Ndërkaq, në minutat e në vazhdim pritet që klubi të dalë me një komunikatë zyrtare ku të konfirmojë këtë lajm. Ka qenë vetë lojtari që ka shprehur dëshirën që të largohet nga ekipi, ku në harkun e 12 viteve u kthye në një legjendë.

Transferimi pritej të kishte ndodhur para disa ditësh, por pala kineze ndryshoi metodën e pagimit të shumës prej 20 milionë eurosh nga një pagesë e vetme në një pagesë të ndarë me këste, diçka që nuk u pranua nga Napoli. Ky ngërç është zgjidhur tashmë dhe Hamshik do të prezantohet te klubi i ri ku ka firmosur një kontratë 3-vjeçare nga e cila do të përfitojë 27 milionë euro përgjatë tri sezoneve.

Ka qenë vetë klubi napolitan që ka sqaruar se pala kineze prezantoi një kontratë të re, në të cilën ishin ndryshuar kushtet e pagesës së shumës prej 24 milionë eurosh që kërkonte Napoli (nëntë milion ishin në formë bonusesh).

Sipas medieve italiane, pala kineze ka kërkuar që ta paguajë shumën me këste me anë të një marrëveshje huazimi me detyrim blerje, ndërsa klubi i Napolit ka qenë i prerë në kërkesën e tyre për depozitimin e menjëhershëm të parave.

Mbetet për t’u parë se si do të jetë reagimi i lojtarit pas këtyre ngjarjeve të orëve të fundit. Duhet përmendur se sllovaku kishte dhënë “dritën jeshile” për transferimin, pasi kërkesat e tij financiare ishin plotësuar krejtësisht.

Fitorja e sotme ndaj Sampdorias ishte ndeshje e 519-të dhe e fundit me fanellën e napolitanëve. “Sky Sports” raporton se klubi dhe lojtari kanë gjetur akordin me ekipin kinez Dalian Jifang dhe operacioni do të marrë formë zyrtare në orët në vazhdim, sapo lojtari të hedhë firmën në kontratë.

Nga ky transferim Napoli do të përfitojë 15 milionë euro + 9 milionë euro të tjera në formë bonusesh. Kontrata që do të firmosë 31-vjeçari do të jetë e vlefshme për tri vite, ndërsa ende nuk bëhen të ditura detajet e pagës marramendëse që kanë shtyrë lojtarin të marrë këtë vendim.

Hamshik largohet nga Napoli me dy rekorde legjendare. Sllovaku është golashënuesi rekordmen i klubit me 121 gola, duke kaluar Diego Armando Maradonën, i cili ka shënuar 115 gola, ndërsa rekordi tjetër historik i sllovakut është ai numrit më të lartë të paraqitjeve, plot 519-të.

“Ne luajtëm një ndeshje fantastike kundër Liverpulit. Ishte një ndeshje mjaft e vështirë, kjo pasi ata kanë shumë cilësi në sulm, por ne arritëm që të bënim mjaft mirë, kjo për shkak se nuk i lejuam që ta godisnin portën tonë në asnjë rast”.

“Na vjen keq që barazuam në Serbi, pasi ato dy pikë që humbëm mund të kenë një peshë shumë të madhe. PSG është kundërshtari i radhës dhe duhet thënë se ata kanë lojtarë mjaft të mirë në sulm, ashtu si Liverpul. E dimë forcën e kundërshtarit, por dimë dhe si t’u bëjmë ballë. Nuk është momenti për të menduar për atë ndeshje, pasi aktualisht jam shumë i përqendruar tek takimi i radhës me Kombëtaren time”.