Argjentinasi zbulon disa detaje nga fëmijëria e tij dhe sakrificat e mëdha. Prindërit bënin të pamundurën që Havieri i vogël të studionte dhe luante futboll. E para ishte detyrim, ndërsa e dyta ishte ëndrra dhe pasioni i madh.

Një ditë tentoi të kalonte një provë tek Independiente, por skuadra e zemrës e cilësoi si shumë të brishtë dhe e refuzoi. Mërzia e madhe iu hoq nga babai i tij, i cili zgjodhi fjalët e duhura për ta motivuar.

DREJTUES APO TRAJNER – “Kam kaluar 23 vite në fushat e blerta dhe më pas zgjodha rolin e drejtuesit në vend të trajnerit. Bëra këtë zgjedhje, sepse doja të zbuloja se si funksiononte një klub dhe të vija aftësitë e mia në dobi të Interit. Po zbuloj shumë gjëra dhe kam mundësinë të jap kontributin tim e transmetoj kompetencat e mia”.

FËMIJËRIA – “Mezi prisja të mbaroja detyrat për të luajtur futboll me miqtë e mi. Një ditë bëra një provë tek Independiente, klub historik në Argjentinë dhe skuadra që bëja tifozllëk, por më refuzuan sepse isha i brishtë. Vendosa të punoja me babanë tim dhe ishte diçka fantastike. Zgjohesha në orën 5:30 të mëngjesit dhe nisesha për punë. Ishte e vështirë dhe tepër e lodhshme, sepse isha i vogël. Megjithatë, më ka ndihmuar për shumë gjëra”.

“Edhe mamaja bënte shumë sakrifica. Bënte të pamundurën që të mos mungonte gjë dhe unë të studioja dhe luaja futboll. Babai e dinte ëndrrën time të madhe për t’u bërë futbollist. Pas provës zhgënjyese me Independienten më tha: ‘Provo përsëri dhe do t’ia dalësh’. Ishin fjalët që më motivuan për të mos u dorëzuar”.

Ndryshova punë dhe fillova të punoj me qumësht. Tashmë zgjohesha në orën 4 të mëngjesit, punoja deri në orën 7:30 dhe më pas nisesha për shkollë. Unë kam qenë gjithmonë i mirë me mësime. Prindërit ma përsërisnin gjithmonë: ‘Ok futbolli, por duhet të studiosh në fillim.'”

Objektivi Champions u arrit vjet, por kërkohet edhe më shumë. “Për ne është e rëndësishme të kemi vazhdimësi në këtë kompeticion, të jemi gjithmonë në Champions. Përtej rezultateve të mira, duhet të jemi një klub i qëndrueshëm dhe të rritemi në të gjitha fushat”, thotë Zaneti, i cili analizon më pas ndeshjen me Barcelonën.

“Pres një lojë shumë të komplikuar. Barcelona ka cilësi në të gjitha repartet, por edhe Interi i ka kushtet për të triumfuar. Të dyja skuadrat vijnë në këtë përballje pas një periudhe të mirë. Mendoj se do të shohim një Barça të zakonshme, që do të sulmojë e të kontrollojë topin, si gjithmonë. Katalanasit kurrë nuk do ta ndryshojnë filozofinë e lojës së tyre, por ne do të jemi në gjendje t’u kundërvihemi”, shprehet Zaneti.

Sigurisht që ish-kapiteni do të donte që Mesi të luajë sa më pak kundër Interit: “Është një kënaqësi për ta parë Mesin, por shpresoj që ai të qëndrojë më shumë në stol. Duke e ditur se ka një dëshirë të çmendur për të luajtur, duhet t’i marrim masat për të në fushë”.

IKARDI TE REALI  -“Ai është kapiteni ynë dhe pika jonë e referimit. Gjithashtu është shumë i lumtur tek Interi. Nuk jemi në dijeni të asnjë interesi nga Madridi. Jemi të vetëdijshëm se Interi është një klub i shëndetshëm financiarisht, sa për të mos shitur yjet që kemi”.

SOLARI DHE KONTE– “E njoh Santiagon shumë mirë. E di se çfarë do të thotë Real Madridi për të dhe kjo mundësi që i është paraqitur. Ai ka vlera të mrekullueshme si njeri, është një djalë shumë inteligjent dhe shumë i respektueshëm. Po formohet si trajner dhe ky hap do të jetë i rëndësishëm për të. Njohja e mirë e atmosferës së Real Madridit është zgjidhja më e mirë për të dalë nga kjo situatë. Është shumë i përgatitur për të. A përshtatet Konte me Realin? Për shkak të stilit të tij, personalitetit dhe përvojës së madhe, nuk më habit fakti nëse Real Madridi i beson atij për pankinën”.

TRANSFERIMI I KRISTIANOS – “Ardhja e Ronaldos e ka bërë më tërheqës kampionatin italian, ka rritur shumë edhe konkurrencën. Tani kërkohet më shumë cilësi për kundërshtarët, që ta përballojnë një lojtar si ai. Futbollit italian i bën shumë mirë prania e një sulmuesi si CR7”.

