Sodiq Atanda është lojtari tjetër që nuk ishte në stërvitje. Nigerianit i ka përfunduar kontrata dhe ende nuk ka një marrëveshje të re. Me shumë mundësi mbrojtësi mund ta mbyllë këtu aventurën e tij te Partizani.

Në seancën stërvitore ishte i pranishëm Egzon Belica, një nga lojtarët kryesorë të “demave” në sezonin e fundit. Mbrojtësit i është ofruar një kontratë 3-vjeçare, por ende nuk ka nënshkruar. Nga Kamza është rikthyer Enea Bitri, ndërkohë që ka nisur përgatitjet edhe mbrojtesi Hektor Idrizaj.

Vlonjati gradualisht pritet të marrë ngarkesë dhe me kapjen e formës do të japë kontributin e tij për Partizanin. Gjatë javës së ardhshme pritet të bashkohet me të kuqtë edhe Uilliam Kordeiro, i cili do të jetë pjesë e skuadrës kryeqytetase.

Ka ndodhur në vitin 2008, kur vlonjatët me ekipin e 19-vjeçarë kanë fituar titullin kampion në kampionatin e të rinjve. Idrizaj, atëherë kapiten i Flamurtarit, e kujton përmes një fotoje të postuar në “Instagram”. Telushi e ka shpërndarë gjithashtu, ndërkohë që mbrojtësi ngacmon: “U19 kampion 2008. Historia përsëritet, por jo modeli i flokëve”.

Ylli Shameti është një tjetër lojtar që është bërë nostalgjik. Gjirokastriti në të shkuarën ka qenë pjesë e Kastriotit dhe ka postuar një foto me krutanët, ku shfaqet ai dhe disa prej lojtarëve qerosë. Kapiteni i Kukësit me shaka shkruan: “Shkëputur nga filmi ‘Lulëkuqe mbi mure’, 10 vite më parë”.

Në një njoftim të bërë nga klubi i kuq, është bërë e ditur se trajneri Gega dhe disa pjesëtarë të tjerë të skuadrës vizituan Idrizajn në ambientet e spitalit.

Ndërkaq, në njoftimin e skuadrës bëhet e ditur dhe shkalla e dëmtimit që është tepër e rëndë.  Futbollisti 29-vjeçar ka pësuar një frakturë në kupën e gjurit dhe do t’i nënshtrohet një ndërhyrje kirurgjikale.

Sezoni i Idrizajt me të kuqtë mund të quhet i mbyllur, pasi në të shumtën e rasteve dëmtime të këtij lloji kanë një kohë rikuperimi prej të paktën 6 muajsh.

Gjatë momentit të akomodimit në ambulancë Idrizaj ka marrë duartrokitjet e të tifozëve në të dyja tribunat e Selman Stërmasit.

Idrizaj ndihet i vlerësuar nga interesimi i të kuqve dhe është gati të nisë aventurën e re në karrierë. Grupi e ka pritur mirë dhe ai nuk ka patur probleme përshtatje, ndërsa ndeshje e parë me bluzën e kuqe mbi supe do të jetë kundër Kamzës.

PARTIZANI – “Është shumë vlerësim i madh interesimi i profesorit dhe klubit. Këto ditë që kam dalë në stërvitje jam ndjerë shumë mirë me grupin. Ka një harmoni dhe kjo reflektohet jashtë dhe brenda fushe. Jam munduar të përshtatem dhe çunat më kanë ndihmuar shumë. Shumicën e tyre i njoh, pasi kam luajtur dhe në ekipe të tjera me ta. Kështu që e kam patur më të lehtë të ambientohem. Dëshira për të ardhur te Partizani ka qenë e madhe për shkak të pozitave ku ndodhet ekipi, por dhe për historinë e këtij klubi. Sa i përket transferimit, kjo ka qenë një marrëveshje midis dy klubeve, kështu që nuk kam qenë 100% në dijeni të asaj çfarë ka ndodhur.”

