Sipas tyre kjo ofertë është qesharake sepse Pogba vlen 150 milionë euro. Mjaft i vështirë ky operacion edhe nëse shtohet oferta, pasi merkato në Angli mbyllet më pas vetëm katër ditësh dhe është gati e pamundur që “Djajtë” të gjejnë një zëvendësues për francezin brenda kësaj periudhe.

28-vjeçari dëshiron një kalim te rivalët e qytetit, Atletiko Madrid. Këto të fundit po bëjnë hapa shumë të mirë në rritjen e skuadrës pas gjithë atyre ikjeve. Blerjet nuk pushojnë dhe si duket objekivi i radhës në “Wanda Metropolitano” është Hames Rodrigez.

Favori i spanjollëve është edhe se mund të ofertojnë një shifër më të madhe se italianët, duke parë milionat e ardhura nga shitjet e Grizman dhe Rodrit. Bëhet fjalë për një shumë prej rreth 42 milionë euro.

“Nuk e di nëse ai do firmosë për ne, por me siguri po, shpresoj. E njoh shumë mirë. Ai luan kudo si mesfushor. E kam përdorur në krah të majtë, prapa sulmuesit dhe në të djathtë. Pozicioni i tij nuk është aspak problem. Sa i përket numrit ‘10’, gjeja më e rëndësishme është që Hames të veshë fanellën e kaltër, i shkon mjaft. Numri nuk është i rëndësishëm”, u shpreh strategu italian.

Maradona Zhunior ka komentuar në një postim, ku Hames shfaqet duke shijuar pushimet. “Eja në Napoli! Po të presim”, shkruan ai në hapësirën e komenteve. Mbetet për t’u parë nëse Hames do e gëzojë djaloshin, duke ardhur në Napoli.

 

View this post on Instagram

 

?

A post shared by James Rodríguez (@jamesrodriguez10) on Jul 6, 2019 at 10:37am PDT

“Kemi disa opsione në tavolinë dhe njëri prej tyre është edhe Hames. Do bëjmë atë çfarë është më e mirë për Napolin. Kemi gjetur të paktën pesë qendërmbrojtës, por nuk mund të na pëlqejnë të gjithë. Do të mundohemi të bëjmë zgjedhjen më të mirë, tifozët na e kanë besuar këtë.”

“Ne e pranuam kërkesën e Albiol sepse ajo ishte dëshira e tij dhe nuk e refuzonim dot. Deshi të largohej edhe dy vite më parë, por arritëm ta mbanim. Kemi Kirikles dhe Maksimoviç, që janë kandidatë për të qëndruar krah Kulibali. Po tentojmë të bëjmë hapa të tjerë para, por të shohim se ç’do ndodhë”, përfundoi De Laurentis.

Portugezi e ka një emër dhe ai është Hames Rodriges. Kolumbiani pritet të kthehet në Madrid këtë verë për t’u shitur më pas në një prej gjigantëve evropianë. Çmimi dysheme që Real i ka caktuar yllit të tij është 50 milionë euro. Ardhja e Hames Rodriges do të shtonte shumë cilësi në sulm. Megjithatë, nuk pritet të ketë shumë zhvillime në merkaton e kampionëve italianë deri në ardhjen e trajnerit të ri. Ai pritet të thotë fjalën e fundit për çdo lëvizje gjatë kësaj vere.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Rashica gjatë muajit mars ia ka dalë të shënojë plot gjashtë gola, ndërkohë që ka tentuar 12 herë të gjejë rrugën e rrjetës. Anësori numëron edhe një asist. Shifrat më të mira nuk i ka futbollisti dardan, pasi Maks Kruz për shembull ka bërë më mirë te Verderi: 6 gola, 16 gjuajtje në portë dhe tre asiste.

Levandoski është lojtari me shifrat më të frikshme: 6 gola, 28 gjuajtje në portë dhe 9 shanse të krijuara prej tij. Hames Rodrigez, kolumbiani i Bajernit, ka shënuar 4 gola, ka goditur 10 herë në kuadrat dhe ka dhënë një asist. Një muaj shumë i mirë edhe për Filip Kostiç: 3 gola, 12 gjuajtje në kuadrat dhe 2 asiste.

