VIDEO | Hofenhejmi fitore me aromë europe, Herta në krizë

Sport Ekspres — Sun, 14 Apr 2019 13:24:20 +0000

Hofenhejmi i shënoi Hertës së Berlinit nga një gol për pjesë për të siguruar fitoren e katërt në kampionat në pesë ndeshjet e fundit. Ky trepikësh e ngjit ekipin e Julian Nagelsman në vendin e gjashtë me 47 pikë, duke u kualifikuar për momentin në kupat europiane.

Një sulm i bukur i vendasve u konkretizua nga një diagonale e fortë e Nadiem Amirit, i cili kaloi vendasit në avantazh në minutën e 29’. Dyfishimi dhe sigurimi i trepikëshit erdhi 11 minuta përpara fundit të ndeshjes.

Reis Nelson shënoi me kokë nga brenda zonës. Anglezi kishte zëvendësuar më parë Amirin, autorin e golit të parë të ndeshjes. Kjo ishte humbja e pestë rresht në kampionat për ekipin nga kryeqyteti që renditet në vendin e 11-të me 35 pikë.

Hofenhajm-Herta Berlin 2-0
(Amiri 29’, Nelson 79’)

VIDEO / Vjen humbja e parë për Kovaç, Bajerni bie në Berlin

Sport Ekspres — Fri, 28 Sep 2018 21:11:40 +0000

Pas barazimit në mesjavë ndaj Augsburgut, një surprizë akoma dhe më e hidhur u rezervua për tifozët e Bajernit në transfertën ndaj Hertës së Berlinit. Kampionët e Gjermanisë pësuan humbjen e parë për këtë sezon dhe në rast të një fitoreje të Dortmundit këtë fundjavë, baverezët mund ta shohin veten në vend të dytë.

NDESHJA – Në ndryshim nga ndeshja me Augsburgun, në këtë takim Kovacc nuk kishte bërë shumë rotacion, duke luajtur më së shumti me lojtarë titullarë. Goli i parë për vendasit erdhi në minutën e 23-të, ku një faull i shkaktuar nga Boateng bëri që arbitri i takimit të akordonte një 11-metërsh, që u ekzekutua në mënyrë perfekte nga Ibesevicc. Pak minuta më vonë do të vinte dhe goli i dytë me autor sllovakun Duda që nuk i la asnjë shans Nojerit me goditjen e fortë pak metra larg portës.

Në pjesën e dytë Bajerni u hodh i gjithi në sulm, por kryeqytetasit arritën që të neutralizonin krejtësisht sulmet e skuadrës bavareze. Në përfundim të takimit Bajerni regjistroi 25 gjuajte, 6 prej tyrë në portë dhe asnjë gol.