Edhe Mauro Ikardi duket larg kështu që De Laurentis i është rikthyer pistës Hirving Lozano. Meksikani i PSV-së është një dëshirë e kahershme e Karlo Ançeloti dhe nënkampionët e Italisë kanë rinisur negociatat me Mino Raiolën.

Agjenti i famshëm bëri të mundur transferimin e Kostas Manolas te Napoli dhe marrëdhëniet e tij me klubin jugor janë shumë të mira. Avantazhi i madh në këtë operacion është eliminimi i ekipit holandez nga Champions Liga.

Diçka e tillë lehtëson transferimin e 24-vjeçarit në Serie A. Lozano bën mirë të gjitha rolet e repartit ofensiv dhe kartoni i tijh vlerësohet 30 milionë euro nga nënkampionët tulipanë.

Meksikani i PSV-së luan në të dy krahët e sulmit dhe ka një raport shumë të mirë me golin. Marrëveshja me 23-vjeçarin është arritur dhe ai do të përfitojë 4.5 milionë euro në sezon.

Napoli ka gati edhe 50 milionë euro për PSV. Gjithçka duket perfekt, përveç të drejtave të imazhit. Klubi italian dhe Lozano nuk kanë gjetur akoma marrëveshjen në këtë pikë, por gjithçka pritet të zgjidhet dhe një detaj i tillë nuk do të pengojë transferimin e meksikanit në “San Paolo”.

Ai e ka marrë ekipin prej dore në luftën e ethshme për titullin në Holandë, ku janë me pikë të baravarta me Ajaksin. Napoli duket të ketë bërë lëvizjen e madhe. Ndërkohë që të gjithë skuadrat e mëdhaja po mendojnë për të rrëmbyer yjet e Ajaksit, De Laurentis merr talentin meksikan, për të cilin më parë ka shfaqur interes edhe Barcelona.

#Napoli, intesa totale: #Lozano firma per cinque anni??? https://t.co/lUuXUIhQQH

— Corriere dello Sport (@CorSport) May 4, 2019

Marrëveshja është arritur në një takim mes agjentit të Lozanos, Mino Rajola dhe Ançelotit dhe presidentit De Laurentis. Sipas “Corriere dello Sport”, marrëveshja thuhet të jetë arritur në nje kohë rekord të pak ditëve.

Futbollisti meksikan shquhet për shpejtësinë e tij dhe këtë deri më tani ka spikatur me 17 gola dhe 7 asiste në 27 aktivizime. Ekipi më i përfolur si ndalesa e ardhshme e 23-vjeçarit është Mançester Junajtid .

Sipas “TeamTalk”, kontrata aktuale e Lozanës mbaron në vitin 2023, por në të ndodhet një klauzolë largimi prej 38 milionë eurosh, shifër kjo lehtësisht e përballueshme për një ekip me financat e Mançester Junajtid.

Klubi i Aurelio De Laurentis, duket se ka bërë ofertën më të madhe në drejtim të PSV-së, ku holandezëve i janë ofruar në pjatë plot 40 milionë euro për shërbimet e 23-vjeçarit. Në garë për Lozanon janë dhe shumë klube të tjera, por sipas gjasave, destinacioni i ardhshëm i sulmuesit do të jetë “San Paolo”.
Meksikani shpërtheu në Botërorin e Rusisë, verën e vitit të kaluar, ku mjafton të kujojmë golin e shënuar ndaj Gjermanisë për të kuptuar aftësitë e tij. Këtë sezon, Lozano ka shënuar plot 15 gola në Eredivisie, si dhe ka asistuar në 6 raste për shokët e tij të skuadrës.

27-vjeçarit i përfundon kontrata me Napolin në verën e vitit 2022, por ai mund të vendosë të bëjë hapin e madh në fund të sezonit. Kritikat e shumta e kanë lodhur dhe diçka e tillë u vu re në prononcimin pas barazimit 1-1 kundër Sasuolos në kampionat.

“Nuk dua të krijoj polemika, por unë jam i vetmi që kritikohem gjithmonë kur nuk shënoj apo kur nuk zhvilloj ndeshje të mira. Diçka e tillë më dhemb. Përpiqem gjithmonë që të jap maksimumin, nuk dua polemika dhe i pranoj kritikat. Kam kërkuar edhe falje kur kam gabuar. Më shumë se kaq nuk mund të bëj”, u shpreh shtatshkurtri i Napolit.

Insinje ka vendosur të ndërrojë agjent dhe në prill do të nisë punën me njëfarë Mino Rajola. Agjenti i famshëm njihet për lidhjet e forta dhe është unik në gjetjen e skuadrave të reja për një futbollist.

Napoli mund të heqë dorë nga shërbimet e Insinjes për të paktën 100 milionë euro, ndërsa Lozano i PSV pritet të jetë pasardhësi i tij. Rajola mund të lehtësojë këto tratativa, pasi është agjenti i meksikanit të ekipit holandez.

Mino Raiola, menaxheri i Lozanos, ka folur për mediat dhe ka deklaruar se klienti i tij nuk do të largohet nga Holanda, të paktën në janar, ndërsa në fund të sezonit do të rishikohen ofertat. Gjithsesi, Napoli duket se ka gjetur ofertën që tundon jo pak drejtuesit e PSV-së.

Të kaltrit ofrojnë 25 milionë euro, plus një nga Amin Junes ose Adan Unas në huazim. Junes njihet për eksperiencën e tij në Eredivisie, ku luajti për fanellën e Ajaksit, me të cilët spikati jo pak. Gjithashtu, algjeriani Unas, shihet si një nga talentet më premtues.

Fillimisht, drejtuesit holandezë kanë kërkuar rritje të ofertës, teksa kërkojnë të paktën 35 milionë euro, ose opsionin që një midis Junes ose Unas të bëhet përfundimisht lojtar i PSV-së. Tashmë, mbetet për t’u parë lëvizja e napolitanëve, të cilët duken shumë pranë talentit meksikan, që do të ishte një goditje e bujshme.

Meksikani, i cili ka spikatur me përfaqësuesen e tij, por edhe në kampionatin holandez u shpreh shumë i emocionuar për përballjen ndaj Barcelonës, e para në karrierën e tij. 23-vjeçari është rritur duke ndjekur ndeshjet e “gjigantit” spanjoll dhe dhoma e tij ka qenë e mbushur me postera të skuadrës “Blaugrana”.

“Botërori në Rusi shkoi shumë mirë për mua, pasi shumë klube shfaqën interes për mua. Është e vërtete se ka pasur diçka midis meje dhe Barcelonës. Agjenti im më tha se ata janë të interesuar, por të shohim se si do të shkojnë gjërat në vazhdim. Për mua do të ishte një ëndërr e bërë realiteti, nëse zoti do të jepte këtë mundësi, por tani në këtë moment fokusi im është te PSV-ja dhe po përpiqen t’i shijoj sa mundem këtë periudhë”