Herolind Shala

VIDEO | Futbolli norvegjez vishet kuqezi, tre shqiptarë tundin rrjetat

Sport Ekspres — Mon, 15 Apr 2019 14:38:49 +0000

Fundjava që lamë pas solli plot tri gola shqiptarë në kampionatin norvegjez. Lojtari që spikati më shumë ishte Herolind Shala, i cili shkëlqeu në fitoren 4 – 1 të Valerengas ndaj Tromsos.

Lojtari i përfaqësues së Kosovës regjistroi një asist dhe një gol, ndërsa luajti rol kyç në një gol tjetër, teksa një goditje e tij përfundoi në autogol pas kontaktit me mbrojtësin kundërshtar.

Në derbin midis Viking dhe Bran fituan vendasit. Futbollisti 23-vjeçar Ylldren Brahimaj shënoi golin e parë në elitën e futbollit norvegjez. Krahas Brahimajt te Viking ndodhet dhe mesfushori anësor Zymber Bytyqi, i cili luajti 90 minuta në këtë takim. Në ekipin kundërshtari mori minuta të plota Veton Berisha, i cili është kthyer në Norvegji pas eksperienca në Gjermani dhe Austri.

Elbasan shënoi golin e tij të parë për këtë sezon në elitën e futbollit norvegjez. Sulmuesi 25-vjeçar ishte një ndër protagonistët e fitores së 2 – 0 të Od ndaj Kristiansund.

Herolind Shala përfundon në Tailandë, firma çështje kohe

Sport Ekspres — Mon, 28 Jan 2019 12:53:27 +0000

Mesfushori i përfaqësueses së Kosovës i është bashkuar skuadrës së Stabaekut në Tailandë, vend në të cilin klubi norvegjez po zhvillon fazën përgatitore para nisjes së sezonit në muajin mars. Megjithatë, ende nuk kemi të bëjmë me një transferim zyrtar.

Drejtori sportiv i Stabaekut, Andre Olsen, ka konfirmuar për “eurosport.no”, se Shala i është bashkuar ekipit në fazën përgatitore, por për të arritur në një marrëveshje do të duhet pak kohë.

Futbollisti 26-vjeçar spikati me skuadrën e Startit, edhe pse këta të fundit nuk i shpëtuan dot rënies nga “Elliteserien”. Në rast se për Shalën nuk vjen ndonjë ofertë e volitshme nga kampionat i huaj, e ardhmja e 26-vjeçarit në Norvegji do të jetë me Stabaekun.

Herolind Shala del hapur: Jam lojtar i lirë, pres oferta

Sport Ekspres — Sat, 26 Jan 2019 21:04:58 +0000

Rikthimi në Norvegji rezultoi një bast i fituar për Herolind Shalën. Mesfushori i përfaqësueses së Kosovës, ishte një ndër lojtarët më të mirë të Start, por pavarësisht paraqitjeve të 26-vjeçarit, klubi nuk arriti të qëndronte në elitën e futbollit norvegjez “Eliteserien”.

Kontrata e Shalës me Startin kishte një opsion për një rinovim edhe për një vit tjetër, por do të ishte mëkat, që një lojtari i nivelit të tij të luajë në divizionin e dytë norvegjez.

Në një intervistë të shkurtër për “Sporti në KTV”, lojtari i “dardanëve” foli për herë të parë në lidhje me të ardhmen e tij: “Nuk kam dashur ta vazhdojë kontratën, sepse synimi im është të transferohem në ndonjë skuadër tjetër. Ende nuk e di se ku do ta vazhdoj karrierën, por unë do të largohem”, tha Shala.

Viti paradoksal i Herolind Shalës: Sukses me Kosovën dhe dy klube të rrëzuara

Sport Ekspres — Wed, 26 Dec 2018 19:51:58 +0000

Herolind Shala ka kaluar një vit të çuditshëm. Ne aspektin personal personal mund të quhet një vit i sukseshëm për mesfushorin e rritur në Norvegji. Minuta të plota me Lynbin në Danimarkë dhe me Start në vendlindje.

Ndoshta, suksesi më i madh ka qenë me përfaqësuesen e Kosovës, ku siguruar prej kohësh një vend titullari në qendër të mesfushës dhe ka krijuar një dyshe shumë interesante me Hekuran Kryeziun.

Rikthehemi te klubet, ku situata është disi më e zymtë. Te Lyngby në Danimarkë nuk mundi dot të shmangte rënien nga Superliga daneze, ndërsa pak muaj më vonë u transferua në Norvegji te skuadra e Start.

Duke përfituar nga cilësia më e dobët e kampionatit, Shala e pati të lehtë të spikaste me lojën dhe golat e tij. Por, nuk ishte e thënë të kishte një fund të lumtur, pasi as te Start nuk e shmangu do rënien në kategoria.

Në janar do të jetë një lojtar i lirë dhe ofertat për të nuk kanë se si të mungojnë, le të shpresojmë që “mallkimi” të mos kapë një ekip të tretë.