Elbasan Rashani është rikthyer të shënojë me fanellën e Ods pas më shumë se dy muajsh me pritje. Goli i 26-vjeçarit nisi përmbysjen ekipit norvegjez që mori 3 pikët pas fitores me rezultatin 2 – 1 ndaj Lilestrom.

Jahmir Hyka ka zhvilluar një paraqitje të mirë në Izrael. Futbollisti kryeqytetas shërbeu asistin e golit të vetëm të takimit të “Kupës Toto”, ku skuadra e Hykës, Netania, mundi Hapel Kfar Sabën.

Shmona fitoi 2-1 këtë sfidë, falë një performance të shkëlqyer nga sulmuesi nigerian. Xhejms asistoi në golin e parë të skuadrës së tij dhe vetëm 7 minuta më vonë, shënoi vetë, duke dribluar dy kundështarë dhe duke mposhtur portierin e Netanias me një gjuajtje me të djathtën në hyrje të zonës.

Në minutën e 75’, Netania do të fitonte një penallti pas një prekje të topit me dorë në zonë dhe Beqiraj mori përsipër për ta ekzekutuar këtë 11-metërsh, duke u treguar i saktë dhe duke vendosur rezultatin final në 2-1.

Sulmuesi kryeqytetas gjeti rrjetën në Toto Cup, ku në minutën e 80-të të takimit, i dha avantazhin skuadrës së tij përballë Hapoel Hafifa. Takimi përfundoi 2-0 në favor të Netanias, që pas raundit të parë të kësaj Kupe, merr kryesimin e grupit.

Toto Cup, Izrael

Netania – H. Hafifa  2-0
Hyka 80’, Melamed 90+5’

Pas dopietës së shënuar një javë më parë kundër Hapoel Haderës, Hyka ka treguar sërish aftësitë në takimin e kësaj fundjave ndaj Hapoel Ber Shevas ku shërbeu me një asist të bukur në fitoren 2-0  të skuadrës së tij.

Me tri pikët  e marra në këtë takim, Netaja parakalon Ber Shevën duke i marrë vendin e tretë, që garanton një biletë për në kualifikueset e Europa League.

Megjithatë, në takimin e sotëm kundër Hapoel Haderës, 31-vjeçari ka shënuar dy gola në vetëm 27 minuta lojë. I pari erdhi që në minutën e 6’, duke i dhënë avantazhin skuadrës së tij, ndërsa rrjeta e dytë, u realizua në minutën e 27’, duke çuar rezultatin në 3-0.

Këto dy gola ishin të parët me fanellën e Netanjas për Hykën, i cili do të shpresojë që të ruajë këtë formë pozitive në javët e ardhshme, pasi ekipi i tij renditet në vend të katërt dhe po lufton për një vend në Europë.

Hyka luajti 53 ndeshje në t gjitha garat me skuadrën amerikane, duke shënuar dhe 6 gola në dy sezonet që u aktivizua në MLS. Mund të konsiderohet një aventurë e suksesshme, për lojtarin e Kombëtares.

Destinacioni i radhës për mesfushorin pritet që të jetë Europa, por për lojtari duhet të presë janarin për të firmosur një kontratë të re dhe të fitojë të drejtën për t’u aktivizuar

30-vjeçari ka luajtur në të shkuarën me fanellën e Tiranë, por duket se dashuria e atëhershme vijon të mbetet edhe sot. Lojtari i Kombëtares është shfaqur sot në stadiumin “Selman Stërmasi” më saktë në sektorin e gazetarëve për të ndjekur takimin Tirana-Skënderbeu.

Agolli dihet se nuk është më në listën e Panuçit, kapiteni u mor në dy ndeshjet e muajit të shkuar, doli në konferencë, por nuk luajti asnjë minutë. Diçka e tillë ka ndodhur dhe me Lilën, i po ashtu u shfaq përkrah Panuçit në konferencë si kapiten, por nuk është se është se ka qenë ndër preferencat e trajnerit. Berisha ishte lojtari që pasoi shiritin pas Agollit, por dhe ai e humbi vendin e titullarit.

Rregulli i Panuçit ishte që shiritin ta mbante lojtari me më shumë prezenca në fushë, Roshi ishte lideri ndaj Norvegjisë, por më pas u dëmtua dhe për disa kohë duhet të qëndrojë jashtë fushës. Edhe Hykës i erdhi rasti për të qenë kapiten. Por, pas ndeshjes me Izraelin në shtëpi nuk u grumbullua më. Hysaj mund të thuhet se ka shpëtuar disi, i cili e ka mbajtur shiritin ndaj Skocisë,.Edhe shkodrani ka qenë jo pak i akuzuar për paraqitjet e tij jo në lartësinë që pritet.

Në fund Mavraj, i cili duket se tani është krisur dhe me Panuçin. Mbrojtësi i cili luan në Greqi u tradhtua nga nervat dhe la skuadrën me 10 lojtarë pas 23 minutash. Shiriti është bërë si makth! Na mungo një lider në fushë, na mungon një si… Lorik Cana!

