Barazimi ka ardhur me anë të Gonzalo Higuain. Argjentinasit i kanë mjaftuar 11 minuta për të gjetur golin e rikthimit.

Lëvizje e bukur brenda zonës pas pasimit të marrë nga Bernardeski dhe goditje e saktë me të djathtën. Sinjal i qartë i Pipitës, i cili dëshiron të qëndrojë në Torino, edhe pse Juventusi po bën të pamundurën për ta shitur.

Vetëm katër minuta më vonë ka ardhur goli i dytë. Lëvizje e mirë e De Shiljos në krahun e majtë dhe asist për Kristiano Ronaldon, i cili nuk fal dhe kalon Juventusin në avantazh, që ka zgjatur vetëm pesë minuta.

Lukas Moura ka shfrytëzuar një asist të bukur të Ndombele, duke gjetur golin dhe barazuar sfidën. Dueli vazhdon të luhet.

Juventus-Totenhem 2-2
(Higuain 56’, Ronaldo 60’ / Lamela 30’, Lukas 65’)

Trajneri i ri i Romës Poalo Fonseka është angazhuar vetë për të bindur argjentinasin Gonzalo Higuain. Sipas “Gazzeta Dello Sport”, tekniku portugez ka pasur një bisedë telefonike me “El Pipitën”, ku është munduar ta joshë që t’i bashkohet projektit të tij.

Transferimi i 31-vjeçarit në kryeqytet ka ende shumë pengesa. Paga prej 7 milionë eurosh në sezon ëhstë e papërballueshme nga financat e Romës, ndërsa në të njëjtën kohë duhet gjetur gjuha e përbashkët me drejtuesit e Juventusit.

Gjithsesi, lajmet që lidhin Romën me Higuain e bëjnë të qartë faktin se verdhekuqtë po kërkojnë një zëvendësues për Edin Xhekon. Boshnjaku ka dhe një vit kontratë në kryeqytet, por dita ditës po përflitet gjithmonë e më shumë për një kalim te tij tek Interi ose në kampionatin kinez.

Në një postim në rrjetin social Twitter, Nikolas shkroi: Higuain në Itali luan vetwm me Juventusin. Mbeten edhe dy  vite kontratë dhe do respektohen. Tw dielë të mbarë të gjithëve.

Higuain in Italia giocherà solo nella Juventus. Restano due anni di contratto e saranno rispettati. Buona domenica a tutti.

— nicola higuain (@NicolaHiguain) June 30, 2019

Gjatë javëve të fundi kanë qarkulluar lajme se për “El Pipitan” interesohen shumë klube kineze, merkato e të cilëve hapet gjatë muajit gusht. Paga e madhe e lojtarit ka stepur shumë klube, ndërsa mosha e madhe bëhet një pengesë për blerjen e kartonit.

Po përveç sulmuesit argjentinas, Sarri kërkon t’iu rrëmbejë Bluve të Londrës dhe italianin Emerson Palmieri. Ky i fundit ka bërë mirë nën urdhrat e Sarrit në krahun e majtë të mbrojtjes dhe shihet si zëvendësuesi ideal i Aleks Sandros, i cili me shumë gjasa do të largohet.

Emerson ka vuajtur rivalitetin e fortë të Markos Alonsos te Çelsi dhe mund të zgjedhë Juventusin për të vazhduar karrierën, nëse i ofrohet një vend titullari. Lojtari i cili do të vuante më së shumti një largim të Sarrit nga Çelsi është Zhorzhinjo, i cili vetëm verën e shkuar iu bashkua Bluve të Londrës nga Napoli si dëshira më e madhe e Sarrit. Pritet të ketë shumë lëvizje mes Çelsit dhe Juventusit këtë verë.

Higuain ashtu si pjesa tjetër e skuadrës së Çelsit ishte në një moment hareje dhe s’mund të mungonin të qeshurat. Kjo gjë ka ngacmuar disi Lishtajneri, i cili duke përfituar nga raporti i ngushtë që ka me argjentinasin, e godet në duar në forme shakaje. Në fund ka të qeshura nga të dyja palët.

Lichtsteiner & Higuain pic.twitter.com/TkXtgYTCui

— KhaledAlnouss (@KhaledAlnouss2) May 29, 2019

Ndërsa Çelsi, ka shumë probleme me dëmtimet. Loftus-Çik dhe Rudiger nuk do të jenë të gatshëm, ndërsa Kante është në dyshim të madh. Përveç dëmtimeve, duket se te Blutë e Londrës ka edhe probleme brenda skuadrës.

Gonzalo Higuain, i ardhur në muajin janar, nuk është se ka krijuar shumë “miq” në kampin blu dhe disa herë është parë të nervozohet në stërvitje. Në një video të filmuar në stërvitjen e ditës së sotme, sulmuesi argjentinas është bërë protagonist, pasi është filmuar duke replikuar me David Luiz. Reagimi i Sarrit? Goditje me shkelm të shisheve dhe hedhje kapeleje në tokë, si dhe largim i menjëhershëm drejt dhomave të zhveshjes.

https://twitter.com/CRSadler/status/1133437258911109120

https://twitter.com/BarnesIsDown/status/1133439091180228609

Megjithatë, klubi kinez,  Hebei Fortune, ka vendosur që t’i bëjë  një ofertë të kënaqshme sulmuesit argjentinas, por pengesë është bërë ky i fundit. Gonzalo Higuain nuk duket ende gati për ta mbyllur me futbollin europian dhe po pret oferta nga klube të ndryshme.

