Hector Bellerin

Gnabri më i miri i vitit? Belerin lëshon perlën

Sport Ekspres — Sat, 22 Jun 2019 14:28:40 +0000

Serxh Gnabri është lojtari më i mirë i vitit për Bajernin e Mynihut. Gjermani ka bërë një vit mjaft cilësor, duke e ndihmuar ekipin gjerman të fitojë dopietën. Të shumtë kanë qenë shokët dhe miqtë, që e kanë uruar 23-vjeçarin për këtë çmim. Padyshim nuk kishte sesi të mungonte urimi nga një njohje e vjetër si Hektor Belerin.
Spanjolli dhe Gnabri njihen që në kohën kur të dy stërviteshin së bashku te Arsenali. Topçinjtë janë klubi, që i ka dhënë dorën e parë për të debutuar në futbollin profesionist të dyve. Arsenal në kohën kur Gnabri ishte pjesë e ekipit, kishte forcë të madhe në sulm dhe iu desh ta huazonte tek Uest Bromuiç.

Klubi modest e ktheu talentin vetëm pas gjashtë muajsh me argumentin se nuk ka potencial për të luajtur për ta. Arsenal më pas vendosi ta shesë te Verder Bremen për 5 milionë euro. E vetmja skuadër, që besoi në atësitë e tij ishte Bajerni. Bavarezët ia morën Verderit në këmbim të nëntë milionë eurove dhe pjesa tjetër është histori.

Në urimin e tij, Belerin kujton kohën kur Gnabri nuk u pranua te Uest Bromuiç. 24-vjeçari ironizon me klubin anglez dhe shprehet se gjithmonë e ka ditur se shoku i tij ishte më i miri. “Përkundër kësaj, nuk je mjaftueshëm i mirë për të luajtur me Uest Bromuiç. Urime vëlla gjithmonë e kam ditur se je më i miri”, shkruan Bellerin në “Twitter”.

Not good enough to play for West Brom though?? Congrats my bro I always knew you were the best ?@SergeGnabry https://t.co/dTYrcPjRay

— Héctor Bellerín (@HectorBellerin) June 22, 2019

Analizat e konfirmojnë, Belerin merr lajmin më të keq

Sport Ekspres — Mon, 21 Jan 2019 22:38:53 +0000

Fitorja 2 – 0 ndaj Çelsit, nuk e festua si ç’ndodh zakonisht pas një triumfi në derbin e Londrës. Dëmtimi i spanjollit Hektor Belerin, mbajti në ankth të gjithë stafin e “topçinjve”, dhe sot kanë dalë rezultatet përfundimtare të analizave.

Belerin e ka humbur përfundimisht sezonin, pasi ka pësuar një këputja të ligamentit të kryqëzuar të gjurit, një dëmtim ky ndër më të rëndit në sport, pasi periudha e riaftësimit varion nga 6 muaj në një vit.

Në mungesë të Belerin, trajneri i Arsenalit Unai Emeri do i duhet t’ia besojë atë pozicion, zviceranit Stefan Lishtajner, ndërsa një opsion tjetër është dhe i riu Einsli Majntlan-Najls.

Arsenali i mallkuar, tjetër titullar humbet sezonin

Sport Ekspres — Sun, 20 Jan 2019 16:26:28 +0000

Arsenali mori pasditen e djeshme një triumf mjaft të rëndësishëm, teksa mundi me shifrat e pastra 2-0 Çelsin, duke e hapur plotësisht garën për zonën Champions. Golat u shënuan nga Lakazet e Kosielni, por gëzimi i fitores u shua disi, pas dëmtimit të rëndë të Hektor Belerin.

Mbrojtësi mori një dëmtim të rëndë në minutën e 72-të, ku dhe la fushën me barrelë. Ditën e sotme janë kryer analizat dhe përgjigja ishte ajo çfarë Arsenali kishte frikë. Belerin ka humbur sezonin dhe Unai Emeri duhet të bëjë pa shërbimet e anësorit të djathtë.Kështu, mallkimi i dëmtimeve vijon për “topçinjtë” e Londrës, ku mjafton të kujtojmë që, 23-vjeçari është lojtari i tretë që humbet sezonin, pas Rob Holding dhe Dani Uellbek. Gjithashtu, frikë ka dhe për Henrik Mkitarjan, i cili po ashtu rrezikon të mos të kthehet më për këtë sezon, teksa analizat e fundit kanë trembur jo pak.