Herta Berlin

Një bomber zbarkon në Berlin, thyhet rekordi historik

Sport Ekspres — Thu, 01 Aug 2019 18:43:28 +0000

Herta e Berlinit ka thyer rekordin e klubit, duke i paguar 20 milionë euro Uatfordit për kartonin e sulmuesit kongolez Dodi Lukebakio.

21-vjeçari spikati gjatë sezonit të kaluar në Bundesligë, ku shënoi 10 gola me Fortunën e Dyseldorfit. Paraqitja më e veçantë e kongolezit ishte në barazimin 3-3 ndaj Bajernit të Mynihut teksa realizoi një tripletë ndaj bavarezëve.

Im ersten Interview nach seiner Vertragsunterschrift bei Hertha BSC spricht @DodiLukebakio über die Gründe für seinen Wechsel, Gespräche mit Karim #Rekik, seine Vorbilder und seine Ambitionen. ???

? https://t.co/e4QWbnAhJU #DieZukunftGehörtBerlin #hahohe pic.twitter.com/L1epEEKCj2

— Hertha BSC (@HerthaBSC) August 1, 2019

Talenti i Liverpulit: E dua fanellën e kuqe, ja çfarë më ka thënë Klop

Sport Ekspres — Sat, 13 Jul 2019 18:24:35 +0000

Marko Grujiç është një prej talenteve më të mëdha të akademisë së Liverpul. Talenti serb është i huazuar te Herta Berlin. Në Bundesliga 23-vjeçari po bën paraqitje shumë të mira dhe mezi pret të luajë më Liverpulin.

Sezonin e shkuar serbi regjistron 20 ndeshje si titullar, duke shënuar 5 gola dhë 1 asist. Shifra mjaft të mira këto, duke parë se Grujiç është mesfushor difensiv. Një lojtar i kompletuar që nuk ndalon së vrapuari dhe ka një goditje “vrastare”.
Duke parë moshën e Xhejms Milner, i riu shumë shpejt mund të kthehet nën urdhërat e Klop. Në një intervistë Grujiç shprehet se ka biseduar me Klop dhe trajneri ja ka bërë gjërat të qarta. Gjermani i është shprehur se nëse luan rregullisht me Hertën, sezonin e ardhshëm do të kthehet në “Anfield”.

“Isha në Liverpul për disa teste mjekësore. U ulëm dhe biseduam me Klop për mua. Kontrata më Liverpul është deri në vitin 2023. Të dy ramë dakord në ato që u thanë. Arrita të bëj mirë në Berlin, por lëndimet më ngadalësuan mjaft. Trajneri tha se është mirë për mua të qëndroj në Bundesligë edhe një sezon tjetër. Kur shoh ndeshje të mëdha të Liverpulit, gjithmonë e kuptoj që i përkas një klubi të madh dhe dua të luaj atje. Nëse bëj 34 ndeshje të mira me Hertën, shanci për të ardhur në ‘Anfield’ është i madh”, u shpreh Grujiç.

Inter plotëson dëshirën e Kontes, merkato hapet me një austriak

Sport Ekspres — Wed, 26 Jun 2019 17:24:07 +0000

Konte është i fiksuar pas Valentino Lazaros. Austriaku arrin të mbulojë të gjithë krahun e djathtë, çka do të thotë se është një lojtar i përshtatshëm për lojën që aplikon tekniku i Interit. 23-vjeçari aktivizohet me Herta Berlin. Këtë vit ai regjistron 3 gola dhe 7 asiste.
Klubi gjerman ka treguar rezistencë. Para pak ditësh Marota u prezantua me një ofertë prej 17 milionësh, që u refuzua menjëherë nga klubi gjerman. Ata pretendojnë të fitojnë më shumë nga ylli i tyre. Kështu, Interi nuk u dorëzua dhe siç raportojnë mediet italiane, ka gati shifrën prej 22 milionë eurosh për Lazaron.

Sipas “Sky Sport” kjo është oferta që vulos këtë lëvizje. Klubet kanë arritur marrëveshjen përfundimtare dhe në ditët në vijim Lazaro do të zbresë në Milano për t’ju nënshtruar vizitave mjekësore, që do të pasohen nga prezantimi në “San Siro”. Lazaro do të jetë blerja e parë e Interit për këtë verë.

VIDEO | Përplasje në fushë dhe jashtë saj: “Levandovski mashtrues!”

Sport Ekspres — Mon, 25 Feb 2019 16:26:20 +0000

Ndeshja mes Herta Berlinit dhe Bajernit të Mynihut pati shumë polemika, me dyshen Levandovski-Rekik në qendër të një përplasjeje, e cila solli karton të kuq për mbrojtësin holandez.

Sulmuesi polak i Bajernit të Mynihut, Robert Levandosvki tha pas ndeshjes: “Ishte karton i kuq i pastër. Ai më kishte shumë pranë dhe më shtyu qëllimisht”.