OBJEKTIVAT – “Për fat të mirë ose fat të keq, nuk e di si ta quaj, unë kam luajtur për objektiva të ndryshme dhe më parë në karrierën time. Të dyja janë specifika të ndryshme dhe kanë vështirësitë e tyre. Çdo futbollist dëshiron të luajë për të dalë kampion. Duhet të përqendrohesh shumë herë më shumë, duhet të japësh maksimumin çdo minutë, sepse konkurrenca është e madhe. Të dyja kanë presione të ndryshme, nuk ka krahasim presioni i mbijetesës me të titullit.”

KONKURRENCA – “Siç e tha edhe profesori edhe më përpara, kur vjen në një klub me pretendime nuk premtohet gjë. Është mirë që të bëhesh pjesë e familjes, të luftosh në fushë dhe të japësh maksimumin. Duhen bërë llogaritë me veten dhe ta pranosh konkurrencën.”

RIKTHIMI NË KAMZË – “Ndodhi çdo gjë shumë shpejt, brenda 3-4 ditësh. Sa i përket anës së ndjenjave, nuk e kam provuar akoma. Kur ta provoj ju them.”

Futbollisti 29-vjeçar është përforcimi i dytë në repartin defensiv për kryeqytetasit, që më parë afruan qendërmbrojtësin Lum Rexhepi. Me ardhjen e  Idrizajt, opsionet e Gegës për krahun e djathtë të mbrojtjes shtohen, pasi deri më tani e gjithë ngarkesa ka rënë në këmbët e Labinot Ibrahimit.

Kamza vazhdon të rezistojë, sepse kërkon të gjejë mbrojtës të djathtë për të zëvendësuar vlonjatin, ndërsa i kërkon Partizanit dy lojtarë, mes të cilëve edhe Eraldo Çinarin. Pikërisht këtu ngec gjithçka dhe Idrizaj është pezull, por vetë e ka dhënë aprovimin dhe në klubin e kuq thjesht po kërkojnë zgjidhje me Kamzën.

Kjo e fundit ka tenuar një marrëveshje me Kukësin për shkëmbim Teqja-Qaqi dhe nuk do ishte kundër të bënte sërish biznes me rivalët e Partizanit, ndoshta edhe si sinjal presioni ndaj të kuqve.

Janë orë vendimtare, sepse Idrizaj kërkon të largohet, Partizani e do patjetër dhe Kukësi mund të prishë punë. Gjithçka duhet realizuar shpejt, sepse trajnerët i duan ekipet të kompletuara për minifazën përgatitore.

Mes tyre janë Partizani e Kukësi, që do të zhvendosen në Turqi. Verilindorët presin për sulmin Vasil Shkurtajn, por ende nuk ka asgjë zyrtare. Presidenti Gjici është shprehur se e ka arritur marrëveshjen me Luftëtarin, por duhet bindur vetë sulmuesi.

“SportEkspres.com” ka raportuar më parë se vlonjati ka kërkuar që të marrë pagat e prapambetura nga gjirokastritët, si dhe Kukësi t’i japë paradhënie pagat deri në fund të këtij sezoni. Nga ana tjetër edhe Partizani mbetet në garë. Duhet një qendërsulmues, pasi deri më tani është përshtatur shpesh Jurgen Bardhi në atë pozicion.

Por Kukësi e Partizani duan të përforcohen edhe në mbrojtje. Një mbrojtës i djathtë është i domosdoshëm për të kuqtë. Labinot Ibrahim “laj thaj” është alternativa e vetme e Gegës. Po ashtu edhe Kukësi ka në dispozicion vetëm Edis Malikin. Zgjidhja ka një emërues të përbashkët: Hektor Idrizaj.

