“E dinim që në fillim se Hapoel Ber Sheva ishte ekipi favorit. Nuk patëm fat në short, ishte kundërshtari më i vështirë i mundshëm. Megjithatë, është kënaqësi që të luash ndaj një klubi të tillë, që ka pasur rezultate të mira dhe në arenën europiane, si disa vite më parë kur mundën Interin në grupet e “Europa League”.

“Mendoj se zhvilluam një ndeshje të mirë në Laç. Shënuam të parët, por në fund pavarësisht se bëmë një lojë të mirë, rezultati nuk ishte ai që donim. Temperaturat e larta në Izrael janë një problem i shtuar për skuadrën time. Edhe në Shqipëri kemi mot të nxehtë, por këtu është më ndryshe. Shpresoj që të nesërmen temperaturat të jenë pak më të ulëta se ditën e sotme”.

“Po përjetoja një emocion i papërshkueshëm, por nuk ishte e thënë ta bëjë atë mrekulli. Ndodhesha i vetëm në atë moment dhe pashë që portieri kishte dalë pak nga porta. E provova, por një prekje e lehtë e portierit çoi topin në traversë. Pas ndeshjes më kanë bërë komplimente familjarët dhe drejtuesit. Po ta kisha shënuar atë gol jam i bindur se do të kishim fituar atë ndeshje. Gjithashtu do të ishte dhe një vlerë e shtuar për mua si futbollist”.

“Bëmë një ndeshje të mirë këtu. Atje do ta kemi shumë të vështirë, por mendoj se mund t’ia dalim”, përfundoi Xhixha.

“Është një kundërshtar që shquhet për diferencën që ka për ndeshjet brenda dhe jashtë në kampionatin izrealit. Skuadra duhet të jetë shumë e kujdesshme. Kundërshtari përdor zakonisht një taktikë që ku tregohet shumë agresiv që në fillim të ndeshjes”.

“Formacionin nuk e kam lënë surprizë, nuk e kemi mbajtur sekret. Djemtë e dinë kush do luajë dhe po punojmë për të përmirësuar çdo defekt. Në këto lloj ndeshjesh vendos edhe pak fati, diçka që nuk e kishim në takimin e parë ”, tha Starova.

“Ndihem mirë. Jam transferuar nga Drita te një klub i mirë si Laçi. Kemi në skuadër lojtarë të mirë dhe në një moshë të re, plot energji. Gjëja më e rëndësishme është që morëm një rezultat 1–1. Jam ndjerë shumë mirë në fushë”.

“Natyrisht që nga fundi i lojës pësova lodhje. Nuk kishim kundër një ekip modest. Hapoel Ber Sheva është një ekip i madh kjo dihet nga të gjithë. Na u desh të vraponim shumë, si dhe të luftonim shumë në ajër. Rëndësi ka që shënova dhe dhashë 120%, kaq mund të bëja. Kjo është gjithçka që mund të bëj. Duhet të shohim përpara dhe të mendojmë për ndeshjen e kthimit”.

“A është ky goli më i shpejtë i karrierës suaj? Po patjetër. Shënova që në minutën e tretë. Nuk di çfarë të them për këtë, por është një ndjesi e mirë”, përfundoi Nuabueze.

A jeni i kënaqur me lojën dhe rezultatin?
-Pak a shumë. Jam i gëzuar që arritëm të shënonim golin, pasi e meritonim me gjithë ato raste që krijuam. Kishim përballë një skuadër shumë të fortë, sidomos në kundërsulm dhe goditje standarde. Ata na shënuan që në fillim të lojës, kjo na e bëri shumë të vështirë, por është një rezultat i mirë. Tani duhet mbyllim llogaritë në ndeshjen në shtëpi. Nuk e prisja të pësonim gol pas vetëm dy minutash, por ky është futbolli, mund të shënosh e të pësosh. E dimë që kishim përballë një skuadër shumë agresive.

