Megjithatë, te Skënderbeu nuk i siguruan minutat e duhura dhe sulmuesi ka vendosur të largohet. Hoxhaj ka vendosur që të kalojë pjesën e mbetur të sezonit në Kosovë, ku ka nënshkruar për skuadrën e Ferizaj. Klubi nga IPKO Superliga ka zyrtarizuar afrimin e 24-vjeçarit me anë të një postimi në faqen e tyre zyrtare në Facebook.

Nisja ka qenë për t’u harruar për vlonjaten, i cili është përndjekur nga dëmtimet, pasi ju deshën që të priste 8 javë për të zbritur në fushë për Skënderbeun. Edhe pse Hoxhaj u rikthye në Kupë, sërish pësoi një dëmtim të lehtë që e shtyu momentin e buzëqeshjes, por rikthimi ishte perfekt: Gol vetëm 2 minuta pasi zbriti në fushën e lojës.

Mjaft i lumtur ishte sulmuesi pas ndeshjes, teksa për mediat i gëzohej faktit që e ndihmoi skuadrën e tij që në ndeshjen e parë në fushë, por është i vetëdijshëm që i duhet ende shumë punë për të arritur në maksimumin e tij.

DEBUTMI ME GOLA – “Si fillim dua të them se jam mjaft i lumtur që u riktheva në fushën e lojës, pasi u bë një kohë e gjatë që kam munguar, kjo për shkak se kam kaluar shumë dëmtime. Sapo u ktheva në ndeshjen e Kupës pësova sërish një dëmtim të lehtë, por tani e kalova dhe jam shumë i lumtur që e ndihmova skuadrën time që të marrë 3 pikët në këtë sfidë”.

GJENDJA – “Mendoj se ky pushimi Kombëtareve do të na bëjë mirë, sidomos për mua që të kem mundësinë të rris kondicionin fizik. Mund të bëj një minifazë për të arritur në maksimumin tim, pasi ende nuk jam në 100% tim dhe do më duhet ende shumë punë”.

SKUADRA – “Skënderbeu ka gjithë këto vite që edhe pse i ndryshon lojtarët nuk e ndryshon mentalitetin e lojës dhe mentalitetin e fituesit. Ne luftojmë në çdo ndeshje dhe në fund shohim bilancin tonë. Ne kërkojmë fitoren në çdo sfidë. Golin ia dedikoj zotit”.

Një nga arsyet e kësaj rënieje është dëmtimi i kapitenit Bushiç, i cili ka lënë një gropë të madhe në sulmin kuqezi. Kroati ka folur në “Supersport”, para ndeshjes kundër Skënderbeut, duke treguar se do të kthehet në Kroaci, ku do të qëndrojë disa javë: “Jam i mërzitur nga kjo situatë dhe shpresoj të rikthehem për 2-3 javë. Nesër në mëngjes do të iki në Split të Kroacisë për një periudhë një-javore dhe më pas do të bëj një eko tjetër”.

Bushiç sheh i shqetësuar renditjen: “Vllaznia, Kamza dhe Teuta janë shumë afër, tani na duhen pikë urgjentisht. Kemi shumë probleme këtë vit dhe që nga ndeshja e Kupës ndaj Partizanit na iku situata nga duart, duke u rënduar psikologjikisht”.

HOXHAJ – Sulmuesi tjetër i Flamurtarit, Hoxhaj, është transportuar për në spital në pushimin e ndeshjes kundër Skënderbeut. Një përplasje e fortë me Vangjelin në fillim të ndeshjes bëri që Ardit Hoxhaj të vijonte lojën i fashuar në kokë, por në pushim ishte e pamundur të vazhdonte dhe u bë i detyruar transportimi për në spital, për të marrë ndihmë të specializuar.

