huntelar

VIDEO | Huntelar është “ujk”, shikoni supergolin e shënuar sot

Sport Ekspres — Mon, 29 Jul 2019 15:57:40 +0000

Ajaksit duket se do i duhet kohë për të ardhur në vete pas ikjes së dy prej lojtarëve më të mirë, De Jong dhe De Ligt. “Harkëtarët” për ta bërë këtë po organizojnë shumë miqësore dhe e radhës është ajo e sotmja ndaj turkëve të Sivaspor.

Ndeshja ka përfunduar me rezultatin 1-1. Ka qenë një ndeshje e përgjumur nga ana e djemve të Ten Hag. Kishte momente ku turqit morën më shumë iniciativa, me Ajaksin që i mungonin sulmet e rrjedhshme dhe saktësia në veprime. Sivaspor shënuan të parët në minutën e 38-të. Pas një orë e çerek lojë, holandezët kanë arritur të barazojnë me Huntelar, i cili realizoi një supergol në minutën e 76-të.

Miqësore

Ajaks-Sivaspor 1-1
Mert Jandash ’38 / Huntelar ‘76

Ajaksi vazhdon të mrekullojë, edhe Huntelar futet në histori

Sport Ekspres — Sat, 20 Apr 2019 18:39:32 +0000

Skuadra e Ajaksit po bën një sezon fantastik dhe skuadra holandeze ka mahnitur të gjithë Europën me paraqitjet që ka bërë. Në takimin e sotëm kundër Groningen në transfertë, Ajaksi triumfoi 0-1, falë një goli të sulmuesit veteran, Klas Huntelar.

Sulmuesi holandez u aktivizua në minutën e 59’ dhe në të 77-ën, shënoi golin e fitores, një gol që mund të vendosë dhe titullin kampion. Kjo rrjetë, e çon sulmuesin në kuotën e 104 golave për Ajaksin, duke parakaluar legjendën Denis Berkgamp.

Jo vetëm kaq, po ky ishte dhe goli i 156 për Ajaksin këtë sezon në të gjitha kompeticionet, më shumë se në çdo sezon tjetër. Këto statistika, konfirmojnë sezonin fantastik që skuadra holandeze po kalon.

VIDEO: Ajaksi magjik, “mesazh” Juventusit me gjashtë gola

Sport Ekspres — Sat, 13 Apr 2019 19:28:49 +0000

Ajaksi po bën një sezon fantastik dhe talentet që kjo skuadër ka në përbërje duken të pandalshëm. Pasi eleminuan Realin e Madridit nga Liga e Kampionëve dhe ndalën Juventusin në një barazim 1-1, të gjithë sytë janë të fokusuar të gjigantët holandezë.

Sidomos stafi teknik i Juventusit, që po studion me kujdes ekipin e Ajaksit, që duket në një formë të shkëlqyer. Kjo gjë u vërtetua dhe sot, pasi bardhekuqtë kanë shkatërruar 6-2 ekipin e Ekselsiorin.

Sulmuesi i njohur, Huntelar, shënoi një tripletë, Tadiç dopietë dhe një gol nga talenti Kasper Dolberg mjaftuan që Ajaksi t’i dërgonte një mesazh të qartë Juventusit, që në ndeshjen e kthimit në Torino, nuk do të jetë një shëtitje në park, por një sfidë ku do të luftohet deri në fund.

https://www.youtube.com/watch?v=lx1KADmxfHo