A ka Laçi lojtarë interesant për skuadrën tuaj?
-Unë kam një skuadër me shumë lojtarë cilësorë. Megjithatë, sigurisht që ata kanë një skuadër shumë të mirë, sidomos sulmuesi, Xhixha më duket se quhet. Gjithashtu lojtari me numrin 9 (Nuabueze) ishte shumë i rrezikshëm, ose numri 7 (Berisha) që u fut si zëvendësues. Talente shumë të mirë, besoj se në të ardhmen mund të jenë pjesë e një klubi të madh.

Sa të favorizuar ndiheni për ndeshjen e kthimit?
Tani rezultati është në favorin tonë. Laçit i duhet të shënojë, por kur ne luajmë në shtëpi synojmë të fitojmë çdo ndeshje.

VLADIMIR PRENGA

Kurbinasit e fillojnë takimin në mënyrë perfekte. Një harkim nga e majta gjen Nuabuezen, i cili godet saktë me kokë dhe çon shifrat në 1 – 0. Më pas izraelitët marrin kontrollin e lojës duke rrezikuar disa herë portën e Laçit. Xhixha i afrohet golit të dytë me një goditje nga mesi i fushës, por traversa i mohon një gol fantastik.

Në të dytën Hapoel Ber Sheva fillon e bëhet akoma më kërkuese. Tentativat e vazhdueshme të skuadrës mike konkretizohen në gol në minutën në minutën e 78-të, kur një goditje e Levit përfundon në trekëndëshin e portës së mbrojtur nga Selmani.

E enjte, 11 korrik 2019 (17:30 )
Europa League, raund i parë i kualifikueseve

 Laçi 1 –  1 Hapoel Ber Sheva
Shënues: Nuabueze 3′ / Levi 78′
Kartonë të verdhë: Lushkja 63′, Shehu 83′ Sabag 22′, 44′ Shamir, Haselbenk 63′

Laçi: Selmani, Deliu, Fangaj, Gjoni, Ignjatoviç Domgjoni, Teko, Shehu, Lushkja , Nabueze (Berisha 82′), Xhixha (Shtubina 86′). Trajner: S.Starova

Hapoel Ber Sheva: Setkus, Biton, Vitor, Taha, Goldberg, Zrihan (Levi 71′), Haselbek, Shamir, Sabag (Josefi 86′), Marin, Sahar (Karrijo 76′). Trajner:B.Bakhar

EPISODET – 

84′ – Izraelitët i afrohen golit të dytë. Topi ndalet në traversë.

78′ – Gooooool! Barazojnë izraelitët. Goditja e Levit nga brenda zonës së rreptësisë përfundon në trekendësh 

63′ – Dy pritje të njëpasnjëshme të Selmanit mbajnë Laçin në avantazh. 

54′ – Laçi afrohet golit të dytë. Deliu shërben për Nuabuezen, i cili nuk arrin të shtyjë topin pak metra larg portës.

50′ – Xhixha vë në vështirësi portierin izraelit me një goditje nga distanca.

45′ – Mbyllet pjesa e parë!

31′ – Traversa i mohon Xhixhës një gol fantastik. Një goditje nga më shumë se 50 metra largësi për pak sa nuk i siguron Laçit golin e dytë.

24′ – Selmani shpëton Laçin nga një gol i sigurt. Gjuajtja e Zrihan pritet nga portieri i kurbinasve.

15′ – Sabag gjuan nga një largësi e konsiderueshme, Selmani pret në dy kohë!

3′ – Goooool !   Nuabueze debuton me gol. Sulmuesi amerikan dërgon topin në rrjetë pas një harkimi në zonën e kundërshtarit.

]]> https://sportekspres.com/video-zemra-e-lacit-nuk-mjafton-ber-sheva-i-prish-festen/feed/ 0 https://sportekspres.com/tifoze-speciale-per-lacin-dy-ish-et-ne-tribune/ https://sportekspres.com/tifoze-speciale-per-lacin-dy-ish-et-ne-tribune/#respond Thu, 11 Jul 2019 15:21:35 +0000 http://sportekspres.com/?p=280830 Përballja e Laçit me Hapoel Ber Shevën ka tërhequr interesin e shumë sportdashëve dhe tifozëve të klubit kurbinas. Në shkallët e stadiumit ka pasur një takim interesant midis Edmond Dostit dhe Besnik Prengës.

