Problemi i madh i skuadrës së Gatuzos është në mbrojtje, pasi këtë edicion në kampionat është ndëshkuar në të gjithë ndeshjet, madje dhe në arenën ndërkombëtare, vetëm Dudelanzh nuk ka mundur që të shënojë ndaj kuqezinjve. Ky është një problem i madh që nuk po gjen zgjidhje dhe Gatuzo e pranon ndeshje pas ndeshje se është në hall.

Nëse i hedhim një sy skuadrave në Europë, më saktë në 5 ligat më të mëdha, shihet se vetëm 2 skuadra janë në të njëjtat ujëra si Milani: Fulhemi në Premier Ligë me 28 gola të pësuar në dhjetë ndeshje dhe Hueska në La Liga me 22 gola të pësuar në dhjetë ndeshje.

Dy penallti vendosën sfidën e drekës në La Liga. Stuani kaloi Zhironën në avantazh në minutën e 37-të dhe sulmuesi uruguaian ngjitet në kuotën e gjashtë golave, vetëm një më pak se Andre Silva i Seviljes, i cili kryeson renditjen e golashënuesve me shtatë gola.

Vendasit reaguan dhe arritën të gjenin golin e barazimit në pjesën e dytë. Kapiteni Merelo u tregua i saktë nga pika e penalltisë dhe barazoi rezultatin në minutën e 72-të. Ndeshja nuk pati më gola dhe të dy ekipet ndanë nga një pikë.

Hueska renditet në vendin e tretë nga fundi me pesë pikë pas javës së shtatë, ndërsa Zhirona ngjitet në kuotën e nëntë pikëve, duke u renditur përkohësisht në vendin e nëntë.

Hueska – Zhirona 1-1
(Merelo (pen) 72′ / Stuani (pen) 37′)