Elton Nika

Aktivizim te Bylisi, ku spikati me golat e tij, më pas kalimi te Skënderbeu, huazimi te Korabi dhe rikthimi në Vlorë, por në formë huazimi. Sulmuesi vlonjat, Ardit Hoxhaj, rikthehet të veshë fanellën e Flamurtarit dhe kjo është një mundësi shumë e mirë për të bërë një hap të rëndësishëm përpara në karrierë. Vetë lojtari, një nga përforcimet e verës, beson shumë se ka ardhur momenti për të lënë shenjë me Flamurtarin dhe për të qëndruar sa më gjatë në Vlorë. Ai thekson se sezoni i ri ka shumë rëndësi për atë vetë dhe gjithë skuadrën vlonjate, që duhet të kthehet në nivelin që i takon, pasi ka formuar një grup vërtet me kualitet. “Të luash për skuadrën e qytetit tënd, natyrisht që është mjaft e rëndësishme dhe unë këtë besim që më dhanë, dua ta shpërblej me atë që do të jap në fushë”, – thekson në fillim sulmuesit vlonjat Hoxhaj, i cili zhvilloi një paraqitje të mirë me Korabin në gjysmën e dytë të kampionatit të fundit.

HAPI I MADH – Ardit Hoxhaj nuk e fsheh aspak se synimi i tij është të bëjë hapin e madh dhe të rëndësishëm për të. Dhe do të ishte kënaqësi e dyfishtë, nëse do ta bënte me fanellën e Flamurtarit, skuadrës së qytetit të tij: “Flamurtari është skuadra, ku unë, si çdo vlonjat, do të doja të luaja gjithmonë. Ky sezon besoj se është mundësia, që të gjithë së bashku të bëjmë diçka të rëndësishme për skuadrën dhe për veten. Personalisht, do të jap maksimumin për të treguar veten dhe për të nderuar Flamurtarin. Kemi nisur një fazë përgatitore të ngjeshur, që është normale në këtë periudhë, pasi i shërben kampionatit që nis në shtator. Kemi zgjedhur një vend më të qetë dhe të freskët dhe kjo vlen shumë, pasi na lejon të punojmë si duhet. Të gjithë vëmendjen e kemi tek ajo çfarë na kërkon stafi teknik gjatë stërvitjes”, – shton futbollisti vlonjat.

FORMACIONI – “Roli im në fushë? Padyshim që jam këtu për të dhënë kontributin tim për Flamurtarin dhe është gjë e mirë, kur në një skuadër ka shumë konkurrencë, ashtu siç ka tashmë te Flamurtari. Nuk e mendoj, nëse duhet të jem patjetër titullar, por natyrisht që dua të luaj sa më shumë. Gjithsesi, rëndësi ka emri i skuadrës dhe jo ai personal, ndaj të shohim. Së pari dua të jetë protagonist Flamurtari dhe ky sezon ka për të qenë pozitiv për të”, – ka përfunduar sulmuesi, i cili shumë mirë mund të luajë edhe si mesfushor i avancuar.

Elton Nika

Flamurtari nuk ka të ndalur në merkato. Ardit Hoxhaj është kthyer tashmë zyrtarisht te skuadra vlonjate. Akordi mes palëve kishte ditë që ishte arritur, ashtu siç “Sport Ekspres” konfirmoi ditë më parë. Sulmuesi Hoxhaj dje ai ka hedhur edhe të zezën mbi të bardhë. Pas eksperiencës te Bylisi, Skënderbeu dhe Korabi, ai vesh përsëri fanellën e skuadrës së qytetit të tij. Hoxhaj vjen në Vlorë me formën e huazimit dhe fuqizon sulmin, ku të gatshëm janë edhe lojtarë si Danilo Alvesh, Ardit Shehaj, me shumë mundësi edhe Tomislav Bushiç. Ardit Hoxhaj është afrimi i katërt i Flamurtarit në këtë merkato vere, pas Bicajt, Siljanovskit dhe portierit Adis Nurkoviç. Një merkato, që duket se nuk do të mbyllet këtu, pasi vlonjatët janë në bisedime me disa lojtarë të tjera. Më shumë nevojë për përforcime ka reparti i mesfushës, që patjetër duhet të plotësohet. Pas firmës në kontratë, sulmuesi Ardit Hoxhaj ndihet mjaft i kënaqur dhe për “Sport Ekspres” ka dhënë dje këtë intervistë:

– Hoxhaj, jeni rikthyer te Flamurtari pas disa sezonesh. Ishte një lëvizje e menduar më parë apo e papritur?

