Shkak për këtë është bërë një ndeshje e trukuar gjatë sezonit të kaluar në Segunda Divizion, ku Hueska u mund me rezultatin 1 – 0 nga Himanstik Tarragona. Shuma të mëdha u luajtën në kompanitë e basteve aziatike për fitoren  e Himnastik. Ky fenomen u pikas nga autoritet spanjolle dhe pas një hetimi që zgjati thuajse një vit, prokuroria lëshoi mandat arrestet.

“A dëmton kjo gjë futbollin? Prej shumë kohesh mendoj se jo. Kam parë që në gazeta të ndryshme flitet për një “ditë të errët” të futbollit spanjoll, por është e kundërta.Të gjithë e dimë se polica dhe La Liga nuk janë në gjumë. Krimi është pjesë e shoqërisë dhe ne po përpiqemi ta reduktojmë me sa të jetë e mundur. Grabitjet dhe vrasjet s’do të ndalen kurrë. E rëndësishme është që ne të punojmë për të ulur numrin e tyre”.

“Nëse ndonjëherë ndodh diçka, kjo nuk do të thotë që çdo gjë është e pistë. Përkundrazi, unë mendoj se kjo është një ditë për të falënderuar policinë dhe punonjësit e anti-korrupsionin, si dhe La Ligën që mbështetën këtë hetim që filloi më shumë se një vit më parë”.

“Kur të filloj procesi gjyqësor do të dimë më shumë. U kam dërguar një letër të gjithë sponsorëve të La Ligës, ku i kam shpjeguar se investimi në kampionatin tonë është i sigurt”.

Mesfushori Daniel Vas hapi serinë e golave, që në minutën e dytë të takimit. Rodrigo në minutën e 16’ dhe Mina në të 20-ën trefishuan shifrat. Në 25 minutat e mbetura të pjesës së parë, do të kishte kohë edhe për dy gola të tjerë. Mina shënon të dytin personal në minutën e 32’, ndërsa nja autogol nga Etkseita vendosi shifrat në 0-5.

Rodrigo do të shënonte sërish në pjesën e dytë, teksa në minutën e 51’ i çoi shifrat në 0-6. Golat e nderit për vendasit e Hueskas u shënuan nga Melero dhe Galar. Me këtë fitore të thellë, Valencia i çon një mesazh Arsenalit, skuadër me të cilën do të përballet në “Mestalla” në gjysmëfinalen e kthimit të Europa League, ku do i duhet të përmbysë humbjen 3-1 në “Emirates Stadium”.

Rastet e takimit

Ishte Karim Benzema ai që shpëtoi Realin nga një figurë e shëmtuar, duke siguruar një fitore morali, sepse loja ishte mjaft zhgënjyese për Los Blancos. Në një stadium me më pak se 50 mijë tifozë, tmerrësisht pak për kampionët e Europës, Zinedin Zidan u detyrua të hidhte në fushë shumë rezerva, përfshirë djalin e tij Luka, për shkak të mungesave.

Ndeshja nisi menjëherë me gol, ku ishin miqtë të cilët kaluan në avantazh pas vetëm tre minutash lojë. Pas një krosimi nga e djathta, ishte sulmuesi Kuço i cili me goditjen e tij nuk i dha asnjë mundësi portierit Luka Zidan.

Reali arriti të reagonte në minutën e 25-të, ku pas një këmbëngulje të Brahim Diaz e Benzema, ishte Isko ai i cili shtyu topin në rrjetë, për të vënë baraspeshën. Formë e shkëlqyer për Iskon, i ringjallur nga Zidan.

Pjesa e dytë nisi mirë për “Los Blancos”, të cilët kompletuan përmbysjen me atë të Dani Sebajos, i cili shfrytëzoi në maksimum një pasim me kokë të Karim Benzemasë. Francezi për herë të dytë në karrierë jep asist në 3 ndeshje rresht me Realin: për herë të parë e kishte bërë në 2013.

Gjithsesi, Hueska nuk e humbi besimin dhe tentoi të barazonte shifrat. Në minutën e 74-t miqtë shënuan golin e dytë, duke heshtur stadiumin. Eçeita ishte autor i golit, i cili shënoi në zhvillimet e një goditje standarte.

Në fund ndeshja u hap totalisht dhe Reali e kërkoi me dëshpërim golin, që doli në minutën e fundit, sepse Benzema shpiku një trajektore fantastike, duke shënuar golin e fitores, i 14-ti personal në Primera këtë sezon.

Takimi nisi me Atletikon më kërkuese që në minutat e para. Gjithsesi, me kalimin e minutave Hueska pati disa raste dhe në momentin e tyre më të mirë, u ndëshkuan nga cinizmi i ekipit të Simeones.

Ishte një aksion perfekt i madrilenëve, ku Koke gjeti mjaft bukur Lukas Hernandez, i cili shënoi golin e avantazhit për të tijtë, duke e mbyllur pjesën e parë në epërsi. Fraksioni i dytë nisi me gol për miqtë, të cilët iu falën përsëri një mbrojtësi krahu, por këtë herë Santiago Ariasit.

Grizman ishte njeriu asisit për golin e shënuar nga mbrojtësi kolumbian, i cili duket se është përshtatur që në sezonin e tij të parë në Spanjë. Në minutën e 71-të kishte vend dhe për Koken në listën e golashënuesve, duke konfirmuar pasditen perfekte të Atletikos.

La Liga | Java e 20-të

Hueska – Atletiko Madrid 0-3

Shënues: Lukas Hernandez 31’, Arias 52’, Koke 71′

Lionel Mesi dhe Luis Suares shënuan nga dy gola. “Pleshti” kishte mundësi të shënonte një tripletë në minutën e fundit të takimit, por ia lejoi sulmuesit uruguaian me përulësi të drejtën e ekzekutimit. Në listën e shënuesve e vendosën emrin dhe Dembele, Rakitiç e Zhordi Alba.

Ku ka më mirë se ta nisësh me triumf kampionatin, sidomos jashtë fushe! Takimi i dytë ishte kundër Athletik Bilbaos, që sidomos në shtëpi është një ekip shumë i fortë. Gjithsesi Hueska sërish mori pikë.

E bëri këtë madje duke qenë në avantazhin e dy golave. Avila, tre minuta para përfundimit të kohësh së rregullt, “shpiku” një gol dhe arriti të barazonte rezultatin në 2-2. Ndeshja e radhës për Hueskan është kundër Barcelonës dhe ndoshta aty do ndalen, por ky gol i Avila me siguri do mbahet mend gjatë.

https://twitter.com/ElMengem/status/1034361738672656384