Gjithsesi, duket se frenat e ekipit do t’i marrë një ndër talentet më premtues të futbollit anglez. Kalum Hadson-Odoi pritet që të rinovojë me londinezët për 5 vite, me 18-vjeçarin që do të ketë një rritje të konsiderueshme page, ku mbi të gjitha do të marrë numrin 10 mbi shpinë.

Callum Hudson-Odoi will sign a new five year contract. The signing and confirmation is likely to be after Eden leaves as there is a huge possibility he will be getting the number ten shirt #CHOstays #CHO10 #OneOfOurOwn ?? (did the hashtag work?

— CarefreeYouth (@CarefreeYouth) June 5, 2019

Kujtojmë, Hadson-Odoi disa muaj më parë përflitej për një kalim te Bajerni i Mynihut. Madje, diçka e tillë jepej e sigurt, pasi anglezi nuk kishte minuta me Çelsin dhe kontrata e tij ishte drejt fundit. Gjithsesi, tashmë gjithçka ka ndryshuar dhe Odoi pritet të jetë qendra e Çelsit të ri.

“Djajtë e Kuq”, sipas mediave britanike, duan të mposhtin me doemos rivalitetin e Liverpulit, pasi kështu përforcojnë skuadrën e tyre, por dhe nuk lejojnë një rival të sigurojë një lojtar shumë cilësor. Megjithatë, favorit për firmën e Odoi mbetet Bajerni i Mynihut.

Bavarezët nuk po arrijnë të rinovojnë skuadrën dhe Gnabri e Koman nuk janë ende gati, prandaj Odoi shihet si pasuesi ideal i Arjen Roben, që do e mbyllë me kampionët e Gjermanisë në fund të sezonit. 18-vjeçari i Çelsit preferon të qëndrojë në Angli, por duke parë emra si Sanço dhe Nelson që po shkëlqejnë në Bundesliga, mund të ndikohet dhe të zgjedhë Bajernin e Mynihut.

Me debutimin e tij, Hodson-Odoi u fut në histori, pasi u bë lojtari më i ri që luan me Anglinë në një ndeshje zyrtare (18 vjeç e 153 ditë). Pas ndeshjes së tij shumë të mirë, për mikrofonat e “ITV” foli sulmuesi legjendar anglez, Ian Rajt, i cili pati dhe një replikë të ashpër për trajnerin e Çelsit, Maurisio Sarri:

“Kur Hodson-Odoi bën paraqitje të tilla në nivel ndërkombëtar dhe në një moshë kaq të re, mendon logjikisht se ai është një lider te klubi i tij. Por Sarri nuk e aktivizon dhe unë kam një pyetje: ‘Pse nuk po luan ai me Çelsin?’ Një lojtar si ai e meriton të luajë nga minuta e parë, në mënyrë që të rritet, pasi është një lojtar i dalë nga akademia e skuadrës dhe e di rëndësinë e klubit. Mendoj që duhet të huazohet diku, ose të largohet, pasi nuk duhet ta humbasë kurrsesi këtë formë të mirë që po kalon duke qëndruar në stolin e rezervave”, përfundoi Rajt.

Vetë Hodoi tha se dita e sotme ka qenë e çmendur, për shkak të gjërave që kanë ndodhur: “Po luajë me U-21 e Çelsit kundër Bristolit, një fushë aspak e mirë dhe shumë kilometra larg. Disa orë më vonë, grumbullohem në kombëtare. Jam shumë i emocionuar, por ende nuk e besoj. Ndoshta këto gjëra ndodhin shpesh në futboll.”

Odoi ka bërë një sezon fantastik deri më tani, duke qenë një nga lojtarët më të mirë të Çelsit. Trajneri Maurisio Sarri i ka besuar në kompeticionet e Kupës dhe në “Europa League”, madje dhe në disa takime në Premier Ligë, ku Odoi ka shkëlqyer me golat dhe driblimet e tij. Një talent që premton shumë për të ardhmen.

“It’s been a crazy day…” ?

Congratulations on your first #ThreeLions call-up, Callum Hudson-Odoi!

— England (@England) March 18, 2019

Arsenali ka tri futbollistë, Çelsi dy, po aq sa Mançester Junajtid. Mançester Siti përfaqësohet vetëm nga Fil Foden, ndërsa listën e kryeson lojtari i shumëkërkuar, Kalum Hodson-Odoi. Ja kush janë 10 talentet më premtues anglezë të momentit:

• Emil Smith-Raui – Arsenal (RB Lajpcig – huazim)
• Diogo Dalot – Man. Junajtid
• Ithan Ampadu – Çelsi
• Mateo Guenduzi – Arsenal
• Morgan Gibs-Uajt – Ulvërhempton
• Mejson Grinud – Man. Junajtid
• Rajan Sesenjon – Fulhem
• Reis Nelson – Arsenal (Hofenhaim – huazim)
• Fil Foden – Man. Siti
• Kalum Hudson-Odoi – Çelsi

Siç raporton “The Sun”, drejtuesit e Bajernit kanë gati 45 milionë sterlina për shërbimet e 18-vjeçarit. Trajneri Sarri akuzoi bavarezët për joprofesionalizëm, pasi kanë kontaktuar me lojtarin pa lajmëruar klubin anglez, ndërsa e cilësoi lojtarin ofensiv si e ardhmja e klubit.

Reagimi i gjermanëve erdhi me anë të Rumeniges, i cili foli për situatën e krijuar. “Në të kaluarën kemi treguar se dimë t’i mbyllim transferimet në përpjekjet e dyta. Unë e njoh mirë Salihamixhiçin dhe e di mirë se ai po përgatit një tjetër ofertë për Hudson-Odoi.”

Anglezit i përfundon kontrata me Çelsin në verën e vitit 2020 dhe ai nuk po pranon të rinovojë. Bajerni i ka ofruar një rrogë prej 85.000 sterlinash në javë dhe tani ka gati ofertën e radhës për në verë.

Edhe në këtë merkato janari, emrat që synohen nga ekipet janë angleze janë shumë të njohur, duke filluar me Higuan dhe deri te “problematiku” Malkom. Argjentinasi duket se do të jetë lojtar i Çelsit, për Malkom ka interesim nga Totenhami, Arsenali kërkon Hames Rodrigez ndërsa Odoi i Çelsi mund të largohet drejt Bajernit të Mynihut. Ja kush janë 10 transferimet që mund të kryhen në 10 ditët e fundit të merkatos.