Hidi iu bashkua Teutës në fillim të sezonit të shkuar dhe ishte një nga pikat kyçe të skuadrës në arritjen e vendit të tretë, që i çoi dhe në Kupat e Europës. 38-vjeçari luajti 33 ndeshje në Superiore.

Një portier me shumë eksperiencë, tashmë Hidi është në pritje të ndonjë oferte të re. Ndërsa Teuta pritet të hidhet në sulm këtë merkato për të afruar ndonjë portier të ri, por deri më tani, vetëm Çeleski është në kampin durrsak.

“Normalisht, pas ndeshjes së parë ku rezultati ishte 2-2, e dinim që do të ishte e vështirë, duke pasur parasysh dhe kualitetet e ekipit të Kukësit. Ndeshja e parë ndikoi shumë në kualifikim. Pas pësimit të golit, skuadra ra dhe kualifikimi ishte shumë i vështirë. Që në fillim, u duk se do të jetë ndeshje me tek gol dhe Kukësi shënoi.

Ne jemi në vend të tretë akoma dhe shpresoj t’ia arrijmë deri në fund të kampionatit që të sigurojmë sa më shpejt Kupat e Europës. Laçi në fushën e vet është një skuadër shumë e fortë. Teuta këtë vit në çdo fushë ka shkuar për të fituar, pavarësisht rezultatit. Do të shkojmë për të marrë maksimumin, por dhe një barazim na kënaq, pasi ata janë ndjekësit tanë”, përfundoi Hidi.

Fillimisht, ishte skuadra e Kukësit që pretendoi për një penallti. Braziliani Kordeiro depërton nga e majta dhe ndalohet nga Frashëri, që sipas gjyqtarit, ishte një ndërhyrje e rregullt. Të gjithë lojtarët e Kukësit protestojnë, por ndeshja vazhdon.

Episodi i dytë i takon Teutës. Kamara bën gjithçka mirë dhe lë pas Maliqin. Mesfushori Dzaria ndërhyn për ta ndalur dhe sulmuesi i Teutës rrëzohet brenda zonës. Të gjithë sytë nga gjyqtari, i cili sërish e cilëson një ndërhyrje të rregullt.

Dy penallti të paakorduara dhe në momentin më kritik të ndeshjes, gjyqtari drejton gishtin nga pika e bardhë. Në minutën e 90+3’ të takimit, Osmani ndal me dorë një goditje të një prej lojtarëve të Kukësit. Për kryesorin Xhaja, penallti dhe karton i kuq për mbrojtësin e Teutës. Kukësi pati mundësinë të marrë një pikë nga kjo sfidë, por Hidi ndali brazilianin Kordeiro dhe Teuta triumfoi 2-1 në fund, duke marrë tri pikë shumë të rëndësishme.

Pas ndeshjes, për “Gol pas goli” në Supersport, Hidi foli për fitoren e bukur ndaj Kukësit, duke qenë modest kur flitet për meritat e tij, ndërkohë që ka pasur edhe një batutë për lëvizjen e tij në momentin e gjuajtjes së penalltisë, moment që mund të shërbente për përsëritje të 11-metrshit.

“Besoj që puna dhe dëshira të mbajnë në nivel të lartë, mua nuk më mungojnë. Gjithsesi, nuk është se po shkëlqej unë, është gjithë ekipi që po bën një kampionat të shkëlqyer, që askush nuk e priste.

“Penalltitë e pritura? Kam pritur dy, nuk isha unë në penalltinë që na shënoi Flamurtari. Duhet edhe pak fat, më ka ndihmuar deri tani, ashtu si ka ndihmuar edhe Teutën sot. Ishte një ndeshje e shkëlqyer, fitorja ishte e merituar besoj.

“Penalltia për Kukësin, a duhej përsëritur? Normalisht me rregullore nuk duhet të lëviz, por nuk ka portier në botë që nuk e hedh atë gjysmë hapi përpara. Gjithsesi, është e drejta e arbitrit të vendosë në këto raste. Shyqyr që nuk kemi VAR!“.

HIDI – “Besoj se jemi mirë, thjesht duhet të jemi më agresivë para portës së kundërshtarëve. U ndëshkuam nga një gabim i joni, por janë dhe 45 minuta dhe shpresoj që të përmbysim rezultatin”,- u shpreh Hidi.

LIMAJ – “Kemi pak vështirësi, sepse nuk jemi shumë kompakt përpara dhe me këtë gol që shënuam, do të rikthehemi më të qetë. Në pjesën e dytë mund të luajmë me të njëjtën strategji, por nuk duhet të bëjmë kaq shumë gabime në pasime.”

