Juventusi “merr vrull” në merkato, firmos me zbulimin e Serie A

Sport Ekspres — Wed, 12 Jun 2019 17:58:59 +0000

Juventusi është konfirmuar prej kohësh si “magneti” më i fuqishëm i talenteve të Serie A. “Zonja” ka siguruar një tjetër yll premtues dhe ai quhet Hamed Traore.
19-vjeçari këtë sezon është aktivizuar me Empolin dhe ka luajtur të gjitha ndeshjet e kampionatit. Lojtari nga Bregu i Foldishtë ka firmosur me Juventusin një kontratë afatgjatë.

Shuma e transferimit të tij është 15 milionë euro. Duke parë konkurencën e madhe të një ekipi si Juventus, i riu fillimisht do të huazohet në një ekip brenda Italisë.

Sasuolo, Sampdoria dhe Kaliari janë klubet që mund të përfitojnë nga shërbimet e tij sezonin e ardhshëm. Traore është një lojtar shumë inteligjent dhe në të ardhmen pritet të jetë një nga lojtarët kryesor të kampionëve të Italisë.

ALLIANZ STADIUM, TORINO, ITALY – 2019/03/30: Hamed Junior Traore of Empoli Fc during the Serie A football match between Juventus Fc and Empoli Fc . Juventus Fc wins 1-0 over Empoli Fc. (Photo by Marco Canoniero/LightRocket via Getty Images)

Pogba? Jo, Juventusi synon pasardhësin e francezit

Sport Ekspres — Sat, 01 Jun 2019 09:34:54 +0000

Hamed Traore është ylli, që e bën Juventusin të heqë dorë nga Pol Pogba. Ky i fundit mund të rikthehet në shtëpinë bardhezi, por asgjë nuk duket e lehtë. Çmimi i lartë i tij dhe futja e Real Madridit në garë i dërgon drejtuesit e klubit italian drejt një ideje tjetër. Mesfushori i Empolit është një futbollist tepër interesant.

19-vjeçari shihet nga specialistët si një ndërthurje mes profileve të Pogba dhe Kante. Empoli pas rënies nga Serie A do e lërë të largohet djaloshin nga Bregu i Fildishtë. Shifra e transferimit të tij nuk pritet të jetë më shumë se 20 milionë euro. Juventusi do të përfitonte një talent shumë premtues për mesfushën dhe nuk do të kishte harxhimin e një blerje si Pogba.