Prenga ish-sulmuesi i Partizanit dhe Dosti “sh-sulmues i Laçit kanë bërë një bisedë në prag të takimit. Vlen për t’u përmendur që një vit më parë Bensik Prenga ishte trajneri i Laçit në kualifikueset e Europa League, ku kurbinasit befasuan duke eliminuar qipriotët e Anorthosis Famagusta pas fitores 1 – 0 në Shqipëri.

Kundërshtari është tepër i fortë, por në Kurbin kanë besim tek ekipi. Fakti që ndeshja zhvillohet në fortesën e tyre rrit shpresat për një rezultat pozitiv në ndeshjen e parë.

3-5-2 ka zgjedhur të rreshtojë Starova ekipin në fushë, ndërkohë që do të debutojnë katërshja: serbi Ignjatoviç në mbrojtje, Shehu dhe braziliani Teko në mesfushë dhe amerikani Nuabueze në sulm, i cili do të formojë repartin ofensiv me Xhixhën.

Në portë është kapiteni Selmani, ndërsa Ignjateviç do formojë treshen e mbrojtjes bashkë me Gjonin dhe Fangajn. Shehu, Lushkja dhe Teko do të formojnë qendrën e mesit të fishës, ndërsa krahët do të mbulohen nga Deliu dhe Domgjoni. Sulmi do të përbëhet nga dyshja Nuabueze-Xhixha. Nga ana tjetër, ekipi izraelit vjen me një rreshtim 4-5-1.

“Mendoj se është një short i fortë, na ra një ekip që ishte më lart se rivalët e tjerë të mundshëm. Prurjet janë të rëndësishme, shpresoj të ambientohen shpejt. Ndeshjet zyrtare tregojnë forcën tonë reale. Nëse nuk kemi besim, s’kemi pse hyjmë në fushë. Hyjmë për të bërë më të mirën”, ka thënë mes të tjerash Selmani për RTSH Sport.

Laçi ndeshjen e parë me Hapoel Ber Sheva e zhvillon të enjten e 11 korrikut, prej orës 17:30. Së shpejti pritet të dalin edhe biletat në shitje, ndërkohë që ende nuk janë publikuar çmimet. Si zakonisht, kurbinasit do të luajnë në stadiumi e tyre, pasi i plotëson kushtet.

Nga ajo që raportohet në mediat izraelitë, thuhet Elhamed është ankuar se ka dhimbje dhe nuk mund të luajë, por dyshohet se e gjithë kjo është një revoltë e 28-vjeçarit për shkak se klubi nuk i ka përmirësuar kontratën.

Elhamed ka pasur një ofertë nga Sëlltiku në Skoci dhe nuk është lënë i lirë, çka ka bërë që ai të ketë pakënaqësi. Kështu, Hapoel Ber Sheva do të duhet të përballet pa të në ndeshjen me Laçin. Nga ana tjetër drejtuesit janë në kërkim të një tjetër mbrojtësi, që mos të kenë probleme sezonin e ardhshëm.

Në një intervistë për “Supersport”, trajneri kryeqytetas flet për afrimet në skuadrën që ai drejton dhe kundërshtarin.

“Kemi një objektiv të parë. Të fitojmë ndeshjen në Laç. Kjo do të na lehtësonte kualifikimin. Objektivi mbetet kalimi i turit, pavarësisht se kemi të bëjmë me një kundërshtar të fortë. Ata kanë vite që luajnë Kupat e Europës, janë një ekip agresiv. Do përpiqemi të marrim masa për këtë gjë”.

“Kemi afruar një lojtarë të mirë si sulmuesi me pasaportë amerikane (Nuabueze), mbrojtësi serb (Ignjatoviç) si dhe dy lojtarë të rinj nga Greqia që do po luftojnë për një vend në formacion. Jemi stërvitur me temperatura të larta, nuk janë kushte optimale për djemtë, por na duhet të përshtatemi”.

Në një intervistë për “RTSH”, trajneri i Laçit, Sulejman Starova, flet mbi përgatitjet që po zhvillon skuadra e tij. Fitoret në miqësore ndaj Teutës dhe Kukësit nuk ngrohin Starovën, i cili thekson se në këto ndeshje testuese i intereson më shumë forma e lojtarëve se sa rezultati.

