Kosova shkruan historinë, kualifikohet në Botërorin e hendbollit

Sport Ekspres — Mon, 15 Apr 2019 07:32:50 +0000

Kosova ka shkruar historinë, teksa ka fituar të drejtën për të marrë pjesë në Botërorin e Hendbollit. Kombëtarja U-21 e Hendbollit ka triumfuar ndaj Taipeit Kinez me shifrat 30-26, në sfidën e luajtur në Pallatin e Sportit në Prishtinë.

Tifozët gjithashtu ishin të shumtë, duke parë që bëhet fjalë për Hendboll. Në Pallatin e Sportit ishin të pranishëm diçka më shumë se 1000 spektatorë. Një arritje historike kjo për Kombëtaren U-21, e cila drejtohet nga Fatmir Muhaxheri.

Kampionati Botëror do të zhvillohet në Spanjë dhe do të luhet në korrik të këtij viti.

Hendbolli kosovar pranë arritjes historike, në Prishtinë presin finalen e madhe

Sport Ekspres — Sat, 13 Apr 2019 19:13:33 +0000

Përfaqësuesja e Kosovës U21 në Hendboll nuk ka zhgënjyer mbështetësit e saj në eventin “IHF Trophy Intercontinental”, që po zhvillohet për herë të parë në Prishtinë.

Skuadra e drejtuar nga trajneri Fatmir Muhaxheri ka mposhtur në gjysmëfinale Paraguain me rezultatin 36:27, ndeshja u zhvillua në Pallatin e Rinisë, Prishtinë.

Në ndeshjen finale të këtij kompeticioni, Kosova do të ndeshjet me Taipein kinez, përfaqësuese të cilën e mundën gjatë fazës së grupeve. Fituesi i këtij turneu do të fitojë një vend në kampionatin botëror të Hendbollit për grupmoshat nën 21 vjeç, çka do të ishte një eksperiencë e parë për Kosovën.