Sampaoli u jep fund pushimeve, Santos e josh me pagë të çmendur

Sport Ekspres — Thu, 13 Dec 2018 19:02:48 +0000

Pesë muaj pas largimit nga kombëtarja e Argjentinës, Horge Sampaoli i është rikthyer profesionit të trajnerit, kësaj radhe në klubesh. Skuadra e re e teknikut argjentinas do të jetë “gjiganti” brazilian Santos.

Klubi që ka prodhuar ylli brazillian Nejmar ka njoftuar arritjen e marrëveshjes me trajnerin argjentinas, ndërsa në deklaratë thuhet se firmosja e kontratës do të bëhet këtë fundjavë.

Oficial: Santos FC e Jorge Sampaoli têm um aceite assinado na proposta para que o argentino seja o treinador da equipe em 2019. Os últimos detalhes e a assinatura do contrato devem ser finalizados em encontros presenciais neste final de semana. pic.twitter.com/ZF3m3j3XuW

— Santos Futebol Clube (@SantosFC) December 13, 2018

Në të shkuarën Sampaoli ka trajnuar ekipe në Argjentinë, Ekuador, Peru dhe Kili. Suksesi më i madh i 58-vjeçarit ka qenë në krye të Universidad de Chile, me të cilët fitoi tre herë kampionatin kilian dhe një herë kupën Sudamerikana. Nga kontrata e re, Sampaoli do të përfitojë 3 milionë dollarë në sezon, një rekord ky për një trajner në kampionatin brazilian.

Kina kërkon pasardhësin e Lipit, një argjentinas në “pole”

Sport Ekspres — Mon, 19 Nov 2018 13:02:34 +0000

Marçelo Lipi do të largohet nga drejtimi i Kinës në fundin e janarit, që përkon dhe me fundin e Kupës së Azisë. Një gjë e tillë u konfirmua kohë më parë nga trajneri italian dhe drejtuesit e Federatës Kineze kanë nisur punën për të gjetur pasardhësin e tij.

Siç citon “SPORT.es”, Horge Sampaoli është kandidatura kryesore për të marrë drejtimin e kombëtares aziatike. Ish-trajneri i Argjentinës vjen nga një eksperiencë për t’u harruar në Botërorin e Rusisë. Kritika të shumta, lojë e dobët dhe dështim total.

58-vjeçari është gati për të nisur një eksperiencë të re dhe oferta e Kinës e tundon. Lipi merr një rrogë prej 17 milionë eurosh në vit dhe kinezët janë gati t’i ofrojnë të njëjtën pagë Sampaolit. Objektivi është marrja pjesë në Botërorin e vitit 2022, që zhvillohet në Katar.