“Kemi bërë një ndeshje të mira, ku primare nuk ishte rezultati, por paraqitja e lojtarëve. Bëmë dhe një miqësore me Kukësin, dhe në program kemi një ndeshje të dytë me ta. Këtë javë po shikoj kundërshtarin dhe lojtarët që ata kanë afruar rishtazi. Shpresoj që të kuptojmë cilat janë pikat e tyre të forta dhe të dobëta”.

“Ne kemi marrë një sulmues amerikan që vjen pas një përvoje në Kosovë, një mbrojtës qendre (Ignjatoviç), lezhjanin Turkaj dhe dy lojtarë të rinj që kanë ardhur nga Greqia (Zaimi dhe Spahiu), të cilët po shtojnë konkurrencën në skuadër. Them që jemi në rrugë të drejtë, do të bëjmë më të mirën mundshme”.

Ernestas Setkus, i cili në muajin maj mbushi 34-vjeç, ka nënshkruar për dy vite me Hapoel Ber Sheva dhe do të përfitojë shumën e 500 mijë eurove, aq sa Laçi mund të ketë buxhetin për një sezon. Gjithsesi në fushë nuk luajnë paratë dhe futbolli ka treguar se është “karagjoz” dhe nuk pyet për gjëra të tilla.

Setkus, pavarësisht moshës, mbron portën e kombëtares së tij, ndërkohë që ka një “CV” të pasur. Dy sezonet e  fundit ka qenë pjesë e Hapoel Haifa, kurse më parë është aktivizuar rregullisht edhe Ado Den Hag, në elitën e futbollit holandez, sikurse edhe në Turqi me Sivaspor.

Hapoel Ber Sheva do të jetë skuadra kundërshtare e Laçit për ndeshjen kualifikuese të Europa League. Fillimisht, ekipi izraelit do të udhëtojë drejt Shqipërisë për t’u ndeshur me kurbinasit, më pas do të vendoset kualfikimi në Izrael.

Po kush është rivali i Laçit? Ber Sheva është krijuar në vitin 1949, një klub 70-vjeçar. Që nga viti 2007, ekipi izraelit drejtohet nga një femër e suksesshme biznesi, Alona Avka, 49-vjeçe. Gjatë historisë së tyre 70-vjeçare si klub, Hapoel Ber Sheva e ka fituar 5 herë kampionatin izraelit, një “Israel State Cup”, katër “Toto Cup”, katër SuperKupa të Izraelit dhe një “Lilian Cup”.

Që nga sezoni 2015-16, Ber Sheva i luan takimet në stadiumin “Vasermil Stadium”. Trajneri i skuadrës është i riu Barak Bakhar, 39-vjeç. Ky i fundit e drejton skuadrën izraelit që nga viti 2015. Ber Sheva humbi sezonin e shkuar shërbimet e nigerianit Antoni, i cili në 95 ndeshje me klubin, kishte shënuar 35 gola. Po ashtu, sulmuesi është ende lojtari më me shumë gola në Europë për ekipin izraelit, me 7 gola. Tashmë, Antoni është pjesë e Trabzonsporit.

Hapoel Ber Sheva është një ekip që ka luajtur rregullisht në Europë, madje në sezonin 2015-16, turpëroi skuadrën e Interit, në të dyja ndeshjet e grupeve të Europa League. Një fitore 0-2 në San Siro dhe një triumf 3-2 në Izrael, bënë që të gjitha mediat europiane të flasin për Ber Shevën, duke e konsideruar si surprizën e bukur të atij sezoni.

Aktualisht, vlera në treg e lojtarëve të Hapoel Ber Shevës, sipas Transfermarkt, është 17 milionë euro. Qendërmbrojtësi Migel Viktor, i cili dhe shënoi përballë Interit në San Siro 4 sezone më parë, është lojtari më i vlerësuar, 2 milionë euro. Ndërsa mesfushori Xhon Ogu dhe sulmuesi Haselbaink, vlerësohen me nga 1.5 milionë euro, duke plotësuar podiumin me lojtarët më të shtrenjtë në skuadër.