Nuk ka vonuar reagimi i mbrojtësit Rekik, i cili tha i acaruar: “Jam shumë i zhgënjyer nga deklarata e tij. Ai është lojtar i madh, por në këtë rast po gënjen. Nuk ka arsye pse të mashtrojë. Do doja ta shihnim sërish së bashku atë skenë. Kur unë marr karton të kuq, shkoj në dhomat e zhveshjes dhe nuk flas. Nuk ka arsye pse ai të flasë ashtu”.

“E kam parë dhjetë herë skenën. Për mendimin tim, ai më goditi qëllimisht në fytyrë. Më pas unë e shtyva lehtë dhe ai ra sikur ta kishte goditur Majk Tajson”,- u shpreh mbrojtësi i Hertës.

Herta e Berlinit eliminon PSG-në, minuta të plota për talentin Kastrati

Sport Ekspres — Tue, 19 Feb 2019 18:09:05 +0000

Grupmoshat e 19-vjeçarëve të Hertës së Berlinit kanë eliminuar PSG-në në ndeshjen me eliminim direkt të fazës “play-off” të “UEFA Youth League”. Në këtë sukses ka marrë pjesë dhe një talent shqiptar.

Bëhet fjalë për mbrojtësin Mateo Kastrati. Futbollisti 18-vjeçar aktivizohet si mbrojtësi i krahut të majtë dhe në takimin e sotëm u aktivizua për 90 minuta.

Kastrati disponon shtetësi gjermane, por për momentin nuk ka asnjë ndeshje zyrtare me grupmoshat e Gjermanisë, ndërkohë që mund të luajë dhe për kombëtaren e Shqipërisë ose Kosovës.

VIDEO | Kualifikim me vuajtje për Bajernin, Herta ia “bën jetën ferr”

Sport Ekspres — Wed, 06 Feb 2019 22:26:19 +0000

Bajerni i Mynihut ka “prerë biletën” për në fazën çerekfinale të Kupës së Gjermanisë, pas një ndeshje tejet të luftuar ndaj Hertës së Berlinit që u mbyll me shifrat 3 – 2 për bavarezët.

Takimi filloi me dy gola të shpejtë. Talenti i Hertës, Mitelshtadt zhbllokoi takimin në minutën e tretë, ndërsa Gnabri u kundërpërgjigj vetëm katër minuta më vonë. Bajerni mori kontrollin e lojës dhe gjeti golin avantazhit në fillim të pjesës së dytë me anë të Gnabrit, por Herta i barazoi sërish me anë të Selkës.

Bavarezët vazhduan të krijonin raste të njëpasnjëshme, por finalizimi la shumë për të dëshiruar dhe 90 minutat u mbyllën në barazim 2 – 2. Në minutën e 98-të një kombinacion midis Goreckës, Levandovskit dhe Koman, solli golin e fitores për Bajernin, me francezin Koman, i cili shtyu topin drejt portës së Hertës.

Kupa e Gjermanisë
Herta Berlin 2 – 3 Bajern Mynih
Shënues: Mitelshtadt 3′, Selke 67′ / Gnabri 7′, 49′, Koman 98′

Krahas Bajernit të Mynihut, tre ekipet e tjera që u kualifikuan ditën e sotme për në çerekfinalet e turneut të ishin Lajpcig, Augsburg dhe Shalke.

Verner nderon Laipcigun, humbja e parë në shtëpi për Hertën

Sport Ekspres — Sat, 03 Nov 2018 19:28:47 +0000

Laipcigu shkatërroi Hertën e Berlinit në transfertë me rezultatin 0-3, duke siguruar një trepikësh të rëndësishëm, që e ngjit ekipin e Ragnik në vendin e tretë me 19 pikë, pesë më pak se kryesuesit e Dortmundit.

Timo Verner ishte heroi i miqve me dygolëshin e shënuar, duke u ngjitur në kuotën e gjashtë golave në kampionat, ndërsa braziliani Kunha shënoi golin e tretë 15 minuta përpara fundit.

Rezultati i dhjetë rresht pozitiv për Laipcigun mes kampionatit, Europa League dhe Kupës së Gjermanisë, ndërsa kjo ishte humbja e parë në shtëpi në kampionat për kryeqytetasit e Hertës në këtë sezon.

Herta Berlin – Laipcig 0-3
(Verner 7’, 53’, Kunha 75’)

Junajtid-Arsenal, duel anglez për talentin e Hertës së Berlinit

Sport Ekspres — Thu, 20 Sep 2018 21:36:17 +0000

Mançester Junajtid dhe Arsenal po monitorojnë nga afër situatën e Arne Maier. 19-vjeçari luan me Hertën e Berlinit dhe aktivizohet në rolin e mesfushorit difensiv.

Majer shihet si një lojtar me potencial të madh dhe klubi gjerman nxitoi për t’i rinovuar kontratën gjatë deri në vitin 2022 gjatë muajit shkurt.

Dy klubet angleze i janë vënë pas yllit të Hertës, i cili ka zhvilluar ndeshje të plota me ekipin në këtë sezon. Ai debutoi me Gjermaninë U21 në këtë muaj në përballjet me Meksikën dhe Irlandën.

Performancat e mira me klubin kryeqytetas janë vënë re nga drejtuesit e Junajtid dhe Arsenalit, që kanë nisur garën mes tyre për të arritur marrëveshjen me lojtarin.