Në rast se Higuain do të vazhdojë në Europë, duhet të pranojë një ulje të konsiderueshme të pagës, çka argjentinasi duket gati ta bëjë diçka të tillë.

Megjithatë, shpresa e fundit e londinezëve është “CAS”. Krahas procesit ligjor “blutë” e Londrës u duhet të punojnë ne negociata me klube të ndryshme, gjithmonë me shpresë se nga Zvicra do të vijë lajmi i shumëpritur.

Për fatin e mirë të ekipit anglez, dy të huazuarit Gonzalo Higuain dhe Mateo Kovaçciç bëjnë përjashtim nga pezullimi i UEFA-s pasi në kontratat e tyre janë vendosur klauzola blerjeje të cilat e kanë marrë parasysh këtë situatë të veçantë.

Sipas “Goal.com”, kroati Kovaçiç ka bindur gjatë qëndrimit në Angli dhe negociata për të kanë filluar, megjithatë  situata është krejt ndryshe për Gonzalo Higuain. Argjentinasi pritet të rikthehet te Juventusi, ndërsa reparti i sulmit do t’i besohet francezit Olivier Zhiru, i cili është shumë pranë arritjes së një marrëveshje rinovimi.

Gjithsesi, gjithçka u zgjidh dhe 31-vjeçari u huazua përsëri nga kampionët e Italisë dhe u ritakua me ish-trajnerin Mauricio Sarri nën drejtimin e të cilit zhvilloi sezonin më të mirë të karrierës, duke shënuar një shifër rekord prej 36 golash me Napolin gjatë sezonit 2015/2016.

Megjithatë, teksa kanë kaluar tre muaj nga transferimi, Higuain nuk ia ka dalë të përligjë besimin e klubit londinez dhe teknikut italian. Në 13 aktivizime me blutë e Londës, “El Pipita” ka shënuar tre gola, këto të realizuar ndaj skuadrave të nivelit të dobët si Fulhem dhe Hadërsfilld. Paraqitjet e dobëta të Higuain u shfrytëzuan nga francezi Olivier Zhiru, i cili tani është pjesë e formacionit titullar.

Sipas së përditshmes angleze “Metro”, drejtuesit e Çelsit nuk janë në favor të blerjes përfundimtare të sulmuesit, por ka një kleçkë. Çelsi është dënuar nga FIFA me pezullimin nga merkatos e verës që vjen  dhe dimrit të 2020-ës. Klubi londinez shpreson që dënimi të hiqet në apel, por nëse kjo nuk ndodh, te Çelsi mund të jenë të detyruar të blejnë argjentinasin.

Mbrojtësi senegalez diskutoi problemet me racizmin, të punuarit me Karlo Ançelotin dhe garën dramatike për titullin e sezonit të kaluar.

DOPIETA NDAJ KIEVOS – “Nuk shënoja prej më shumë se një viti.  Do doja që të thoja se dopieta më e rëndësishme do të jetë kundër Arsenalit, por le t’i lëmë fjalët. Për të kaluar më tutje do të na duhet shumë pëqendrim. Do të kem të gjithë qytetin pas vetes”

ANÇELOTI – “Është një njeri i qetë, që na ka dhënë mentalitetin e duhur. Është një trajneri që i mësuar me këto lloj ndeshjesh, ka fituar jashtëzakonisht shumë, por në fund jemi ne që futemi në fushë dhe për çdo gabim faji bie mbi ne”.

RACIZMI – “Mendoj shpesh për çfarë më ndodhi në Milani (koret raciste në ndeshjen kundër Interit), por ajo ngjarje më ndihmoi të rritem si njeri. Gjithmonë kam forcë brenda vetes për t’i dalë kundër racizmit, por kam mësuar se reagimi në fushë nuk është i duhuri

HIGUAIN – “Ai ishte dhe vazhdon të mbetet një kampion. Ndoshta bëri zgjedhjet e gabuara. Këtu ai ishte një zot”.

TITULLI I VITIT TË KALUAR – “Ishte një javë e vështirë, ku ndodhi gjithçka. Por na duhet të tregohemi të sinqertë, Juventusi ishte skuadra më e fortë dhe titullin e humbëm për shkak të disa ndeshjeve të këqija”.

Sa i takon këtij transferimi, “El Pipita” tha: “Kur një lojtar ka dëshirë të largohet, është e vështirë t’ia ndryshosh mendjen. Çfarë doni që unë t’iu them? Këto gjëra i takojnë klubit dhe Edenit. Është e qartë.

Eden është një lojtarë që të jep fitore, të jep pikë të rëndësishme. Një lojtar që çdo skuadër do e donte. Por unë nuk di të jap përgjigje, nuk jam unë klubi”, u shpreh sulmuesi argjentinas, që u transferua gjatë muajit janar te Blutë e Londrës.

“Mendoj që ai duhet të përmirësohet fizikisht dhe psikologjikisht. Gjithashtu mendoj se do të jetë një lojtar shumë i rëndësishëm për ne në pjesën e mbetur të sezonit. E dini shumë mirëq që nuk është e lehtë të ambientohesh në Premier Ligë që në muajt e parë. Problem e ka pasur dhe Luis Suarez. Në sezonin e tij të parë te Liverpuli, ai shënoi vetëm katër gola, ndërsa në sezonin e dytë 17.

Kështu që nuk është aspak e lehtë për një sulmues që të luajë menjëherë në ritmet më të larta në Premier. Mendoj se Higuain ka ende kohë që të përmirësohet”, përfundoi Sarri.

