“Më është kërkuar disa herë të them mbrojtësin më të ashpër që jam përballur dhe kam thënë Kielini. Do të thoja gjithashtu John Terry. Kielini ka shumë përvojë. E përdor trupin e tij mirë dhe pozicionohet perfekt. Kur përpiqesh të vraposh, ai e di se kur të të shkelë.”

“Gjithashtu di se kur do të të ngacmojë me fjalë për t’ju hequr ekuilibrin. Ai padyshim e di se kur duhet të kërcejë dhe të ngrihet në shpinë dhe gjithashtu kur të largohet nëse ti je mbi të. Kielini e di se ku të jetë në kohën e duhur”, shprehet ylli anglez.

Sulmuesi ka reaguar kundër kritikëve dhe sheh përpara. Totenhemi do të vizitojë Milanon të martën për t’u përballur me Interin në Champions dhe Kejn shpreson të shënojë për t’i dhënë fund kritikave.

“Nuk luajtëm mirë përballë Liverpulit, por ne e dimë që mund të bëjmë më mirë si skuadër dhe kjo është e pamohueshme. Unë ndihem në formë, ndihem i fortë dhe po të mos ishte kështu, trajneri nuk do të më aktivizonte në ndeshje. Besoj shumë te vetja dhe shpresoj të bëj dy gola kundër Interin për t’i bërë të heshtin të gjithë kritikët. Përballë Interit do të jetë një tjetër ndeshje e vështirë, por ne do të bëjmë lojën tonë me qarkullim topi”, komenton 25-vjeçari i Totenhemit për “The Mirror”.

Fillimi i këtij sezoni nuk ka qenë i duhuri për të sapo graduarin kapiten të “gjelave”, Herri Kejn i cili ka shënuar vetëm një gol në 4 javët e para. Situata pak më ndryshe paraqitet në kampin e kuq për Salah, i cili ne 4 javët e para përveçse ka marrë pikë të plota ka gjetur edhe 2 herë rrugën e rrjetës.
Herri Kejn ka një mesatare 1 gol çdo 179 minuta në këto jave të para, krahasuar me  gol çdo 96.4 minuta në të gjitha kompeticionet sezonin e kaluar.Ndërkohë egjiptiani vjen në sfidën ndaj londinezëve me gol çdo 169 minuta këtë sezon, krahasuar me golin që sezonin e kaluar vinte çdo 93.6 minuta mesatarisht.

Në statistika dhe shifra egjiptiani i “The Reds” triumfon lehtësisht ndaj anglezit. Ajo çfarë do të na rezervojë fusha mbetet për tu zbuluar ditën e nesërme në orën 13:30.

“Me këtë format të ri, kemi mundësinë të fitojmë një turne. Kemi fituar të fundit në vitin 1966 (Kupa e Botës), ndërsa sot objektivi ynë kryesor është fitimi i Nations League. Dua të vazhdoj të luaj dhe për 10 vite të tjera dhe shpresoj që të vazhdoj të përmirësohem. Mesi&Ronaldo? Është e vështirë të krahasohesh me ta. Do të ketë një atmosferë të shkëlqyer sonte në stadium dhe shumë fëmijë do të zbaviten gjatë kësaj dite të shkëlqyer.

Zhvilluam një Kupë Botë shumë të mirë, por mund të përmirësohemi. E kam riparë ndeshjen me Kroacinë dhe kam kuptuar që ka shumë lëvizje dhe disa faza të lojës, në të cilat duhet të përmirësohemi”, përfundon 25-vjeçari i Totenhemit, i cili u shpall golashënuesi më i mirë i Botërorit të Rusisë me gjashtë gola të shënuar, çmim që do i dorëzohet përpara fillimit të sfidës së sotme.

Siç citon “El Pais”, Mohamed Salah dhe Herri Kejn kanë qenë dy ndër objektivat e madrilienëve, por ata janë përgjigjur negativisht. Të dy sulmuesit e Premier Ligës, pasi kanë mësuar për interesimin e Realit kanë qenë të prerë në përgjigjet e tyre: “faleminderit, por jo”. Verë e vështirë për klubin, që gjithmonë është mësuar të arrijë objektivat e merkatos.

Merkato nuk është mbyllur akoma, por momentalisht alternativat e klubit “Merengues” janë: Kilian Mbape dhe Nejmar. Problemet e PSG me FFP(fair-play financiar) mund të detyrojnë francezët që të heqin dorë nga njëri prej dy sulmuesve dhe Reali është gati për të mbushur boshllëkun e krijuar nga largimi i portugezit drejt Juventusit.