Heynckes

Reali e ka dominuar Bajernin vitet e fundit, por Don Hajnkes u fut tmerrin spanjollëve

Sport Ekspres — Fri, 13 Apr 2018 11:30:00 +0000

Real Madridi kundër Bajernit, gjysmëfinalet e Champions League ofrojnë një sfidë të madhe, që shumë njerëz e dëshironin në finale.

Reali e ka pasur mjaft të vështirë kundër Bajernit historikisht (është eliminuar 5 herë në Champions, 4 herë në gjysmëfinale), por ka ndryshuar tendencë në vitet e fundit, sepse i ka fituar 5 përballjet e fundit me bavarezët.

Megjithatë, Bajerni ka një armë të fshehtë: Don Jup Hajnkes!

Trajneri veteran ka çuar në Gjermani trofeun për herë të fundit dhe është makth i ekipeve spanjolle. Në Champions Hajnkes ka 7 fitore vetëm ndaj rivalëve nga Spanja. Me asnjë shtet tjetër nuk ka bilanc kaq të mirë.

Lëv: Bajerni po bën zgjedhjen e duhur me Hainkesin

Sport Ekspres — Fri, 06 Oct 2017 10:18:39 +0000

Trajneri i kombëtares gjermane, Joakim Lëv, beson se Bajerni ka bërë “një zgjedhje shumë të mirë” duke rikthyer në drejtim Jup Hainkes, për të zëvendësuar Karlo Ançelotin deri në fund të sezonit aktual.

Hainkes ka konfirmuar se ka biseduar me drejtuesit e Bajernit, por ka kërkuar kohë që të vendosë, ndaj Lëv është i bindur se është zgjedhja e duhur: “Hainkes është një trajner me shumë eksperiencë, i cili ka arritur suksese të mëdha dhe ka një ndikim të madh në skuadër. Në situatën në të cilën ndodhet Bajerni, Hainkes është sigurisht një zgjedhje shumë e mirë”.

Ndërkaq, edhe një nga armiqtë e Ançelotit, qendërmbrojtësi Zherom Boateng, mirëpret Hainkes: “Jup nuk ka nevojë për komente. Ai është një trajner i madh, me shumë eksperiencë dhe shumë takt”.

Hainkes: Po, Bajerni më ka bërë ofertë

Sport Ekspres — Thu, 05 Oct 2017 17:14:24 +0000

Si zakonisht, Bild nuk gabon, kur bëhet fjalë për lajme të bujshme nga kampionati gjerman. Revista gjermane zbuloi se Bajerni ka zgjedhur Jup Hainkes si pasardhës të Karlo Ançelotit, edhe pse kampioni i fundit i Europës pritet të kthehet te Bajerni me mision të përkohshëm, deri në fund të sezonit.

Duke folur për Rheinische Post, vetë Hainkes ka konfirmuar gjithçka, duke pohuar se ka biseduar me drejtuesit e Bajernit për të rimarrë drejtimin e skuadrës që ka në vitin 2013, kur doli në pension pas triumfit në Champions League, kampionat e kupë brenda një sezoni.

“Asgjë nuk është firmosur ende. Duhet ende të analizoj gjithë situatën. Në fund të fundit, u bënë 4 vite e gjysmë që kur lashë Bajernin dhe futbolli ka vazhduar të ndryshojë. Kam biseduar për shumë gjëra me Rumenigen, Hënesin dhe Salihamixhiçin, të cilët më kanë propozuar një kontratë deri verën e ardhshme”, zbulon Hainkes, i cili edhe pse 72 vjeç, ndihet mëse i aftë fizikisht e mendërisht për këtë detyrë delikate, edhe pse i duhet kohë që të vendosë.