Flitej për largim, mesfushori i Juventusit merr vendimin

Sport Ekspres — Thu, 18 Jul 2019 17:38:03 +0000

Juventusi ka një mesfushë shumë të populluar. Sarri ka në dispozicion mbi dhjetë lojtarë në atë repart dhe largimet janë të pashmangshme. Ditët e fundit është raportuar një largim i mundshëm i Huan Kuadrados.
Kolumbiani flitet se ka arritur marrëveshje në Kinë dhe është gati të largohet në këmbim të milionëve aziatikë. Gjithesi, gjithë këtë ka menduar ta përgënjeshtrojë vetë kolumbiani.

Ai shprehet se ndihet shumë mirë në Torino bashkë me familjen e tij, duke lënë të kuptojmë se njerëzit e afërt kanë qenë vendimtar në zgjedhje. Me gjithë dëshirën e lojtarit pritet për t’u parë vendimi e klubit mbi të ardhmen e Kuadrados.

“Ndihem i lumtur te Juventusi, unë dhe familja jemi të gëzuar. Ne mendojmë të qëndrojmë. Torino është një qytet fantastik dhe na bën të ndihemi si në vendin tonë”, u shpreh ylli latin.

Kuadrado e ka të qartë: Duam titullin e tetë rresht dhe finalen e Madridit

Sport Ekspres — Wed, 12 Sep 2018 10:28:48 +0000

Në fundjavë rinisin kampionatet dhe Champions është në prag. Huan Kuadrado shpjegon shkurt në një prononcim për “Sky”, objektivat e Juventusit dhe mënyrën për të arritur te fitimi i trofeve. Përveç titullit të radhës, Juventus kërkon të fitojë Champions dhe Kuadrado dëshiron arritjen në finale, që zhvillohet në stadiumin e Atletikos së Madridit “Wanda Metropolitana”.

Anësori ofensiv komenton dhe për Kristiano Ronaldon, i cili duhet të ruajë qetësinë për të gjetur golin e parë, sepse të tjerët do të vijnë vetë…

“Duhet të jemi të qetë dhe të vetëdijshëm për faktin që jemi një skuadër e madhe. Nisja e mirë është e rëndësishme dhe gjëja e vetme që vlen është fitorja.

Duam të vazhdojmë të fitojmë titullin dhe të arrijmë në finalen e Champions. Ronaldo? Ai është një golashënues i shkëlqyer, kur të vijë goli i parë do të pasohet nga të tjerë, mjafton që të qëndrojë i qetë”, përfundon 30-vjeçari kolumbian.