“Rikthimi në Shqipëri ishte në momentin e duhur. Qetësia që të ofron Teuta është plus. Nuk e mendoja as vetë të ishte Teuta në këto nivele. Si ekip i ri që ishim, me trajner të ri, besoj se deri tani kemi bërë shumë mirë. Shpresoj të vazhdojmë kështu.

Tani kampionati bëhet më i vështirë. Tani nuk na shohin pa pretendimet. Ekipet do na shohin me sy tjetër. Kampionati është i gjatë dhe duhen sa më shumë lojtarë. Po të jenë lojtarë cilësorë, do jetë mirë të vijnë.

Me thënë të drejtën eci me këmbë në tokë, objektivi ka qenë kupat e Europës. Po të vazhdojmë me këto ritme, pse jo të mos synojmë. Europa është sukses, por nëse shkojmë deri në fund kështu dhe të kemi mundësinë të bëjmë diçka më shumë, kjo do ishte ekstra.

“Djemtë e Detit” kanë një ekip me elementë të rinj, por dhe lojtarë me eksperiencë. Pa dyshim që një prej lojtarëve që e ka ndihmuar më së shumti skuadrën që të ketë këto rezultate është portieri Isli Hidi, i cili me pritet e tij ka qenë një hero i vërtetë për bregdetarët.

Para ndeshjes me Partizanin, 38-vjeçari është nderuar me çmimin “Lojtari i Muajit” nga shoqata “Sporti na Bashkon”. Një vlerësim i veçantë për Hidin, i cili edhe dje bëri pritje spektakolare dhe mjaft vendimtare.

PËRMBYSJA – “Jemi të lumtur për këtë fitore ndaj Tiranës, një prej ekipeve më të mira në Shqipëri. Ishte ndeshje karakteri. Treguam forcën tonë në këtë fushë ku nuk mund të lushe shumë me topin. Është ndjesi e veçantë të përmbysësh përballë një skuadre si Tirana”.

LOJA JO E MIRË – “Në futboll të rëndësishme ja në pikët. Kemi luajtur mirë dhe nuk kemi fituar. Ndërsa sot ishim efikas, kthyem në gol rastet që na u krijuan. Jemi të lumtur për këtë ndeshje”.

GOLI I PËSUAR – “Futbolli i tillë është. Çdokush mban përgjegjësitë e tij. na lejohet dhe ndonjë gabim”.

OBJEKTIVAT – “Ekipi është në rritje. Nuk jemi aty ku kërkojmë dhe kemi shumë punë. Duhet të shohim ndeshje pas ndeshje”.

I ftuar në emisionin “Rubrika Sportive” në RTSH,portieri veteran ka komentuar fillimisht ndryshimet që ka vënë re që nga koha kur ai ishte pjesë e Tiranës. Hidi e pranon se gjërat kanë ndryshuar për mirë, megjithatë thekson se ka ven për përmirësim.  Më pas portieri ka folur

“Të them të drejtën, me aq sa unë mbaj mend nga sa kam qenë më parë, niveli ka qenë më i lartë se tani te Tirana. Përmirësimi i terreneve është diçka e mirë. Janë rritur vlerat me skuadrat si Kukësi dhe Skënderbeu që kalojnë ture. Ka vend për përmirësim, duke nisur edhe nga infrastruktura, deri tek organizimi i klubeve”.

“Partizani është një ekip i ri dhe kanë shpirt gare. Lojtarët bëjnë maksimumin. Grupi dhe fryma që kanë ndikon shumë. Kanë krijuar besim në vetvete”.

“Laçi ishte ekipi për t’u mundur. Ekipi ka rritje dhe e ndihmuam njëri tjetrin. Ishte një rezultat mjaft pozitiv. Ka raste që dhe skuadrat me 10 lojtarë arrin të fitojë”.

“Finalizimi ka lënë pak për të dëshiruar dhe kemi punuar shumë. Ekipi është në rritje pasi tregohet dhe nga fakti se po shënojmë. Kemi ende shumë punë”.

“Nuk e kam dëgjuar unë ndonjëherë që të kemi për titullin si objektiv. Ne mund të kemi objektiv Kupat e Europës. Në javët e para kishim një farë euforie, edhe pse e meritonim me atë që kishim treguar. Kjo situatë mbase na vuri pak në gjumë. Kemi bërë ndeshje të mira, por e them sërish që po rritemi. Jemi të kënaqur për këtë fazë të parë”.

EKIPI – Ekipi po kalon një moment të mirë, edhe pas fazës përgatitore në Ohër. Morëm ngarkesën fizike dhe zhvilluam disa miqësore. Mendoj që gradualisht po vijmë si ekip, dhe miqësoret na kanë shërbyer shumë. Ekipi ka në përbërje shumë lojtarë të rinj. Me afrimin e Bicajt, Osmanit dhe unë aty mbrapa besoj se mund të japim pak ksperiencë nga e jona. Gjithsesi skuadra ka elementë shumë të mirë dhe së bashku mund të bëjmë diçka pozitive në këtë sezon.