Në daljen për shtyp pas ndeshjes ndaj Evertonit, ku skuadra e tij u mund me rezultatin 2 – 0,  trajneri i Çelsit Mauricio Sarri theksoi se skuadra e tij po kalon një problem psikologjik.

“Pjesën e parë luajtëm futbollin më të mirë që kemi bërë ndonjëherë, po të vazhdojmë të luajmë ashtu dhe në pjesën tjetër të sezonit nuk kemi pse të shqetësohemi. Pjesa e dytë ishte për t’u harruar. Mendoj se kemi një problem mentaliteti. Krijuam gjashtë  ose shtatë raste për shënim, në futboll është e pafalshme po të mos shënosh me kaq shumë raste”.

“Mund ta kapim vendin e katërt. Nuk e kuptoj pse flitet sikur është diçka e pamundur. Na mbeten edhe tëtë ndeshje deri në fund. Por e përsëris duhet që në këto tetë të ndeshje të luajmë si në pjesën e parë”.

HIGUAIN – “Higuan po vuan në këto momente, kjo është  e dukshme. Ka pasur probleme këtë javë në stërvitje dhe ende s’mund të luajë 90 minuta. Sigurisht që mund të bëjë më mirë, duhet të përmirësohet nga ana fizike dhe mendore”, tha Sarri.

Është rikthyer Leo Mesi në kombëtare, me kapitenin që mungonte në miqësoret e fundit, ndërsa në sulm është konfirmuar përsëri Lautaro Martinez. Mauro Ikardi mbetet jashtë grumbullimit, kjo dhe për shkak të ngjarjeve të fundit mes tij dhe klubit të Interit.

Ndërkohë, në sulm gjithashtu janë pjesë edhe Benedeto, Gonzalo Martinez, apo Suarez i  River Plejt. Ndërkohë, nga ana tjetër, Serxho Aguero dhe Gonzalo Higuain janë konfirmuar sërish jashtë grumbullimit.

Fitorja e sotme vjen pas dy humbjes radhazi, ndërsa pas një jave blutë e Londrës i pret një transfertë “ferri” ndaj Mançester Sitit të Pep Guardiolës.
Çelsi 5 – 0 Hadërsfilld
Shënues: Higuain 16’ 69’, Hazard 45+1 (pen), 66’, David Luiz 86’

Në takimet e tjera të Premier League, Ulverhempton shtangu Evertonin në trasnfertë me rezultatin 1 – Në përballjen londineze midis Kristal Palas dhe Fulhem, vendasit dolën fitues me shifrat 2 – 0 falë golave të Milivojeviç dhe Shlup.

Higuain ishte dëshira e madhe e Sarrit në merkaton e janarit dhe ardhja e tij është pritur me shumë bujë nga tifozët blu. Pritet që “El Pipita” të jetë lideri i Çelsit dhe ky gol mund të jetë fillimi i një numri të madh rrjetash nga ish-sulmuesi i Milanit.

Higuain gets his first goal for the club! #CFC #CHEHUD pic.twitter.com/ygAVswgeOT

— CFC-Blues.com (@CFCBlues_com) February 2, 2019

Që në minutat e para të takimit, Çelsi mori kontrollin e topit, por pa mundur të çajë mbrojtjen e vendasve, të cilët ishin rreshtuar me të gjitha forcat  mbrapa, në mënyrë që të përdornin kundërsulmin e tyre “vrastar”.

Norvegjezi King zhbllokoi takimin në fillim të pjesës së dytë, ndërsa talenti uellsian Bruks dyfishoi shifrat. Sarri heq Higuain nga fusha e lojës, por pa sukses, nata e sotme ishte e tëra për Bormuthin që gjen dhe golin e tretë, përsëri me Xhoshua King dhe të katërtin me anë të Daniels.

Bornmuth 4 – 0 Çelsi
Shënues: King 47’ 74’, Bruks 63’ Daniels 95’

“Jam i lumtur që Higuain u largua. Nuk i pëlqej mercenarët, kudo që të jenë ata, si në politikë ose edhe në futboll. Angazhimi për të nderuar fanellën është diçka thelbësore. Ai u largua, ndërsa ne fituam, kështu që mund të largohet ku të dojë”, tha Salvini.

Duhet përmendur se në të shkuarën deklarata e Salvinit kanë turbulluar ambientin në skuadrën e Milanit. Disa muaj më parë pas barazimit 1-1 ndaj Lacios, politikani lëshoi një seri ofendimesh drejt trajnerit Xhenato Gatuzo. Tekniku kalabrez iu kundërpërgjigj, duke i kujtuar atij se Italia ka boll probleme që ai të merret me futboll.

Sulmuesi 31-vjeçar kalon në Stamford Bridge pas disa muajsh në huazim te Milani, ku shënoi 8 gola, por pati shumë probleme dhe në javët e fundit dukej qartë që kërkonte të largohej.

Argjentinasi ka pasur një mesatare të jashtëzakonshme goli në karrierën e tij dhe ka fituar trofe me shumicë, ndaj Milani investoi shumë tek ai, por pak nga pak dashuria u zbeh dhe në dhjetor e tutje dukej qartë që po afronte divorci.

Welcome to London and welcome to Chelsea, @G_Higuain! ?#HiguaIN pic.twitter.com/DMJN7z8YOL

— Chelsea FC (@ChelseaFC) January 23, 2019

Pas bisedimesh të gjata, Çelsi arriti të bindte lojtarin, Milanin dhe Juventusin, duke bërë që trajneri Maurizio Sarri të bashkohet sërish me sulmuesin që kishte në Napoli në sezonin 2015/16, ku Higuain shënoi 36 gola, duke vendosur rekord.

