Kimish projektohet në mesfushë, Bajerni në sulm për talentin e Monakos

Sport Ekspres — Sun, 14 Jul 2019 15:22:14 +0000

Xhoshua Kimish e ka shprehur shumë herë të dëshirën për t’u rikthyer në rolin e mesfushorit, pozicion ku ka luajtur gjatë fillimeve të karrierës. Për të kompletuar kalimin e 24-vjeçarit në mes të fushës Bajernit i duhet të gjejë një tjetër alternativë për mbrojtësin e djathtë.

Benzhamin Pavard është emër që jep garanci, por drejtuesit e Bajernit kërkojnë të kenë një plan B, sidomos pas largimit të brazilianit Rafinja. Sipas medies franceze “footmercato”, Bajerni po zhvillon negociata me Monakon për kartonin e mbrojtësit gjerman Benjamin Henriks.

Ish-lojtari i Bajer Leverkuzen u ble për 20 milionë euro nga drejtuesit e Monakos një vit më parë. Për të lënë të lirë 22-vjeçarin Monako kërkon të paktën 35 milionë euro, shumë kjo që nuk pranohet nga Bajerni, por bavarezët janë të bindur se kërkesat e klubit nga Principata mund ulen.

Mbas milionave të arkëtuara, Monako i futet merkatos

Sport Ekspres — Sun, 19 Aug 2018 12:19:25 +0000

Gjatë tri viteve të fundit Monako është kthyer në një minierë ari për pronarët rus. Klubi nga principata ka gjeneruar të ardhura të jashtëzakonshme nga shitjet e talenteve si Marsial, Karrasko, Lemar, Mbape, Fabinjo Mendi, etj

Mediet franceze raportojnë se shum shpejt nën urdhrat e trajnerit Zhardim do të vihen dy lojtarët Jasin Brahimi dhe Benxhamin Henriks. I pari është sulmuesi i skuadrës së Portos. Algjeriani i rritur në Francë u shpall lojtari i sezonit në Portugali, teksa ndihmoi skuadrën e drejtuar nga Serzho Konsesaio në fitimin e titullit kampion.

Benxhamin Henriks është një tjetër lojtar mjaft interesat. Gjermani aktivizohet te Leverkusen dhe është një titullar fiks prej dy sezonesh. Për 21-vjeçarin u interesua dhe Interi, por më pas italianët vendosën të afronin Vrsaljkon nga Atletiko Madrid.

Henrichs

Kimish projektohet në mesfushë, Bajerni në sulm për talentin e Monakos

Mbas milionave të arkëtuara, Monako i futet merkatos