Henrikh Mkitaryan

“Edhe në Azerbajxhan jetojnë njerëz që e duan futbollin”

Sport Ekspres — Fri, 24 May 2019 21:28:05 +0000

Vendimi i UEFA-s për të luajtur finalen e Europa League në Baku ka hasur në kontestime të të mëdha. Udhëtimi i vështirë dhe mungesa e fluturimeve drejt Azerbajxhanit kanë bërë që qeveria e futbollit evropian të akuzohet për këtë si një vendim i pamenduar. Ajo që bëri më shumë zhurmë dhe krijoi debat ishte fakti se Mkitarian nuk arriti të udhëtonte për të luajtur, për arsye sigurie.

Aleksanër Ceferin, presidenti i UEFA-s është përgjigjur në mënyrë të drejtpërdrejtë. Ai shprehet se edhe qytetarët e Azerbajxhanit e meritojnë të shohin futboll në nivele të larta në vendin e tyre. Thotë se evitimi i futbollit prej konflikteve të tilla nuk duhet të ndodhë.

“Problemi i të drejtave të njeriut është problem edhe në vende të tjera. A do të thotë kjo se tifozët në Baku nuk duhet të shohin futboll të gjallë? Ka dhe atje njerëz që jetojnë dhe e duan futbollin. Nëse futbolli e lejon veten të ndalet në situata të tilla atëherë nuk mund të organizojmë asgjë në të ardhmen. Kemi arritur të menaxhojmë një Kampionat Evropian perfekt ne Francë, ku rrezikohej nga sulmet terroriste”, u shpreh Ceferin.

Problemet në Baku me Mikitarian, ja ç’bëjnë tifozët e Arsenalit

Sport Ekspres — Fri, 17 May 2019 20:07:29 +0000

Arsenal dhe Çelsi do të luajnë finalen e Europa League në Baku të Azerbajxhanit me 29 maj. Ka gjasa që topçinjtë të udhëtojnë pa marrë me vete Herik Mkitarian. 30-vjeçari është nga Armenia. Shteti armen dhe Azerbajxhani janë në konflikt me njëri-tjetrin dhe nëse Mkitarian shkon në Baku do të rrezikonte jetën. Arsenal ka kërkuar nga UEFA masa të veçanta sigurie për futbollistin.

Nëse futbollisti nuk do të sigurohet, drejtuesit e klubit nuk do të rrezikojnë për ta marrë atë në finale. Kështu tifozët kanë një ide shumë origjinale për të bërë që edhe pse jo fizikisht aty, prezenca e armenit të ndihet. Gjashtë mijë ultras do të veshin maska me fytyrën e Mkitarian dhe do t’i shfaqin ata në minutën e 7-të dhe 77-të.

Telashe për Arsenalin, Unai Emeri humbet një tjetër yll

Sport Ekspres — Tue, 25 Dec 2018 17:53:05 +0000

Një lajm i keq ka ardhur nga infermieria për Unai Emeri, i cili ka humbur shërbimet e një prej lojtarëve kryesore të ekipit në këtë periudhë festash për shumicën dhe tepër intensive për klubet e Premier Ligës.

Henrik Mkitarian, i cili është lojtari i dytë më i paguar i ekipit pas Mesut Ozil, ka pësuar një dëmtim në gishtin e këmbës së djathtë gjatë ndeshjes së kupës kundër Totenhemit dhe ai do të mungojë për një farë kohe.

Kontrollet mjekësore kanë konfirmuar problemet e mesfushorit ofensiv dhe ai do të qëndrojë jashtë rreth 5-6 javë. Mkitarian pritet të rikthehet në fundin e muajit shkurt, duke iu shtuar mungesave të Deni Uellbek dhe Rob Holding, të cilët e kanë mbyllur sezonin e tyre me “topçinjtë”.