Ramadan Ndreu e njeh mirë vlonjatin, pasi vjet e mori në ekip te Kamza dhe tashmë dëshiron ta ketë te Kukësi, ku është edhe drejtor menaxherial. Koha në dispozicion për të dyja klubet nuk është në favor, ndaj edhe do të duhet të veprohet shpejt. Më 4 janar nisin fazën në Turqi.

Por klubi periferik i kryeqytetit nuk heq dorë fort kollaj nga shërbimet e Idrizajt. Ai është nën kontratë deri në fund të sezonit dhe është presidenti Naim Qarri ai që vendos. Pa një marrëveshje mes klubeve nuk mund të ketë ndryshim skuadre për mbrojtësin e djathtë.

Supersport raporton se Qarri ua ka bërë të qartë drejtuesve të Partizanit, se për të marrë Idrizajn duhet të japin në këmbim 3-4 lojtarë. Nuk flitet për emra, por marrëveshja mund të mbyllet edhe me ndonjë shumë parash. Deri më tani nuk ka akord dhe duhet pritur se çfarë zhvillimesh do të ketë në vijim.

“Në këto momente ka rëndësi të jemi efektiv në çdo pozicion. Unë ndihem më mirë në të djathtë, por kemi pasur shumë probleme nga krahët. Patëm spostime rolesh”, u shpreh Idrizaj fillimisht. Më pas ai analizoi edhe triumfin e arritur.

“Ishte një fitore shumë e luftuar. Ishte një fitore si oksigjen për ne, ndaj një rivali direkt. Vetë situata ka qenë e keqe. Na është rritur përqendrimi. E analizojmë me detaje kundërshtarin  dhe kjo do përqendrim gjatë gjithë javës. Seancat stërvitore i përgatisnim nga kundërshtari i radhës”.

POZICIONI – “Jam më mirë si mbrojtës i djathtë dhe jap më shumë për ekipin, por kemi shumë dëmtime dhe do të adaptohemi aty ku na detyrojnë dëmtimet që të luajmë”.

OBJEKTIVI – “Është ruajtur 70% e grupit dhe kjo është shumë e mirë. Grupi ka kualitet, edhe pse rezultatet nuk e thonë këtë. Gara është shumë e fortë, por kemi besim se mund të ecim para”.

“Fillimi i mbarë gjysma e punës. Jemi të kënaqur me rezultatin, pasi e vlerësuam ndeshjen dhe e nisëm mirë. Ishte një ndeshje shumë e luftuar dhe Tirana tregoi kualitetin e tij, por ndeshjen e vendosin edhe episodet. Në fillim të kampionatit është e rëndësishme që të kapësh ritmin dhe ne kishim pak mungesë besimi në mbajtjen e topit dhe qarkullimin e tij, por e kompensuam me grintën dhe shpirtin luftarak që treguam në fushë”, deklaron Idrizaj në “Supersport”.

Ndeshja e radhës luhet në shtëpi, por Kamza nuk do të ketë mbështetjen e publikut. Idrizaj flet për rivalin: “Partizani ka vlerat dhe specifikat e veta. Është një skuadër me cilësi, por ne jemi duke punuar dhe jemi gati të japim maksimumin. Besoj se di të jetë një ndeshje për t’u shijuar, ku të dy skuadrat do të japin më të mirën dhe do të fitojë ajo që do ta meritojë”.

Idrizaj nuk flet për objektiva. Sezoni i fundit duket se ka shërbyer si mësim. Shumëkush mendoi se Kamza do kapte kupat  e Europës, por më pas mbijetesa u sigurua vetëm në javën e fundit të kampionatit.

Ai tregon edhe liderin e Kamzës:  “Sebinos i kërkova mbas ndeshjes, që të na tregojë sekretin e formës së mirë. E nisi aty ku e la, duke shënuar gol për Kamzën. Gjatë këtyre dy muajve jemi stërvitur duke menduar se Sebino është pjesë e skuadrës tonë. Ai e njeh fizionominë e skuadrës, ndaj jo më kot është kapiteni dhe njeriu i momentit te Kamza”.