Si pasojë, askush nuk u zhgënjye, pasi në këtë ndeshje u panë plot 8 gola. Ajaksi e nisi shumë mirë takimin, duke shënuar që në minutën e 13’ të takimit me anë të Tadiç. Megjithatë, vetëm një minutë më vonë u barazuan, pasi Lamers shënoi për Herenvenin.

Gjithsesi, Tadiç do të rikthente sërish në avantazh ekipin e Amsterdamit, në minutën e 16’. Një autogol i Herenvenit në të 28-ën i dha avantazhin e trefishtë Ajaksit, që shpërdoroi dhe një penallti në minutat e fundit të pjesës së parë.

Në pjesën e dytë, Herenveni ishte më kërkues dhe arriti ta barazojë takimin. Lamers dhe Van Bergen shënuan për të vendosur baraspeshën. Veterani Huntelar u duk se i dha fitoren Ajaksit në minutën e 83’, por radhën e kishte Zeneli…

Ylli i Kosovës ekzekutoi në mënyrë fantastike një goditje nga këndi, që shndërrohet në gol nga Pieri në sekondat e fundit të takimit. Sfida u mbyll me rezultatin spektakolar 4-4 dhe Zeneli ishte një ndër më të mirët.

Zenelit i skadon kontrata në fund të sezonit dhe skuadra londineze është gati ta transferojë në “Stamford Bridge” sulmuesin, i cili është në pritje të ofertave konkrete. Por para se të shpenzojnë një shumë të tillë për Zenelin, do ta ndjekin me interes nw takimin pwrballw gjigantit Ajaks.

Lojtari ofensiv ka qenë padiskutim ylli i përfaqësueses së Kosovës (numëron gjashtë gola të shënuar me dardanët) në Ligën e Kombeve, ku ishte vendimtar edhe në takimin e fundit përballë Azerbajxhanit, sfidë ku Zeneli shënoi tri gola dhe mori topin në shtëpi.

Ofertat për të janë të shumta, ndërsa mediat holandeze zbulojnë interesimin e një klubi nga Premier Liga. Siç raporton “sportnieuws.nl”, për Zenelin interesohet ekipi i Çelsit. Mauricio Sarri e pëlqen shumë shqiptarin dhe “Blutë e Londrës” janë gati të paguajnë 5 milionë sterlina te Herenveni për të siguruar shërbimet e tij.

Gjithsesi, për momentin Zeneli është lojtar i Herenvenit dhe te skuadra holandeze, po shkëlqen. Edhe në takimin e sotëm miqësor përballë Ingolshtadit të Mërgim Mavraj, Zeneli ishte protagonist.

Sulmuesi i Kosovës shënoi një supergol nga goditja e dënimit, duke treguar dhe njëherë tjetër klasin e tij. Edhe faqja zyrtare e Herenvenit në Instagram ka postuar tre foto, të cilat tregojnë momentin e realizimit të supergolit që Zeneli shënoi.

23-vjeçari luan në radhët e Herenvenit në Holandë, por duket gati për një kalim te kampionatet elitare të Evropës. Ofertë konkrete ka pasur vetëm nga gjigantët e Fenerbaçes, por Zeneli tha se po pret një skuadër më të madhe.

Në një intervistë për “Sporx”, Zeneli foli për të ardhmen e tij, ku tregoi edhe mesazhet e shumta që ka marrë nga tifozët e Fenerbaçes: “Kam marrë me mijëra mesazhe nga tifozët e Fenerbaçes.

Ata duan që unë të transferohem te skuadra e tyre. I respektoj të gjithë ata që më shkruajnë, por synoj një kampionat më elitar. Po pres oferta nga Italia, Anglia, Spanja, por dhe Franca e Gjermania janë alternativa të kënaqshme.

Jam një tifoz i çmendur i Milanit dhe shpresoj që një ditë të luaj aty. Idhulli im ka qenë gjithmonë braziliani Kaka’”,- përfundoi Zeneli.

Futbollisti 23-vjeçar ka edhe një dedikim të veçantë për golin, teksa në llogarinë e tij në “Instagram” shkruan: “Fitore fantastike sonte, ky gol është për ty gjysh”. Ai reklamoi edhe dedikimin e bërë në fanellë.

https://www.instagram.com/p/Bq3MTI0Hl9k/?utm_source=ig_web_copy_link

Gjyshi i sulmuesit u nda nga jeta në një ditë të veçantë për Zenelin. Gjithçka ndodhi më 20 nëntor, para ndeshjes që Kosova fitoi me Azerbajxhanin me rezultatin 4-0. Zeneli shënoi 3 gola në atë ndeshje, ndërkohë që familjarët e tij ia kishin mbajtur të fshehtë vdekjen e gjyshit.

Lojtari i Kosovës ka komentuar për mediat holandeze barazimin që skuadra e tij mori me Emenin. Siç dhe vetë sulmuesi shprehet ndjen keqardhje, pasi rezultati u barazua në minutat e fundit dhe se skuadra e tij do të kishte dalë me pikë të plota nga kjo sfidë.

Në një prononcim për mediat holandeze, lojtari i talentuar ka zbuluar një detaj të rëndësishëm sa i përket supergolit të shënuar. Gjithçka e studiur dhe e provuar në stërvitje. Ngritja e dorës ishte një truk, pasi lojtarët do të qëndronin në vijën e 16-metrave, për të bërë të mundur daljne e portierit.

BARAZIMI – “Sigurisht që jemi të zhgënjyer, sepse nuk ishim në nivelin që dëshironim dhe ai gol i pësuar në minutën e fundit ishte i vështirë për t’u pranuar. Hasëm vështirësi, padyshim. Tentuam të sulmonim në thellësi, por nuk ia dolëm. Humbëm pikë të rëndësishme, ishte e rëndësishme të fitonim, por është shumë e vështirë kur kundërshtari mbrohet me të gjitha forcat në gjysmëfushën e tij. Ne duhet t’i çanim dhe të gjenim zgjidhjen, por sot nuk na funksionoi.”

GOLI – “E diskutuam gjatë javës dhe e kishim studiuar portierin kundërshtar, i cili dilte në goditjet e dënimit. E vendosëm se nëse do të kishim një goditje në krahun e djathtë, do të tentoja golin. Kësaj here funksionoi, jam i lumtur për golin, por nuk arritëm të fitonim dhe jam i zhgënjyer. E godita vetë ashtu topin dhe qëllimi im ishte të shënoja. E kishim provuar në stërvitje këtë gjë dhe iu kisha thënë shokëve që, nëse do të më vinte shansi, do e provoja një gjë të tillë dhe në ndeshje.”

Wat.Een.Goal #zeneli #heeemm ?? pic.twitter.com/XryJn7ptB9

— Brianskie (@Manon_en_Brian) November 4, 2018

Herenveni ka fituar një goditje dënimi në krahun e djathtë të sulmit, që është ekzekutuar nga Zeneli. Të gjithë ishin rreshtuar në zonë për të pritur një krosim të shqiptarit nga Kosova, por Zeneli i ka befasuar të gjithë, madje dhe portierin kundërshtar, duke goditur në portë dhe shënuar një gol të mrekullueshëm.

Goli i dytë në kampionat për lojtarin e talentuar, ndërsa Herenveni vazhdon të kryesojë me golin e Zenelit dhe një fitore e mundshme e ngjit ekipin në vendin e pestë.