Hugo Loris

Loris tregon aftësitë, katër pritje në katër sekonda

Sport Ekspres — Fri, 12 Oct 2018 15:24:25 +0000

Franca për pak sa nuk u tërpurua dje para tifozëve të saj në miqësoren ndaj Islandës, që u mbyll rezultatin 2-2. “Vikingët” arritët të befasonin duke shënuar dy gola të shpejtë, por në minutat e fundit të takimit, kampionët e botës shmangën humbjen.

Kilian Mbape ishte heroi i francezëve, por një tjetër lojtar që mori duartrokitjet e publikut në stadiumin “Roudourou” ishte portieri Hugo Loris, i cili tregoi se është ndër më të mirët në planet në rolin e tij duke kryer katër pritje në katër sekonda.

Lloris pulls off four saves in four seconds pic.twitter.com/q1hxejfTdM

— Paul Campbell (@campbellwpaul) October 12, 2018

Hugo Loris bëhet shembull, çfarë dënimi!

Sport Ekspres — Wed, 12 Sep 2018 12:43:19 +0000

Hugo Loris, portieri i Totenhemit, u ndal rreth një muaj më parë në gjendje të dehur dhe për disa orë qëndroi në rajonin e policisë. Më pas u la i lirë dhe kampioni i botës u kërkoi falje tifozëve, familjes dhe klubit të Totenhemt.

Gjithsesi ishte e përcaktuar gjithçka dhe për të do të vendoste gjykata. Vendimi tashmë ka dalë dhe portieri është bërë shembull, pasi ka marrë një dënim të rëndë. Veç gjobës, i është hequr edhe patenta.

Ai nuk mund të ngasë makinën për 20 muaj, ndërkohë që do të duhet të paguajë 50 mijë sterlina gjobë. Gjithashtu edhe nga ana e klubit të Totenhemit ka pasur një gjobë për Hugo Loris.

Me siguri tanimë portierit nuk do t’i shkojë më ndërmend të ngasë makinën në gjendje të dehur. Madje për momentin do t’i duhet edhe një shofer personal.

Gjobë dhe heqje shiriti, Loris kërkon ndjesë

Sport Ekspres — Sat, 25 Aug 2018 10:13:29 +0000

Hugo Loris është penduar. Në orët e para të ditës së premte ai u ndalua nga policia dhe për shkak se po ngiste makinën në gjendje të dehur, u shoqërua në komisariat. Kampioni i botës qëndroi për shtatë orë në qeli dhe më pas u lirua me kusht. Më 11 shtator pritet që të dalë sërish para gjyqit.

Ajo që ka bërë portieri, nuk është pritur aspak mirë te Totenhemi. Loris humbi seancën e djeshme stërvitore, ndërkohë që tanimë “Daily Mail” raporton se francezit pritet që t’i hiqet shiriti i kapitenit. Herri Kejn është favoriti për t’u graduar në vend të tij.

Loris, nuk është ndjerë mirë për atë që ka bërë, ndaj edhe ka kërkuar ndjesë: “Dua t’i kërkoj falje me gjithë fuqinë e zemrës time familjes, klubit, shokëve të skuadrës, trajnerit dhe gjithë mbështetësve. Ngasja e makinës nën ndikimin e alkoolit është e papranueshme. Marr përgjegjësinë e plotë për veprimet e mia dhe ju them që nuk është ky shembulli që unë dua të jap”.

Për atë që ka ndodhur, pritet që Hugo Loris të gjobitet nga ana e klubit të tij. Më shumë se 330 mijë euro pritet që portierit t’i mbahen portierit nga të ardhurat që përfiton te Totenhemi, klub që sigurisht nuk e ka pritur aspak mirë atë që ka ndodhur me kapitenin e tyre.

Arrestohet Hugo Loris, më 11 shtator në gjyq

Sport Ekspres — Fri, 24 Aug 2018 13:17:16 +0000

Hugo Loris, ashtu si shumë futbollistë të tjerë, është ndaluar nga policia dhe akuzohet për ngarje të makinës në gjendje të dehur. Ai u ndal nga një patrullë në orën 02:20 të ditës së sotme dhe ka qëndruar për rreth shtatë orë në qeli.

Ndalimi i portieri të Totenhemit, kampion bote me Francën në Rusi, është ndalur në “Glocester Place”, pranë “Baker Street” në qendër të Londrës. Ai është dërguar në komisariat dhe i është bërë testi i alkoolit, si dhe ka dhënë shenjat e gishtërinjve.

Për t’u lënë i lirë Loris është dashur të paguajë një shumë të caktuar financiare dhe është liruar me kusht. Pas një muaji (11 shtator) ai do të dalë në gjyq për të mësuar masën që do të merret për të.

Loris është një lojtar i respektuar dhe familjar. Ai ka dy fëmijë me Marinen, të dashurën e tij të fëmijërisë. Prej gjashtë sezonesh ai është pjesë e Totenhemit, madje mban edhe shiritin e kapitenit te skuadra londineze.