tare “shpreson” që Hysaj të bëjë gati valixhet dhe të udhëtojë drejt Londrës.

Për muaj të tërë në shtypin italian dhe anglez u fol për një kalim të shkodranit te Çelsi, ku do të ribashkohej sërish me Mauricio Sarrin, por zërat që flasin për këtë skenar janë bërë gjithnjë e më të pakët. Megjithatë, për një lojtari të kalibrit të Hysajt nuk mund të mungojë interesi i klubeve “BIG”.

Botimi  i sotëm i gazetës së njohur “Tuttosport”, vjen një lajm shumë i bujshëm. Sipas medies italiane Hysaj ka tërhequr vëmendjen e administratorit të deleguar të Interit, Bepe Marota, i cili dëshiron ta veshë zikaltër shqiptarin. Një arsye që ka shtyrë drejtuesit e klubit nga Milano, që të hedhin sytë nga mbrojtësi shqiptar është forma e dobët e kroatit Shime Vërsajlko.

Futbollisti i marrë në huazim nga Atletiko Madrid, nuk ka bindur me paraqitjet e tij, ndoshta dhe prej faktit që ka pasur dëmtime të njëpasnjëshme në gju dhe muskujt. Për momentin Spaleti ia ka besuar vendin e titulluarit D’Ambrozios dhe me shumë gjasa, opsioni për të blerë kartonin e Vërsajlkos nuk do të aktivizohet dhe 27-vjeçari do të rikthehet në Spanjë.  Gjithsesi për të sjellë Interin në Milano, nuk do të jetë e thjeshtë, pasi presidenti i De Laurentis nuk ka ndërmend ta lëshojë shqiptarin pa të paktën 20 milionë euro.

Thomas Strakosha luajti gjatë të gjithë takimit. Porteri  i kombëtares shqiptare kreu një pritje fantastike në minutat e para të takimit, por mund të kishe bërë më mirë në golin e Kajehon, ndërsa në golin e dytë të Napolit, Milik ekzekutoi në perfeksion një goditje dënimi që nuk i la asnjë shans “gardianit” shqiptar.

Ndërkohë, Elseid Hysaj u aktivizua në minutë e 88-të. Ançeloti ia ka bërë të qartë shkodranit, se do i duhet shumë punë për t’u rikthyer në formacion si titullar, ku vendi i është zënë nga francezi Kevin Malkyit.

Me këtë humbe objektivi Champions bëhet tmerrësisht i vështirë, pasi për vendin e katërt krahas Lacios po luftojnë Roma, Milan, Atalanta dhe Sampdoria, të gjitha këto ekipe ndahen me shumë pak pikë nga njëra tjetra

Polaku Milik dhe spanjolli Ruiz shënuan për të zotët e shtëpisë. Në këtë përballje, pati minuta të plota për lojtarin e  kombëtares sonë Elseid Hysaj. Gjatë pjesës së parë, shkodrani kreu një gabim në spastrimin e një topi dhe Sasuolo më pas shënoi. Fatmirësisht ndërhyrja e “VAR” bëri që goli i skuadrës mike të anulohej.

Mbrojtësi 24-vjeçar u rikthye të luajë si titullar pas dy ndeshjesh. Lajmet e merkatos sigurisht që kanë ndikuar jo pak në gjendjen psikologjike të lojtarit, që është kthyer në një çështje pas kritikave të pafundme të agjentit të tij ndaj Ançelotit dhe klubit.

Si zakonisht, Xhufredi ka folur hapur për të ardhmen e Hysajt, me mbrojtësin shqiptar që po pret me padurim që transferimi i tij te Çelsi të kryhet. Xhufredi pranoi sot se nëse janari mbyllet dhe Hysaj mbetet te Napoli, atëherë do të nisin bisedimet për rinovimin e kontratës.

“Të dëgjosh se Ançeloti ka besim te Hysaj, është diçka shumë pozitive. Por merkato e janarit është ende e hapur dhe kemi interesim nga disa skuadra, me Çelsin si opsion shumë i pëlqyer.

Gjithsesi, nëse merkato mbyllet dhe Hysaj mbetet te Napoli, atëherë do të nisin bisedimet për të rinovuar kontratën”,- përfundoi agjenti i mbrojtësit shkodran.

Menaxheri i Elseid Hysajt, Mario Xhufredi, ishte mjaft i qartë pak ditë më parë, kur u shpreh se e ardhmja e mbrojtësit kuqezi duhet të qartësohet sa më parë, për të kuptuar nëse skuadra napolitane dëshiron shërbimet e anësorit, apo Hysaj duhet që të shohë për një tjetër destinacion.

Sarri ka dashuri pa kushte për Hysajn dhe e kërkon prej kohësh ta marrë në Londër. Sot mund të mësohet diçka më shumë sa i përket të ardhmes së Hysajt, pasi siç shkruan sajti i Alfredo Pedullas, drejtuesit e klubit dhe përfaqësuesit e lojtarit do të takohen për të qartësuar se çdo të ndodhë me futbollistin e Kombëtares kuqezi.

Situata mbetet e paqartë, por duke parë sjelljen e klubit në ndeshjet e fundit gjasat janë që merkato e janarit të rezervojë një shtëpi të re për Hysajn.

Ndeshja nisi me gol dhe Napoli e gjeti shumë shpejt. Pa u mbyllur minuta e parë, Fabian Ruiz kaloi miqtë në avantazh. Pasime të bukura të Napolit, mbrojtja e Atalantës shumë lart dhe Insinje shkëputet për të mos e kapur kush. Sulmuesi dhuroi një asist për spanjollin Ruiz, i cili nuk e pati të vështirë të shënonte.

