Huan Bernat

E kryer, PSG blen mbrojtësin e Bajernit

Sport Ekspres — Thu, 30 Aug 2018 11:16:09 +0000

PSG prej kohësh ishte hedhur në sulm për të marrë një lojtar në mbrojtjen e Bajernit të Mynihut. Fillismisht pati bisedime konkrete për Zherom Boateng, por nuk u arrit të konkretizohej një marrëveshje.

Më pas tratativat nisën për spanjollin Huan Bernat dhe për këtë të fundit raportohet se është mbyllur gjithccka dhe nesër pritet që të kryejë vizitat mjekësorë. Bajerni do të përfitojë shumën e 15 milionë eurove për anësorin e majtë, i cili me kampionët e Francës do të nënshkruajë për tre vite.

PSG më parë kishte kërkuar edhe Felipe Luis nga Atletiko e Madridit, por për të duhej paguar një shumë e madhe. Në fund u përqendruan te Bernat dhe tashmë për trajnerin Tomas Tuhel është plotësuar një objektiv merkatoje.

PSG akord me mbrojtësin e Bajernit, ja detajet e operacionit

Sport Ekspres — Wed, 29 Aug 2018 20:05:11 +0000

Më në fund PSG ka arritur të përforcojë krahun e majtë të mbrojtjes. Francezët kanë arritur akordin me Bajernin e Mynihut për transferimin e Huan Bernat në kryeqytetin francez. Tani duhet të arrihet dhe akordi për pagën mëngjarashit për të bërë gjithçka zyrtare.

PSG ka paguar 15 milionë euro në arkat e bavarezëve, ndërsa 25-vjeçarin spanjoll e pret një kontratë 3-vjeçare. Bernat largohet mbas katër vitesh nga Bajerni dhe tashmë është gati për të nisur aventurën e re me kampionët e Francës.

Një lajm i mirë dhe për trajnerin Tuhel, i cili kishte nevojë për një mbrojtës të majtë duke llogaritur formën e dobët të francezit Leivin Kurzava, i cili brenda një viti ka humbur formacionin në kombëtaren e Francës dhe te PSG-ja, një pikiatë.

Bernat refuzon PSG, spanjolli drejt rikthimit në La Liga

Sport Ekspres — Mon, 27 Aug 2018 20:31:00 +0000

Huan Bernat ishte pranë transferimit tek ekipi i PSG. Francezët kishin arritur akordin me Bajernin e Mynihut për të transferuar mbrojtësin e majtë në kryeqytetin francez, por 25-vjeçari ka refuzuar kalimin në Francë.

Ai dëshiron të rikthehet në Spanjë dhe Atletiko e Madridit shihet si destinacioni i tij i ardhshëm. Spanjollët interesohen për të për të përforcuar krahun e majtë të mbrojtjes duke llogaritur vendimin e Felipe Luis për t’u larguar. Një interesim i tillë i pëlqen dhe vetë Bernatit, i cili është gati për t’u rikthyer në La Liga mbas 4 vitesh.

Bernat ka zhvilluar 75 ndeshje dhe ka shënuar tre gola me ekipin bavarez, ndërsa numëron dhe një gol të shënuar në 7 ndeshje me kombëtaren e Spanjës.