haxhi

Ianis Haxhi zgjedh Belgjikën, i ati përfiton 10 milionë euro

Sport Ekspres — Fri, 12 Jul 2019 14:10:52 +0000

E ardhmja e talentit Ianis Haxhi do të jetë në Belgjikë. Djali i legjendës rumune Giorge Haxhi do të firmosë një kontratë për 4 vite e gjysmë me Genk, skuadër kjo që këtë vit fitoi titullin kampion në Belgjikë.

Transferimi kap shifrën e 10 milionë eurove, çka e bën 20-vjeçarin lojtarin më të shtrenjtë në historinë e kampionatit belg. Paga vjetore e mesfushorit me tipare sulmuese është diku te 800 mijë euro sipas medies rumune “telekom”.

Interesi për Haxhin u shtua shumë pas paraqitjeve të mira në Europianin e 21-vjeçarëve. Spanjollët e Sevijës kishin arritur një akord paraprak, por marrëveshja nuk u respektua pasi oferta e klubit belg ishte më e lartë.

Giorge Haxhi me të birin

10 milionë eurot do t’i shkojnë Vitorul Konstantias, klub që është në pronësi të babait të tij, që është njëkohësisht trajneri dhe drejtori ekzekutiv i skuadrës, pra paratë do mbeten brenda familjes Haxhi.

VIDEO | Sevija hap merkaton, blen të birin e legjendës rumune

Sport Ekspres — Wed, 17 Apr 2019 14:40:18 +0000

Klubi i Sevijës ka arritur marrëveshjen për transferimin e talentit rumun Ianis Haxhi nga klubi i Vitorul Konstantës. Mesfushori me tipare sulmuese është i biri i legjendës së futbollit rumun, Ianis Haxhi, i cili është njëkohësisht trajneri dhe pronari i Vitorulit.

Sipas “Telekom Sport”, klubi andaluzian ka rënë dakord të paguajë 3.5 milionë euro për kartonin e 20-vjeçarit, i cili këtë sezon ka shënuar 10 gola në kampionatin rumun, ndërsa Vitoruli do të mbajë 20% të vlerës së kartonit në rast të shitjes së ardhme të lojtarit.

“Bëmë baba të ngjaj”, Ajaksi kërkon djalin e legjendës rumune

Sport Ekspres — Sun, 14 Apr 2019 19:40:03 +0000

Ajaksi i Amsterdamit është vënë në ndjekje të talentit rumun Iani Haxhi. Nuk bëhet fjalë për një futbollist dosido, pasi 20-vjeçari është i biri i legjendës së futbollit Rumun, Xhorxh Haxhi.

Pas një eksperiencë të dështuar te Fiorentina në Itali, Ianis u rikthyer te Vitorul, ekip në pronësi dhe menaxhim nga babai i tij. Mesfushori me tipare sulmuese ka shkëlqyer këtë sezon duke gjetur 10 herë rrugën e rrjetës e duke regjistruar 6 asiste deri më tani.

Sipas medies rumune “Prosport”, klubi holandez kishte dërguar disa skautë për ta parë të riun rumun në ndeshjen e djeshme, ku Vitoruli fitoi 2 – 1 ndaj Kraiovës. Ianis Haxhi bëri një ndër ndeshjet më të mira duke shënuar dhe një gol fantastik nga një largësi e konsiderueshme.

Stop EVERYTHING you are doing. Watch this AMAZING goal scored by Ianis Hagi. His father's and Rivaldo's reaction are worth seeing as well. AMAZING goal!!! pic.twitter.com/KfD5olh5DZ

— Emanuel Ro?u (@Emishor) April 13, 2019