Hatem Ben Arfa

Nisin bisedimet, Ben Arfa drejt Serie A?

Sport Ekspres — Sat, 03 Aug 2019 19:06:44 +0000

Kontrata me Renes përfundoi në fund të sezonit të kaluar dhe Ben Arfa është një lojtar i lirë. Fantazisti francezo-tunizian është në pritje të ofertave dhe një e tillë i ka ardhur nga Serie A.

Sampdoria e pëlqen shumë 32-vjeçarin dhe ka nisur negociatat me agjentët e tij sipas “Secolo XIX”. Ben Arfa tundohet nga ideja për të provuar emocionet e kampionatit italian.

Problem mbeten kërkesat e tij të larta financiare, por klubi dorian beson fort se akordi final do të arrihet. Në fund të fundit duhet të sakrifikosh pak për të patur në ekip një lojtar me kualitetin e Ben Arfa, një talent i jashtëzakonshëm që mund dhe duhet të kishte arritur shumë më shumë në karrierën e tij.

Ben Arfa: Vetëm një ekip na kujton që futbolli nuk ka vdekur…

Sport Ekspres — Tue, 02 Apr 2019 20:13:50 +0000

Hatem Ben Arfa është padyshim një ndër lojtarët që do të kujtohet gjatë për talentin që ka pasur në këmbë dhe që nuk ka ditur ta menaxhojë si duhet, kjo për shkak të shumë faktoreve, ku kryesor ka qenë karakteri i tij.

Tashmë, në moshën 32-vjeçare, ai luan për Renën. Në një intervistë të bërë së fundmi, Ben Arfa bëri bujë me deklaratën e tij, për sa i përket futbollit të sotëm. Francezi deklaroi se vetëm Barcelona na kujton që futbolli nuk ka vdekur dhe se kënaqësia për të luajtur futboll është zhdukur.
“Mënyra se si ata luajnë është për t’u admiruar. Futbollit, kontrolli, ata bëjnë qejf dhe ky është futbolli. Tani ka shumë lojë mbrojtëse. Shumë taktika, por nuk është kjo baza. Fatmirësisht, Barcelona na kujton që futbolli nuk ka vdekur. Ditët e sotme shikon Kupën e Botës dhe sheh që kënaqësia për të luajtur futboll është zhdukur.”

VIDEO | Ben Arfa magjeps Francën, paraqitje mahnitëse e fantazistit

Sport Ekspres — Fri, 21 Dec 2018 09:27:11 +0000

Futbollisti francez Hatem Ben Arfa do të mbahet mend gjatë si një ndër futbollistët më të talentuar të kohëve të fundit. Fatkeqsisht, jashtë fushës së futbollit mëngjarashi ishte një njeri shumë problematik. Zënka të shumta me thuajse çdo trajner dhe thyerje disipline në çdo klub ku ka shkelur.

Tri vite më parë pati një “ringjallje” me Nisën. PSG i besoi, por më kot. Sërish probleme me stafin drejtues, çka solli një pezullim që zgjati për më shumë se një vit.

Pavarësisht këtyre “huqeve”, Ben Arfa e pati të lehtë të gjente një klub tjetër. Rene i besoi dhe deri më tani ka rezultuar një vendim i shkëlqyer. Futbollisti 31-vjeçar ka qenë ndër lojtarët më të dalluar te skuadra franceze dhe ditën e djeshme, paraqitja e tij në fitoren 2 – 1 kundër Nantes ka qenë objekt bisedash në të gjitha emisionet sportive në Francë. Mjafton të shikoni pamjet filmike për të kuptuar se çfar klasi ka ky lojtar.

Ben Arfa tout simplement ? pic.twitter.com/YCTJGUz9Rq

— ???? (@Abblm) December 20, 2018