ARGJENTINA DHE MESI– “Argjentina merr lojtarë të mirë vazhdimisht, por për t’i bërë gjërat të shkojnë në drejtimin e duhur, ka ende shumë për të punuar. Presioni që ka pësuar brezi i fundit i futbollistëve argjentinas ka qenë i lidhur me tri finalet e humbura. Ne jemi një vend i suksesshëm në futboll, por nuk mund ta matësh një grup lojtarësh vetëm për këtë. Mesi? Leo është aq i madh, saqë duhet ta gëzojmë shumë më tepër. Ne argjentinasit nuk e kuptojmë çfarë përfaqëson Mesi për të gjithë botën”.

46-vjeçari e nis prononcimin e tij për “DAZN”, pikërisht nga gjiganti suedez. “Zllatan është një kampion, edhe pse ka një karakter të vështirë. Egoja e tij është më e madhe se Kulla Eifel. Ai është i mirë, një djalë me zemër të mirë, ka cilësi të mëdha dhe është fitues. Pa dyshim që është një mik shumë i mirë.”

Fituesi i Topit të Artë në vitin 2000 komenton dhe për Roberto Mançinin, të cilin e kishte trajner te Interi. Trajneri momental i kombëtares italiane e ka turpëruar disa herë, por portugezi nuk mban mëri dhe i uron më të mirën. “Ai është një nga njerëzit që më ka turpëruar më shumë në karrierën time. Por, i dërgoj urimet më të mira, në këtë moment mban një pozicion të rëndësishëm në futbollin italian dhe shpresoj që kombëtarja të fitojë vendin që i takon.”

Në fund Masimo Morati dhe Havier Zaneti. Respekt dhe dashuri për të dy. “Morati ka qenë një nga personat më të rëndësishëm të botës së futbollit në karrierën time, në aspektin sportiv, por dhe atë personal. Unë e quaj baba dhe ka qenë shumë i rëndësishëm në katër vitet e mia me Interin. Zaneti? Një mik, një kapiten dhe profesionist i madh. Ka qenë e mrekullueshme të luaja me të”, përfundon një nga anësorët më të mirë të krahut të dekadës së kaluar në futbollin botëror.

Ekipi po humbiste përballë Dinamos së Kievit në Ukrainë dhe ishte pothuajse i eliminuar. Shevçenko kishte kaluar vendasit në avantazh, por Milito dhe Shnajder shënonin në minutat e 86-të dhe 89-të për t’i dhuruar djemve të Murinjos një fitore epike. Historia më pas dihet dhe Inter triumfoi përballë Bajernit të Mynihut në finale duke rikthyer kupën me veshë të mëdhenj në klub pas 40 vitesh.

“Champions është një kompeticion i jashtëzakonshëm. Përballesh me skuadrat më të forta të Europës, ke gjithë ‘San Siron’ mbas vetes, që të mbështet. Ky është dimensioni natyral i një klubi si Interi. Më kujtohet ndeshja e parë në Champions. Luanim në Pisa dhe përballeshim me letonezët e Skonto Rigës.”

“Fitimi i Champions në 2010? Kievi ishte momenti kyq, kur menduam që mund ta fitonim këtë kompeticion. Ishim pothuajse të eliminuar, por ia dolëm në sekondën e fundit”, përfundon Havier Zaneti për “Matchday Programme”.

Nuk mungojnë dhe urimet nga dy ish-kapitenët e mëdhenj të Juventusit dhe Interit. Aleks Del Piero dhe Havier Zaneti, dy kundërshtarët e qindra betejave, kanë komentuar rikthimin e Maldinit në klubin e jetës së tij.

“Paolo Maldini është një flamur dhe simbol i Milanit dhe futbollit italian. Jam i lumtur që e rigjej në shtëpinë e tij: fat të mbarë, Paolo”, shkruan Aleks Del Piero, ish-kapiteni i Juventusit, në faqen e tij zyrtare në “Facebook”.

Nuk mungon as urimi i argjentinasit, Havier Zaneti. Ish-kapiteni i Interit, aktualisht në postin e zëvendës-presidentit të pjesës zikaltër të Milanos, ka shkruar një letër ku shpreh lumturinë e tij për rikthimin e Maldinit.

“Jam shumë i lumtur për Paolon, sepse është një person i shkëlqyer dhe një profesionist i madh. Një si ai do të bëjë mirë në futbollin botëror në përgjithësi. Kam shumë respekt për Paolon. Jemi ndeshur shumë herë si kundërshtarë dhe tani takohemi në role të tjera. Mbetet i njëjti vlerësim, respekt dhe konsideratë për të. Do të jem i lumtur ta përqafoj në derbin e ardhshëm, siç kemi bërë shumë herë në fushën e blertë. I uroj një fat të madh në aventurën e re.”