Hamburgu pushon trajnerin që përzuri Mavrajn

Sport Ekspres — Tue, 23 Oct 2018 17:51:19 +0000

Hamburgu ka njoftuar sot shkarkimin e trajnerit Kristian Tic dhe ardhjen në krye te bankinës të ish-trajnerit të Shtutgartit, Hanes Volf. Ky vendim i drejtuesve të klubit Gjermania e veriut ka çuditur shumë vetë, pasi skuadra ka zhvilluar një sezon brenda pritshmërive, ku pas 10 javësh kampionat në Bundesligën.2 ndodhet vetëm dy pikë larg kreut në vendin e pestë të renditjes.

Tic erdhi në krye të stolit të Hamburgut në fillim të muajit mars, i promovuar nga ekipi B, skuadër në të cilën e drejtonte prej tri vitesh. Një nga vendimet e para të 47-vjeçarit ishte përjashtimi nga stërvitja e kapitenit të kombëtares shqiptare Mërgim Mavraj dhe mesfushorit brazilian Uallas.

Në një intervistë për “BILD” në muajin shtator, futbollisti shqiptar u shpreh se ende nuk ka marrë asnjë shpjegim për masën drastike që u mor drejt tij nga tekniku gjerman.

HSV trennt sich von Trainer Titz –
Hannes Wolf übernimmt.

Zur Meldung ? https://t.co/hWLvaJLNsG pic.twitter.com/xXeSKLOSA0

— Hamburger SV (@HSV) October 23, 2018

Mavraj e ka me një person në Hamburg: Si njeri vlen zero

Sport Ekspres — Thu, 13 Sep 2018 18:02:10 +0000

Mërgim Mavraj ka thyer heshtjen duke folur në një intervistë për medien gjermane “Bild”, ku ka shpjeguar vështirësitë që kaloi te skuadra e Hamburgut gjatë sezonit të kaluar. Qendërmbrojtësi 32-vjecari luajti gjatë pjesës së parë të sezonit, por me ardhjen në krye të bankinës së Hamburgut të teknikut gjerman, Kristian Tic, ai u përjashtua menjëherë nga ekipi i parë. Këtë vendim të trajnerit, Mavraj nuk ka arritur ta kuptojë edhe sot e kësaj dite.

“Nga ana njerëzore ai trajner vlen 0. Te gjithë të tjerët nuk i gjykoj, sa do që shume ja kanë dalë të mos shikojnë më mbrapa. Qoftë dhe vetëm një zyrtar i vetëm i klubit nuk më folur asnjë herë për atë masë që u mor ndaj meje. Trajneri ka të drejtë të përjashtojë lojtarët, por në rrethanat e duhura”.

Rënia e Hamburgut – “Ishte diçka që ndodhi si pasojë e gabimeve nga njerëz të ndryshëm në të gjitha nivelet e klubit. Më erdhi keq, pasi pas rënies nga Bundesliga, u bëra shënjestër për disa nga fansat, ndërkohë që harruan se vetëm një vit më parë më cilësoni si hero kur shpëtuam në fund nga rënia. Ndoshta rënia nga kategoria ishte qëllimi i drejtuesve të klubi”, përfundon Mavraj duke hedhur akuza të forta.