Honda

“Ringjallet” Honda, rikthimi në Serie A thuajse i kryer

Sport Ekspres — Thu, 30 May 2019 18:32:48 +0000

Futbollisti i njohur japonez Keisuke Honda mund të rikthehet në Itali. Mëngjarashi sapo mbylli bashkëpunimin me australianët e Melburn Viktori. 32-vjeçari është vënë në kërkim të aventurës së radhës dhe rikthimi në Serie A është më afër se kurrë.

Breshia mund të jetë skuadra e radhës e japonezit. Sipas “Brescia Oggi”, drejtuesit e klubit kanë filluar kontaktet e para me ish-lojtarin e Milanit. Eksperienca e Hondës vlerësohet shumë nga skuadra italiane që ka si qëllim të arrije mbijetesën në Serie A.

Prej gati një viti, krahas futbollit të luajtur, Honda ka qenë gjithashtu trajneri i kombëtares së Bolivisë, një detyrë nga e cila duhet të japë dorëheqjen nëse do të pranojë ofertën e Breshias.i

Moto GP: Triumfon Markez, mposht Dukatin në Francë

Sport Ekspres — Sun, 19 May 2019 13:23:23 +0000

Sot është zhvilluar gara e pestë e sezonit në MotoGP. Mark Markez ia ka dalë të triumfojë në çmimin e madh të Le Manshit. Kampioni në fuqi u nis nga vendi i parë dhe nuk pati probleme për të fituar garën e zhvilluar në Francë.

Pas tij u renditën dy motorët Dukati. Andrea Doviciozo e mbylli i dyti, ndërsa podi u kompletua nga Danilo Petruçi. Vetëm vendi i pestë për Jamahën e Valentino Rosit, i cili e mbylli garën pas Xhek Milerit të Pramac Racing.

Jashtë gare përfunduan Mark Vinjales dhe Andrea Janone. Fitorja e sotme e ngjit Markezin në vend të parë me 95 pikë, i ndjekur nga Doviciozo me 8 pikë më pak dhe Aleks Rins me 75 pikë. Në vend të katërt renditet Valentino Rosi me 72 pikë, ndërsa gara e ardhshme do të zhvillohet në Itali.

Renditja e garës së sotme

Befason Honda, lojtar në Australi dhe trajner në Azi

Sport Ekspres — Sun, 12 Aug 2018 08:44:21 +0000

Keisuke Honda firmosi pak ditë më parë me skuadrën australiane të Melburn Viktori, ish-klubi i Besart Berishës. Një lëvizje e çuditshme kjo, duke marrë parasysh faktin që japonezi kishte oferta shumë herë më mira. Megjithatë, sot është zbuluar arsyeja që fshihej pak këtij vendimi.

Fantazisti 32-vjeçar sapo është emëruar trajner i përfaqësueses së Kamboxhias. Një post ky që nuk do ta pengojë në karrierën e tij futbollistike, pasi vendimi është marre pas lejes nga drejtuesit e klubit.

Kamboxhia është një nga shtetet më të pazhvilluara për sa i përket futbollit në Azi dhe për këtë arsye Honda ka vendosur të punojë me një kontratë me pagë simbolike.

Honda fillon aventurën australiane, firmos tek ish skuadra e Berishës

Sport Ekspres — Tue, 31 Jul 2018 14:13:31 +0000

Kejsuke Honda e ka mbyllur pas vetëm një viti aventurën e tij në kampionatin meksikan me skuadrën e Paçukas. Mesfushori japonez ka filluar një kapitull të ri në karrierën e tij duke firmosur me klubin e Melburn Viktori në Australi.

Te skuadra e Melburnit Honda do të jetë ylli i ri i ekipit pas largimit të sulmuesit shqiptar Besart Berisha, i cili u largua gjatë kësaj merkatoje në drejtim të kampionatit japonez te skuadra e Sanfreçe Hiroshimas. Mëngjarashi 32-vjeçar s’do ta ketë aspak të lehtë të mbushë boshllëkun që ka lënë pas bomberi shqiptar, pasi Berisha ka pasur një ecuri fantastike prej 86 golash në 110 aktivizime.

Kontrata e Japonezit zgjat për vetëm një sezon dhe ai do përfitojë 3 milionë dollarë duke u kthyer në lojtarin më të paguar të kampionatit australian. Mbas përfundimit të kontratës me shumë mundësi Honda do të rikthehet në vendlindje mbas një migrimi që ka zgjatur më shumë se 11 vite.