Higuain do të mbajë fanellën me numrin 9 dhe në prezantim tha: “Kur m’u paraqit mundësia e kalimit te Çelsi duhej ta kapja patjetër. Është një skuadër që më ka pëlqyer gjithnjë, për historinë e madhe, stadiumin e mrekullueshëm dhe faktin që luan në Premier Ligë, ku kam dashur gjithnjë të luaj. Shpresoj t;ia shpërblej besimin Çelsit, duke shënuar shumë gola“.

Ndërkaq, drejtoresha Marina Granovskaia shtoi: “Gonzalo ishte synimi ynë numër një në merkaton e këtij janari dhe e ka treguar veten në nivele të larta, në çdo klub ku ka luajtur, përfshirë Napolin, ku ka punuar me trajnerin Sarri. Nuk ishte një marrëveshje e lehgtë, pasi kishte shumë palë të përfshira, por jemi të kënaqur që u realizua dhe presim me padurim të shohim impaktin që do të ketë Gonzalo në pjesën e dytë të sezonit”.

Për këtë pjesë ka folur edhe një nga sulmuesit më të mirë për momentin në Serie A, Patrik Kutrone, i cili tha se konkurrenca nuk e bezdis aspak dhe se për Milanin, do të luante në çdo moment që do i kërkohej. Gjithashtu, Kutrone diskutoi edhe rreth numrit 9, që në gjysmën e parë u mbajt nga Higuain.

Rritja si lojtar – “Synimi im është të rritem sa më shumë dhe të përmirësohem në çdo seancë stërvitore, në çdo minutë që luaj. Me mbështetjen e shokëve të skuadrës, ky proces po shkon shumë mirë.”

Largim i Higuain – “Kam pasur një marrëdhënie të shkëlqyer me Pipitan. Ai është një kampion dhe më ka mësuar shumë, shumë gjëra”.

Liga e Kampionëve – “Është synimi që kemi vendosur në fillim të sezonit. Nuk është se largimi i dikujt i ul shanset për të arritur te ky objektiv, pasi këtu luajmë të gjithë për Milanin dhe forca individuale nuk ka vlerë. Ne besojmë te Liga e Kampionëve para çdo ndeshjeje që luajmë.”

Ardhja e Piatek – “Ai është një lojtar i fortë dhe shumë cilësor. Këtë gjë e ka treguar mjaft mirë këtë sezon. Nuk e di nëse ardhja e tij është zyrtare apo jo, por nëse vjen, ne jemi të gjithë të gatshëm për ta ndihmuar.”

Numri 9 në fanellë – “Do të ishte një nder për mua nëse do e merrja. Për momentin, mendoj të bëj mirë në pjesën e mbetur të sezonit dhe të ndihmoj Milanin, vitin e ardhshëm, kushedi. Ndoshta do e vesh dhe unë atë fanellë”,- përfundoi Kutrone.

Gjithsesi, pa u zyrtarizuar gjithçka, “El Pipita” mbetet një lojtar i kuqezinjve dhe statistikat që ka Milani pa të në fushë janë fantastike, duke futur këtu që kanë luajtur katër transferta pa Higuain në fushë, si dhe një ndeshje në shtëpi. Bilaci është i tillë: 3 fitore, 2 barazime dhe 0 humbje. 10 gola të shënuar dhe 4 të pësuar.

Higuain u pa si blerja më e goditur e merkatos dhe pritej shumë nga ai, por duket se pa “El Pipitën” në fushë, Milani shkëlqen. Tashmë, me largimin e argjentinasit pritet me interes se kush do ta zëvendësojë dhe se si do të shkojë ecuria e ekipit të Gatuzos.

Ndeshjet e Milanit pa Higuain në fushë
Empoli – Milan 1-1
Sasuolo – Milan 1-4
Lacio – Milan 1-1
Milan – Parma 2-1
Xhenoa – Milan 0-2

Dibala – “Është një kënaqësi ta shohësh atë, teksa luan si në ndeshjen e sotme. Ndoshta është i pak i zhgënjyer pasi nuk shënoi, por do të bëhet një lojtari i madh. Ai fillon të humbasë kthjellësinë nëse luan në një pozicion më të tërhequr dhe shpeshherë kjo bën që ai të humbasë motivin. Kjo është rruga e duhur për të”.

HIGUAN TE ÇELSI? – “Nuk e di akoma. Kam punuar me të për dy vite dhe gjithçka shkoi mirë, por nëse nuk gjen “kiminë” e duhur, fatkeqësisht nuk mund të japësh më të mirën tëndë”

Emre Can – “Ai kreu një ndeshje të mirë, por duhet të punojë më shpejt me topin”.

Interesant ishte dhe komenti për Aleks Sandron, të cilin sezonin e kaluar, Alegri e dërgoi në stol, duke i besuar ganezit Azamoah, por duket se rinovimi i kontratës ka përmirësuar raportin mes klubit lojtarit dhe trajnerit: “Aleks Sandro po luan si një lojtari i vërtetë këtë sezon”, tha Alegri.

Edhe në këtë merkato janari, emrat që synohen nga ekipet janë angleze janë shumë të njohur, duke filluar me Higuan dhe deri te “problematiku” Malkom. Argjentinasi duket se do të jetë lojtar i Çelsit, për Malkom ka interesim nga Totenhami, Arsenali kërkon Hames Rodrigez ndërsa Odoi i Çelsi mund të largohet drejt Bajernit të Mynihut. Ja kush janë 10 transferimet që mund të kryhen në 10 ditët e fundit të merkatos.

