Hames

E ardhmja e Hames Rodrigez, dy skenarët e fundit

Sport Ekspres — Wed, 10 Jul 2019 08:46:51 +0000

Hames Rodrigez ende nuk e di se ku do të luajë sezonin e ardhshëm. Mesfushori kolumbian nuk u ble nga Bajerni i Mynihut, ndërkohë që gjatë këtyre ditëve Napoli është klubi që po këmbëngul më së shumti. Gjithsesi Reali i Madridit nuk pranon ta huazojë me të drejtë blerje.

Spanjollët janë të qartë: “Paguani 42 milionë euro”. Napoli po përdor kartën Ançeloti dhe shpreson që t’ia dalë ta marrë Hames në ekip gjatë kësaj merkatoje. Gjithsesi ata nuk janë të vetmit që po e tentojnë kolumbianin.

Atletiko e Madridit lakohet si një nga klubet e interesuara, madje që është e gatshme të paguajë 42 milionët që Reali kërkon. Gjithsesi “Galaktikët” nuk dëshirojnë të përforcojnë rivalët në La Liga dhe dëshira është që Hames të transferohet në Itali.

Napoli konfirmon zërat për Hames, zbulohet dhe Plani B

Sport Ekspres — Wed, 19 Jun 2019 19:44:58 +0000

Prej disa sezonesh tashmë, skuadra e Napolit ka rivalizuar me Juventusin për titullin kampion në Serie A, por nuk ia ka dalë që të parakalojë “Zonjën e Vjetër”, duke u kënaqur me vendin e dytë. Sezonin e rij, napolitanët duan që të jetë ndryshe, prandaj kanë nisur përforcimet.

Flitej për një kalim të Hames Rodrigez në Sao Paolo dhe këto zëra janë konfirmuar nga drejtues të Napolit, të cilët kanë zbuluar dhe planin B në ras se nuk arrihet te firma e fantazistit kolumbian.

Nëse Napoli nuk arrin te firma e mesfushorit të Real Madrid, do të synojë Hirving Lozanon, yllin e PSV-së që shkëlqeu në Botëror me Meksikën.

S’kanë fund telashet te Bajerni, dëmtohet në gju ylli i skuadrës

Sport Ekspres — Wed, 14 Nov 2018 16:31:26 +0000

Bajerni i Mynihut vazhdon ta ketë fati kundër përsa i përket dëmtimeve. Lojtari më i fundit që i është bashkuar infermierisë së tejmbushur të bavarezëve është fantazisti Hames Rodrigez. Në komunikatën e nxjerrë nga klubi gjerman konfirmohet se 27-vjeçari ka pësuar një këputje të pjesshme të ligamentit lateral të gjurit.

Pas këtij dëmtimi mund të thuhet me siguri se Hames e ka mbyllur me futbollin në vitin 2018. Kolumbiani pritet të rikthehet nën urdhrat e Niko Kovaç në muajin janar, kur do të fillojë dhe faza e dytë e sezonit në kampionatin gjerman.

Bad news ?@jamesdrodriguez has suffered a partial LCL tear in his left knee and will be out of action for several weeks ?

Get well soon! #MiaSanMia pic.twitter.com/psCkd2Wxd2

— FC Bayern Munich (@FCBayernEN) November 14, 2018

Hames është mesfushori i tretë i Bajernit që i bashkohet infermierisë, pas Tiago Alkantarës dhe Korentin Tolisos. Fatmirësisht për trajnerin Niko Kovaç, spanjolli do të rikthehet pas pushimit të kombëtarëve, ndërsa për francezi Toliso duhet treguar durim, pasi atij do i duhen dhe të paktën 4 muaj që të shkelë sërish në fushat e blerta.

Mediet gjermane ngrenë alarmin, Hames pranë “divorcit” me Bajernin

Sport Ekspres — Thu, 13 Sep 2018 21:21:23 +0000

Hames Rodrigez nuk është aktivizuar si titullar në dy ndeshjet e para të Bajernit në Bundesligë. Trajneri i ri i baverëve, Niko Kovaç, ka preferuar t’i besojë Tomas Mylerit dhe të riut Gorecka një vend në repartin e mesfushës së Bajernit.