“Nuk e dija se do isha kapiten. Para ndeshje e mora vesh. Është krenari, por për mua nuk dot thotë gjë. E rëndësishme është fitorja e skuadrës dhe që e nisëm mbarë këtë kompeticion”, tha në intervistë për Supersport pas ndeshjes mesfushori i Kombëtares.

Hyka më altruist: “Është e vërtetë. Në fillim nuk provova shumë, pasi doja të futesha në lojë sa më mirë, për të fituar vetëbesim. Nuk ishte ndeshja perfekte, por rëndësi ka rezultati.

Situata në skuadër: “Pas miqësoreve që nuk morëm rezultate të mira e dinim se duhej të reagonim me një rezultat pozitiv sot diçka që e arritëm. Ishte një ndeshje e hapur, të dyja ekipet patën raste, por them se ishte një fitore e merituar. Shohim përpara.

Raste e humbura, në një kohë që çdo gol vlen shumë edhe për golaverazh: “Po, e dinim dhe do donim të shënonim më shumë. Edhe Balajt i thash që duhet të shënojmë golin e sigurisë. Në fund ishim me fat dhe fituam ndeshjen. Ishte një 3-pikësh që ka shumë rëndësi”.

Një sezon i zi për San Hozenë, që deri më sot kishte fituar vetëm 2 ndeshje, e fundit në muajin maj. Vetë Hyka kishte shënuar një gol në prill dhe që atëherë kishte pasur shumë luhatje, duke mos luajtur rregullisht.

?????????????????? #Hykachu GOAL! 2-1. #WeAreSanJose | #DALvSJ pic.twitter.com/Elvd5kNcTI

— San Jose Earthquakes (@SJEarthquakes) August 5, 2018

Goli në Dallas, ai që i dha avantazhin 2-1 San Hozesë në fillim të pjesës së dytë, duket si një çlirim për 30-vjeçarin shqiptar, i cili shpreson të rinovojë me San Hoze, ose të qëndrojë në MLS.

Ndërkaq, Kolorado Rapids mundi 2-1 Los Anxheles Galaksi, por Shkëlzen Gashi mungoi sërish për dëmtim, ndërsa Zllatan Ibrahimoviç nuk luajti për shkak se ishte lënë pushim nga Galaksi.

Lajmi i mirë për Zhoze Murinjon ishte se luajti dhe ishte në formë shumë të mirë Aleksis Sançez, i cili udhëtoi me vonesë për në Amerikë, për shkak të problemeve burokratike.

Lajmi i keq për Red Devils është se loja duket ajo e sezonit të shkuar, e ngadaltë dhe e parashikueshme, por justifikim është forma fizike ende larg optimale dhe mungesa e yjeve.

Junajtid kishte përballë Jahmir Hykën, titullar, por mesfushori kuqezi nuk është se la mbresa, në një ndeshje të vakët.

E nisi mirë Junajtid, që humbi rast të mirë me Bailin, ndërsa më pas asgjë. Në pushim u zëvendësuan të gjithë, por Junajtid nuk u përmirësua, sepse krijoi pak dhe në fund Kolorado i shkoi pranë fitores, duke goditur traversën.

Megjithatë, mrekullia u arrit dhe duket se aq mjaftoi, sepse skuadra e Hykës është ndalur në çerekfinale.

Sot në orët e para të mëngjesit me orën tonë San Hoze u mund 5-0 në Vankuver, me Uajtkeps që shënuan pas 30 minutash lojë dhe nuk u ndalën më.

Megjithatë, ka qenë një sezon super për San Hozenë dhe Hykën.

Skuadra e Hykës ka bërë një mrekulli të vogël, sepse ka ndërtuar gjithçka te forma e shkëlqyer shtëpiake dhe ka shënuar vetëm 39 gola, duke pësuar 60 të tillë, një rekord, sepse është e pamundur që një skuadër të shkojë në play-off me golaverazh -21.

Mbrëmë San Hoze mundi 3-2 Minesotën, me një gol në minutën e 93-të nga Urenja, gol që vlejti kualifikimin për në turin e parë play-off, ku Hyka (titullar edhe mbrëmë) me shokë do të përballen me Vankuverin në transfertë, të mërkurën.

On this busy Sunday — I hope everyone saw how the @SJEarthquakes qualified for the #MLSCupPlayoffs. Huge goal in stoppage time! pic.twitter.com/sWzpJWMuxH

— Brodie Brazil (@BrodieNBCS) October 23, 2017

Hyka, ose “Hykaçu” si e quajnë tifozët me përkëdheli, e nisi nga minuta e parë dhe dhuroi spektakël, duke krijuar golin e avantazhit, në minutën e 16-të nga Kazaishvili, dhe duke goditur edhe një shtyllë me një kthesë të bukur nga jashtë zone në pjesën e dytë.

Portland shkurtoi në minutën e 87-të, vetëm 2 minuta pasi doli Hyka, por nuk pati më gola.

Fitorja barazon San Hozenë me Real Solt Lejk në vendin e gjashtë, që shkon në play-off, ndaj në dy betejat e mbetura fitoret janë detyrim, për t’ia dalë mbanë.

