Një pikë pa shumë vlerë, sepse tashmë ndërlikohet gjithçka për londinezët, që nuk e kanë më në dorën e vet kualifikimin në Champions League nëpërmjet kampionatit.

Nderkaq, lajmi tjetër i hidhur i mbrëmjes erdhi nga talenti i sulmit, Kallum Hadson-Odoi. 18-vjeçari, i adhuruar nga tifozët dhe i kërkuar me ngulm nga Bajerni, pësoi një dëmtim serioz në pjesën e parë dhe u zëvendësua.

Really gutted to end my season with an Ruptured Achilles, gotta work hard and try and come back stronger for next season!!!????? pic.twitter.com/PXC53WszdH

— Callum Hudson-Odoi (@Calteck10) April 22, 2019

Pas ndeshjes vetë sulmuesi konfirmoi me një postim në Twitter se ka dëmtuar tendinën e Akilit dhe nuk do të luajë më këtë sezon.

Hadson-Odoi ka luajtur 23 ndeshje këtë sezon  duke shënuar 5 gola, ndërkohë që trajneri Mauricio Sarri ka qenë një presion konstant për t’i dhënë më shumë minuta më kampionat.

“Mendoj se kam qenë më i mirë”, tha tekstualisht Hazard. Sigurisht kjo deklaratë e tij ishte në kuadrin e një shakaje sepse Hazard njihet për përulësinë që e karakterizon. Ai e vazhdoi komentin e tij, duke e lavdëruar talentin e Çelsit.

Eden u shpreh për Hadson-Odoi se është një talent i madh, por duhet të jetë i përulur. Gjithashtu tha se ai ka besim se i riu do të qëndrojë te Çelsi edhe pse londinezët kanë shumë lojtarë krahu, por minutat do të vijnë me kalimin e kohës.

“Unë i jap këshilla vazhdimisht sa herë ma kërkon. Që kur ka ardhur të stërvitet me ne ka treguar se është një talent i madh. Luan me shumë besim. I kam thënë se është e rëndësishme të qëndrojë i përulur.  Mendoj se do të qëndrojë në ‘Stamford Bridge’. Ne kemi lojtarë të mëdhenj në krahë si Uillian apo Pedro. Gjithsesi koha e tij po vjen, ai luajti sot dhe do të luajë edhe shumë ndeshje të tjera.”

Zëvendës-trajneri Xhanfranko Zola i pyetur nga gazetar në lidhje me aktivizimet e pakta të Odoit, u përgjigj duke thënë se lojtari është në planet e tyre dhe

“Nuk jam dakord me këtë që po thoni ju. Ai është gjithmonë i grumbulluar me skuadrën. Sa po na krijohen mundësitë ai luan. Disa herë është aktivizuar si titullar, ndërsa herë të tjera si zëvendësues si në rastin e ndeshjes ndaj Malmos”

“Nuk ka shumë 18-vjeçarë në klubet elitare të Europës që po luajnë aq shumë sa ai. Mendoj se trajneri po i jep plot arsye që tregojnë se këtu te Çelsi është i vlerësuar. Odoi është një lojtar me të ardhme të ndritur”, tha Zola.

Megjithatë, drejtuesit e Çelsit nuk u tunduan dhe e mbajtën në Londër talentin 18-vjeçar. Megjithatë te Bajerni janë të bindur, herët a vonë Hadson-Odoi do të mbërrijë në Mynih.

Ka qenë vetë Karl-Hainc Rumenige, i cili në një intervistë për medien gjermane “TZ”, ka pranuar haptazi në një intervistë se klubi i tij ka akoma interes për blerjen e talentit të londinezëve. Shefi i përgjithshëm i Bajernit tha se drejtori sportiv Hasah Salihamidzhiç do të vazhdojë sërish përpjekjet transferimin e lojtarit.

“Nuk jam i shqetësuar. Në të shkuarën kemi pasur transferime që nuk kanë funksionuar në përpjekjen e parë, por në merkaton e ardhshme i kemi mbyllur me sukses. Salihamidzhiç është si Hënses në këtë aspekt. Jam i bindur se ai do t’ia dalë me sukses herën e dytë”

“Ne duam lojtarë cilësorë te Bajerni dhe Salihamidzhiç është krejtësisht i bindur për këtë lojtar, prandaj ne kemi kaq shumë interes për të. Kemi sjellë shumë të rinj në skuadër si Kimish, Gnabri, Koman, të tjerë do të vijnë gjatë verës”, përfundoi kreu i Bajernit

Hadson-Hodoi është në vitin e fundit të kontratës së tij me Çelsin, por blutë e Londrës, duket se nuk kanë ndërmend të largojnë një xhevahir si ai nga ekipi. Këtë gjë e ka konfirmuar dhe Mauricio Sarri në konferencën e sotme, në kuadër të ndeshjes ndaj Bornmuth. Italiani ka deklaruar se Odoi është e ardhmja e Çelsit dhe e ardhmja e futbollit anglez.

“Jam shumë i lumtur me të në fushë dhe klubi më ka thënë që për këtë merkato do të qëndrojë me ne. Kjo gjë pritet të ndodhë dhe në merkaton e verës. Kështu që ne jemi shumë të lumtur për këtë gjë, sepse siç e thashë dhe më parë ndihem shumë mirë me të. Ai pk përmirësohet dhe besoj se do të jetë e ardhmja e klubit tonë. Do të jetë e ardhmja e futbollit anglez”.

Sipas “The Guardian”, ditën e djeshme 18-vjeçari u ka dorëzuar drejtuesve të Çelsit një kërkesë për transferim, duke ua bërë të ditur se përpjekjet e tyre për të rinovuar kontratën që mbaron në qershorin e 2020-ës janë të kota.

Para pak javësh Bajerni ofroi 35 milionë euro për kartonin e sulmuesit 18-vjeçar, por kjo ofertë u refuzua nga Çelsi. Megjithatë, vendimi i fundit i lojtarit rrit ndjeshëm shanset e bavarezëve për ta bërë të tyrin talentin anglez.

Gjermania është kthyer në një kampionat tërheqës për talentët anglez. Shembulli më i mirë është Xhejdon Sanço, i cili u largua nga Mançester Siti për shkak të minutave të pakta. Tani te Dortmundi, 18-vjeçari është kthyer në një nga lojtarët më të kërkuar në planet.

Lidhur me këtë çështje, së fundmi ka folur, Markos Alonso, i cili ka thënë për “Sky Sport”, se nuk e kupton se si mund të largohesh nga Çelsi, për të shkuar në një kampionat si Bundesliga. Gjithashtu, spanjolli ka shtuar se Premier Liga është kampionati më i fortë në botë.

“Hadson-Hodoi është një lojtar shumë i talentuar. Bajern Mynih? Ne jemi Çelsi, një skuadër e shkëlqyer. Premier Liga është kampionati më i fortë në Botë, nuk e kuptoj se si dikush mund të shkojë të Bajerni”.

Sipas lajmit të publikuar nga “Daily Mail”, lojtari është i pakënaqur me minutat e pakta që po merr te skuadra londineze dhe një kalim në Bundesligë është një opsion shumë tërheqës për të.

Gjatë viteve të fundit kampionati anglez është kthyer në një treg interesant për klubet gjermane. Shembulli më i mirë vjen nga Borusia e Dortmundit, që më shumë se një vit më parë bleu nga Siti, Xhejdon Sançon, që tani është kthyer në një prej lojtarëve më të mirë të Bundesligës.