Mediet angleze bëjnë të ditur se sulmuesi do përfitojë 270 mijë paundë në javë, pra 14 milionë paundë në sezon ose 15.8 milionë euro, por kjo shifër mbas taksimit  shkon në 10 milionë euro, që mbetet një pagë me e lartë nga ajo që “El Pipita” përfitonte te Milan (9 milionë euro në sezon).

Ndërkaq, te klubi londinez janë fokusuar te një tjetër çështje. Ylli i ekipit Eden Hazard nuk ka ndërmend të rinovojë kontratën që i skadon në qershor të 2020-ës dhe drejtuesit e Çelsit po përgatiten për të gjetur një zëvendësues të denjë për belgun.

Sipas “Daily Express”, pëfaqësuesit e Çelsit kanë filluar bisedimet për kartonin e Filipe Kutinjos. Braziliani nuk ka përligjur besimin e drejtuesve të skuadrës katalanase dhe një rikthim i tij në Angli është mëse i realizueshëm nëse vjen oferta e duhur. Momentalisht përflitet se Barcelona është e gatshme të shesë lojtarin, por për këtë do të duhen 140 milioën euro, pra e njëjta shumë që klubi “Blaugrana” pagoi  në janar të vitit të kaluar për të blerë kartonin e fantazistit nga Liverpuli.

Në Casa Milan janë takuar Leonardo dhe drejtori sportiv i Xhenoas, Perineti, që po mundohen të gjejnë marrëveshjen finale për kalimin e Piatek në kuqezi.

Ndërkohë, presidenti i Xhenoas Preciozi ka takuar Juventusin, sepse kërkon patjetër kroatin Marko Pjaca si pasues të Piatek.

Në Angli presin Higuain, i cili praktikisht pret vetëm Ok nga Milani për të marrë avionin dhe për të nisur aventurën e re te Çelsi.

Bisedime dhe miliona euro në lojë, do duhet pak kohë, por gjithçka po shkon drejt mbylljes së lumtur për të gjithë, me shpresën se Piatek e Higuain, por edhe Pjaca, do të gjejnë vendin e vet dhe do të bëjnë detyrën, duke kënaqur klubet e përfshirë në këtë operacion gjigant.

Ashtu si Bonuçi para pak kohësh, edhe Higuain te Milani ishte një martesë e dështuar dhe duket se lojtarët e Juves nuk duhet të vishen kuqezi, të paktën derisa “Djalli” të kthehet ai që ka qenë.

Tashmë vjen lajmi që pritej prej ditësh: Gonzalo Higuain do të shkojë te Chelsea dhe është arritur marrëveshja, siç raport gazetari italian Gianluca Di Marzio në Sky Sport.

? #UltimOra #Calciomercato
? Intesa di massima tra #Juventus e #Chelsea per #Higuain
? Prestito di 6 mesi più 12 a determinate condizioni#SkyCalciomercato #SkySport pic.twitter.com/8Y5fjooJlS

— Sky Sport (@SkySport) January 16, 2019

“Pas finales së Superkupës së Italisë, Juve dhe Çelsi, me aprovimin e Milanit, kanë arritur marrëveshjen për transferimin e Higuain në Londër. Do të jetë një huazim 6-mujor, që do të bëhet huazim i detyruar edhe për një sezon tjetër, diçka e lidhur me numrin e ndeshjeve dhe objektivat e arritur nga lojtari. Çelsi nuk do ta blejë gjithë kartonin e futbollistit, por nëse Higuain arrin një numër ndeshjesh dhe golash, huazimi do të rinovohet automatikisht. Kjo është formula për të cilën është arritur marrëveshja“.

Mer fund kështu një aventurë e dështuar, por pritet zyrtarizimi dhe pastaj Milani do të hidhet në sulm për polakun e Xhenoas, Piatek.

“Më duhet t’i bëj komplimente skuadrës, pasi siç e thashë edhe më parë na duhej të ngjitnim një mal dhe u përpoqëm ta bënim këtë gjë”, tha Gatuzo fillimisht.

“Nuk më takon mua të gjykoj mbi rastet e dyshimta. E pranoj se kartoni i kuq i Kesies ishte i merituar. I vetmi shqetësim që unë kam është mënyra e përdorimit të teknologjisë. Skuadra tregoi karakter sot, duke luftuar fort ndaj një kundërshtari të madh. Tani mbetemi pa dy lojtarë ndaj Xhenoas (Kesie dhe Kalabria të pezulluar për shkak kartonësh). Pavarësisht paraqitjes, ka gjithmonë pendesë kur humbet një finale”.

“Higuain ka qejnë i pafat. Atë e kapi një e ftohur ditën e djeshme dhe në bëmë gjithçka për ta përmirësuar gjendjen e tij, por në fund vendosa të aktivizoj një lojtar më të freskët. Mund të duket sikur po tallem, por sinqerisht, kjo është e vërteta”.

Më pas Gatuzo u pyet nëse kjo ishte ndeshja e fundit e Higuanit me fanellën e Milanit, pyetje të cilës kalabrezi iu përgjigj me një mënyrë të çuditshme duke thënë: “Tani na duhet të kujdesemi për plagët tona, nesër të shikojmë çdo të ndodhi”, përfundoi trajneri i Milanit.