Pjesa e parë nuk dhuroi më gola, ndërsa e dyta nisi mbarë për vendasit. Duvan Zapata mori një pasim në zonë nga Hatebër dhe barazoi shifrat në minutën e 56. U duk se ndeshja po mbyllje në barazim, por Napoli nuk dorëzohet kurrë.

Mario Rui lëshoi një top në zonën e Atalantës nga krahu i majtë dhe Milik mposhti Berishën, duke i dhuruar fitoren ekipit të tij. Ky trepikësh e konfirmon Napolin në vendin e dytë dhe diferenca me Juventusin rikthehet në 8 pikë.

Berisha ishte titullar për Atalantën, ndërsa Berat Gjimishti e ndoqi takimin nga pankina. Në krahun tjetër, Elseid Hysaj e nisi nga stoli dhe Ançeloti vendosi ta fuste shkodranin në fushë në minutën e 77 në vend të Maksimoviç.

Atalanta-Napoli 1-2
(Zapata 56′ / Fabian Ruiz 2′, Milik 85′)

“Është keq kur shoh skuadrën që vuan në fushë. Ishte një objektiv që të mos e mbyllnim vitin me humbje, të iknim më të qetë”.

“Kemi ende shumë për të punuar. Ishte lojë bindëse dhe ishim të rrezikshëm me kundërsulme. Duhet të vijojmë në këtë mënyrë”.

“Vinim pas një humbje dhe duhet të reagonim, pasi është e padrejtë që të shahet Kombëtarja. Ne e duam këtë ekip. Duhej të tregonim se ishim gjallë dhe arritëm te kjo fitore”.

“Ne po formojmë një grup. Duhet të përmirësohemi, të bashkohemi dhe të stërvitemi shumë që të jemi gati për kualifikueset e Europianit”.

Mirëpo, këtë edicion gjërat sikur kanë ndryshuar, pasi në Champions Hysaj po e sheh veten në stol. Me përjashtim të ndeshjes së parë në Beograd, Hysaj i ka parë nga stoli takimet me Liverpulin dhe PSG-në, ku Napoli ka mundur që të marrë rezultat pozitive në të dyja këto ndeshje. Jo pozitive për lojtarin kuqezi, i cili në arenën ndërkombëtare po qëndron në hije. Edhe në takimin e kësaj jave ndaj kampionëve të Francës, gjasat janë që Hysaj ta nisë nga stoli.

Edhe në kampionat është parë që në takimet e fundit Ançeloti e ka parë më miri si një mbrojtës të majtë sesa në pozicionin e tij natyral. Gjërat nuk janë më si më parë për Hysajn, i cili tashmë nuk është më i paprekshëm. Ku i dihet, në Londër mbase e duna sërish në verë.

Por, në fitoren e thellë me rezultat 5 – 1 të nënkampionëve të Italisë ndaj Empolit, u vu re dhe loja e mirë e 24-vjeçarit, i cili edhe pse luajti në krahun e majtë, nuk shfaqi ndonjë moment dobësie ndaj ish-skuadrës së tij.

E përditshmja napolitane “Il Mattino”, e ka vlerësuar Hysajn me notën 6, duke vlerësuar viligjencën e madhe që shqiptari ka në fazën mbrojtëse, aspekt ky që është pika e tij më e fortë, ndërkohë që shkruhet se në golin e Empolit mund të kishte bërë pak më mirë, megjithëse faji për atë gol i shkon dyshes së qendrës së mbrojtjes, Maksimoviç e Kulibali që u gjendën të papërgatitur nga kundërsulmi i Empolit.

Me të njëjtën notë është vlerësuar dhe nga “Gazzeta Dello Sport”, që vlerëson faktin se mbrojësi i djathtë ndihet komod edhe në kraun e majtë të mbrojtjes, por normalisht i duhet të punojë më shumë për përsa i përket fazës ofensive.

Kjo deklaratë e agjentit vjen pas një bisede midis tij dhe trajnerit të Napolit, Karlo Ançeloti: “Pata fatin të komunikoja pak me Karlo Ançelotin gjatë javës së shkuar”, tha agjenti francez Bruno Satin në një intervistë për “Radio crc”.

“Fola para ndeshjes ndaj Parmës. I kërkova këshilla për lojën e lojtarit tim, e pyeta për pikat e tij të forta dhe se çfarë duhet të përmirësojë më të ardhmen e afërt. Nuk e di nëse lojtari im do të luajë të dielën, por biseda me trajnerin më dha një përshtypje se ai do të fillojë të marrë më shumë minuta”, përfundoi agjenti.

Siç raportojnë mediat italiane Hysaj me shumë gjasa do ta nisë nga stoli ndeshjen ndaj Liverpulit. Vendin e tij në të djathtë të mbrojtjes pritet që ta zërë Kevin Malkuit, i cili la Lilën në verë për të shkuar në Itali. Francezi ishte titullar ndaj parmës, por u aktivizua dhe ndaj Juves në pjesën e dytë.

Hysja është konsideruar i paprekshëm, por fakti që 27-vjeçari po luan në arenën ndërkombëtare mund ta vërë në pikëpyetje paprekshmërinë e lojtarit kuqezi. Një paraqitje e mirë e Malkuit ndaj “The reds” me shumë mundësi do ta ndryshonte hierarkinë në krahun e djathtë të mbrojtjes napolitane dhe ky është një lajm i keq për Hysajn.