SHKËMBI – Është një ndejesi e veçantë, kur ke patur në krah një shok, një koleg dhe tashmë ai është trajner. Të gjitha janë pjesë e lojës, kështu është futbolli i sotëm. Nuk është hera e parë, pasi edhe në Qipro më ka ndodhur një situatë e tillë. Aspekti profesionist është në maksimum, ti urojmë suksese edhe atij. Ne lojtarët e vjetër duhet ta mbështesim.

OBJEKTIVAT – Për të thenë të drejtën është shpejt për të dhënë objektiva, por duke dhënë më të mirën nga java në javë, besoj se do të bëjmë një sezon të mirë. Kush është ai që nuk e dëshiron një trofe, megjithatë Teuta dita-ditës do të bëjë ndryshime dhe pse jo të bëjë edhe një surprizë të bukur.

Në dy sezonet e fundit Hidi ishte pjesë e Olimpiakos Nikozisë, që ra nga kategoria këtë vit, ndaj Hidi ka dalë i lirë në treg dhe ka preferuar të kthehet në shtëpi.

Fillimisht Hidi bisedoi me Flamurtarin, por në Vlorë nuk ishin të sigurt, duke parë edhe moshën e portierit, i cili ka preferuar të bisedojë edhe me Teutën dhe ka gjetur shpejt marrëveshjen, duke firmosur dhe prezantuar sot. Klubi durrsak vetëm dje zyrtarizoi ndarjen me vlonjatin Shpëtim Moçka, duke preferuar eksperiencën e Hidit në portë.

Nuk duhet harruar se sezonin e fundit Hidi ishte titullar fiks në Qipro, ndaj forma e tij nuk diskutohet dhe siç tregojnë shumë shembuj portierësh anembanë nëpër botë, mosha e tij nuk është edhe aq e madhe, nëse regjimi sportiv ka qenë perfekt dhe dëshira për të luajtur futboll është ende e gjallë.

Intervistoi: Gjergji Stefa

Dikush i thotë Lefkosia, dikush tjetër… Lefkosa. Çështje gjuhe, por edhe urrejtje mes dy kombësish që ndahen nga një kufi. Një kufi i cili ndodhet pikërisht në një pedonale të zakonshme, më e famshmja e qytetit. E teksa arkitektura e vërtetë, muzeu historik, por edhe ndërtesa të tjera që përbëjnë “zemrën” e kryeqytetit qipriot ndodhen në krahun grek, pjesa e “prapambetur” është ajo turke. Në këtë qytet ku është bërë luftë dhe ku sot kërkohet ende “paqja” me gërma të mëdha në një pjesë të murit të linjës që ndan palën turke nga ajo greke, jeton edhe Isli Hidi, ish-portieri i kombëtares së Shqipërisë dhe Tiranës… Sigurisht, në Qipro, mes Limasolit dhe Nikozisë (pak km i ndajnë), portieri shqiptar jeton dhe luan prej vitit 2011, por duket se bashkimi dhe heqja e barrierave nuk do të vijë kurrë. E ndërkohë, Isli është kthyer protagonist, edhe pse akrepat e orës kanë ecur si për të, ashtu edhe për të gjithë. Plot 37 pranvera të kaluar dhe ditëlindje të festuara. Por, në Nikozia, me Olimpiakosin, këtë fundjavë, Hidi tregoi se është si vera, sa më e vjetër, aq më e shijshme. Aq do t’i ketë shijuar edhe pritja e penalltisë në minutën e fundit, përballë Arisit, në ndeshjen e javës së 12-të. Shqiptari ishte heroi i barazimit me penalltinë e pritur dhe me disa ndërhyrje të tjera, në një 0-0 final. Por, penalltia është vetëm qershia mbi tortë, në ishullin aq të largët, sa edhe të afërt… Parajsa e Islit, ose “shtëpia e tij e dytë”, siç do ta theksojë në intervistën e dhënë për “Sport Ekspres”…

Isli, për momentin jeni pjese e skuadrës qipriote Olimpiakos i Nikozisë. Si po shkon aventura juaj atje?

Për momentin jemi duke kaluar një periudhe pozitive, si ekipi ashtu edhe unë personalisht. Gjërat për Olimpiakosin janë pak të vështira, sepse jemi po ai ekip qe kemi qenë vjet, për arsye te bllokimit te transfertave nga ana UEFA-s. Jemi 4 te huaj dhe pjesa tjetër janë lojtarë te rinj qipriotë e pa eksperiencë në Divizionin 1, por besoj se gjërat mund të ndryshojnë në janar, me ardhjen e disa lojtarëve.

Cilat janë pretendimet e skuadrës dhe raporti juaj me klubin dhe me stafin teknik?