Higuain – “Tani po qarkullojnë shumë thashetheme në lidhje me të, por duke parë mënyrën se si ai stërvitet dhe sjelljen prej profesionisti që tregon ndaj meje, nuk e kupton fare këtë gjë.  Pjesa tjetër i takon agjentit të tij dhe Leonardos. Shpresoj që ai të rrijë me ne për sa më shumë të jetë e mundur, por nëse kjo nuk ndodh, do shohim ç’mund të bëjmë. Gjithesesi për mua ka rëndësi që ai të sillet si profesionist, po ndodhi kjo atëherë nuk ka asnjë problem nga ana ime”

PAKETA – “Ai është një lojtar i zgjuar. Më duket më shumë evropian se sa brazilian, pasi është një futbollist i plotësuar me aftësi si në lojën me top, por edhe në aspektin e forcës. Kemi bërë një transferim të goditur”.

“Sigurisht që jemi në një moment të vështirë. Statistikat thonë që jemi në krizë. Kemi hasur shumë probleme në fazën sulmuese gjatë tre javëve të fundit. Por, në takimin e sotëm ishim në gjendje emergjence për shkak të dëmtimeve dhe pezullimeve. Mu desh ta ndërtoja mesfushën nga e para”.

MUNGESË GRINTE  ? – “Nuk mendoj se ky është problemi. Po vuajmë nga ana teknike. Impenjimi dhe djersa e lojtarëve për fanellën nuk është vënë kurrë në dyshim nga unë”.

HIGUAIN – “Duhet të rikthehet te goli. Gjatë të gjithë karrierës sime si lojtar dhe trajner, nuk kam parrë kurrë një sulmues të gëzuar kur nuk shënon. Duhet t’i krijojmë raste për shënim, ndërsa të njëjtën gjë duhet të bëjë ai për ne”.

KRITIKAT – “Kastijeho dhe Laksalt nuk m’i plotësuan pritshmëritë. Na mungonin lojtarët të cilët kanë  kualitetin për të dhënë topin final. Prandaj them se është e gabuar që t’ia vini fajin vetëm Higuainit”, përfundoi Gatuzo.

Lajmet për ndërrimin Higuain-Morata? – “Nuk e kuptoj nga mbijnë këto lajme. Ai nuk po kalon një moment të mirë, por mbetemi në vend të katërt dhe nuk kemi se si të na shkojë në mendje kjo gjë”.

Higuain është akoma i huazuar. A do ishte një stimul plus po të blihej përfundimisht? – “Gonzalo (Higuain) po vuan pasi nuk po shënon. Nuk kam folur me të për çështjet e kontratës. Ai po e përjeton keq këtë moment dhe kjo nuk është ideale. Me të po flas për këtë çështje dhe s’më ka bërë të ditur deri më tani këtë lloj problematike që po më pyesni.

Milanit aktual i duhen më shumë lojtarë të rinj apo ato me eskperiencë? – “Milanit i duhen lojtar që kanë dëshirë të vrapojnë dhe kanë kualitet. Mosha për mua nuk përbën problem. Në fund ka rëndësi se sa pasion kanë lojtarët dhe çfarë tregojnë kur futen në fushë. Vetëm kjo më bën të pëlqej një lojtar, jo fakti se a është i ri në moshë apo i vjetër”.

A po ju bëjnë më shumë presion se ç’duhet?

“Nuk e di. Nuk dua të bëj viktimën. Ne përfaqësojmë Milanin, të tjerët janë të lirë të gjykojnë nëse jemi të fortë apo dobët. Skuadra mund të bëjë shumë më mirë se kaq dhe them se do t’ia dalim”.

Ardhja e Paketës – “Mesfushori është vetëm 21 vjeç dhe ka kualitet të madh, por mos mendoni se ai do të jetë shpëtimtari ynë dhe do ta na fitojë ndeshjet. Kështu rrezikon të na krijohet një problem i një natyre tjetër. Do të provojë veten në një kampionat shumë më ndryshe, por ka kualitet dhe forcë fizike. Do i duhet pak kohë”.

Blerje të tjera ? – “Besoj se do të bëjmë një ose dy blerje. Na duhet medoemos një sulmues i aftë të luajë në qendër, por edhe në krah. Do të shikojmë nëse mund të bëjmë diçka për mesfushën”.

Megjithatë, gjërat nuk po shkojnë si ëndërronin kuqezinjtë, sepse pak nga pak Higuain është zbehur dhe duket shumë larg nivelit të vet.

Dje mbushi 31 vjeç dhe nuk ishte ditëlindja perfekte, sepse në Milano nuk po rezulton aventura e suksesshme që priste. Gonzalo ka shënuar 7 gola, një gol në 2 ndeshje kete seozon, por ka pasur edhe pezullim, ka edhe një dëmtim në shpinë që e bezdis.

Të gjitha këto vënë në dyshim të ardhmen e tij, sepse te Milani shohin ehee moshën e sulmuesit. Nëse rendimenti i tij nuk përmirësohet dhe nëse nuk vjen kualifikimi në Champions League, ka pak shanse që Milani ta blejë verën e ardhshme, sepse për momentin e ka në huazim me të drejtë blerjeje.

Por, përpjekjet e tij kanë rezultuar të kota, pasi komisioni i apelimit nuk pranuar të përgjysmojë dënimin e 30-vjeçarit. Trajnerit të kuqezinjve Xhenaro Gatuzo do i duhet të bëjë pa sulmuesin në ndeshjet ndaj Lacios dhe Parmës.

“El Pipita” do të rikthehet në Serie A më datë 9 nëntor në takimin ndaj Torinos. Por, dënimi nga institucionet e futbollit italian nuk është i vlefshëm në arenën evropiane dhe Gatuzo është i lirë ta aktivizojë argjentinasin në ndeshjen e mesjavës të Europa League ndaj luksemburgasve të Dudelanzhit.