Marsel Halstenberg është nga ata lojtarë që nuk bie në sy për golat e shënuar. Është mesfushor dhe normalisht ka të tjera detyra. Futbollisti i Lajpzig ka krijuar 10 shanse për skuadrën e tij, ka goditur 4 herë kuadratin dhe ka pasur një përqindje të mirë të pasave të sakta, konkretisht 78.3% të tyre.

Kosto e blerjes përfundimtare të 27-vjeçarit është 47 milionë euro dhe tani ka ardhur momenti për të vendosur.

Sipas medies së njohur gjermane “Bild”, dyshja drejtuese e Bajerit, Uli Hënes dhe Karl-Hainc Rumenige nuk ndajnë të njëjtin mendim për të ardhmen e lojtarit. Presidenti Hënes është kundër blerjes së lojtarit, ndërsa drejtori ekzekutiv, Rumenige, është pro.

Hames u shpall lojtari i muajit mars nga faqja zyrtare e Bundesligës pas paraqitjeve fenomenale me baravarezët. Kolumbiani pati një fillim sezoni të dobët, por tani është vënë në “marshin” e duhur dhe po tregon se është i aftë të bëjë diferencën.

Prej kohësh në qendër të vëmendjes ka qenë kolumbiani Hames Rodrigez. Mesfushori i avancuar i Bajernit të Mynihut pritet të largohet nga Gjermania në verë, të paktën kështu përflitet. Juventusi e ka ndjekur prej kohësh dhe një deklaratë e babait të tij një ditë më parë nuk lë vend për shumë interpretim.

Uillson, për “Bild” deklaroi: “Hamesin e shoh shumë të heshtur te Bajerni i Mynihut dhe nuk më duket i lumtur. Juventusi do të ishte një opsion shumë i mirë për të. Ai dhe Kristiano Ronaldo janë shumë miq me njëri-tjetrin dhe ashtu si e shoh unë sot futbollin italian, kalimi te bardhezinjtë do të ishte një vendim shumë i mirë”.

SHIFRAT DHE… DIBALA – Për të arritur te Hames Rodrigez Juventusi e ka çelësin. Futbollisti 27-vjeçar menaxhohet nga Zhorzh Mendesh, i cili transferoi edhe Ronaldon në Torino. Menaxheri i njohur është gati t’i “dhurojë” edhe kolumbianin bardhezinjve dhe kjo marrëveshje mund të mbyllet për shumën e 55 milionë eurove.

Nga ana tjetër Paolo Dibala është ai që vihet në presion. Argjentinasi nga ana tjetër kërkon të tregojë vlerat e tij dhe do mundohet që deri në fund të sezonit të ndihmojë skuadrën në arritjen e objektivave. Gjasat janë që në verë ai të transferohet diku tjetër, duke parë  edhe “shterpësinë” ë tij. Vetëm dy gola në 19 ndeshje janë një shifër e vogël, sidomos kur kujton se vjet realizoi 22 në Serie A.

Drejtuesit e klubit vazhdojnë punën për përforcimin e skuadrës dhe po ndjekin një mënyrë ndryshe. Interesim për shumë lojtarë, duke i mbajtur të gjithë në monitorim. Por, objektivi kryesor është Hames Rodrigez dhe në Spanjë janë të sigurt për këtë fakt.

Kolumbiani është pjesë e Bajernit të Mynihut, por kartoni i tij zotërohet nga Reali i Madridit. “El Pais” citon që Juventus është gati për të arritur një marrëveshje për transferimin e 27-vjeçarit në Torino. Flasim për në verë, Bajerni nuk dëshiron të paguajë çmimin e kartonit dhe drejtuesit e Juves do ta kenë rrugën e lirë për të nisur tratativat me lojtarin ofensiv.

Një gjë tjetër që lehtëson këtë transferim është dhe fakti që Rodrigez ka si menaxher Horge Mendez. Ky i fundit ka raporte fantastike me klubin italian dhe një gjëq e tillë u pa në merkaton e verës, me transferimet e Kristiano Ronaldos dhe Kanselos te “Zonja e Vjetër”.

Juventusi është gati dhe mund ta blejë për një shifër normale për ta. Te Reali zor se do të ketë vend për mesfushorin e avancuar. Bardhezinjtë e kanë kërkuar edhe në të shkuarën, por nuk ishin të gatshëm të paguanin shumën e 60 milionë eurove pas transferimit në Spanjë.

