Së fundmi 32-vjeçari ka prodhuar një ndër perlat që bënte shpesh ne Porton ose Zenitit. Hulk ccoi në 2 – 2 rezultatin e ndeshjes midis Shangait dhe Lifan me një goditje të fuqishme nga jashtë zone.

Shpejtësia dhe trajektorja që merr topi shtangin portierin e skuadrës kundërshtare që nuk lëviz qoftë edhe një gisht, edhe pse goditja bëhet nga një distancë prej më shumë se 30 metrash. Fatkeqëisht për Hulk, skuadra e tij ishte e pafat duke pësuar një autogol në minutat e fundit të takimit.

Investimet e mëdha kanë parë yje të futbollit botëror të transferohen në kampionatin kinez, ku janë mbuluar me ar. Por jo çdo gjë ka shkuar mirë për yjet e futbollit, pasi tashmë kërkojnë me doemos largimin.

Ky muaj janar mund të shohë shumë futbollistë të njohur të rikthehen në Evropë, madje disa nga ta janë të gatshëm të ulin ndjeshëm kërkesat e tyre dhe të pranojnë edhe rroga më të ulëta.

Karrasko është emri më i përfolur, me Milanin dhe Arsenalin që janë në garë për shërbimet e sulmuesit belg. Përveç Karraskos, edhe braziliani Hulk, Zahavi, Paulinjo dhe ish-ylli i Çelsit, Oskar janë gati të rikthehen në Evropë dhe kanë vënë në lëvizje agjentët e tyre që t’iu gjejnë skuadër. Duket se kampionati kinez do të humbasë shumë yje gjatë kësaj merkatoje.

Hulk, Pato, Paulinjo, Oskar, Taliska,Karrasko, Gatian, Graciano Pele, Tardeli, Eder apo dhe Aleks Tekseira e shumë e shumë të tjerë kanë zgjedhur Kinën për të vazhduar karrierën e tyre. Niveli i këtyre lojtarëve ëshë i lartë në krahasim me futbollin që luhet në Kinë, por gjithsesi në përfundim të kampionatit vihet re diçka e veçantë.

Wu Lei, është futbollisti që ka shënuar më shumë gola dhe ai që u kurorëzua si golashënuesi më i mirë i Superligës kineze. Plot 27 gola të shënuar për lojtarin e Shangai SIPG, ekip ku luan Hulk dhe Oskar, të cilët u shpallën kampion për herë të parë në histori. 26-vjeçari luan prej 12 vitesh me kampionët e Shangait, që nga viti 2006.

Shangai kështu, prish hegjemoninë e Guangzhu Evergrandes, të cilët triumfonin dhe dominonin futbollin kinez prej 7 vitesh. Ekipi i drejtuar nga portugezi Viktor Pereira, mori një triumf mjaft të rëndësishëm javën e shkuar në fushën e Guangzhus, duke fituar 4-5, ndërkohë ditën e sotme triumfuan 2-1, duke ia lënë vendin festës.

Guangzhu nga ana tjetër, e cila drejtohet nga legjenda italiane Fabio Kanavaro, ka në ekip mjaft lojtarë me emër si, Paulinjo, Anderson Taliska, po ashtu dhe braziliani Alan, i cili dikur ka luajtur për Salcburg. Ndërkohë, situata duket e keqe për dy ish-lojtarët e Atletiko Madrid, Nikolas Gaitan dhe Ferreira Karrasko, të cilët rrezikojnë të shkojnë një kategori më poshtë me ekipin e tyre Dailan. Javën e fundit do të luajnë ndeshjen e jetës për ekipin e tyre, pasi i duhet të fitojnë patjetër ndaj rivalit të tyre kryesor për të shpëtuar.