Gonzalo Higuain këmbënguli të gjuante penallti kundër Juves, e humbi dhe po ashtu humbi toruan në fund, duke dalë me karton të kuq për protesta të tepruara ndaj arbitrit Macoleni, i cili e kishte ndëshkuar me karton të verdhë për një faull ndaj Benatiasë.

Pas ndeshjes Higuain ishte më i qetë, kërkoi falje para ekipit dhe po ashtu para gazetarëve: “Së pari, duhet t’u kërkoj falje skuadrës, trajnerit dhe tifozëve për reagimin e gabuar. Arbitri e di çfarë i thashë, por besoj se ndonjëherë duhen kuptuar momentet e ndeshjes, emocionet. Gjithsesi, vendimi ishte ai, marr përgjegjësinë që më takon”.

“Reagimi? Për mua ishte më parë faull nga Benatia, por arbitri fishkëlleu më pas dhe dha faull pro Juves, duke më dhënë karton të verdhë. Me pas me dha të kuqin, nuk kam ç’të bëj përveçse të kërkoj falje.

The Higuain incidentpic.twitter.com/QZZsrDYIkv

— Wallpapers & Chandeliers (@EandAInterior) November 11, 2018

“Emocionet? Janë ndryshe kur luan kundër ish-skuadrave, por e shkuara është e shkuar. Mora përgjegjësitë e mia, nuk do ndodhë më. Po humbnim, gabova penalltinë. Nuk jemi robotë, por lojtarë me emocione gjatë ndeshjeve.

“Më vjen mirë që edhe lojtarët e Juves erdhën për të më përmbajtur në ato momente nervozizmi. Si ndeshje shkoi ters, sidomos për mua. Penalltia? Mendova se Shezni do priste, por ai u hodh para kohe. Ai e di si gjuaj dhe bëri një pritje fantastike. Penalltitë i humbet vetëm ai që i gjuan, kisha besim te vetja. Tani të shohim përpara, me kokën lart”.

U mundua me të gjitha forcat sot Milani, por u mund 2-0 dhe nuk pati as fatin me vete, ai që mund t’i jepte një përqindje plus në përballjen e pabarabartë me kampionët e Italisë, që prej një dekade dominojnë në San Siro.

Në njërin krah Kristiano Ronaldo, në krahun tjetër Zapata e Abate, lojtarë që ndoshta nuk do të gjenin vend as tek rezervat e rezervave te Juventusi, mjafton kaq për të kuptuar çfarë i priste kuqezinjtë.

Që në fillim u kuptua që do të ishte një mbrëmje e vështirë për skuadrën e Gatuzos dhe në minutën e tetë Manxhukiç konkretizoi epërsinë e madhe të Juves.

Mandzukic GOL
pic.twitter.com/1rluzqtyy7

— Juvefc.com (@juvefcdotcom) November 11, 2018

Në vazhdim Milani ishte tepër inferior, por Juve nuk e dha goditjen finale dhe në fund të pjesës së parë VAR ndërhyri, për të dhënë një penallti në favor të Milanit, pasi Benatia preku me dorë një top të kontrolluar në zonë nga Higuain.

Argjentinasi, i cili në verë u largua për t’i bërë vend Ronaldos, ishte tepër i karikuar në këtë sfidë dhe e mori vetë përsipër penalltinë, duke e çuar në shtyllë, edhe për shkak se portieri Shçesni devijoi lehtë.

Here is the full view of the red card for #Higuaín , he wanted to fight #Ronaldo, OMG??#MilanJuve pic.twitter.com/fgyfFLg8Wa

— GoalsTV?? (@goalstv3) November 11, 2018

Në pjesën e dytë Milani tregoi më shumë kurajo dhe u fut edhe Kutrone, duke bërë që ndeshja të ishte mjaft e hapur dhe me sulme e kundërsulme, por në minutën e 81-të Milani e bëri lëmsh në mbrojtje dhe Kristiano Ronaldo nuk fali, duke mbyllur gjithçka.

Tre minuta më vonë Higuain u ndëshkua me karton të verdhë për një faull të kotë, u tërbua dhe shau arbitrin Macoleni, i cili e nxori me karton të kuq.

Natë e mallkuar për Milanin, por edhe për Higuain, ndërsa Juventusi mbetet i pari, i shkëputur. 34 pikë në 12 ndeshjet e para e Serinë A, rekord absolut për kampionatet më kampionat unik: Juve ne histori!

Cristiano Ronaldo Always in the right place at the right timepic.twitter.com/THh7PO7MK6

— R3ed Alrashid (@R3ed_0) November 11, 2018

KUNDËRSHTARI  – “Juventusi është një kundërshtari shumë i fortë në të gjitha repartet. Kanë lojtarë të paparë dhe një skuadër të kompletuar. S’duhet të kemi frikë, pasi i dimë vështirësitë që ka kampionati. E dimë se kemi përballë skuadrën më të mirë të Serie A dhe Europës”.

HIGUAIN – “Higuain e ka marrë veten, tani është shumë mirë. U stërvit sot me grupin dhe është shumë i motivuar për të marrë pjesë në këtë takim. Do të ishte bukur nëse do të shënonte golin që do të na siguronte fitoren”.