Rreth 40 milionë duhet të paguante Bajerni për Hames, ndërkohë që në verë Reali mund ta shesë edhe për më pak. Kjo është mundësia më e mirë për Juventusin që ta blejë kolumbianin. Rol kyç në transferimin e tij mund të luajë edhe Zhorzh Mendesh.

Ky i fundit solli në verë edhe Kristiano Ronaldon te Juventusi, ndaj edhe ndikimi i tij është thelbësor në këtë lëvizje. Bardhezinjtë në aspektin e objektivave bindin këdo, problemi është te hapësirat që do të gjente Hames në Torino.

Pas këtij dëmtimi mund të thuhet me siguri se Hames e ka mbyllur me futbollin në vitin 2018. Kolumbiani pritet të rikthehet nën urdhrat e Niko Kovaç në muajin janar, kur do të fillojë dhe faza e dytë e sezonit në kampionatin gjerman.

Bad news ?@jamesdrodriguez has suffered a partial LCL tear in his left knee and will be out of action for several weeks ?

Get well soon! #MiaSanMia pic.twitter.com/psCkd2Wxd2

— FC Bayern Munich (@FCBayernEN) November 14, 2018

Hames është mesfushori i tretë i Bajernit që i bashkohet infermierisë, pas Tiago Alkantarës dhe Korentin Tolisos. Fatmirësisht për trajnerin Niko Kovaç, spanjolli do të rikthehet pas pushimit të kombëtarëve, ndërsa për francezi Toliso duhet treguar durim, pasi atij do i duhen dhe të paktën 4 muaj që të shkelë sërish në fushat e blerta.

Gjithsesi tanimë ndryshon puna, pasi trajneri Niko Kovaç nuk po e aktivizon shumë sulmuesin. Deri më tani ai ka luajtur vetëm katër ndeshje si titullar dhe është i pakënaqur. Këtë edhe e ka shprehur, madje ka pasur polemika për faktin se tekniku i bavarezëve komunikon në gjuhë sllave.

Horge Mendez, menaxheri i i sulmuesit, po mendon ta largojë klientin e tij. Gjërat janë konkrete, pasi ai ka kontaktuar edhe dy drejtuesit më të lartë të klubit gjerman, Uli Hënes dhe Karl-Hainz Rumenige. Aty u është bërë e qartë se dëshira është që Hames të ndryshojë ekip.

Kjo mund të ndodhë madje që në muajin janar, me Juventusin e interesuar për kolumbianin. Sipas asaj që raporton “Bild”, klubet mund të arrijnë marrëveshjen për shumën e 60 milionë eurove. Mendez ka transferuar këtë verë te Juventusi Kristiano Ronaldon dhe raporti me Fabio Paratiçin janë mjaft të mirë.

Hames ka qenë një objektiv i kahershëm i bardhezinjve dhe duket se ka ardhur momenti për të bashkëpunuar. Italianët po kërkojnë të përforcohen edhe më shumë, pasi duan të fitojnë me çdo kusht Ligën e Kampioneve.

“Nuk mund ta kujtoj kur e kam parë Bajernin kaq keq, madje as në kohën time. Nuk kishte entuziazëm, asnjë gjuhë trupore, asnjë emocion”, u shpreh fillimisht Mateus në analizën e tij në “Sky Sport”.

Më tej ish-mesfushori foli për emra të përveçëm dhe kritika pati edhe për kolumbianin Hames Rodriguez, si dhe për Robert Levandovksin. “Hames ka pretendime të mëdha, por Niko Kovaç mund të ketë arsyet e tij pse e ka aktivizuar rrallë titullar në javët e fundit. Dhe nëse ai luan sikur ndaj Gladbah, ai nuk ka të drejtë të jetë në formacion”.

“Robert Levandovksi ka qenë shumë pak në kontakt me topin, ndërkohë që një ose dy herë ishte pranë portës kundërshtare. Por kjo nuk është e mjaftueshme për një lojtar si ai, me kualitetin dhe mentalitetin që ka”.

Kritika edhe për mbrojtjen, me Goreckën që Mateus e sheh “si një trup të huaj te Bajerni”. Në shënjestër edhe Humels e Sule. Tre golat e pësuar sigurisht që nuk mund t’i përjashtonin ata nga kritikat.

