“KF Vllaznia ashtu siç kishte premtuar, ka nisur punen për ndërtimin e skuadrës për sezonin e ardhshëm.  Për këtë arsye, pasditen e sotme janë konkretizuar edhe dy kontratat e para me futbollistët që janë përzgjedhur nga drejtuesit.

Futbollistët që  kanë firmosur janë Herald Marku që luan në pozicionin e mesfushorit dhe Dajan Shehi qendërmbrojtës. Këta dy futbollistë sezonin e kaluar kanë qenë pjesë e Kastriotit të Krujës ku kanë spikatur me paraqitjet e tyre.

Kontratat e firmosura me këto dy futbolliste janë njëvjeçare me të drejtë rinovimi edhe për një sezon tjetër.  KF Vllaznia i uron mirëseardhjen Heraldit dhe Dajani, duke shpresuar që së bashku të bëjmë paraqitjen e duhur në sezonin e ri”, njofton klubi shkodran.

Gjithashtu pritet të vendoset edhe në lidhje me trajnerin. Sezonin e mbylli Agim Canaj në krye të shkodranëve, por ende nuk dihet nëse vlonjate do të vazhdojë t’i drjetojë shkodranët edhe në Superiore. Me zgjedhjen e trajnerit do të mendohet edhe për rinovimet e kontratave.

PËRFORCIMET – SportEkspres.com mëson se një nga lojtarët e “piketuar” nga Vllaznina është mesfushori Herald Marku. Shkodrani, i cili spikati me Kastriotin, është një nga objektivat e kuqebluve dhe kontaktet e para mes palëve kanë nisur.

Futbollisti 23-vjeçar është produkt i Partizanit dhe për herë të parë në Superiore është aktivizuar me Tërbunin, për të provuar më pas veten në Gjermani. Këtë verë ai u rikthye në Shqipëri dhe me krutanët është aktivizuar në 23 ndeshje (20 titullar) dhe ka shënuar pesë gola.

Marku mund të aktivizohet në disa pozicione, si në treshen e qendrës së mesfushës, në krah të sulmit, por ka provuar të luajë edhe në linjën e majtë të prapavijës. Interesim për shërbimet e mesfushorit nuk ka vetëm nga Vllaznia dhe mbetet të shihet se ku do ta vijojë karrierën.

Janë tre futbollistë, të cilët kanë gjetur katër herë rrugën e rrjetës. Prej tyre vetëm Xhevahir Sukaj po luan si sulmues qendror. Shkodrani ka gjetur veten në Vlorë, ndërkohë që edhe një tjetër lojtar i Flamurtarit ka realizuar po aq sa ai. Edhe Andi Ribaj, i cili po luan në krah më së shumti, ka shënuar këtë vit 4 gola. Surpriza është Herald Marku i Kastriotit, gjithashtu autor i 4 golave, së bashku me Ismail Dungën e Luftëtarit.

Po Shkurtaj e Rexhinaldo, sa kanë shënuar sivjet në kampionat? Të dy sulmuesit e kanë gjetur rrugën e rrjetës tre herë, po të njëjtën shifër e ka realizuar edhe Jasir Asani i Partizanit.

Edhe me Bledar Devollin ai e ruajti statutin e tij. Marku, për RTSH ka folur para ndeshjes me Partizanin. Fillimisht analizoi atë që ndodhi në Korçë me Skënderbeun. Katër golat e pësuar rëndojnë. “Të gjithë kanë reflektuar, nuk kemi pse e ulim kokën. Mendoj se nga dëshira  madhe edhe gabon ekipi. Kjo ka qenë arsyeja pse pësuam shpejt në Korçë”, shprehet mes të tjerash Marku.

Kastrioti vuan në transferta dhe në lidhje me këtë, mesfushori deklaron: “Ekipi, edhe jashtë ka luajtur mirë. Duke marrë parasysh fushën tonë, aty ekipi ka besim, tifozët janë të zjarrtë dhe na kanë mbështetur shumë”.

Sigurisht që mbijetesa është një mision jo i lehtë dhe Marku shprehet kështu: “Nuk e ulim kokën, vazhdojmë garë për mbijetesë. Ka akoma ndeshje. E nisim nga Partizani, japim maksimumin dhe shpresojmë në fitore. Për ne ka finale deri në fund të sezonit”.

