Harry Maguire

Zyrtarizimi i Junajtid, rekordmeni zbarkon në Old Trafford

Sport Ekspres — Mon, 05 Aug 2019 12:05:41 +0000

Akordi ishte arritur para pak ditësh dhe para pak minutash ka ardhur edhe zyrtarizimi i këtij transferimi. Mançester Junajtid ka vendosur një rekord dhe ka përforcuar mbrojtjen e ekipit të Solskjaer.

“Djajtë e kuq” paguan rreth 93 milionë euro tek arkat e Leister Sitit për kartonin e “gjigantit” të repartit defensiv, i cili numëron 20 ndeshje të zhvilluara me kombëtaren angleze.

Meguajër bëhet në këtë mënyrë mbrojtësi më i shtrenjtë në historinë e futbollin, duke rrëzuar nga froni Virxhi Van Dijk të Liverpulit, i cili u ble nga Sauthemptoni për shumën e 85 milionë eurove.

We have an important announcement to make…

Welcome, @HarryMaguire93 ? #MUFC

— Manchester United (@ManUtd) August 5, 2019

? New player, same #MUFC DNA ?

Our first interview with @HarryMaguire93 is not to be missed ?

— Manchester United (@ManUtd) August 5, 2019

Rekord historik, Junajtid përforcon mbrojtjen me një “gjigant”

Sport Ekspres — Fri, 02 Aug 2019 15:11:01 +0000

Mançester Junajtid ka arritur më në fund akordin me Leister Sitin për shërbimet e Herri Meguajër. “Gjiganti” i mbrojtjes do të transferohet në Old Trafford, ndërsa Leister Siti do të përfitojë 85 milionë sterlina (93 milionë euro). Asnjë mbrojtës nuk kishte kushtuar kaq shumë më parë…

Marrëveshja mes palëve është arritur dhe diçka e tillë është bërë publike nga “The Telegraph”. 26-vjeçari, i cili është edhe titullar i kombëtares angleze, do të kryejë nesër vizitat mjekësore dhe më pas do të firmosë kontratën e re me “Djajtë e kuq”.

Një përforcim me vlera për trajnerin Solskjaer, i cili insistonte prej kohësh për Meguajër. Kjo është blerja e tretë e Junajtid pas Aron Van-Bisaka dhe Daniel Xhejms.

Me 80 milionë euro në total, Meguajër bëhet mbrojtësi më i shtrenjtë në histori, duke ia kaluar edhe Virxhil Van Dijk, për të cilin Liverpuli pagoi 84.5 milionë euro më pak në verën e vitit 2017 te Sauthemptoni.

Leister nuk “lëshon pe”, Meguajër shitet për shumën rekord

Sport Ekspres — Sun, 21 Jul 2019 20:27:10 +0000

Mançester Junajtid u mundua për javë të tëra për të negociuar transferimin e qendërmbrojtësit të Lestër Siti, Herri Meguajër. Negociatat filluan me një ofertë prej 60 milionë eurosh, por drejtuesit e Lestër nuk “lëshuan pe”, duke mos ulur për asnjë moment kërkesën prej 90 milionë eurosh (80 milionë paundë).

Sipas sajtit të njohur “Bleacher Report” ditën e sotme, Junajtid është dorëzuar duke pranuar plotësisht kushtet e vendosura nga Lestër Siti. Transferimi i Junajtid e çon 145 milionë shifrën e shpenzuar nga “djajtë e kuq” deri më tani.

United finally agreeing terms on the £80m Maguire deal.
Mad amount of money to spend on him and Wan-Bissaka this summer but also very necessary

— Dean Jones (@DeanJonesSoccer) July 21, 2019

Klubi i drejtuar nga Ole Gunar Solskjaer ka zyrtarizuan disa javë më parë blerjet e Eron Uan-Bisaka (50 milionë paundë) dhe Daniel Xhejms (15 milionë paundë).

Roxhers kërcënon blerësit: Meguajër ikën me kushtet tona

Sport Ekspres — Thu, 18 Jul 2019 13:25:41 +0000

Mançester Junajtid po kërkon me çdo kusht të transferojë mbrojtësin e Lestër Siti, Herri Meguajër. Futbollisti anglez ka një çmim prej 80 milionë paundësh, por drejtuesit e “djajve të kuq” po hezitojnë të shpenzojnë këtë shumë kolosale.

Në negociata ka ndërhyrë dhe trajneri i Lestërit, Brendën Roxhers, i cili i ka dhënë një mesazh të qartë Junajtid: Meguajër ikën vetëm me kushtet tona!