Lojtarët kanë filluar të mërziten me trajnerin e tyre dhe kolumbiani Rodrigez ka shpërthyer ndaj Niko Kovaç siç citon gjermanja “Bild”. “Këtu nuk jemi në Frankfurt” i është drejtuar kolumbiani trajnerit Kovaç, i lodhur nga lëniet jashtë loje dhe rrotacioni i shpeshtë i trajnerit, duke i kujtuar ish-ekipin e tij.

Atmosfera në dhomat e zhveshjes nuk është e mirë dhe ka dhe të tjerë lojtarë, të cilët nuk e durojnë dot faktin që Kovaç dhe stafi i tij komunikojnë në gjuhën kroate gjatë stërvitjeve të ekipit, duke treguar mungesë respekti për lojtarët, të cilët nuk kuptojnë asgjë nga bisedat mes trajnerit dhe bashkëpunëtorëve të tij.

Vjet ai u aktivizua 23 ndeshje dhe shënoi 7 gola, ndërkohë që këtë sezon në katër ndeshje ka shënuar dy herë. Madje duhet thënë se vetëm një takim e ka nisur nga minuta e parë.

Hames është i huazuar deri në fund të sezonit, por te Bajerni janë gati të përdorin klauzolën për ta blerë. Gjermanët, sipas marrëveshjes me Realin, janë të gatshëm të paguajnë shifrën e 42 milionë eurove.

Kanë nisur ndërkohë bisedimet me menaxherin Horge Mendez dhe synohet të nënshkruhet një kontratë e vlefshme deri në vitin 2023. Hames është i lumtur në Mynih dhe synohet që marrëveshja të mbyllet së shpejti, në mënyrë që edhe lojtari të jetë i qartë për të ardhmen e tij.

27-vjeçari është rikthyer në formën e tij më të mirë dhe po jep një kontribut të madh në ekipin e drejtuar nga Niko Kovaç. Pasi shënoi një gol të bukur me kokë, pas krosimit të Kimish, mesfushori ofensiv dështoi të shënonte golin e dytë personal përballë Shalkes.

Bavarezët ndërmorën një sulm të rrezikshëm dhe Rodrigez kishte shansin për të shënuar me portën bosh, por çuditërisht ai e nxori topin jashtë. Megjithatë, lojtari nuk u demoralizua dhe më vonë arriti të fitonte një penallti dhe Levandovski shënoi duke vulosur fitoren e radhës për gjigandët bavarez.

Agjencia Tatimore e vendit iberik i kishte kërkuar lojtarit të paguante 11.6 milionë euro, por tashmë do i duhet të paguajë vetëm 4 milionë euro. Thesari konsideroi në fillim sjelljen e Rodrigez si një mashtrim fiskal, por ai ka arritur të shmangë rastin duke përdorur mjete administrative.

Mosmarrëveshja nisi në vitin 2014, kur 27-vjeçari u transferua nga Monako për te Reali i Madridit. Agjencia konsideroi që Hames kishte transferuar aktivitetin e tij ekonomik në Spanjë, kështu që ai duhet të paguante për tre milionë eurot që kishte fituar atë vit me Monakon.

Pavarësisht si gjysmën e parë të atij viti, ai jetonte në Montekarlo, Agjencia e konsideroi atë si një rezident në Spanjë. Në fillim Hames duhet të paguante 6.35 milionë euro, që duke llogaritur dhe përqindjet e interesit dhe gjobën, shuma shkonte në shifrën e 11.65 milionë eurove. Me ndryshimin e kritereve të saj, Agjencia Tatimore e konsideron shumë e mashtruar 3.6 milionë euro dhe duke përfshirë dhe 400 mijë euro interesa, atëherë, shuma totale shkon në 4 milionë euro.

Lojtari duhet të përgjigjet dhe për 12 milionë eurot, që mori për shitjen e të drejtave të imazhit te menaxheri i famshëm, Horge Mendesh. Pavarësisht zvogëlimit të shumës së kërkuar, lojtari duhet të dalë në gjyq për të argumentuar se deklarata e tij tatimore e vitit 2014, ishte në rregull që nga fillimi.