Të dy ekipet mbyllin renditjen me nga 16 pikë, ndërsa Luftëtari është 5 pikë larg. Me ardhjen e Bledar Devollit në krye të stolit, Kastrioti ka siguruar dy fitore të mëdha kundër Luftëtarit dhe Skënderbeut dhe është rikthyer në garën për mbijetesë.

Ekipit i është bashkuar më në fund mesfushori Henri Okebugu. 20-vjeçari u largua në dhjetor drejt vendit të tij, ndërsa kthimi në Krujë vonoi si pasojë e problemeve me pasaportën.

Okebugu ka zgjidhur gjithçka dhe Devolli do të ketë një opsion më shumë, duke nisur nga transferta me Kamzën. Një tjetër rikthim për këtë ndeshje do të jetë Husein Lukman, mbrojtësi i djathtë nigerian. 22-vjeçari ka shlyer pezullimin dhe është gati për finalen e radhës.

Mungesa e vetme për Kastriotin do të jetë Herald Marku, i cili ka plotësuar numrin e kartonëve në ndeshjen kundër Partizanit dhe nuk mund të zbresë në fushë kundër Kamzës.

FITORJA – “Të them të drejtën, kështu si erdhi ndeshja as ne nuk e imagjinonim. Pesë gola të shënuar në fushë kundërshtare na japin një moral të jashtëzakonshëm. Kemi qenë shumë të përgatitur dhe kjo ndeshje shihej si një finale për ne. Nuk mund ta lejonim Luftëtarit të largohej me 10 pikë dhe kjo fitore ka vlera shumë më të mëdha.”

MBIJETESA – “Ne mendojmë gjatë gjithë kohës se mund të mbijetojmë. Kemi lojtarë shumë të mirë në skuadër, me çuna të rinj. Ekipi është i mbledhur dhe shpresoj që të bëjmë ndeshje të mëdha dhe të marrim rezultate.”

DEVOLLI – “Diferenca midis trajnerëve është strategjia e tyre. Me Nicën kemi pasur lojë më agresive dhe më mbrojtëse, ndërsa me Devollin kemi një frymë tjetër në skuadër. Lojë më të bukur dhe më sulmuese dhe kjo strategji na ndihmon neve që të shprehim të gjitha aftësitë tona.”

DYGOLËSHI – “Mendoj se kohë ka dhe nuk duhet të kënaqemi pas kësaj paraqitjeje. Shpresoj që kjo ndeshje të jetë pika e fillimit për shpërthimin tim. Shënova dy gola dhe jam shumë i lumtur që ndihmova skuadrën në këtë sukses.”

NDESHJA – “Po, është e vërtetë. Patëm një lloj ngërçi pas golit të Luftëtarit, pasi kishim presion. Kundërshtari mori zemër dhe më shumë hapësira në fushë, por goli i tretë na qetësoi dhe ne e kishim më të lehtë të dilnim në lojën tonë. Duhet të ulim kokën, pasi jemi ende në vend të fundit. Të vazhdojmë me punë dhe të paraqitemi sa më mirë.”

“Humbjen me Tiranën e kemi lënë pas, tani jemi të fokusuar te ndeshja e radhës me Teutën. Ata janë një skuadër që vijnë nga një gjendje mirë, si dhe një ekip i fortë. Por mendoj se ne mund të futemi në fushë dhe të bëjmë maksimumin për të marrë tre pikët”, u shpreh Marku, i cili më tej thekson se Kastrioti në këtë moment ka shumë nevojë për pikë.

“Kemi një skuadër që me këtë kontingjent po bën shumë mirë, kemi zhvilluar lojëra të mira dhe tani na duhen pikët. Do futemi në fushë të bëjmë atë kemi praktikuar gjatë javës. Me shumë punë dhe duke dhënë maksimumin them se mund t’ia dalim”, shtoi mesfushori.

Në fund ai foli edhe për objektivin mbijetesë dhe beson se Kastrioti mund t’ia dalë: “Në garën për mbijetesë, ka edhe shumë ndeshje. Do futemi të marrim sa më shumë pikë në këta dy ndeshje. Jemi në një fazë që na interesojnë vetëm pikët. Sa i takon rivalitetit, janë 4 skuadra që janë në garë për mbijetesë. Ne duhet të punojmë fort, të jemi shumë të përqendruar, mund t’ia dalim. Merkato e janarit do të na vijë ndihmë, pasi ekipi mund të përforcohet në repartet ku kemi nevojë”.