Një paraqitje e shkëlqyer e Hykës, një ndër 3 më të mirët në fushë sipas votimit të tifozëve, që pas ndeshjes e kanë duartrokitur gjatë.

Think @SanJoseUltras appreciate #Hykachu? ?#ForwardAsOne pic.twitter.com/gpObPNK2Cb

— San Jose Earthquakes (@SJEarthquakes) October 1, 2017

“Një foto sa 1000 fjalë”, titulli siti maqedonas, që jep mesazhin e bukur se futbolli është luftë, por vetëm brenda fushës së blertë, për 90 minuta. Më pas, miqësi dhe bashkim, me të gjithë, përjetë.

Fotot: ekipa.mk

Në fakt, largimi i Kinir ka qenë befasues, sepse San Hoze po paraqitet mirë dhe është në zonën play-off në Konferencën e Perëndimit, me 6 fitore, 6 barazime e 5 humbje.

Koincidenca: De Biazi u largua pas një fitore, po ashtu edhe Kinir.

Mesfushori shtatshkurtër mungoi në Luksemburg, për shkak të udhëtimit të gjatë nga Amerika, por vetë Hyka nuk e konsideron problem këtë fakt: “Nuk është e lehtë të udhëtosh mbi dhjetë orë, por besoj që kjo nuk ndikon te fakti që jam pjesë e Kombëtares. Për mua prezenca këtu është krenari. Më tepër problem është ndryshimi i orarit nga Amerika në Europë, por në këto dy tre ditë jam ambientuar. Kampionati Amerikan? Nuk e prisja ashtu si ka dalë. Është një futboll shumë fizik, vrapohet shumë. Ka pak ndryshim në aspektin taktik me Europën, sepse ndoshta ekipet nuk e kanë taktikën. Por, cilësia nuk mungon dhe bëhet fjalë për një kampionat në rritje”.

Situata në kombëtare nuk është pozitive dhe Hyka e konsideron diçka normale: “Është normale që pas një humbje ekipi të mos jetë i lumtur, sepse në të kundërt nuk do të ishte shenjë pozitive. Por, këto ditët e fundit kemi më tepër përqendrim, pasi luajmë një ndeshje të rëndësishme ndaj Izraelit. Besoj se çdokush është i përqendruar dhe gati të japë maksimumin”.

Ndeshja në Luksemburg? “Nuk e kam ndjekur sepse isha duke udhëtuar, por i pashë më pas rastet e ndeshjes. Normalisht që nuk është një rezultat i mirë përpara ndeshjes me Izraelin. Fitorja do të na jepte vetëbesim. Pjesa e parë ishte mjaft e mirë për ne, ku krijuam disa raste për shënim. Pjesa e dytë u nis mirë me golin e Roshit, por fatkeqësisht Luksemburgu e përmbysi ndeshjes. Kjo nuk ishte pozitive, por shpresojmë të rikthehemi me Izraelin”.

Tashmë Hyka është një veteran, më i vjetri në skuadër pas 10-11 vjetësh: “Shiriti? Nuk e kam pasur asnjëherë dëshirën të jem kapiten. Për mua është kënaqësi që jam këtu dhe që të përfaqësoj kombin. Nuk ka rëndësi kush është kapiten, por rëndësi ka grupi. Shiriti mund të jetë kënaqësi, por për mua ka më tepër që ekipi të ecë përpara”.

Debati i madh në Shqipëri është pse ka ndryshuar për keq kombëtarja në krahasim me Europianin: “Pas asaj që arritëm me kualifikimin në Europian, ky ishte maksimumi. Të gjithë presin suksese të tilla gjithmonë. Por, duhet ta pranojmë se jemi në një grup të vështirë dhe ishte e vështirë të përsëritej ajo arritje. Në këto momente që jemi kemi nevojë për mbështetjen e të gjithëve, tifozëve, mediave. Ndaj Izraelit duhet të paraqitemi ndryshe dhe ta ndryshojmë këtë situatë”.

A pret Hyka të luajë titullar në Izrael? “Çdo lojtar nuk duhet të bëjë polemika në Kombëtare. Trajneri vendos se cilët luajnë. Duhet të jesh i gatshëm në çdo moment dhe unë këtë e kam bërë sa herë më është dhënë mundësia. Nuk e di çfarë do të vendosë trajneri për këtë ndeshje. Unë jam gati dhe shpresoj që formën e mirë që po kaloj në Amerikë të jap kontribut edhe në këtë ndeshje me Kombëtaren. Pozicioni në fushë? Besoj se trajneri i ndjek ndeshjet dhe e ka të qartë se ku mund të japin më të mirën lojtarët. Në Kombëtare nuk mund të thuash që kam qejf të luaj në këtë pozicion. Fillimisht vjen grupi dhe më pas individi. Nuk ka rëndësi ku luaj, unë mundohem të jap maksimumin. Prej vitesh luaj në krahun e majtë dhe pas sulmuesit, këto janë pozicionet ku mund të jap më të mirën”.