RONALDO – “Ronaldo është një lojtar i aftë të të ndëshkojë për gabimin më të vogël. E kam markuar disa herë kur luaja në Spanjë me Vijarealin. Në një ndeshje luajta si mbrojtës i djathtë dhe bëra një punë të mirë duke iu qepur gjatë të gjithë takimit. Në fund ishte pak i acaruar. Është një lojtar shumë larg normales”.

ROMANJOLI – “Romanjoli është përmirësuar shumë gjatë këtij viti. Shiriti i kapitenit e ka bërë më të përgjegjshëm. Është një lider i vërtetë, mund të bëhet më i miri”, përfundoi Zapata.

“Dy javë më parë Betis na vuri në vështirësi të mëdha, ndaj këtë herë dua që të shoh një ekip shumë të guximshëm dhe që prodhon futboll. Jam i bindur se mund të bëjmë një paraqitje më të mirë, por duhet të tregojmë shpirt gare, sakrificë dhe karakter. Natyrisht që do të kërkojmë fitoren nesër dhe nuk mendojmë asgjë tjetër. Kur fiton edhe në stërvitje është më e lehtë. Them se grupi po kalon një moment mjaft të mirë. të gjithë japin më të mirën nga vetja e tyre dhe kemi një klimë pozitive. kjo gjë ma bën dhe më të lehtë punën”.

“Higuain po punon shumë, por nuk e dimë në do të jetë gati për ndeshjen me Juventusin, edhe pse po përpiqemi shumë. Duhet të presim dhe të shohim. Vendin e tij do ta zërë Kutrone. Ai është rritur shumë dhe lëviz ndryshe në fushë nga disa muaj më parë. Ka një mundësi të mirë për të mësuar nga Gonzalo, Suso dhe Hakan”.

Në prag janë sfidat ndaj Betisit dhe Juventusit , ku “El Pipita” është i domosdoshëm, sidomos në fundjavë ndaj bardhezinjve. Në Europa Ligë, shanset që argjentinasi të grumbullohet janë të pakta dhe synimi i stafit të Milanit është që sulmuesi të jetë i gatshëm për të luajtur ndaj Juventusit.

Në lidhje me dëmtimin e Higuain ka folur dhe partneri i tij në sulm, Patrik Kutrone. Italiani ka thënë për “Sky Sport” se e pret me padurim rikthimin e Higuain dhe se lojtarët e Milanit janë mjaft të bashkuar.

“Entuziazmin tonë e kemi treguar në tre ndeshjet e fundit. Jemi të bashkuar dhe dalim shpesh me njëri-tjetrin për darkë. Higuain? Të gjithë po e presim. Çdokush e di se sa i rëndësishëm është ai për ne. Po pres me padurim të jem përsëri krah tij”, përfundoi 20 vjeçari.

HIGUAIN-IKARDI – “Ata kanë një betejë edhe në kombëtare. Mauro ka më shumë shanse, pasi është më i ri. Më pëlqen shumë sepse nuk e sheh shumë gjatë sfidës, por ai gjithmonë shënon. Interi duhet të jetë i lumtur që ka një lojtar si ai”.

MESI-RONALDO – “Në qoftë se do të kisha mundësi, do t’i dëshiroja të dy. Në qoftë se më duhet të zgjedh, atëherë shkoj me Mesin. Vetëm sepse është argjentinas. Megjithatë, Kristiano është vërtet shumë i fortë, por ata janë të ndryshëm. Mesi është më i përfshirë në lojë. Është e vështirë t’i krahasosh ata të dy. Ronaldo ka një personalitet dhe një mentalitet tjetër, njerëzit si ai nuk do të ndalojnë kurrë. Ai do të shënojë për sa kohë ai mundet”.

MARADONA – “Më vjen keq që nuk munda të luaj shumë me Maradonën. Gjithsesi jam i lumtur për aq sa luajta krah tij. Patëm eksperienca të bukura, por edhe negative si ajo e Botërorit të vitit 1994. Për ne argjentinasit, Diego është sinonimi i futbollit. Nuk jam dakord gjithmonë me ato që thotë, por e vlerësoj shumë si lojtar dhe si person, sepse e di nga vjen”, ka përfunduar 49-vjeçari.

Gëzimi i Sampdorias zgjati vetëm 4 minuta, pasi Gonzalo Higuain riktheu baraspeshën, duke i çuar skuadrat në dhomat e zhveshjes në barazim. Në fraksionin e dytë Suso mendoi për të entuziazmuar të pranishmit në “San Siro” duke i rikthyer avantazhin kuqezinjve.

Milani rikthehet te fitorja pas humbjes me Interin në kampionat dhe Betisin në Europa League. Skuadra e Gatuzos shkon në kuotën e 15 pikëve, po aq sa Sampdoria dhe Fiorentina që ndodhen në zonën e Europa League-s. Një fitore me shumë vlerë sa i përket anës morale, kjo për faktin se Milani do të zbresë në fushë sërish në mesjavë për të luajtur ndaj Xhenoas, sfidë kjo e prapambetur.

“Ai bëri një sezon shumë të mirë me Juventusin, por në fund u shit. Mendoj se ai nuk e përjetuar mirë këtë dhe se do të kërkojë të hakmerret ndaj ish-ekipit. Te Milani ka gjetur ambientin e duhur. Sa herë që shënon të gjithë lojtarët nisen për të përqafuar. Milani ka shumë nevojë për golat e tij, por edhe për faktin se ai është një lider”, tha Del Piero për “Sky Sports”

Në dy sezonet që Higuain luajti me “zonjën e vjetër”, ai shënoi 30 gola në 64 aktivizime në Serie A, si dhe 10 gola në 22 ndeshje në Champions.