Pretendimet janë qëndrimi në kategorinë e parë, gjë e cila do i nxirrte nga problemet financiare qe ka ky klub me lojtaret qe kane qene ndër vite këtu, e borxheve që ka klubi. Është shume e vështirë, por shpresojmë ta arrijmë këtë objektiv.

Ju një vit më parë preferuat te luanit një kategori me poshtë. Ishte zgjedhja juaj për të luajtur më shumë?

Ishte rastësi, sepse nuk e kisha menduar ndonjëherë që mund të luaja në kategorinë e dytë. Gjithsesi, mosmarrëveshja me drejtuesit e Nea Salaminës bëri që të shkëputem një javë para mbylljes së merkatos, gjë që ma vështirësoi mundësinë për të shkuar tek ndonjë ekip tjetër. Edhe arsyet familjare ndikuan shumë, sepse më duhej të qëndroja për të mbushur vitet, sepse kam bërë aplikimin për pasaportën qipriote. Gjithsesi, në fund mendoj qe ishte një eksperiencë e bukur, që u kurorëzua me ngjitjen në kategorinë e parë.

A ishte surprizë ngjitja e skuadrës një kategori më sipër?

Ka qenë viti më i vështirë si për ekipin, ashtu dhe për mua. Ideja që luaja një kategori më poshtë ishte diçka që m’u desh kohë ta ngulitja në mendje dhe të ambientohesha, por gjithsesi ia dolëm.

Keni shumë vite në futbollin qipriot. Kush kanë qenë momentet më të mira aty?

E vërtetë, kam shume vite këtej, ka plot momente pozitive, më e bukura ishte shpallja kampion ne 2011-2012 me AEL Limasolin, që mbas 44 vitesh fituan titullin kampion, dhe një nga me specialet për mua ishte fitorja e pare e një ekipi qipriot jashtë fushe, kundër Legias 0-1, ku në përfundim të ndeshjeve të Europa League më shpallen portierin e javës. Ka plot, por këto janë me specialet që do ngelen gjatë në memorien time.

Përse qëndruat kaq gjatë në Qipro?

Jam ambientuar mirë, ia kam kaluar gjithnjë shumë mirë, në çdo klub ku kam luajtur, si dhe jam ngulur familjarisht, ndaj nuk është se e kam menduar shpesh largimin.

Si është futbolli qipriot në raport me futbollin shqiptar?

Këtu është pak më teknik futbolli sesa në Shqipëri, por besoj me ardhjen e shumë lojtarëve cilësorë edhe në Shqipëri është rritur goxha niveli.

Është e pashmangshme të diskutosh moshën. Tani jeni 37 vjeç. Do vazhdoni të luani në Qipro, apo do ktheheni në Shqipëri?

Moshën askush s’mund ta ndalë, gjithsesi më ndihmon fakti që në porte mund të luash edhe për disa vite të tjera. Nëse stërvitesh me përkushtim çdo ditë e me dëshirë, besoj se s’ka moshë për portierët.

A keni kontakte me klube shqiptare dhe përse nuk keni tentuar te ktheheni më parë?

Kam tentuar disa herë dhe në fund kam vendosur përsëri të largohem, për arsye se në Shqipëri akoma ka shumë probleme kampionatin tonë, plus që kane qenë biseda të thjeshta e asgjë konkrete. Besoj se atje kam dëshire ta mbyll karrierën, gjithsesi të shohim në muajt në vazhdim.

Jashtë futbollit. Si është jeta në Qipro dhe nëse largoheni, a do ju mungojë?

Jeta këtu është e qetë, gjithashtu klima është fantastike. Nuk e di, por besoj se do më mungojë nëse vendos një dite të largohem. Është kthyer si shtëpia ime e dytë.

A po e ndiqni kampionatin shqiptar dhe cili është opinioni juaj për të?

Normal që e ndjek, kjo edhe falë Digitalb, që na mundëson ta kemi pranë kampionatin tonë. Sa kam mundësi e ndjek, por mendoj që këtë vit nuk e ka atë bukurinë që ka pasur gjithnjë, një kampionat pa Tironën sikur s’ka lezet. Dua të përgëzoj edhe ekipin e Skënderbeut për punën e mirë që ka bërë këto vitet e fundit, si në kampionat, ashtu edhe në Europë, duke na përfaqësuar denjësisht. Është një shkallë mbi skuadrat e tjera. i uroj suksese në ndeshjen e ardhshme në Europë.

Meqë përmende Tiranën. Si ju duket ecuria e skuadrës në Kategorinë e Pare?

Tironën nuk e shikoj dot në këtë kategori, besoj se po bën mirë, që të kthehet sa më parë në Kategorinë Superiore.  Është mungesa më e madhe e kampionatit.