Situata e kolumbianit, ka bërë që në mediet gjermane të përflitet për një ndryshim në vendimet e drejtuesve të klubit në lidhje me të ardhmen e kolumbianit. Sipas “Bild” dhe “Kicker”, përfaqësusesit e lojtarit dhe ato të klubit gjerman mund të bien dakord për një marrëveshje, ku 26-vjeçari të rikthehet sërish në Madrid.

Bajerni mund të aktivizojë verën e ardhshme blerjen e kartonit të lojtarit, falë një klauzole, që është caktuar në vlerën e 42 milionë eurove. Më pas sipas gazetarëve gjerman, kampionët e Gjermanisë mund të shesin menjëherë kartonin lojtarit, duke regjistruar dhe një fitim.

Reali ndërron mendje për Hames, por është tepër vonë…

Sport Ekspres — Sun, 15 Jul 2018 16:03:48 +0000

Hames Rodrigez, duket se është ringjallur pas vetëm një sezon me skuadrën e Bajern Mynihut. Forma e mirë që 27-vjeçari po kalon nuk i ka shpëtuar drejtuesve madrilen, të cilët nuk kanë ngurruar për të filluar sërish negociatat me lojtarin për një kontratë të re.

Por, te Bajerni i kanë marrë masat për këtë skenar. Sipas “Cadena COPE”, ylli kolumbian ka firmosur një para-kontratë me ekipin baravez, që do hyjë në fuqi menjëherë, pasi Bajerni të aktivizojë klauzolën prej 42 milionë eurosh gjatë verës së vitit të ardhshëm.

Mesfushori 27-vjeçar megjithëse pati një fillim të vështirë, ka arritur të përshtatet më së miri me kampionët e Gjermanisë dhe u bë një titullar i padiskutueshëm në formacionin e baravezëve, madje shpeshherë, Hames ka fituar balotazhin me spanjollin Tiago Alkantara, duke e lënë në stol këtë të fundit.

Hames drejt Amerikës, Zidan nuk e preferon

Sport Ekspres — Sat, 14 Oct 2017 21:56:42 +0000

“Don Balon” raporton se në janar Hames Rodrigez mund të largohet nga Bajerni. Mesfushori kolumbian, i huazuar për dy vite nga Real Madridi (për 13 mln euro, me kërkesë të ish-trajnerit të bavarezëve, Karlo Ançeloti). mund të transferohet në kampionatin amerikan. Klubet e interesuara për të janë Orlando Siti dhe Nju Jork Siti.

“Don Balon” thekson se trajneri i Real Madridit, Zinedin Zidan, nuk është një fans i 26-vjeçarit, kështu që rikthimi i tij para kohe në Madrid nuk ka shans të ndodhë. Ai fillimisht duhet të tregojë veten dhe në Mynih këtë nuk e ka bërë.

Hames lë Bajernin, Kolumbia e thërret edhe pse është i dëmtuar

Sport Ekspres — Mon, 28 Aug 2017 14:54:22 +0000

Kolumbia acaron Bajernin. Trajneri i kombëtares amerikano-jugore, Hose Pekerman, ka grumbulluar mesfushorin Hames Rodriguez për dy ndeshjet e radhës, të vlefshme për eliminatoret e Kampionatit Botëror të Rusisë, edhe pse 26-vjeçari ende nuk e ka kaluar plotësisht dëmtimin e tij të fundit në kofshë. Bajerni, faktikisht, priste t’i bënte kontrollet sot, por vetë lojtari ka pranuar të grumbullohet.

Më 31 gusht Kolumbia do të luajë me Venezuelën dhe më 5 shtator me Brazilin. Hames nuk do të jetë dot gati për ndeshjen e parë, por pritet të luajë ndaj brazilianëve. Ai ësht? kapiteni i Kolumbisë, lojtari më i mirë i skuadrës dhe gjithashtu golashënuesi më i mirë.