“E kuptojmë situatën e Meguajër. Nëse ai do të largohet kemi në mendje disa lojtarë që mund ta zëvendësojnë. Megjithatë, klubi ndodhet në një gjendje financiare të mirë dhe nuk kemi asnjë arsye që të na shtyjë të shesim lojtarët më të mirë të skuadrës. Nëse kërkesat e drejtuesve nuk plotësohen, të jeni të bindur se asnjë transferim nuk do të kryhet”.

Rekord historik, Junajtid përforcon mbrojtjen me një “gjigant”

Sport Ekspres — Sun, 14 Jul 2019 13:39:25 +0000

Mançester Junajtid ka arritur të fitojë derbin me Sitin për shërbimet e Herri Meguajër. “Gjiganti” i mbrojtjes do të transferohet te Junajtid, ndërsa Leister Siti do të përfitojë rreth 80 milionë sterlina (89 milionë euro), 60 milionë në dorë dhe 20 në formë bonusesh.

Marrëveshja mes palëve është arritur dhe diçka e tillë është bërë publike nga “The Sun”. 26-vjeçari, i cili është edhe titullar i kombëtares angleze, do të kryejë nesër vizitat mjekësore dhe më pas do të firmosë kontratën e re me “Djajtë e kuq”.

Një përforcim me vlera për trajnerin Solskjaer, i cili insistonte prej kohësh për Meguajër. Kjo është blerja e tretë e Junajtid pas Aron Van-Bisaka dhe Daniel Xhejms.

Me 80 milionë euro në total, Meguajër bëhet mbrojtësi më i shtrenjtë në histori, duke ia kaluar edhe Virxhil Van Dijk, për të cilin Liverpuli pagoi 14 milionë euro më pak në verën e vitit 2017 te Sauthemptoni.

Harry Maguire to #MUFC agreed. £60m plus £20m in add-ons. Personal terms to be ironed out, medical tomorrow [@TheSunFootball]

— Tom McDermott (@MrTomMcDermott) July 14, 2019

Guardiola gjen pasardhësin e Kompani, fitohet derbi me Junajtid

Sport Ekspres — Fri, 21 Jun 2019 15:08:53 +0000

Pep Guardiola po kërkon për një zëvendësues të Vinsent Kompani. Belgu u largua drejt Anderlehtit, aty ku do të mbajë rolin e trajnerit dhe lojtarit.

Dëshira e madhe e trajnerit spanjoll është Herri Meguajër dhe drejtuesit e Sitit janë gati t’i plotësojnë dëshirën. Aq më tepër që në garë për mbrojtësin e Lester Sitit dhe kombëtares angleze është edhe Mançester Junajtid.

Rivaliteti ka marrë emocionet e derbit, por Siti është në avantazh. Kështu mendojnë mediat angleze, që e shohin 26-vjeçarin në “Etihad Stadium” sezonin e ardhshëm.

Mançester Siti pritet të paguajë 73 milionë sterlina për gjigantin e mbrojtjes. Akordi është shumë afër dhe zyrtarizimi mund të vijë javën e ardhshme. Jo në zonën e “djajve” të Mançesterit, por në atë të “qytetarëve”.

Gjendet pasardhësi i Kompani, Siti pranë akordit me “fiksimin” e Murinjos

Sport Ekspres — Mon, 20 May 2019 12:38:14 +0000

Mançester Siti është në kërkim të një qendërmbrojtësi. Largimi i Vinset Kompani, i cili firmosi për tre vite me Anderlehtin si trajner-lojtar, ka lënë një boshllëk për t’u mbushur në prapavijë.

Pep Guardiola e ka një preferencë. Sipas raportimeve të “Daily Mail”, Siti synon të arrijë akordin me Herri Meguajer. Spanjolli u bind përfundimisht për kualitetin e mbrojtësit të kombëtares angleze në fitoren e vështirë 1-0 kundër Leister Sitit në shtëpi.

Meguajer ishte fiksimi i Zhoze Murinjos në verën e kaluar, por “Dhelprat” nuk hoqën dorë nga kërkesa e tyre prej 75 milionë sterlinash. Portugezi tentoi deri në fund për ta transferuar “gjigantin” në Old Trafford, por drejtuesit nuk vepruan.

26-vjeçari mund të transferohet këtë verë në Mançester, por kësaj radhë në kampin e “Qytetarëve”, ndërsa Siti duhet të përgatisë 75 milionë sterlina për kartonin e tij.