Hofenhajm

Dortmundi starton me dy super blerje, prezantohen javën e ardhshme

Sport Ekspres — Tue, 14 May 2019 15:52:48 +0000

Borusia e Dortmundit nuk mund të presë të hapet zyrtarisht merkatoja, por starton që tani me blerjet. Kristian Pulisiç do të largohet këtë verë dhe pritet të lërë një boshllëk në ofensivën e verdhezinjve. Torgan Hazard do të jetë ylli, që do të zëvendësojë amerikanin. Borusia e Dortmundit ka arritur marrëveshjen me Monçengladbahun për transferimit e 26-vjeçarit. Shifra e transferimit të tij arrin 30 milionë eurot. Një blerje mjaft e lirë duke parë aftësitë e sulmuesit belg, që regjistron 10 gola dhe 10 asiste në Bundesligë këtë seon.

Torgan Hazard

Niko Shulc është përforcimi i dytë për Borusian e Dortmundit. 26-vjeçari është blerë nga skuadra e Hofenheimit për shifrën e 25 milionë eurove. Shulc është një mbrojtës me karakteristika tepër ofensive dhe shumë i shpejtë. Ai përfaqëson edhe ekipin kombëtar të Gjermanisë. Shulc ka zhvilluar 28 ndeshje me Hofenheimin këtë sezon dhe regjstron 1 gol dhe 5 asiste. Të dy lojtarët do të prezantohen në “Signal Iduna Parc” gjatë javës së ardhshme.

VIDEO | Hofenhajmi ndalet në momentin e gabuar, “poker” i Volfsburgut

Sport Ekspres — Sun, 28 Apr 2019 15:21:51 +0000

Hofenhajmi nuk përfitoi nga ndalesa e Ajntrahtit të Frankfurtit për t’iu afruar zonës Champions. Djemtë e Nagelsman u befasuan në shtëpi nga Volfsburgu. 1-4 fituan me përmbysje “ujqërit”, të cilët afrohen me zonën europiane.

Hungarezi Salai kaloi vendasit në avantazh në minutën e nëntë. Hofenhajmi nuk u ndal dhe fitoi një penallti 6 minuta më vonë. Kroati Kramariç goditi shtyllën dhe humbi mundësinë për të mbyllur ndeshjen.

Volfsburgu u “ringjall” dhe arriti të barazonte ndeshjen në fundin e pjesës së parë. Miqtë shënuan edhe tre herë të tjera në 20 minutat e fundit të pjesës së dytë.

Goli i dytë i shënuar nga Vergost u ndihmua edhe nga një gafë e portierit vendas, ndërsa Volfsburgu siguroi një fitore me vlera kundër një prej ekipeve më në formë të Bundesligës.

Hofenhajmi rikthehet te humbja pas 6 rezultateve pozitive dhe renditet në vendin e shtatë me 50 pikë.

Hofenhajm-Volfsburg 1-4
(Salai 9’ / Uilliam 41’, Vergost 69’, 88’, Arnold 85’)

VIDEO | Fitore “sllave” për Ajntrahtin, ndalet Leverkuzen

Sport Ekspres — Sun, 07 Oct 2018 15:34:14 +0000

Ajntrahti i Frankfurtit nuk ndalet dhe, pasi “shkatërroi” Lacion në Europa League, ka fituar në transfertë përballë Hofenhajmit me rezultatin 1-2. Ante Rebiç dhe Luka Joviç ishin autorët e golave, duke i dhuruar tre pikë të arta ekipit të tyre.

Kroati Rebiç shënoi golin e parë në minutën e 40-të. Pasi mori një top të bukur nga Joviç, Rebiç pa daljen e portierit dhe shënoi një gol të bukur, duke i dhënë avantazhin ekipit të tij. Dyfishimi erdhi në fillim të pjesë së dytë. Ekipet sapo kishin zbritur në fushën e blertë, kur Joviç shfrytëzoi një top të grushtuar nga portieri i Hofenhejmit dhe dyfishoi rezultatin me një të djathtë potente.

Vendasit tentuan të rihapnin ndeshjen, ndërsa Rebiç iu dha një dorë, duke u ndëshkuar me të kuqe në minutën e 65-të. Sulmuesi kroat u ndëshkua me kartonin e dytë të verdhë pas një ndërhyrje të gabuar dhe arbitri e nxori jashtë loje. Hofenhajm shënoi në minutën e 83-të me anë të Reis Nelson, por ndeshja nuk pati më gola dhe Ajntrahti siguroi fitoren.

Ndeshja tjetër midis Fraiburgut dhe Bajer Leverkuzen përfundoi në barazim pa gola. Miqtë ishin më kërkues, por pa arritur të gjenin rrugën e rrjetës. Të dy ekipet mbeten në pozita të vështira në renditje.

Hofenhajm – Ajntraht Frankfurt 1-2
(Nelson 83′ / Rebiç 40′, Joviç 46′)

Fraiburg – Leverkuzen 0-0

VIDEO / Çfarë gafe në Gjermani, Belfodil merr në qafë Hofenhajmin

Sport Ekspres — Sat, 22 Sep 2018 17:36:07 +0000

Ditën e sotme janë shënuar një mori golash spektakolar, por ka pasur dhe gafa të pabesueshme si në Bundesligë, ku në takimin midis Hofenhajmit dhe Dortmundit, të pranishmit në stadium janë shtangur nga gabimi trashanik i sulmuesit algjerian Ishak Belfodil.

Ish-sulmuesi i Interit kishte mundësinë për t’i siguruar fitoren skuadrës së tij, teksa në minutën e 92-të iu dha një shans i artë për çuar shifrat në 2-1. Por, Belfodil bëri më të vështirën, duke fluturuar topin drejt tribunave edhe pse porta ishte vetëm një metër larg dhe e pambuluar nga portieri i Dortmundit, Roman Burki.