– Po, kemi zyrtarizuar gjithçka sot (dje), edhe pse marrëveshja ishte arritur kohë më parë. Jam i kënaqur, që jam rikthyer në shtëpinë time, ku synoj të jap maksimumin për skuadrën e qytetit tim dhe natyrisht të arrijmë sa më shumë suksese. Situata erdhi e tillë dhe unë jam shumë i kënaqur që jam kthyer.

– Te Flamurtari në formë huazimi apo përfundimisht?

– Në fakt, kartoni im i përket Skënderbeut dhe te Flamurtari jam në formën e huazimit. Të dy klubet kanë rënë dakord dhe tashmë jam këtu. Megjithatë, pse jo besoj se shumë shpejt Flamurtari ka për ta blerë të plotë kartonin tim. Për sezonin e ri jam i huazuar, pasi për kaq është marrëveshja e huazimit. Të shohim më pas.

— Bylisi, Skënderbeu dhe Korabi. Sa ju kanë shërbyer këto eksperienca?

– Te Bylisi kam zhvilluar një sezon shumë të mirë, më pas kalova te Skënderbeu dhe në fund u huazova te Korabi. Dëshira për të qenë te Flamurtari ka ekzistuar edhe më parë, por u bë realitet vetëm tani. E doja edhe më parë këtë transferim.

– Si ndodhi, kush ju ftoi?

— Ishte fillimisht trajneri Shpëtim Duro, i cili më kërkoi me ngulm të rikthehesha te Flamurtari. Kontaktet tona kanë qenë të vijueshme dhe dua ta falënderoj trajnerin për vlerësimin. Por  edhe drejtuesit e Flamurtarit e kanë dëshiruar shumë rikthimin tim, ndaj dhe jam i kënaqur për vlerësimin e tyre, duke kërkuar që këtë besim tashmë ta justifikoj në fushën e lojës.

– Çfarë sezoni prisni me fanellën e Flamurtarit?

— Me plot gojën besoj shumë te ky projekt i Flamurtarit. Trajneri Duro ka bërë një punë shumë të mirë që kur erdhi në Vlorë dhe eksperienca e tij është mjaft e rëndësishme. Ju e keni parë edhe vetë se gjatë kësaj kohe skuadra ka lëvizur mjaft mirë në merkato. Prandaj, pres padyshim një sezon cilësor, Një Flamurtar që të shkojë në Kupat e Europës dhe të fitojë trofe. Gjithçka do të shihet gjatë rrugës.

– Edhe tifozët e kanë vlerësuar rikthimin tuaj në skuadër. Çfarë mesazhi keni për ta?

– Në fakt, tifozët e Flamurtarit më kanë kërkuar edhe më parë të kthehem. Vlerësimi i tyre më entuziazmon dhe dua t’i falënderoj publikisht. Dua të shpërblej besimin e të gjithëve në fushë, me lojë dhe gola. Të gjithë bashkë do të përpiqemi për një Flamurtar në nivele të larta, ashtu si të gjithë vlonjatët duan të jetë.

Gjatë gjysmës së parë të sezonit që shkoi Hoxhaj luajti vetëm në kupë me korçarët dhe pak minuta në kampionat, ndërsa në gjysmën e dytë kaloi në formë huazimi te Korabi. Tani nis një aventurë e re për sulmuesin, që do të tentojë shpërthimin në Vlorë.